பார்த்திபன் கனவு (புதினம்)
இக்கட்டுரை நூல் பற்றியது. திரைப்படம் பற்றி அறிய பார்த்திபன் கனவு கட்டுரையைப் பார்க்க.
 | |
| நூலாசிரியர் | கல்கி கிருஷ்ணமூர்த்தி |
|---|---|
| பட வரைஞர் | வினு |
| நாடு | இந்தியா |
| மொழி | தமிழ் மொழி |
| வகை | வரலாற்றுப் புதினம் |
| வெளியீட்டாளர் | வானதி பதிப்பகம் |
பார்த்திபன் கனவு, கல்கி கிருஷ்ணமூர்த்தி கல்கி இதழில் தொடராக எழுதிய புகழ் பெற்ற வரலாற்றுப் புதினமாகும். இது பின்னர் நூலாக வெளிவந்தது. இச்சரித்திரக் கதையில் பார்த்திபன் எனும் சோழ மன்னரின் கனவு அவரின் புத்திரன் மூலம் எவ்வாறு நிறைவேறுகின்றது என்பது அழகாகக் கூறப்பட்டுள்ளது. நரசிம்ம பல்லவன், சிறுத்தொண்டர் என்கின்ற பரஞ்சோதி போன்ற வரலாற்றுப் பாத்திரங்கள் இக்கதையில் வருகின்றனர்.
கதைச் சுருக்கம்[தொகு]
ஒரு காலத்தில் பேரரசாக விளங்கிய சோழப் பேரரசு பல்லவர்களுக்கு அடிமையான நாடாகிப் போனது. பல்லவர்களுக்கு கப்பம் கட்டும் சுதந்திரம் அற்ற ஒரு குறுநில அரசானது. சோழ அரசனான பார்த்திபன் தனது மகனான விக்கிரமனுக்கு சோழ அரசு மீளவும் தனது இழந்த புகழைப் பெற வேண்டும் என்று அறிவூட்டுகின்றான்.
பல்லவ மன்னனான நரசிம்மவர்மனுக்கு கப்பம் கட்ட மறுக்கும் பார்த்திபன், பல்லவ மன்னனை வீரத்துடன் எதிர்த்து மரணமடைகின்றான். இதன் பின்னர் சோழ நாடு பல்லவரிடம் இருந்து எவ்வாறு சுதந்திரம் பெற்றது என்பதை கதை சொல்கின்றது. கதையின் பெரும் பகுதி சோழ இளவரசனான விக்கிரமன், படகோட்டி பொன்னன், பொன்னனின் மனைவி வள்ளி, சோழ சேனாதிபடி மாரப்ப பூபதி போன்றோரைச் சுற்றி நிகழ்கின்றது.
இடைக்கிடையில் சிவ பக்தர் வேசத்தில் ஒருவர் வந்து இளவரசனுக்கு உதவி செய்கின்றார். பின்னர் இந்த சிவ வேசத்தில் வந்தவர் யாருமல்ல பல்லவப் பேரரசன் நரசிம்மனே ஆகும். இதேவேளை நரசிம்மனின் நரபலி போன்றவற்றிற்கு எதிரான செயற்பாடுகளையும் கதை காட்டுகின்றது. மேலும் 63 நாயன்மார்களில் ஒருவரான பரஞ்சோதி அடிகள்[1] அல்லது சிறுத்தொண்டர் எனப்படும் நாயனார் பற்றிய சம்பவங்களும் இடம் பெறுகின்றன.
சிறுத்தொண்டர், வாதாபி வரை நரசிம்மனின் படையை நடத்திச் சென்று புலிகேசியை அவன் தலைநகரான வாதாபியிலேயே வதம் செய்த சேனாதிபதியாவார்.
வாசகர்கள் கல்கியின் சிவகாமியின் சபதம் புதினத்தை வாசித்தபின் பார்த்திபன் கனவை வாசித்தால் சிவகாமியின் சபதத்தில் வரும் பல கதாபாத்திரங்கள் பார்த்திபன் கனவிலும் தொடர்வதை ரசிக்கலாம்.
உண்மைச் சரித்திரப் பாத்திரங்கள்[தொகு]
இது ஒரு புதினம் என அறியப்பட்டாலும் இது சரித்திரத்தில் உள்ள பாத்திரங்கள், சம்பவங்களை அடிப்படையாகக் கொண்டு எழுதப்பட்டுள்ளது. பின்வரும் பாத்திரங்கள் உண்மையாகவே வரலாற்றில் வாழ்ந்தோராகும்.
- முதலாம் நரசிம்ம பல்லவன்
- சிறுத்தொண்டர் - நரசிம்மரின் சேனாதிபதி
- இரண்டாம் புலிகேசி - சாளுக்கிய மன்னன்
- சுவான்சாங் - சீன பயணி
- நரசிம்மரின் நரபலியைத் தடுக்கும் முன்னெடுப்புகள்
இவற்றையும் பார்க்க[தொகு]
வெளி இணைப்பு[தொகு]
- மதுரை திட்டம் மின் நூல்
- பார்த்திபன் கனவு ஒலிப் புத்தகம்
- பார்த்திபன் கனவு - ஒலிப் புத்தகம் - பாகம் 1 பரணிடப்பட்டது 2019-11-27 at the வந்தவழி இயந்திரம்
- பார்த்திபன் கனவு - ஒலிப் புத்தகம் - பாகம் 2 பரணிடப்பட்டது 2019-11-27 at the வந்தவழி இயந்திரம்
- பார்த்திபன் கனவு - ஒலிப் புத்தகம் - பாகம் 3 பரணிடப்பட்டது 2019-11-27 at the வந்தவழி இயந்திரம்
- ↑ B. Kolappan (2023-11-23). "A warrior from a remote village who conquered a great city of Chalukyas". The Hindu (in Indian English). பார்க்கப்பட்ட நாள் 2023-11-26.