பாபி ஃபிஷர்
 |
||
| முழுப் பெயர் | ராபர்ட் ஜேம்ஸ் ஃபிஷர் | |
| நாடு | அகூநா, ஐஸ்லாந்து | |
| பிறப்பு | மார்ச்சு 9, 1943 சிக்காகோ, இலினோய், ஐக்கிய அமெரிக்கா |
|
| இறப்பு | சனவரி 17 2008 (அகவை 64) ரெய்க்கியாவிக், ஐஸ்லாந்து |
|
| பட்டம் | கிராண்ட்மாஸ்டர் | |
| உலக சாம்பியன் | 1972-1975 (FIDE) | |
| எலோ தரவுகோள் | 2785 (ஜூலை 1972) | |
பாபி ஃபிஷர் (Robert James "Bobby" Fischer, மார்ச் 9, 1943 – ஜனவரி 17, 2008) [1] [2]அமெரிக்காவில் பிறந்த சதுரங்க மேதை ஆவார். இவர் இறக்கும்போது ஐஸ்லாந்தின் குடிமகனாக இருந்தார். அதிகாரபூர்வ உலக சதுரங்க வீரர் என்ற பட்டத்தைப் பெற்ற ஒரேயொரு அமெரிக்கர் இவராவார். 1972 இல் உலக சம்பியனான போரிஸ் ஸ்பாஸ்கியை வென்று இப்பட்டத்தைப் பெற்றார். 1975 இல் இடம்பெற்ற உலக சம்பியன் போட்டியில் இவர் இட்ட நிபந்தனைகளை பன்னாட்டு சதுரங்கக் கூட்டமைப்பு (ஃபீடே) ஏற்க மறுத்ததால் ஃபிஷர் இப்போட்டிகளில் பங்குபற்ற மறுத்து விட்டார். இதனால் இவரது சம்பியன் பட்டமும் பறிபோனது. இருந்தாலும் இவர் சதுரங்க ஆட்ட வரலாற்றிலேயே மிகப்பெரும் ஆட்டக்காரர்களில் ஒருவராகக் கணிக்கப்படுகிறார்.
1992 இல் ஸ்பாஸ்கியுடன் சதுரங்க போட்டி ஒன்றில் கலந்து கொள்ள யூகொஸ்லாவியா சென்றார். யூகொஸ்லாவியா மீது ஐநா தடை விதித்திருந்தது காரணமாக இவர் மீண்டும் தனது நாட்டுக்கு திரும்பவில்லை. பிஷருக்கும் அமெரிக்க அரசுக்கும் இடையில் இதனால் முறுகல் நிலை ஏற்பட்டது. ஹங்கேரியில் சிறிது காலம் வாழ்ந்த பிஷர் பின்னர் ஜப்பான் சென்றார். அங்கு அவரது கடவுச்சீட்டு பறிமுதல் செய்யப்பட்டு 9 மாதங்கள் 2004-2005 இல் தடுப்புக்காவலில் இருந்தார். 2005 இல் ஐஸ்லாந்து குடியுரிமை பெற்று இறக்கும் வரையில் அங்கு வசித்து வந்தார்[3][4]. இவரது கடைசிக் காலங்களில் இவர் அமெரிக்காவுக்கு எதிராக கருத்துகள் தெரிவித்தமைக்காக பிரபலம் அடைந்திருந்தார்[5]. இவரது தாயார் ஒரு யூதர் ஆவார்.
மேற்கோள்கள் [தொகு]
- ↑ "Chess Champion Bobby Fischer Has Died". The Post Chronicle. 2008-01-17. http://www.postchronicle.com/news/original/article_212125300.shtml. Retrieved 2008-01-17.
- ↑ "பொபி பிஷ்சர் ஆட்டத்திறனும் இயல்புகளும". பிபிஸி. 2008-01-17. http://www.postchronicle.com/news/original/article_212125300.shtml. Retrieved 23 ஜனவரி 2008.
- ↑ "Chess Champion Bobby Fischer Has Died". The Post Chronicle. 2007-01-17. http://www.postchronicle.com/news/original/article_212125300.shtml. Retrieved 2007-01-17.
- ↑ Chess legend Fischer dies at 64, BBC News, 2008-01-18
- ↑ Bobby Fischer interviewed by Pablo Mercado, Radio Bomba, September 12 2001, accessed September 2 2006
வெளி இணைப்புகள் [தொகு]
| முன்னர் போரிஸ் ஸ்பாஸ்கி |
உலக சதுரங்க வீரர் 1972–1975 |
பின்னர் அனத்தோலி கார்ப்பொவ் |
| முன்னர் ஆர்தர் பிஸ்கையர் |
ஐக்கிய அமெரிக்க சதுரங்க வீரர் 1958–1960 |
பின்னர் லாரி எவன்ஸ் |
| முன்னர் லாரி எவன்ஸ் |
ஐக்கிய அமெரிக்க சதுரங்க வீரர் 1962–1966 |
பின்னர் லாரி எவன்ஸ் |
|
||||||||
