பாஸ் லினக்ஸ்

பாஸ் லினக்ஸ்
பாஸ் 4.0 (Savir)
இணையத்தளம்	www.bosslinux.in
நிறுவனம்/ விருத்தியாளர்	சிடாக்
இயங்குதளக் குடும்பம்	லினக்ஸ்
மூலநிரல் வடிவம்	இலவச மற்றும் திறந்த மென்பொருள்
பிந்தைய நிலையான பதிப்பு	4.0 /
கிடைக்கும் மொழிகள்	இந்திய மொழிகள்(Indian languages)
Package manager	dpkg
கேர்னர்ல் வகை	Monolithic kernel, Linux
இயல்பிருப்பு பயனர் இடைமுகம்	குனோம்

பாஸ் லினக்ஸ் டெபியன் லினக்ஸிலிருந்து தருவிக்கப்பட்ட ஒரு லினக்ஸ் வழங்கலாகும். பாஸ் (BOSS) எனும் பெயரானது "இந்திய இயங்குதளத் தீர்வுகள்" என்று பொருள்படும் ஆங்கில வாக்கியமான "Bharat Operating System Solutions" என்பதன் அஃகுப்பெயர் (acronym). இந்தியச்சூழலுக்கு ஏற்ற வகையில் உருவாக்கப்பட்டுள்ள இந்த லினக்ஸ் வழங்கல் 18-க்கும் மேற்பட்ட இந்திய மொழிகளில் இயங்கும் சிறப்பிணைக்கொண்டுள்ளது. பள்ளிக்குழந்தைகளுக்காக பாஸ் லினக்ஸை அடிப்படையாககொண்டு எடுபாஸ்(EduBOSS) எனும் பெயருடைய மற்றொரு லினக்ஸ் வழங்கலும் உருவாக்கப்பட்டுள்ளது.

பதிப்புகள்

• பாஸ்-4.0 (தற்போதைய பதிப்பு)
• பாஸ்-3.0
• பாஸ்-2.0
• பாஸ்-1.0

இந்தியாவில் பயன்படுத்தப்படும் மாநிலங்கள், இடங்கள்

• கேரளா - பள்ளிக்கான தகவல் தொழில்நுட்பம்(IT for School) என்ற திட்டத்தின் கீழ் பல்வேறு பள்ளிகளில் எடுபாஸ்(EduBOSS) பயன்படுத்தப்படுகிறது.
• கேரளா - பாலக்காடு உள்ளிட்ட சில பகுதிகளில் உள்ள நகராட்சி அலுவகம் போன்ற அலுவலகங்களில் பயன்படுத்தப்படுகிறது.
• தமிழ்நாடு - தமிழ்நாடு அரசு அறிவித்துள்ள பள்ளி மாணவர்களுக்கான மடிக்கணிணிகளில் (சுமார் 9,00,000 மடிக்கணிணிகளில்) பாஸ் லினக்ஸ் நிறுவப்பட்டு பயன்படுத்தப்படவுள்ளது.
• உத்திரபிரதேசம் - அரசு அலுவலகங்களில் பயன்படுத்தப்படுகிறது.
• ஹரியானா - சுமார் 2,600-க்கும் மேற்ப்பட்ட பள்ளிகளில் உள்ள 52,000-க்கும் மேற்ப்பட்ட கணிணிகளில் நிறுவப்பட்டு வெற்றிகரமாக பயன்படுத்தப்பட்டுவருகிறது.
• தமிழக அரசு நவம்பர் 9 2011அன்று வெளியிட்டுள்ள அரசாணையின்படி (PDF கோப்பு), தமிழக அரசின் தலைமைச்செயலகத்தில் உள்ள தகவல்தொழில்நுட்பதுறை மற்றும் பிற துறைகளிலும் பாஸ் லினக்சு நிறுவப்பட்டு பயன்படுத்தப்பட உள்ளது.

வெளி இணைப்புகள்

• பாஸ் லினக்சின் அதிகாரப்பூர்வ இணையதளம்
• பாஸ் லினக்ஸின் மன்றம்(forum)
• பாஸ் லினக்ஸின் விக்கிதளம்
• பாஸ் லினக்ஸை தரவிறக்க

உசாத்துணைகள்

=