பாதுகாப்புப் பத்திரமயமாக்கல்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

பாதுகாப்புப் பத்திரமயமாக்கல் என்பது, கடன் அம்சங்களை ஒரு தொகுப்பில் சேர்ப்பதன் மூலம் இடரைப் பகிர்ந்தளித்து, பின்னர் அந்தத் தொகுப்பினால் ஆதரிக்கப்படும் புதிய பாதுகாப்புப் பத்திரங்களை வழங்கும் ஒரு கட்டமைக்கப்பட்ட நிதி செயலாக்கமாகும். "பாதுகாப்புப் பத்திரமயமாக்கல்" என்ற சொல்லானது, முதலீட்டாளர்களிடமிருந்து நிதிகளைப் பெறப் பயன்படுத்தப்படும் நிதியியல் அம்சங்களின் வடிவமே பாதுகாப்புப் பத்திரங்களாகும் என்ற உண்மையிலிருந்து வந்திருக்கிறது. சொத்துவிவர இடரானது பொது கூட்டக நிறுவனக் கடனைப் போலல்லாமல் மெதுவாக நிலைமாறும் பணப்புழக்கத்தினால் சமாளிக்கப்படுவதால், காலம் மற்றும் கட்டமைப்பைச் சார்ந்த நிலைமாறும் தன்மையில் ஏற்படும் மாற்றங்களின் காரணமாக, பாதுகாப்புப் பத்திரமயமாக்கப்பட்ட கடனின் கடன் தரமானது நிலையற்றதாக உள்ளது. பரிவர்த்தனையானது முறையாகக் கட்டமைக்கப்பட்டு, தொகுப்பானது எதிர்பார்த்தபடி செயல்பட்டால், கட்டமைக்கப்பட்ட கடனின் பகுதிகளின் கடன் இடரும் மேம்படும்; முறையாக கட்டமைக்கப்படாவிட்டால், அதனால் பாதிக்கப்பட்ட பகுதிகள் வியக்கத்தக்க அளவிலான கடன் வீழ்ச்சி மற்றும் இழப்பைச் சந்திக்கும்.[1] பணப்புழக்கத்துடன் தொடர்புடையதாக இருக்கும் வரை, அனைத்து சொத்துகளையும் பாதுகாப்புப் பத்திரமயமாக்கலாம். ஆகவே, பாதுகாப்புப் பத்திரமயமாக்கல் செயலாக்கங்களினால் கிடைக்கும் பாதுகாப்புப் பத்திரங்கள் சொத்து-ஆதரவு பாதுகாப்புப் பத்திரங்கள் என அழைக்கப்படுகின்றன (ABS). இந்தக் கண்ணோட்டத்தில், பாதுகாப்புப் பத்திரமயமாக்கல் என்பதை ஒரு ABS ஐ வழங்கும் விளைவைத் தரக்கூடிய நிதி செயலாக்கம் என வரையறுக்கலாம்.

பாதுகாப்புப் பத்திரமயமாக்கலானது பெரும்பாலும் சிறப்புத் தேவை கருவியைப் (SPV) பயன்படுத்திக்கொள்கிறது, அதை சிறப்புத் தேவை முழுமைத்தொகுதி (SPE) அல்லது சிறப்புத் தேவை நிறுவனம் (SPC) என்றும் அழைக்கப்படுகிறது, இதனால் திவாலாகும் ஆபத்து குறைக்கப்படுகிறது, மேலும் அதனால் சாத்தியக்கூறுள்ள கடன் வழங்குநர்களிடமிருந்து குறைந்த வட்டி வீதத்தைப் பெற முடிகிறது. வரவு வழித்தோன்றல்கள் சில நேரங்களில், பின்புலத்திலுள்ள சொத்து விவரங்களின் வரவுத் தரத்தை மாற்றவும் பயன்படுத்தப்படுகின்றன, இதனால் அது இறுதி முதலீட்டாளர்களுக்கு ஏற்றுக்கொள்ளத்தக்கதாக இருக்கும். பாதுகாப்புப் பத்திரமயமாக்கல் என்பது 1970களின் பிற்பகுதியில் அதன் உத்தேச தொடக்கங்களில் உருவானது. அது 2008 இன் 2ஆம் காலாண்டில் அமெரிக்காவினது $10.24 ட்ரில்லியன் மற்றும் ஐரோப்பாவினது $2.25 ட்ரில்லியன் என கணக்கிடப்பட்ட கடனளவைக் கொண்டிருந்த முக்கிய நிதி மூலத்திற்கான உத்தேசத் தொடக்கங்களிலிருந்து உருவானது. 2007 இல் ABS இன் வழங்கல் தொகை அளவு அமெரிக்காவில் $3,455 பில்லியனாகவும் ஐரோப்பாவில் $652 பில்லியனாகவும் இருந்தது.[2]

பொருளடக்கம்

மேலோட்டப்பார்வை[தொகு]

பாதுகாப்புப் பத்திரமயமாக்கல் அதன் மிக அடிப்படையான வடிவத்தில் சொத்துகளுக்கு நிதியளிக்கும் ஒரு முறையாகும். அந்த சொத்துகளை "மொத்தமாக" விற்காமல், சொத்துகள் ஒரு தொகுப்பில் ஒருங்கிணைக்கப்பட்டு, பின்னர் அந்தத் தொகுப்பானது பங்குகளாகப் பிரிக்கப்படுகிறது. அந்தப் பங்குகள் இடரைப் பங்கிட்டுக்கொண்டு அந்த சொத்துகளின் செயல்திறனுக்கு வெகுமதி அளிக்கும் முதலீட்டாளர்களுக்கு விற்கப்படுகின்றன. இதை ஒரு கூட்டக நிறுவனம் அதன் ஒரு இலாபமிக்க வணிகப் பிரிவை ஒரு தனி நிறுவனமாக விற்றல் அல்லது "வழித்தோன்றலாக்குவதைப்" போன்றதாகக் கருதலாம். அவர்கள் அந்தப் பிரிவு மற்றும் எதிர்காலத்தில் வரக்கூடிய இலாப நட்டம் அனைத்திற்குமான தங்கள் உரிமைத் தகுதியை, தற்போதுள்ள ரொக்கத்திற்காக வர்த்தகம் செய்கின்றனர். பின்வருவது ஓர் அடிப்படை எடுத்துக்காட்டாகும். XYZ வங்கி 10 நபர்களுக்கு ஒருவருக்கு $100,000 தொகையைக் கடனாக வழங்குகிறது, அதை அவர்கள் வீடுகளை வாங்கப் பயனப்டுத்துகின்றனர். XYZ வீடு வாங்கும் 10 நபர்களின் வெற்றி மற்றும்/அல்லது தோல்வியில் முதலீடு செய்துள்ளது - அவர்கள் பணத்தை மீண்டும் செலுத்தி கடனை அடைத்தால், XYZ க்கு இலாபம். மற்றொரு விதமாகப் பார்க்கையில் XYZ வங்கிக்கு, சில கடனாளிகள் கடனடைக்காமல் போகும் ஆபத்துக்கும் சாத்தியமுள்ளது. அந்த ஆபத்தை எதிர்கொள்வதற்கான பரிவர்த்தனையில், கடனாளிகள் XYZ க்கு அவர்கள் பெறும் கடன் தொகைக்கான வட்டியுடன் கூடுதலாக பிரீமியமும் செலுத்துகின்றனர். XYZ வங்கி இந்த பத்து கடன்களையும் ஒரு தொகுப்பில் வைக்கும். அவர்கள் இந்தத் தொகுப்பை ஒரு பெரிய முதலீட்டாளரான ABC க்கு விற்பார்கள். பின்னர் ABC அந்தத் தொகுப்பை (எது அதிக ஆபத்துள்ள கடன், எது குறைந்த ஆபத்துள்ள கடன் என) சமமான பங்குகளாகப் பிரிக்கும். அந்தப் பங்குகள் பின்னர் பிற சிறு முதலீட்டாளர்களுக்கு (பத்திரங்களாக) விற்கப்படும்.

வரலாறு[தொகு]

"சொத்து பாதுகாப்புப் பத்திரமயமாக்கலானது 1970களில் அடமானத் தொகுப்புகளின் கட்டமைக்கப்பட்ட நிதி வழங்கலில் தொடங்கியது. அதற்கு முன்பான பல பத்தாண்டுகளுக்கு, வங்கிகள் இன்றியமையாத சொத்து விவர வழங்குநர்களாக இருந்தன; அவை கடன்கள் முதிர்ச்சியடையும் வரை அல்லது அடைக்கப்படும் வரை கடன்களை நிறுத்தி வைத்தன. இந்தக் கடன்கள் வைப்புத்தொகைகள், சில நேரங்களில் கடன் ஆகியவற்றின் மூலம் நிதியளிக்கப்பட்டன, கடன் என்பது வங்கியின் (குறிப்பிட்ட சொத்தின் மீதான உரிமை கோரலாக இல்லாத) நேரடி கடன் பொறுப்பாகும். ஆனால் இரண்டாம் உலகப் போருக்குப் பின்னர், வைப்புத் தொகை நிறுவனங்கள் வீட்டுக் கடன்களுக்கான தேவைகள் அதிகரித்த வேகத்திற்கு ஈடுகொடுக்க முடியாமல் திணறின. வங்கிகளும் பிற நிதி இடை நிறுவனங்களும் சந்தை வாய்ப்பை உணர்ந்து, அடமான நிதியளிப்புக்கான மூலங்களை அதிகரிக்கும் வழிகளைத் தேடின. முதலீட்டாளர்களைக் கவர்வதற்காக முதலீட்டு வங்கிகள் இறுதியில் முதலீட்டு கருவியை உருவாக்கின, அது தனிப்படுத்தப்பட்டு அடமானத் தொகுப்புகள், பகுதிகளாக இருந்த கடன் ஆபத்துகள் மற்றும் பின்புலத்திலுள்ள கடன்களின் கட்டமைக்கப்பட்ட பணப்புழக்கம் ஆகியவற்றை வரையறுத்தன. இருப்பினும், செயல்திறன் மிக்க அடமான பாதுகாப்புப் பத்திரமயமாக்கல் கட்டமைப்புகளை உருவாக்க பல ஆண்டுகள் ஆனது, கடன் உருவாக்குபவர்கள் செயலாக்கமானது பிற வகை கடன்களாகவும் மாற்றப்படக்கூடும் என்பதை விரைவில் உணர்ந்தனர்."[3]

1970 பிப்ரவரியில், அமெரிக்க வீட்டு வசதி மற்றும் நகர்ப்புற மேம்பாட்டுத் துறை, அடமான ஆதரவு பாதுகாப்புப் பத்திரங்களைப் பயன்படுத்தி பரிவர்த்தனையை உருவாக்கியது. கவர்ன்மெண்ட் நேஷனல் மார்ட்கேஜ் அசோசியேஷன் (GNMA அல்லது ஜின்னி மே) அடமானக் கடன்களின் சொத்துகளினால் ஆதரிக்கப்பட்ட பாதுகாப்புப் பத்திரங்களை விற்றது.[4]

அடமானமல்லாத சொத்துகளின் பாதுகாப்புப் பத்திரமயமாக்கலுக்கு வசதியாக இருக்கும் வகையில், வணிகங்கள் தனியார் வரவு மேம்பாடுகளைப் பதிலீடு செய்தன. முதலில், அவை சொத்துத் தொகுப்புகளை அதீத-பிணையில் வைத்தன; அதனையடுத்து குறுகிய காலத்தில், அவை தமது மூன்றாம் தரப்பினர் கட்டமைப்பு மேம்பாடுகளை மேம்படுத்தின. அடமானச் சந்தையில் உருவாக்கப்பட்ட பாதுகாப்புப் பத்திரமயமாக்கல் உத்திகள் 1985 இல் அடமானமல்லாத சொத்துகளுக்கு - வாகனக் கடன்களுக்கு, முதல் முறையாகப் பயன்படுத்தப்பட்டன. அளவைக் கருதுகையில், ஒரு சொத்துத் தொகுப்பு அடமானத்திற்கு இரண்டாம்பட்சமே ஆகும், வாகனக் கடன்கள் கட்டமைக்கப்பட்ட நிதியளிப்புக்கான சரியான பொருத்தமாகும்; அவற்றின் முதிர்ச்சிகள், அவற்றின் அடமானங்களை விடக் குறிப்பிடத்தக்க அளவு குறுகியதாகும், இதனால் பணப்புழக்கத்திற்கான காலம் மிகவும் முன்கணிக்கத்தக்கதாக ஆனது, மேலும் அவற்றின் செயல்திறனின் நீண்ட வரலாற்றுப் புள்ளிவிவரங்கள் முதலீட்டாளர்களுக்கு ஒரு நம்பிக்கையை வழங்கின.[3]

இந்த பழைய வாகனக் கடன் ஒப்பந்தம், மேரின் மிட்லேண்ட் வங்கியினால் தொடங்கப்பட்ட $60 மில்லியன் பாதுகாப்புப் பத்திரமயமாக்கலாகும், மேலும் அது 1985 இல் சர்ட்டிஃபிகேட் ஃபார் ஆட்டோமொபைல் ரிசீவபில்ஸ் ட்ரஸ்ட்டினால் (CARS, 1985-1) பாதுகாப்புப் பத்திரமயமாக்கப்பட்டது.[5]

முதல் குறிப்பிடத்தக்க வங்கிக் கடன் அட்டை விற்பனை 1986 இல் சந்தைக்கு வந்தது, அதில் தனிப்பட்ட முறையில் $50 மில்லியன் நிலுவைக் வங்கி அட்டைக் கடன்கள் இருந்தன. இந்தப் பரிவர்த்தனை, பலன் போதிய அளவு அதிகமாக இருந்தால், கடன் தொகுப்புகள், உண்மையான அடமானச் சந்தையில் ஏற்படுவதுடன் ஒப்பிடுகையில் எதிர்பார்க்கப்படும் அதிக இழப்புகள் மற்றும் நிர்வாகச் செலவுகள் ஆகியவற்றைக் கொண்டு சொத்து விற்பனைகளை ஆதரிக்கும் என முதலீட்டாளர்களுக்கு விளக்கியது. இந்த வகை விற்பனை - வழங்குபவர் உதவும் வகையிலான செய்கைகளைப் பற்றிய ஒப்பந்த அடிப்படையிலான பொறுப்புகள் எதுவும் இன்றி - வங்கிகள் கணக்குப்பதிவு மற்றும் ஒழுங்குபடுத்தல் தேவைகளுக்கான விற்பனை நடைமுறைகளைப் பெற அனுமதித்தது, அதே நேரத்தில் வங்கிகள் அசல் சேவைக் கட்டணங்களையும் தக்கவைத்துக்கொள்ளவும் அனுமதித்தது. இந்த தொடக்க நிலை பரிவர்த்தனையின் வெற்றிக்குப் பின்னர், முதலீட்டாளர்கள் கடன் அட்டை பெறத்தக்கவைகளை பிணையாக ஏற்றுக்கொள்ளத் தொடங்கினர், மேலும் வங்கிகள் பணப்புழக்கங்களை இயல்பாக்க கட்டமைப்புகளை உருவாக்கின.[3]

1990களில் சில பழைய பிரபலமான தனியார் பரிவர்த்தனைகளில் தொடங்கிய பாதுகாப்புப் பத்திரமயமாக்கல் தொழில்நுட்பமானது, ஆயுள் மற்றும் பேரழிவு உள்ளிட்ட மறுகாப்பீடு மற்றும் காப்பீடு சந்தைகளின் பல துறைகளில் பயன்படுத்தப்பட்டது. இந்த செயல்பாடு, கத்ரீனா சூறாவளி மற்றும் ரெகுலேஷன் XXX ஆகியவற்றினால் ஏற்பட்ட பின்புலத்திலுள்ள சந்தைகளின் குறுக்கீடுகளையடுத்து 2006 இல் கிட்டத்தட்ட $15bn வழங்கல்களுக்கு வழிவகுத்தது. மாற்று இடர் மாற்றத்தின் பரந்த பகுதியிலான செயல்பாட்டின் முக்கியப் பகுதிகளில், பேரழிவுப் பத்திரங்கள், ஆயுள் காப்பீட்டு பாதுகாப்புப் பத்திரமயமாக்கல் மற்றும் மறுகாப்பீட்டு சைட்கார்கள் ஆகியவை அடங்கும்.

சமூக மறுவாழ்வுச் சட்டக் (CRA) கடன்களின் முதல் பொது பாதுகாப்புப் பத்திரமயமாக்கல் 1997 இல் தொடங்கியது. CRA கடன்கள் குறைந்த மற்றும் மிதமான வருவாய் கடன் பெறுபவர்கள் மற்றும் அதனுடன் நெருங்கிய அம்சத்தைக் கொண்டவர்களை இலக்காகக் கொண்டிருந்தன.[6]

பத்திரச் சந்தை அமைப்பின் கணக்கீட்டின்படி, 2004 இன் இறுதி நிலவரப்படி, அமெரிக்காவில் மொத்த நிலுவைத் தொகை $1.8 ட்ரில்லியனாக இருந்தது. இந்தத் தொகையானது மொத்த நிலுவைப் பத்திரச் சந்தை கடனின் அளவில் சுமார் 8 சதவீதமாகும், மேலும் இது அமெரிக்காவின் அடமானம் தொடர்பான கடன்களின் அளவில் ($5.5 ட்ரில்லியன்) 33 சதவீதமாகவும், கூட்டக நிறுவனக் கடனின் மொத்த அளவில் ($4.7 ட்ரில்லியன்) 39 சதவீதமாகவும் இருந்தது. சாதாரணமாக, கடந்த பத்தாண்டுகளில், (1995-2004) ABS நிலுவைத் தொகை ஆண்டுக்கு 1 சதவீதம் அதிகரித்துவருகிறது, இதில் அடமானம் தொடர்பான கடன் மற்றும் கூட்டக நிறுவனக் கடன் ஆகியவை ஒவ்வொன்றும் 9 சதவீதம் அதிகரித்துவருகின்றன. சொத்து ஆதரவு பாதுகாப்புப் பத்திரங்களின் மொத்த பொது வழங்கல் வலுவாகவே உள்ளது, அது பல ஆண்டுகளிலான சாதனைகளைப் படைத்துள்ளது. 2004 இல் இருந்த வழங்கல் அளவான சுமார் $0.9 ட்ரில்லியனே இதுவரையிலான சாதனை அளவாகும்.[7]

2004 ஆம் ஆண்டின் இறுதியில், இந்த சந்தையின் பெரும் துறைகளாக கடன் அட்டை ஆதரவு பாதுகாப்புப் பத்திரங்கள் (21 சதவீதம்), இல்ல சமப்பங்கு ஆதரவு பாதுகாப்புப் பத்திரங்கள் (25 சதவீதம்), வாகன ஆதரவு பாதுகாப்புப் பத்திரங்கள் (13 சதவீதம்) மற்றும் பிணையாக்கப்பட்ட கடன் பொறுப்புகள் (15 சதவீதம்) ஆகியவை இருந்தன. பிற சந்தைப் பகுதிகளில் மாணவர் கடன் ஆதரவு பாதுகாப்புப் பத்திரங்கள் (6 சதவீதம்), உபகரணக் குத்தகைகள் (4 சதவீதம்), உருவாக்கப்பட்ட வீடுகள் (2 சதவீதம்), சிறு வணிகக் கடன்கள் (கன்வீனியன்ஸ் ஸ்டோர்கள் மற்றும் கேஸ் ஸ்டேஷன்கள் போன்றவற்றுக்கு வழங்கப்படும் கடன்கள்) மற்றும் விமான குத்தகைகள் ஆகியவையாகும்.[7] மிகவும் சமீபத்தில், புதுப்பிக்கத்தக்க ஆற்றல் வளங்களினால் உற்பத்தி செய்யப்படும் உபரி ஆற்றலை பாதுகாப்புப் பத்திரமயமாக்குவதற்கான ஒரு முயற்சி ஜோசப் ப்ராண்ட் ஆர்சனியா மற்றும் அவரது குழுவினரால் செய்யப்பட்டுவருகிறது.

80களின் பிற்பகுதியில் மட்டுமே பாதுகாப்புப் பத்திரமயமாக்கல் ஐரோப்பாவில் ஏற்பட்டது. அப்போது இங்கிலாந்தில் அடமானங்களின் முதல் பாதுகாப்புப் பத்திரமயமாக்கல் தொடங்கியிருந்தது. இந்தத் தொழில்நுட்பமானது 90களின் பிற்பகுதி அல்லது 2000 இன் முற்பகுதியில் மட்டுமே சூடுபிடித்தது, அதற்கு யூ.கே. மார்ட்டேஜ் மாஸ்டர் ட்ரஸ்ட்ஸ் (அமெரிக்க கடன் அட்டைகள் கருத்திலிருந்து உருவான அம்சம்), காப்பீட்டு ஆதரவு பரிவர்த்தனை (காப்பீட்டு பாதுகாப்புப் பத்திரமயமாக்கல் குரு எம்மானுவேல் இசான்ச்சோ அவர்களால் பயன்படுத்தப்பட்ட கருத்துகள் போன்றவை) அல்லது மிகவும் புரிந்துகொள்ளக் கடினமான சொத்து வகைகள் (எடுத்துக்காட்டுக்கு கிரேக்க அரசாங்கத்தில் ஃபிலிப்பைன் டேப்பர்னாக்ஸால் செயல்படுத்தப்பட்ட லாட்டரி பரிசுக்கான பெறத்தக்கவைகளின் பாதுகாப்புப் பத்திரமயமாக்கல்) போன்ற சொத்து வகைகளில் செயல்படுத்தப்பட்ட புதிய முறை கட்டமைப்புகளுக்கே நன்றி கூற வேண்டும்.

இரண்டாம் நிலை அடமானக் கடன் சிக்கலினால் ஏற்பட்ட க்ரெடிட் க்ரன்ச் சிக்கலின் விளைவாக, பாதுகாப்புப் பத்திரமயமாக்கப்பட்ட கடன்களால் ஆதரிக்கப்பட்ட பத்திரங்களுக்கான சந்தை 2008 இல் மிகவும் பலவீனமானது, அதன் பிறகு பத்திரங்களுக்கு அரசாங்க ஆதரவுள்ள முகமை உத்தரவாதமளிக்கும் வரை இது நீடித்தது அதன் விளைவாக வீட்டு அடமானங்கள், மாணவர் கடன்கள், வாகனக் கடன்கள் மற்றும் வணிக அடமானங்கள் ஆகிய வடிவங்களில் முன்னர் பாதுகாப்புப் பத்திரமயமாக்கப்பட்ட கடன்களுக்கான வட்டிவீதங்கள் அதிகரிக்கின்றன.[8]

கட்டமைப்பு[தொகு]

தொகுப்பாக்கம் மற்றும் மாற்றம்[தொகு]

ஒப்பந்தத்திற்குட்பட்ட சொத்துகளை தொடங்குபவர் முதலில் வைத்திருப்பார். பொதுவாக இது மூலதனத்தைத் திரட்ட, கடன் மறுகட்டமைக்க அல்லது அதன் நிதி நிலையைச் சரிசெய்ய முயற்சிக்கும் ஒரு நிறுவனம் ஆகும். வழக்கமான கூட்டக நிதிக் கருத்துகளின்படி, இது போன்ற ஒரு நிறுவனம் புதிய மூலதனத்தைத் திரட்ட மூன்று வழிகளைக் கொண்டிருக்கும்: கடன், பத்திர வழங்கல் அல்லது பங்கு வழங்கல். இருப்பினும், பங்கு வழங்கல்கள் நிறுவனத்திலான உரிமையாளர் கட்டுப்பாட்டை நீர்த்துப்போகச் செய்யலாம், ஆனால் கடன் அல்லது பத்திர நிதியளிப்பானது, நிறுவனத்தின் வரவுத் தரம் மற்றும் அதனுடன் தொடர்புடைய வட்டி வீத அதிகரிப்பினால் பெரும்பாலும் தடுக்கப்படக்கூடிய அளவு அதிக செலவுடையனவாக உள்ளன.

நிலையான வருமான உற்பத்தி செய்யும் நிறுவனத்தின் பகுதிக்கு நிறுவனம் முழுமைக்குமான வரவுத்தரத்தை விட அதிக வரவுத்தரம் இருக்கும். எடுத்துக்காட்டுக்கு, ஒரு குத்தகை நிறுவனம் இயல்பான $10m மதிப்புள்ள் குத்தகைகளை வழங்கியிருக்கலாம், மேலும் இதிலிருந்து அந்த நிறுவனம் அடுத்த ஐந்து ஆண்டுகளுக்கு பணப்புழக்கத்தைப் பெறும். அது குத்தகைகளின் முந்தைய செலுத்துத் தொகையைக் கேட்க முடியாது, மேலும் இதனால் தேவைப்பட்டால் தனது பணத்தைத் திரும்பப் பெற்றுக்கொள்ளலாம். குத்தகைகளிலிருந்து வரும் பணப்புழக்கங்களுக்கான உரிமைகளை வேறு தரப்பினருக்கு அந்த நிறுவனத்தால் விற்க முடிந்தால், அது அந்த வருமானத் தொடரை இன்று மொத்தத் தொகையில் மாற்றித்தரலாம் (உண்மையில் எதிர்கால பணப்புழக்கத்தின் தற்கால மதிப்பை இன்று பெறுதல்). தொடங்குபவர் என்பது, மூலதனத்தின் போதுமானதன்மைக்கான தேவைகளைக் கட்டாயம் பூர்த்தி செய்ய வேண்டிய ஒரு வங்கி அல்லது பிற நிறுவனமாக இருக்கும்பட்சத்தில், இந்தக் கட்டமைப்பானது வழக்கமாக மிகவும் சிக்கலாகிறது, ஏனெனில் சொத்துகளை வாங்க தனி நிறுவனம் அமைக்கப்படுகிறது.

பொருந்தக்கூடிய வகையில் பெரிய சொத்துவிவரம் "தொகுப்பாக்கப்பட்டு" "சிறப்புத் தேவை கருவி " அல்லது "SPV "க்கு (வழங்குபவருக்கு ), சொத்துகளுக்கு நிதியளிக்கும் குறிப்பிட்ட தேவைகளுக்காக உருவாக்கப்பட்ட வரி விலக்கு நிறுவனம் அல்லது அறக்கட்டளைக்கு விற்கப்படுகிறது. சொத்துகள் வழங்குபவருக்கு மாற்றப்பட்ட பின்னர், தொடங்குபவருக்கு வழக்கமாக ஆதாரங்கள் எதுவும் இருப்பதில்லை. வழங்குபவர் "திவால் தொலைவில்" இருக்கிறார் என்றால், தொடங்குபவர் திவால் நிலைக்குச் சென்றால், வழங்குபவரின் அனைத்து சொத்துகளும் தொடங்குபவரின் வரவாளர்கள் அனைவருக்கும் விநியோகிக்கப்படாது என்று பொருளாகும். இதைச் செய்வதற்காக, வழங்குபவரின் கட்டுப்படுத்தும் ஆவணங்கள் கட்டுப்படுத்துகின்றன அதன் நடவடிக்கைகளை, பாதுகாப்புப் பத்திரங்களின் வழங்கல்களைப் பூர்த்தி செய்ய வேண்டியவர்களுக்கு மட்டுமே பயன்படுத்தும் வகையில் கட்டுப்படுத்துகின்றன.

இது போன்ற ஒரு மாற்றம் என்பது, விற்பனை, நிதியளிப்பு, பகுதியளவு விற்பனை அல்லது பகுதியளவு விற்பனை மற்றும் பகுதியளவு நிதியளிப்பு என்று இருக்கும்பட்சத்தில் கணக்கியல் தரநிலைகள் கட்டுப்படுத்துகின்றன.[9] ஒரு விற்பனையில், தொடங்குபவர், மாற்றப்பட்ட சொத்துகளை அதன் இருப்பு நிலைக் குறிப்பிலிருந்து நீக்க அனுமதிக்கப்படுகிறார்: நிதியளிப்பில் சொத்துகள் தொடங்குபவரின் சொத்துகளாகவே இருப்பதாகக் கருதப்படுகின்றன.[10] அமெரிக்க கணக்கியல் தரநிலைகளின் படி, தொடங்குபவர் வழங்குபவருக்கு முழங்கை அளவு தொலைவிலேயே இருந்து ஒரு விற்பனையை முடிக்கிறார், இதில் வழங்குபவர் "தகுதிப்படுத்தும் சிறப்புத் தேவை அமைப்பு " அல்லது "qSPE " என வகைப்படுத்தப்படுகிறார்.

இந்த கட்டமைப்பு விவகாரங்களினால், வழக்கமாக தொடங்குபவருக்கு பரிவர்த்தனையின் கட்டமைப்பை அமைப்பதில் முதலீட்டு வங்கியின் (ஏற்பாடு செய்பவரின் ) உதவி தேவைப்படுகிறது.

வழங்கல்[தொகு]

தொடங்குபவரிடமிருந்து சொத்துகளை வாங்க முடியவேண்டுமானால், வழங்கல் SPV, வாங்குதலுக்கு நிதியளிப்பதற்காக வர்த்தகம் செய்யக்கூடிய பாதுகாப்புப் பத்திரங்களை வழங்குகிறார். முதலீட்டாளர், (அமைப்பு ரீதியான முதலீட்டாளர்களை இலக்காக வைத்து) தனியார் வழங்கல் மூலமாகவோ அல்லது திறந்த நிலை சந்தையின் மூலமாகவோ பாதுகாப்புப் பத்திரங்களை வாங்குகிறார். அப்போது பாதுகாப்புப் பத்திரங்களின் செயல்திறனானது சொத்துகளின் செயல்திறனுடன் நேரடியாகத் தொடர்புடையதாகிறது. வரவுத் தரமிடல் முகமைகள், உருவாக்கப்படும் கடன் பொறுப்புகளின் புறக் கண்ணோட்டங்களை வழங்குவதற்காக வழங்கப்படும் பாதுகாப்புப் பத்திரங்களை தரமிட்டு, முதலீட்டாளர் இன்னும் தெளிவான முடிவை எடுக்க உதவுகின்றன.

நிலையான சொத்துகளுக்குரிய பரிவர்த்தனைகளில், ஒரு வைப்புத் தொகையாளர் அடிப்படையிலுள்ள பிணைகளைச் சேகரித்து, பாதுகாப்புப் பத்திரங்களைக் கட்டமைப்பதில் உதவுகிறார், மேலும் பாதுகாப்புப் பத்திரங்களை முதலீட்டாளர்களுக்கு விற்பதற்காக நிதியியல் சந்தைகளுடன் பணிபுரிகிறார். வைப்புத்தொகையாளருக்கு ஒழுங்குமுறை AB இன் படி, கூடுதல் முக்கியத்துவம் வழங்கப்படுகிறது. வழக்கமாக, வழங்கும் தரப்பினரின் இலாப வட்டியின் 100% ஐ வைப்புத்தொகையாளர் வைத்துக்கொள்கிறார், மேலும் அவரே முழு மூலகர்த்தாவாக அல்லது பரிவர்த்தனையைத் தொடங்கும் மூலகர்த்தாவுக்கு துணையாக இருப்பார். நிர்வகிக்கப்பட்ட (வர்த்தகமாக்கப்பட்ட) சொத்துகளுடனான பரிவர்த்தனையில், சொத்து மேலாளர்கள் அடிப்படை பிணைகளைக் கண்டறிந்து ஒருங்கிணைத்து, பாதுகாப்புப் பத்திரங்களை முதலீட்டாளர்களுக்கு விற்பதற்காக பாதுகாப்புப் பத்திரங்களைக் கட்டமைப்பதில் நிதியியல் சந்தைக்கு உதவுகின்றனர்.

சில ஒப்பந்தங்களில் மூன்றாம் தரப்பினர் உத்தரவாதமளிப்போரும் இருப்பார், அவர் ஒரு கட்டணத்தைப் பெற்றுக்கொண்டு, சொத்துகள், அசல் மற்றும் வட்டி செலுத்துத்தொகைகளுக்கான பகுதியளவு உத்தரவாதங்களை வழங்குகிறார்.

பாதுகாப்புப் பத்திரங்கள் நிலையான வட்டிவீதத்துடனோ அல்லது மாறும் வட்டி வீதத்துடனோ வழங்கப்படலாம். நிலையான வட்டிவீத ABS, வழங்கலின் போது "கூப்பனை" (வீதம்) அமைக்கிறது. இது கூட்டக பத்திரங்களைப் போன்றதே ஆகும். மாறும் வட்டிவீத பாதுகாப்புப் பத்திரங்கள் மெதுவாக நிலைமாறும் அல்லது மெதுவாக நிலைமாறா சொத்துகளால் ஆதரிக்கப்படலாம். நிலையான வட்டிவீத பாதுகாப்புப் பத்திரங்களுக்கு மாறாக "மாறுபவைக்கான" வீதங்கள் குறிப்பிட்ட காலத்துக்கு ஒரு முறை, யூ.எஸ். கருவுல வீதம் அல்லது பெரும்பாலும் வழக்கமாக லண்டன் இண்டெர்பேங்க் வழங்கும் வீதம் (LIBOR) ஆகியவை போன்ற நிர்ணயிக்கப்பட்ட குறியீடுகளைப் பொறுத்து, குறைந்தோ அதிகரித்தோ தனது மதிப்பைச் சரிசெய்துகொள்ளக்கூடியவையாகும். மாறும் வட்டிவீதமானது குறியீட்டிலான நகர்வு மற்றும் சேர்க்கப்பட்ட இடரையும் உள்ளடக்கக்கூடிய ஒரு கூடுதல் நிலையான குறைமதிப்பு ஆகிய இரண்டையும் பிரதிபலிப்பதாக இருக்கும்.[11]

வரவு மேம்படுத்தல் மற்றும் பகுதிப்படுத்தல்[தொகு]

பாதுகாப்பற்ற வழக்கமான கூட்டகப் பத்திரங்களைப் போலன்றி, பாதுகாப்புப் பத்திரமயமாக்கல் ஒப்பந்தத்தின் மூலம் உருவாக்கப்படுகின்ற பாதுகாப்புப் பத்திரங்களானவை, "வரவு மேம்படுத்தப்பட்டவை" ஆகும், அதாவது அவற்றின் வரவுத் தரமானது தொடங்குபவரின் பாதுகாக்கப்படாத கடன் அல்லது அடிப்படை சொத்து தொகுப்பின் வரவுத் தரத்தை விட அதிகமாகும். இதனால், முதலீட்டாளர்கள் அவர்களுக்கென நிர்ணயிக்கப்பட்டுள்ள பணப்புழக்கங்களைப் பெறுவதற்கான சாத்தியம் அதிகரிக்கப்படுகிறது, மேலும் அதனால் பாதுகாப்புப் பத்திரங்களின் வரவுத் தரம் தொடங்குபவரின் வரவுத் தரத்தை விட அதிகமாகிறது. சில பாதுகாப்புப் பத்திரமயமாக்கல்கள், மூன்றாம் தரப்பினர் வழங்கும், பிணைமுறிப் பத்திரங்கள் மற்றும் தாய் உத்தரவாதங்கள் போன்ற புற வரவு மேம்படுத்தல் அம்சத்தைப் பயன்படுத்துகின்றன (இருப்பினும் இவை வட்டிகளிலான முரண்பாடு உருவாகலாம்).

தனிநபர் பாதுகாப்புப் பத்திரங்கள் பெரும்பாலும் பகுதிகளாகப் பிரிக்கப்படுகின்றன அல்லது துணை வரிசையைப் பொறுத்து பல்வேறு அளவுகளில் வகைப்படுத்தப்படுகின்றன. ஒவ்வொரு பகுதிக்கும் மற்றொன்றிலிருந்து வேறுபட்ட வெவ்வேறு அளவிலான வரவு பாதுகாப்பு அல்லது இடர் வாய்ப்பு உள்ளது: இதில் பொதுவாக ஒரு மூத்த ("A") வகை பாதுகாப்புப் பத்திரங்கள் மற்றும் ஒன்று அல்லது மேற்பட்ட இளைய துணை ("B", "C", போன்ற) வகைகள் உள்ளன. இவை "A" வகைக்கான பாதுகாப்பு அடுக்குகளாகச் செயல்படுகின்றன. SPV பெறும் ரொக்கத்திற்கு மூத்த வகைகளுக்கே முதல் உரிமை உண்டு, மேலும் அதிக அளவிலான மூத்த வகைகள் மீண்டும் செலுத்தப்பட்ட பின்னரே அதிக இளைய வகைகள் மீண்டும் செலுத்தல்களைப் பெறத் தொடங்குகின்றன. இந்த வகைகளின் ஒன்றுக்குள் ஒன்று அடங்கும் (கேஸ்கேடு) விளைவினால், இந்த அமைப்பானது சில நேரங்களில் பணப்புழக்க நீர் வீழ்ச்சி என்று குறிப்பிடப்படுகிறது. அடிப்படை சொத்துத் தொகுப்பானது கடனிடுகளின் மீதான செலுத்துத் தொகைகளைச் செலுத்துவதற்குப் போதியதாக இல்லாது போகும்பட்சத்தில் (கடன் கோரல்களின் பட்டியலுக்குள் கடன்கள் அடைக்கப்பட முடியாமல் போகும் போது), இழப்பானது துணை பகுதிகளால் முதலில் உள்வாங்கிக்கொள்ளப்படுகிறது, இழப்புகளின் மதிப்பு துணைப் பகுதிகளின் மொத்த மதிப்புக்கும் அதிகமாகாதவரை உயர் மட்ட பகுதிகள் பாதிக்கப்படாமல் இருக்கின்றன. மூத்த பாதுகாப்புப் பத்திரங்கள் வழக்கமாக AAA தரமிடப்பட்டவையாகும், அதாவது குறைவான ஆபத்தைக் கொண்டவை, அதே நேரம் குறைந்த வரவுத் தரமிடல் கொண்ட குறைவான வரவுத் தரம் கொண்ட துணை வகைகள் குறைவான வரவுத் தரமிடலைப் பெறுகின்றன, அதாவது அதிக ஆபத்துடையவை.[11]

பெரும்பாலான இளைய வகை (பெரும்பாலும் சமப்பங்கு வகை என அழைக்கப்படுவது) அதிக செலுத்துத் தொகை ஆபத்துக்குட்பட்டதாகும். சில சந்தர்ப்பங்களில், இது, தொடங்குபவரால் சாத்தியமுள்ள இலாபப் பாய்வாக தக்கவைத்துக்கொள்ளப்படும் ஒரு சிறப்பு வகை அம்சமாகும். சில சந்தர்ப்பங்களில் சமப்பங்கு வகையானது, (நிலையான அல்லது மாறக்கூடிய) கூப்பனைப் பெறுவதில்லை, ஆனால் பிற அனைத்து வகைகளும் செலுத்தி முடிக்கப்பட்ட பின்னர் மீதமுள்ள பணப்புழக்கத்தையே (இருந்தால்) பெறுகிறது.

அடிப்படை சொத்துகளிலான முந்தைய திரும்பச் செலுத்தல்களை உள்வாங்கிக்கொள்ளும் சிறப்பு வகையும் இருக்கலாம். அடிப்படை சொத்துகள், சொத்து விற்கப்படும் ஒவ்வொரு முறையும் திரும்பச் செலுத்தப்படும் உள்ளம்சம் கொண்ட அடமானங்களாக உள்ள இதுவே பெரும்பாலான நிகழ்வாக உள்ளது. முந்தைய திரும்பச் செலுத்தல்கள் ஏதேனும் இருந்தால் அது இந்த வகைக்குச் செலுத்தப்படுவதால், பிற முதலீட்டாளர்களுக்கு முன்கணிக்கத்தக்க அதிக பணப்புழக்கத்தப் பெறுவார்கள் எனலாம்.

அடிப்படை சொத்துகள் அடமானங்கள் அல்லது கடன்கள் எனில், இரண்டு தனித்தனி "நீர் வீழ்ச்சிகள்" இருக்கும். காரணம், அசல் மற்றும் வட்டி ரசீதுகள் எளிதில் ஒதுக்கப்பட்டு பொருத்தப்பட முடியும். ஆனால் சொத்துகள், வாடகை ஒப்பந்தங்கள் போன்ற வருமானத்தின் அடிப்படையிலான பரிவர்த்தனைகளாக இருந்தால் வருவாயில் எவ்வளவு வருமானம் என்பதையும் எவ்வளவு அசல் திரும்பச் செலுத்தல் என்பதையும் வேறுபடுத்தி அறிவது முடியாததாகக்கூடும். இந்த சந்தர்ப்பத்தில் அனைத்து வருமானமும் பத்திரங்களிலான பணப்புழக்கங்கள் நிலுவைகளாகும் போது, நிலுவைகளைச் செலுத்தவே பயன்படுத்தப்படுகிறது.

வரவு மேம்படுத்தல்கள், ஒரு பாதுகாப்புப் பத்திரத்துக்கான உத்தரவாதமளிக்கப்பட்ட பணப்புழக்கங்களுக்கு அதிக அல்லது குறைவான பாதுகாப்பை வழங்குவதன் மூலம் ஆபத்தை பாதிக்கின்றன. கூடுதல் பாதுகாப்பானது, ஒரு பாதுகாப்புப் பத்திரம் அதிக தரமிடலை அடைய உதவலாம், அதே சமயம் குறைவான பதுகாப்பானது, வெவேறு வகையில் விரும்பப்படும் ஆபத்துகளுடனான புதிய பாதுகாப்புப் பத்திரங்களை உருவாக்க உதவலாம், மேலும் இந்த வெவ்வேறு பாதுகாப்புகள், பாதுகாப்புப் பத்திரங்களை அதிக கவர்ச்சிகரமான அம்சங்களைக் கொண்டவையாக ஆக்க உதவலாம்.

துணைவகைகளுடன் கூடுதலாக, வரவானது பின்வருவனவற்றின் மூலமும் மேம்படுத்தப்படலாம்:[10]

  • ஒதுக்கப்பட்ட அல்லது பரவிய கணக்கு . இதில் அசல் மற்றும் வட்டி செலுத்துத் தொகைகள், கட்டணங்கள் மற்றும் பிற கட்டணங்கள் மற்றும் செலுத்தி முடிக்கப்பட்ட கட்டணங்கள் ஆகியவை போன்ற செலவுகள் போக மிஞ்சியிருக்கும் நிதிகள் திரட்டப்பட்டு, SPE செலவுகள் அதன் வருவாயை விட அதிகமாகும் போது பயன்படுத்தப்படலாம்.
  • பாதுகாப்புப் பத்திரங்களின் மீதான அசல் மற்றும் வட்டி செலுத்துத் தொகைகளின் மூன்றாம் தரப்பினர் காப்பீடு அல்லது உத்தரவாதங்கள்.
  • அதீதப் பிணையாக்கம் , வழக்கமாக சில பாதுகாப்புப் பத்திரங்களுக்குரிய பிணையின் பங்கின் மீதான அசல் வசூலிக்கப்படும் முன்னர், அந்தக் பாதுகாப்புப் பத்திரங்களின் மீதான அசலைக் கட்டி முடிப்பதற்கு நிதியியல் வருவாயைப் பயன்படுத்துவதன் மூலம் இந்த அதீதப் பிணையாக்கம் செய்யப்படுகிறது.
  • ரொக்க நிதியளிப்பு அல்லது ரொக்க பிணையாக்கக் கணக்கு , பொதுவாக இது குறுகிய கால, விற்பவரின் சொந்த நிதிகள் அல்லது உத்தரவாதமளிக்கப்பட்ட பணப்புழக்கங்களில் ஏற்படும் பற்றாக்குறைகளைச் சரிசெய்யப் பயன்படுத்துவதற்காக மூன்றாம் தரப்பினரிடமிருந்து கடன் பெற்ற நிதிகளிலிருந்து வாங்கப்பட்ட அதிக தரமிடப்பட்ட முதலிடுகள் ஆகியவற்றைக் கொண்டதாகும்.
  • மூன்றாம் தரப்பு நம்பிக்கைக் கடிதம் அல்லது கூட்டக உத்தரவாதம்.
  • கடன்களுக்கான மாற்று சேவையர்
  • தொகுப்புக்கான தள்ளுபடி வழங்கப்பட்ட பெறத்தக்கவைகள்.

சேவை வழங்கல்[தொகு]

ஒரு சேவையர் , செலுத்துத்தொகைகளை வசூலித்து கட்டமைக்கப்பட்ட நிதி ஒப்பந்தத்திற்கு முக்கிய அம்சமான சொத்துகளைக் கண்காணிக்கிறார். பொதுவாக பெரும்பாலும் தொடங்குபவரே சேவையராக இருப்பார், ஏனெனில் சேவையருக்கும் தொடங்குபவருக்கு இருப்பதான அதே திறன்கள் இருப்பது அவசியம், மேலும் அவர் கடன் திரும்பச் செலுத்தல்கள் சிறப்புத் தேவை கருவிக்கு செலுத்தப்படுகிறதா என உறுதிப்படுத்த விரும்புவார்.

சேவையர், முதலீட்டாளர்களுக்கான பணப்புழக்கங்களை குறிப்பிடத்தக்க அளவில் பாதிக்கலாம். ஏனெனில் அதுவே, வசூலிக்கப்பட்ட வருவாய்கள், கட்டணங்கள் மற்றும் கடன்களின் மீதான பிற பெறத்தக்கவைகளைப் பாதிக்கக்கூடிய வசூல் கொள்கையைக் கட்டுப்படுத்துகிறது. செலுத்துத் தொகைகள் மற்றும் செலவுகள் போக மீதமிருக்கும் வருமானமானது வழக்கமாக, ஒதுக்கப்பட்ட அல்லது பரவிய கணக்கில் ஓரளவுக்கு ஒன்று சேர்க்கப்படுகிறது, மேலும் அதற்கு அதிகமாக வரும் தொகை விற்பவருக்குக் கொடுக்கப்படுகிறது. பத்திரத் தரமிடல் முகமைகள், பிணையாக்கப்பட்ட தொகுப்பின் செயல்திறன், வரவு மேம்படுத்தல்கள் மற்றும் கடன் திரும்பத் தவறுகை ஆகியவற்றின் அடிப்படையில் சொத்து ஆதரவு கடனிடுகளின் தரமிடல்களை வெளியிடுகின்றன.[10]

வழங்குபவர் கட்டமைக்கப்பட்ட அறக்கட்டளையாக இருக்கும்பட்சத்தில், ஒப்பந்தத்தின் முக்கியப் பகுதியாக அறங்காவலர் உள்ளார். அவர் வழங்குபவரிடம் பிடிக்கப்பட்டுள்ள சொத்துகளுக்கான வாயிற்காவலராக செயல்படுகிறார். அறங்காவலரும், பொதுவாக முழுக்க தொடங்குபவராலேயே சொந்தமாக இருக்கும் SPV இன் ஒரு பகுதியே எனினும், அறங்காவலருக்கு சொத்துகளையும் சொத்துகளை வைத்திருப்பவர்களையும், வழக்கமாக முதலீட்டாளர்களைப் பாதுகாக்கும் நம்பிக்கை ரீதியான கடமை உள்ளது.

திரும்பச் செலுத்தல் கட்டமைப்புகள்[தொகு]

கூட்டக பத்திரங்களை போலன்றி, பெரும்பாலான பாதுகாப்புப் பத்திரமயமாக்கல்கள் மெதுவாக நிலைமாறக்கூடியவை, அதாவது கடன் பெறப்பட்ட அசல் தொகையானது, கடனின் முதிர்ச்சி நேரத்தின் போது மொத்தமாக செலுத்தப்படாமல், கடனின் குறிப்பிடப்பட்ட காலத்திற்குள் மெதுவாக மீண்டும் செலுத்தப்படுகிறது. முழுவதுமாக மெதுவாக நிலைமாறும் பாதுகாப்புப் பத்திரமயமாக்கல்கள் பொதுவாக, இல்லச் சமப்பங்கு கடன்கள், வாகனக் கடன்கள் மற்றும் மாணவர் கடன்கள் போன்ற முழுவதுமாக மெதுவாக நிலைமாறக்கூடிய சொத்துகளால் பிணையாக்கப்படுகின்றன. முழுவதும் மெதுவாக நிலைமாறக்கூடிய ABS இல், முன் செலுத்தல் நிச்சயமற்ற தன்மையானது முக்கியமான விவகாரமாகும். சாத்தியமுள்ள முன்செலுத்தல் வீதமானது, அடிப்படை சொத்துத் தொகுப்பின் வகையைப் பொறுத்து பரவலாக வேறுபடுகிறது, பொதுவான முன்செலுத்தல் செயல்பாட்டை வரையறுக்கும் முயற்சியில் பல முன்செலுத்தல் முறைகள் உருவாக்கப்பட்டுள்ளன. PSA முன்செலுத்தல் மாதிரி ஒரு பிரபலமான எடுத்துக்காட்டாகும்.[11][12]

கட்டுப்படுத்தப்பட்ட மெதுவாக நிலைமாறும் கட்டமைப்பு என்பது, அடிப்படட சொத்துகள் மெதுவாக நிலைமாறக்கூடியனவாக இல்லாத நிலையிலும், முதலீட்டாளர்களுக்கு முன்கணிக்கத்தக்க திரும்பச் செலுத்தல் செயல் திட்டத்தை வழங்கும் ஒரு முறையாகும். வட்டி செலுத்துத் தொகைகள் செலுத்தப்படக்கூடிய காலமான முன் நிர்ணயிக்கப்பட்ட "சுழற்சிக்" காலத்திற்குப் பின்னர், இந்த பாதுகாப்புப் பத்திரமயமாக்கல்கள், முதலீட்டாளர்களுக்கு வரையறுக்கப்பட்ட வழக்கமான செலுத்துத் தொகைகளின் தொடர் வரிசையாக அசலைத் திரும்ப வழங்க முயற்சிக்கின்றன, வழக்கமாக இது ஓராண்டு ஆகும். விரைவில் மெதுவாக நிலைமாறும் நிகழ்வு என்பது கடன் விரைவில் முடிக்கப்படும் ஆபத்து ஆகும்.[11]

மற்றொரு புறம், புல்லட் அல்லது ஸ்லக் கட்டமைப்புகள் முதலீட்டாளர்களுக்கு அசலை ஒரே செலுத்துத் தொகையில் திரும்பி வழங்குகிறது. மிகவும் பொதுவான புல்லக் கட்டமைப்பு பெரும்பாலும் சாஃப்ட் புல்லட் என அழைக்கப்படுகிறது, அதாவது, இறுதி புல்லட் செலுத்துத் தொகையானது எதிர்பார்க்கப்படும் முதிர்வுத் தேதியில் வழங்கப்படுவதற்கான உத்தரவாதமளிக்கப்படாது; இருப்பினும், இந்த பாதுகாப்புப் பத்திரங்களின் பெரும்பகுதி சரியான நேரத்தில் வழங்கப்படும். இரண்டாம் வகை புல்லட் கட்டமைப்பு ஹார்ட் புல்லட் ஆகும், இதில் அசல் தொகையானது எதிர்பார்க்கபடும் முதிர்வுத் தேதியில் வழங்கப்படுவதற்கான உத்தரவாதமளிக்கப்படுகிறது. கடின புல்லட் கட்டமைப்புகள் பொதுவாக இரண்டு காரணங்களுக்காக பயன்படுத்தப்படுகின்றன: முதலீட்டாளர்களுக்கு மென் புல்லட் கட்டமைப்புகள் வசதியாக உள்ளது, மேலும் உத்தரவாதத்திற்காக கடின புல்லட் பாதுகாப்புப் பத்திரங்களின் பலன்களை ஏற்றுக்கொள்ளத் தயங்குகின்றனர்.[11]

பாதுகாப்புப் பத்திரமயமாக்கல்கள் பெரும்பாலும் தொடர்ச்சியான செலுத்துப் பத்திரமாகக் கட்டமைக்கப்படுகின்றன, இந்தப் பத்திரங்கள் முதிர்வை அடிப்படையாகக் கொண்டு ஒரு தொடர்ச்சியான விதத்தில் செலுத்தி முடிக்கப்படுகின்றன. அதாவது, ஓராண்டு சராசரி ஆயுளைக் கொண்டிருக்கக்கூடிய முதல் பகுதியானது அது முடிவடையும் முன்பு அனைத்து அசல் தொகைகளையும் பெற்றுவிடும், மேலும் இதுவே தொடர்கிறது.[11] விகிதப் பத்திரக் கட்டமைப்புகள், ஒவ்வொரு பகுதியையும் அசலின் ஒரு விகித அளவிலான பங்கை பாதுகாப்புப் பத்திரத்தின் ஆயுள் முழுவதற்கு செலுத்துகின்றன.[11]

கட்டமைப்பியல் ஆபத்துகள் மற்றும் எதிர்மறை ஊக்கங்கள்[தொகு]

தொடங்குபவர்கள் (எ.கா., அடமானங்களின் தொடங்குபவர்கள்), அவர்கள் உருவாக்கிய சொத்துகளின் நீண்ட காலத்திற்கான ஆபத்துகளை தாங்கிக்கொள்ளமாட்டார்கள், மேலும் அவர்கள் தொடங்குதல் மற்றும் பாதுகாப்புப் பத்திரமயமாக்கலுடன் தொடர்புடைய கட்டணங்களினாலேயே இலாபமடைவார்கள் என்பதால், அவர்கள் வரவுத் தரத்திற்கான குறைவான ஊக்கமும் கடன் அளவுக்கான அதிக ஊக்கமும் கொண்டுள்ளனர்.

பாதுகாப்புப் பத்திரமயமாக்கலின் சிறப்பு வகைகள்[தொகு]

முதன்மை அறக்கட்டளை[தொகு]

முதன்மை அறக்கட்டளை என்பது ஒரு வகை SPV ஆகும், அது குறிப்பாக சுழலும் கடன் அட்டை நிலுவைகளைக் கையாளப் பொருத்தமானவையாகும், மேலும் அவை வெவ்வேறு பாதுகாப்புப் பத்திரங்களை வெவ்வேறு காலத்தில் கையாளக்கூடிய நெகிழ்தன்மையைக் கொண்டுள்ளன. வழக்கமான ஒரு முதன்மை அறக்கட்டளை பரிவர்த்தனையில், கடன் அட்டை பெறத்தக்கவைகளின் தொடங்குபவர் ஒருவர், அந்த பெறத்தக்கவைகளின் ஒரு தொகுப்பை அறக்கட்டளைக்கு மாற்றித் தருகிறார், பின்னர் அறக்கட்டளையானது அவர்களது பெறத்தக்கவைகளின் ஆதரவில், பாதுகாப்புப் பத்திரங்களை வழங்குகின்றனர். பெரும்பாலும் அறக்கட்டளை வழங்கும் பல பகுதிகளையுடைய பாதுகாப்புப் பத்திரங்கள் அனைத்தும் பெறத்தக்கவைகளின் ஒரு தொகுப்பை அடிப்படையாகக் கொண்டிருக்கும். இந்தப் பரிவர்த்தனைக்குப் பின்னர், வழக்கமாக தொடங்குபவர் பெறத்தக்கவைகளுக்கான சேவையை தொடர்ந்து வழங்குவார், இந்த நிகழ்வில் இது கடன் அட்டையைக் குறிக்கும்.

குறிப்பாக, முதன்மை அறக்கட்டளையில் பல்வேறு வகையான ஆபத்துகள் உள்ளன. முதலீட்டாளர்களுக்கு வாக்களிக்கப்பட்ட பணப்புழக்கங்களின் நேரமானது பெறத்தக்கவைகளின் மீதான செலுத்துத் தொகைகளின் நேரத்திலிருந்து வேறுபடலாம். எடுத்துக்காட்டுக்கு, கடன் அட்டை ஆதரவு பாதுகாப்புப் பத்திரங்களுக்கு 10 ஆண்டுகள் வரையிலான முதிர்வு இருக்கலாம், ஆனால் கடன் அட்டை ஆதரவு பெறத்தக்கவைகள் வழக்கமாக அதை விட விரைவாகவே செலுத்தப்படுகின்றன. இந்த சிக்கலைத் தீர்ப்பதற்கு இந்த பாதுகாப்புப் பத்திரங்கள் வழக்கமாக ஒரு சுழற்சிக் காலம், ஒன்று குவியும் காலம் மற்றும் மெதுவாக நிலைமாறும் காலம் ஆகியவற்றைக் கொண்டிருக்கும். இந்த காலங்களில் மூன்றுமே, பெறத்தக்கவைகளின் வரலாற்று ரீதியான அனுப்வத்தை அடிப்படையாகக் கொண்டவை. சுழற்சிக் காலத்தின் போது, கடன் அட்டை நிலுவைகளின் மீதான அசல் செலுத்துத் தொகைகள் கூடுதல் பெறத்தக்கவைகளை வாங்கப் பயன்படுத்தப்படுகின்றன. ஒன்று குவிதல் காலத்தின் போது, அந்த செலுத்துத் தொகைகள் ஒரு தனிக் கணக்கில் குவிகின்றன. மெதுவான நிலைமாறும் காலத்தில், புதிய செலுத்துத் தொகைகள் முதலீட்டாளர்களிடையே செலுத்தப்படுகிறது.

மொத்த முதலீட்டாளர் மற்றும் விற்பனையாளரின் ஆர்வமானது கடன் அட்டைகளால் பெறப்படும் பெறத்தக்கவைகளுக்கு மட்டுமே என வரம்புகொண்டுள்ளது, ஆனால் அதே சமயம் கணக்கிற்கு விற்பவர் (தொடங்குபவர்) உரிமையாளராக இருப்பது இரண்டாவது ஆபத்தாகும். இதனால் விற்பவர் கணக்கின் விதிமுறைகள் மற்றும் நிபந்தனைகளை எவ்வாறு கட்டுப்படுத்துவார் என்பது போன்றவற்றில் சிக்கல்கள் ஏற்படலாம். பொதுவாக இதைத் தீர்க்க, முதலீட்டாளர்களைப் பாதுகாக்க, பாதுகாப்புப் பத்திரமயமாக்கலில் எழுதப்பட்ட ஒரு மொழி உள்ளது.

பெறத்தக்கவைகளின் மீதான செலுத்துத் தொகைகளின் தொகுப்பு சமநிலையைக் குறைக்கலாம், மேலும் குறை பிணையாக்கத்தின் போது மொத்த முதலீட்டாளர்களின் ஆர்வத்தையும் குறைத்துவிடுவது மூன்றாவது ஆபத்தாகும். இதைத் தடுக்க, பெரும்பாலும் குறைந்தபட்ச விற்பனை வட்டி தேவைப்படுகிறது, இதனால் முன்பே நிலைமாறல் எதுவும் ஏற்படாமல் காக்கப்படும்.[10]

வழங்கல் அறக்கட்டளை[தொகு]

2000 இல் சிட்டிபேங்க், கடன் அட்டை ஆதரவு பாதுகாப்புப் பத்திரங்களுக்கான ஒரு புதிய கட்டமைப்பை அறிமுகப்படுத்தியது, அது வழங்கல் அறக்கட்டளை என அழைக்கப்பட்டது, அதற்கு வரம்புகள் இல்லை, ஆனால் சில நேரங்களில் வழங்கப்படும் ஒவ்வொரு பாதுகாப்புப் பத்திரங்களின் வரிசைக்கும் ஒரு மூத்த மற்றும் துணைப் பகுதி இருக்க வேண்டிய அவசியமுள்ள முதன்மை அறக்கட்டளைகளுக்கு வரம்புகள் இருக்கக்கூடும். வழங்கல் அறக்கட்டளைக்கு பிற நன்மைகளும் உள்ளன: மூத்த/துணை பாதுகாப்புப் பத்திரங்களை வழங்குவதில் அவை அதிக நெகிழ்தன்மையை வழங்குகின்றன, மேலும் ஓய்வூதிய நிதிகள் அவர்களால் வழங்கப்பட்ட முதலீட்டுத் தர பாதுகாப்புப் பத்திரங்களில் முதலீடு செய்யத் தகுதியானவை என்பதால் தேவையை அதிகரிக்கவும் செய்யலாம், மேலும் பாதுகாப்புப் பத்திரங்களை வழங்குவதற்கான செலவையும் அவை குறைக்க முடியும். இந்த சிக்கல்களின் காரணமாக வழங்கல் அறக்கட்டளைகளே இப்போது கடன் அட்டை ஆதரவு பாதுகாப்புப் பத்திரங்களின் பெரிய வழங்குநர்களிடையே பெரும்பான்மையான கட்டமைப்புகளாக உள்ளன.[10]

கடனளிப்போர் அறக்கட்டளை[தொகு]

கடனளிப்போர் அறக்கட்டளைகள் பொதுவாக வாகன ஆதரவு பாதுகாப்புப் பத்திரங்கள் மற்றும் REMICகள் (ரியல் எஸ்டேட் அடமான முதலீட்டு வழிகள்) ஆகியவற்றில் பயன்படுத்தப்படுகின்றன. கடனளிப்போர் அறக்கட்டளைகள் என்பன பாதுகாப்புப் பத்திரமயமாக்கலின் முற்காலத்தில் பயன்படுத்தப்பட்ட நுழை வழி அறக்கட்டளைகள் போன்றவையே ஆகும். தொடங்குபவர் ஒருவர் கடன்களை எல்லாம் ஒன்றாகத் தொகுத்து, அதை கடனளிப்போர் அறக்கட்டளைக்கு விற்கிறார், அது இந்தக் கடன்களின் ஆதரவைக் கொண்ட பாதுகாப்புப் பத்திர வகைகளை வழங்குகிறது. செலவுகளும் கணக்கில் எடுத்துக்கொள்ளப்பட்ட பின்னர், பாதுகாப்புப் பத்திரங்களின் மீதான அசல் மற்றும் வட்டி ஆகியவை விகிதத்தின் அடிப்படையில் அந்தக் பாதுகாப்புப் பத்திரங்களைக் கொண்டிருப்பவர்களுக்கு வழங்கப்படுகின்றன.

உரிமையாளர் அறக்கட்டளை[தொகு]

உரிமையாளர் அறக்கட்டளையில், வழங்கப்பட்ட பாதுகாப்புப் பத்திரங்களின் வெவ்வேறு வகைகளுக்குப் பெற்ற அசல் மற்றும் வட்டியை ஒதுக்கீடு செய்வதில் அதிக நெகிழ்தன்மை உள்ளது. உரிமையாளர் அறக்கட்டளையில் துணை பாதுகாப்புப் பத்திரங்களுக்கான நிலுவையிலுள்ள வட்டி மற்றும் அசல் ஆகிய இரண்டுமே மூத்த பாதுகாப்புப் பத்திரங்களை செலுத்தப் பயன்படுத்தப்படலாம். இதனால், உரிமையாளர் அறக்கட்டளைகள் வழங்கப்பட்ட பாதுகாப்புப் பத்திரங்களின் முதிர்வு, ஆபத்து மற்றும் மீட்சி அம்சங்களை முதலீட்டாளர்களின் தேவைக்கேற்ப மாற்றி அமைக்க முடியும். வழக்கமாக செலவுகள் போக மீதமுள்ள வருமானம் ஏதேனும் இருப்பின், அது குறிப்பிட்ட அளவு வரும் வரை ஒதுக்கீட்டுக் கணக்கில் வைக்கப்படுகிறது, அதன் பின்னர் அனைத்து வருமானமும் விற்பவருக்கு வழங்கப்படுகிறது. உரிமையாளர் அறக்கட்டளைகள், பிற வகைகளுக்கு அதிக பிணையாக்கத்தை விட்டுச் செல்கின்ற அசலுக்கு முன்பு, பாதுகாப்புப் பத்திரங்களை செலுத்துவதற்காக அதீத ஒதுக்கீடுகள் மற்றும் அதீத நிதி வருவாய்களைப் பயன்படுத்தி பிணையாக்கம் செய்வதன் மூலம் வரவு ஆபத்துகளை மட்டுப்படுத்த உதவுகின்றன.

பாதுகாப்புப் பத்திரமயமாக்கலின் நோக்கங்கள்[தொகு]

வழங்குபவர்களுக்கான நன்மைகள்[தொகு]

நிதியளிப்பு செலவுகளைக் குறைக்கிறது : பாதுகாப்புப் பத்திரமயமாக்கலின் மூலமாக BB என தரமிடப்பட்ட, ஆனால் AAA க்கு சமமான மதிப்புள்ள பணப்புழக்கத்தைக் கொண்டுள்ள ஒரு நிறுவனம், AAA வீதங்களிலமைந்த கடனைப் பெற சாத்தியமுள்ளது. பணப்புழக்கத்தை பாதுகாப்புப் பத்திரமயமாக்குவதற்கு இதுவே முதல் காரணமாகும், மேலும் இது கடன் பெறுதல் செலவுகளின் மீது பல தாக்கங்களை ஏற்படுத்தக்கூடும். அடிப்படைப் புள்ளிகளின் நூறின் மடங்களை BB மற்றும் AAA கடன்களுக்கிடையே உள்ள வேறுபாடு எனலாம். எடுத்துக்காட்டுக்கு, மூடி'ஸ் நிறுவனம் 2002 ஜனவரியில் ஃபோர்ட் மோட்டார் க்ரெடிட்ஸின் தரமிடல்களை தரமிறக்கியது, ஆனால் ஃபோர்டு மோட்டார் க்ரெடிட் ஜனவரி 2002 மற்றும் ஏப்ரல் 2002 ஆகியவற்றால் வழங்கப்பட்ட மூத்த வாகன ஆதரவு பாதுகாப்புப் பத்திரங்கள், தொடர்ந்து AAA என்றே தரமிடப்பட்டன. அதற்கு அதன் அடிப்படையிலமைந்துள்ள பிணைகள் மற்றும் பிற வரவு மேம்படுத்தல்களே காரணமாகும்.[10]

சொத்து-கடன் பொறுப்பு பொருந்தாமையைக் குறைக்கிறது : "தேர்வு செய்யப்படும் கட்டமைப்பைப் பொறுத்து, பாதுகாப்புப் பத்திரமயமாக்கலானது நிதியளித்தலுக்குட்படும் வாய்ப்புகளை நீக்குவதன் மூலம், காலம் மற்றும் விலையிடல் அடிப்படைகள் ஆகிய இரண்டினைப் பொறுத்தமட்டிலும் சரியாகப் பொருந்தும் நிதியளிப்பை வழங்கக்கூடும்"[13] பெரும்பாலான வங்கிகள் மற்றும் நிதி நிறுவனங்களில் கடன் பொறுப்புப் புத்தகம் அல்லது நிதியளிப்புகள் ஆகியவை கடன்பெறுவதிலிருந்து வந்தவையாக இருப்பது அவசியமாகிறது. இதற்கு பெரும்பாலும் அதிக செலவாகிறது. பாதுகாப்புப் பத்திரமயமாக்கலானது, இது போன்ற வங்கிகள் மற்றும் நிதி நிறுவனங்கள் சுய நிதியளிப்பு சொத்துப் புத்தகத்தை உருவாக்க அனுமதிக்கிறது.

குறைவான மூலதன தேவைகள் : சில நிறுவனங்கள், சட்ட, ஒழுங்குமுறை அல்லது பிற காரணங்களால் தங்கள் உதவி ஆதரவுகளுக்கு ஒரு வரம்பு அல்லது எல்லையை வைத்துக்கொள்கின்றன. அவற்றின் சொத்துகளில் சிலவற்றைக் பாதுகாப்புப் பத்திரமயமாக்குவதன் மூலம், இந்த நிறுவனங்கள் சொத்தின் "ஈட்டும் திறனைத்" தக்கவைத்துக்கொள்கின்ற அதே சமயத்தில், தங்கள் இருப்புநிலைக் குறிப்பில் உள்ள சமப்பங்கின் அளவுகளைக் குறைக்க முடிகிறது. இதில் கணக்கியல் தேவைகளுக்காக அந்த சொத்துகளை விற்பனை எனக் காண்பிக்கப்படுகிறது.

இலாபங்களில் ஏற்படும் மாட்டிக்கொள்ளுதல்கள் : ஒரு தொகுப்பு பாதுகாப்புப் பத்திரமயமாக்கப்பட்டுவிட்டால், அந்த நிறுவனத்திற்கான இலாபங்களின் அளவுகள் இப்போது சிக்கிக்கொள்கின்றன, இதனால் இலாபத்தின் ஆபத்து உருவாவதில்லை, அல்லது அதீத இலாபத்தின் ஆதாயம் இப்போது தவிர்க்கப்படுகிறது.

மாற்ற ஆபத்துகள் (வரவு, மாறும்தன்மை, முன்செலுத்தல், மறுமுதலீடு, சொத்து செறிவாக்கம்): பாதுகாப்புப் பத்திரமயமாக்கலால், ஆபத்தை எதிர்கொள்ள விரும்பாத தரப்பினரிடமிருந்து விரும்பும் தரப்புக்கு ஆபத்தை மாற்றிவிடுவது சாத்தியமாகிறது. பேரழிவுப் பத்திரங்களும் பொழுதுபோக்கு பாதுகாப்புப் பத்திரமயமாக்கள்களும் இதற்கான இரண்டு சிறந்த எடுத்துக்காட்டுகளாகும். அதே போல, வணிகத்தின் ஒரு பகுதியை பாதுகாப்புப் பத்திரமயமாக்குவதன் மூலம் (இதன் மூலம் இலாபத்தின் ஒரு பகுதியையும்), நிறுவனத்தின் நிலுவைகள் விரைவாக வெளிச்செல்ல முடிகிறது, மேலும் மேலும் இலாபமிக்க வணிகத்தை உருவாக்க முடிகிறது.

இருப்புநிலைக் குறிப்புக்கு வெளியே : பல வகையான வழித்தோன்றல் அம்சங்கள் கடந்தகாலத்தில் "இருப்புநிலைக் குறிப்புக்கு வெளியே அமைந்தவை" எனக் குறிப்பிடப்பட்டன. இந்தச் சொல்லானது, வழித்தோன்றல் அம்சங்களைப் பயன்படுத்துவதால் இருப்புநிலலக் குறிப்பில் எந்த பாதிப்பும் ஏற்படாது என்பதைக் குறிக்கிறது. சர்வதேச அளவிலுள்ள பல்வேறு கணக்குப்பதிவு தரநிலைகளிடையே வேறுபாடுகள் இருக்கும் நிலையில், இருப்புநிலைக் குறிப்பில் வழித்தோன்றல் அம்சங்களை நேர்த்தியான மதிப்பில் பதிவு செய்வதற்கான தேவையை நோக்கிய பொதுவான போக்கு உள்ளது. அடிப்படையிலுள்ள சொத்துகள் அல்லது கடன் பொறுப்புகளுக்கெதிரான பாதுகாப்பாக வழித்தோன்றல் அம்சங்கள் பயன்படுத்தப்படும் நிலையில், கணக்குப்பதிவு சரிசெய்தல்கள் பாதுகாப்புக்காக நிர்ணயிக்கப்பட்ட அம்சத்தின் மீதான இலாபம்/நட்டமானது அடிப்படையிலுள்ள சொத்துகள் மற்றும் கடன்பொறுப்புகளைப் போலவே வருவாய் கூற்றின் கீழே பயன்படுத்தப்படுகிறதா என்பதை உறுதிப்படுத்த வேண்டும் என்ற ஒரு பொதுவாக ஏற்றுக்கொள்ளப்பட்ட தத்துவமும் உள்ளது. குறிப்பிட்ட கடன் வழித்தோன்றல் தயாரிப்புகள், குறிப்பாக கடன் திரும்பாமை மாற்றங்கள், இப்போது ஏறக்குறைய உலகளவில் ஏற்றுக்கொள்ளப்படுகின்ற சந்தைத் தரநிலை ஆவணமாக்கலைக் கொண்டுள்ளன. கடன் திரும்பாமை மாற்றங்களின் சந்தர்ப்பத்தில், இந்த ஆவணமாக்கமானது சர்வதேச மாற்றங்கள் மற்றும் வழித்தோன்றல் அம்சங்களுக்கான் சங்கத்தால் (ISDA) உருவாக்கப்பட்டது. இந்த அமைப்பு இது போன்ற வழித்தோன்றல் அம்சங்களை இருப்புநிலைக் குறிப்பில் எவ்வாறு பயன்படுத்த வேண்டும் என்பதற்கான நீண்டகாலமாக வழங்கப்பட்டுவரும் ஆவணமாக்கத்தைக் கொண்டுள்ளது.

வருவாய்கள் : பாதுகாப்புப் பத்திரமயமாக்கலினால் நிறுவனத்திற்கான உண்மையான சேர்த்தல்கள் ஏதுமின்றி ஒரு வருவாய்கள் திருப்பத்தை பதிவு செய்வது சாத்தியமாகிறது. பாதுகாப்புப் பத்திரமயமாக்கல் நடைபெறும்போது, பெரும்பாலும் தொடங்குபவருக்கும் (மூல நிறுவனம்) SPE க்கும் இடையே ஓர் "உண்மையான விற்பனை" இடம்பெறுகிறது. "உண்மையான விற்பனையானது" மூல நிறுவனத்துக்குரியதாகவே இருக்க இந்த விற்பனையானது அடிப்படையிலுள்ள சொத்துகளின் சந்தை மதிப்புக்கானதாக இருக்க வேண்டும், அப்போது தான், அது மூல நிறுவனத்தின் இருப்புநிலைக் குறிப்பில் பிரதிபலிக்கப்படும், இதுவே அந்த காலாண்டுக்கான வருவாய்களை விற்பனை அளவினால் அதிகரிக்கும். எந்தவிதத்திலும் சட்டத்திற்குப் புரம்பாக இல்லாதபட்சத்தில், இதுவே மூல நிறுவனத்தின் இலாபத்தைக் காண்பிக்கும் மதிப்பாக இருக்கும்.

ஏற்றுக்கொள்ளக்கூடிய தன்மை : எதிர்கால பணப்புழக்கங்கள் ஒரு நிறுவனத்தின் கணக்குப்பதிவில் (எடுத்துக்காட்டுக்கு ஆயுள் காப்பீட்டு நிறுவனங்கள் ஒழுங்குபடுத்து இருப்புநிலைக் குறிப்பிலான எதிர்கால உபரிக்கான முழு வரவை எப்போதுமே பெற்றுவிடுவதில்லை) முழு வரவையும் பெறாமல் போகலாம், மேலும் பாதுகாப்புப் பத்திரமயமாக்கலானது சிறப்பாக ஏற்றுக்கொள்ளக்கூடிய எதிர்கால உபரியை ஏற்றுக்கொள்ளக்கூடிய உடனடி ரொக்க சொத்தாக மாற்றுகிறது.

எளிதில் மாறும்தன்மை : எதிர்கால பணப்புழக்கங்கள் வெறும் இருப்புநிலைக் குறிப்பு மதிப்புகளாகவே இருக்கலாம், அவை நடப்பில் செலவிடுவதற்காகக் கிடைக்காமல் இருக்கலாம், புத்தகமானது பாதுகாப்புப் பத்திரமயமாக்கப்பட்டுவிட்ட பின்னர் செலவிடவோ அல்லது முதலீட்டுக்கோ ரொக்கமானது உடனடியாகக் கிடைக்கக்கூடும். இதனால் சிறந்த வீதங்களில் சிறப்பாக இருக்கக்கூடிய மறுமுதலீட்டுப் புத்தகம் உருவாக்கப்படுகின்றன.

வழங்குபவருக்கான குறைகள்[தொகு]

சொத்துவிவரப் பட்டியலின் தரத்தைக் குறைக்கலாம் : எடுத்துக்காட்டுக்கு, AAA ஆபத்துகள் பாதுகாப்புப் பத்திரமயமாக்கப்பட்டால், இதனால் எச்ச ஆபத்தின் உள்ளடக்கத் தரத்தை மிகவும் மோசமாக்கும்.

செலவுகள் : மேலாண்மை மற்றும் அமைப்பு செலவுகள், சட்ட கட்டணங்கள், ஒப்பந்த எழுத்தாக்கக் கட்டணங்கள், தரமிடல் கட்டணங்கள் மற்றும் வெளி நிர்வாகம் ஆகியவற்றின் காரணமாக பாதுகாப்புப் பத்திரமயமாக்கல் என்பது செலவு மிக்கதாக உள்ளது. வழக்கமாக முன் எதிர்நோக்காத செலவுகளுக்கான ஊக்கப்படி என்பது பாதுகாப்புப் பத்திரமயமாக்கலில் இன்றியமையாததாகும், குறிப்பாக அது ஒழுங்கற்ற பாதுகாப்புப் பத்திரமயமாக்கலாக இருக்கும்பட்சத்தில்.

அளவு வரம்புகள் : பாதுகாப்புப் பத்திரமயமாக்கலுக்கு பெரும்பாலும் பெரிய அளவிலான கட்டமைத்தல் தேவைப்படுகிறது, மேலும் இதனால், சிறு மற்றும் நடுத்தர அளவு பரிவர்த்தனைகளுக்கு இது விலைத்திறன் மிக்கதாக இருக்காது.

ஆபத்துகள் : பாதுகாப்புப் பத்திரமயமாக்கல் என்பது கட்டமைக்கப்பட்ட பரிவர்த்தனை என்பதால், அதில் சம கட்டமைப்புகள், குறிப்பாக தக்கவைக்கப்பட்ட பகுதிகள் உள்ள கட்டமைப்புகளுக்கு முன் செலுத்தல் போன்ற பலவீனமாக்கப்படும் ஆபத்துக்குட்பட்ட வரவு மேம்படுத்தல்கள், அதுமட்டுமின்றி வரவு இழப்பு ஆகியவையும் இருக்கலாம்.

முதலீட்டாளர்களுக்கான நன்மைகள்[தொகு]

அதிக மீட்சி வீதங்களில் வருவாய் (ஆபத்து சரிசெய்யப்பட்ட அடிப்படையில்) பெறுவதற்கான சாத்தியக்கூறுக்கான வாய்ப்பு

உயர் தர வரவு மேம்படுத்தப்பட்ட சொத்துகளின் சிறப்புத் தொகுப்பில் முதலீடு செய்வதற்கான வாய்ப்பு : கூட்டக நிறுவனங்களுக்கான (எடுத்துக்காட்டுக்கு) அதிக தரமிடல்களைப் பெறுவதற்கான கட்டாயமான தேவைகளின் காரணமாக, அதிக தரமிடப்பட்ட முழுமைத் தொகுதிகள் காணப்படுகின்றன. இருப்பினும், பாதுகாப்புப் பத்திரமயமாக்கல்கள் பெரிய அளவிலான AAA, AA அல்லது A தரமிடப்பட்ட பத்திரங்களை உருவாக்க அனுமதிக்கின்றன, மேலும் ஆபத்துக்கு எதிரான முதலீட்டாளர்கள் அல்லது அதிக தரமிடப்பட்ட சொத்துகளில் மட்டுமே முதலீடு செய்யப்பட வேண்டிய முதலீட்டாளர்கள் ஆகியோருக்கு முதலீட்டு விருப்பங்களின் பெரிய தொகுப்புக்கான அணுகல் உள்ளது.

சொத்துவிவர வகையாக்கம் : பாதுகாப்புப் பத்திரமயமாக்கலைப் பொறுத்து, பாதுகாப்பு நிதிகள் மற்றும் அதே போல, பிற நிறுவன ரீதியான முதலீட்டாளர்கள் ஆகிய தரப்பினர்கள் பாதுகாப்புப் பத்திரமயமாக்கலின் மூலம் உருவாக்கபப்ட்ட பத்திரங்களிலேயே முதலீடு செய்ய விரும்பும் போக்கைக் கொண்டுள்ளனர். ஏனெனில் அவை பிற பத்திரங்கள் மற்றும் பாதுகாப்புப் பத்திரங்களுடன் தொடர்பற்றவையாக இருக்கலாம்.

மூல நிறுவனத்திலிருந்து வரக்கூடிய வரவு ஆபத்தைத் தனிப்படுத்தல் : பாதுகாப்புப் பத்திரமயமமாககப்பட்ட சொத்துகளானவை தொடங்கும் நிறுவனத்தின் சொத்துகளிலிருந்து தனிப்படுத்தப்பட்டவை (குறைந்தபட்சம் கோட்பாட்டு ரீதியாகவேனும்) என்பதால், பாதுகாப்புப் பத்திரமயமமக்கலின் கீழ், அடிப்படையிலுள்ள ஆபத்துகள் வேறுபடுவதன் காரணமாக, பாதுகாப்புப் பத்திரமயமாக்கலுக்கு "மூல" நிறுவனத்தினதை விட அதிக வரவுத் தரமிடல் கிடைக்க சாத்தியமுள்ளது. எடுத்துக்காட்டுக்கு, ஒரு சிறிய வங்கி, தனது வாடிக்கையாளர்களுக்கு வழங்கியுள்ள அடமானக் கடன்களுக்கான ஆபத்தை விட அதற்குள்ள ஆபத்து அதிகமாக இருப்பதாகக் கருதலாம்; அடமானக் கடன்கள் வங்கிக்குரியனவாகவே இருக்கும் நிலையில், கடன் பெற்றவர்கள் சிறப்பாக அதிக வட்டியை செலுத்தலாம் (அல்லது, வங்கி தனது கடன் வழங்குநர்களுக்கு அதிக வட்டி செலுத்துவதால் குறைந்த இலாபமே பெற வாய்ப்புள்ளது).

முதலீட்டாளர்களுக்குள்ள ஆபத்துகள்[தொகு]

மாறத்தக்க தன்மை சார்ந்த ஆபத்துகள்

கடன்/திருப்ப முடியாமை : கடன் திருப்ப முடியாமை ஆபத்து என்பது கடன் பெறுபவரால் சரியான நேரத்தில் வட்டி கடன் பொறுப்புகளைச் செலுத்த முடியாமல் போகும் நிலை ஆகும் என்று பொதுவாக ஏற்றுக்கொள்ளப்படுகிறது. ABS க்கு, கடன் திருப்ப முடியாமை என்ற நிலையானது, அடிப்படையிலுள்ள பிணைகளின் பராமரிப்பு கடன் பொறுப்புகள் விள்ளக்க ஏட்டில் விவரிக்கப்பட்ட அளவுக்கு போதாமல் போகும் நிலையின் போது ஏற்படலாம். ஒரு குறிப்பிட்ட பாதுகாப்புப் பத்திரத்தின் கடன் திருப்ப முடியாமை ஆபத்துக்கான முக்கிய அடையாளங்காட்டி வரவுத் தரமிடல் ஆகும். ABS இன் வெவ்வேறு பகுதிகள் வெவ்வேறு விதமாக தரமிடப்படுகின்றன, இதில் பெரும்பாலான வழங்கல்களின் மூத்த வகைகள் அதிக தரமிடல்களைப் பெறுகின்றன, அதே சமயம் துணை வகைகள் அதற்கேற்ப குறைந்த கடன் தரமிடல்களைப் பெறுகின்றன.[11]

இருப்பினும், 2007-2008 ஆம் ஆண்டின் கடன் சிக்கலானது பாதுகாப்புப் பத்திரமயமாக்கல் செயலாக்கத்தில் உள்ள ஒரு சாத்தியமுள்ள குறையை வெளிப்படுத்தியுள்ளது - கடன் தொடங்குபவர்கள் அவர்களின் கடன்களுக்கான மீத ஆபத்துகளை தக்கவைத்துக்கொள்வதில்லை, ஆனால் அவர்கள் கடன் வழங்கல் மற்றும் பாதுகாப்புப் பத்திரமயமாக்கலின் போது குறிப்பிடத்தக்க அளவிலான கட்டணத்தை வசூலித்துக்கொள்கின்றனர், இது எழுத்து ஒப்பந்தத் தரநிலைகளை மேம்படுத்த ஊக்கப்படுத்துவதில்லை.

நிகழ்வு ஆபத்து

முன்செலுத்தல்/மறுமுதலீடு/விரைவான மெதுவான மாறுதல் : பெரும்பாலான சுழலும் ABSகள் விரைவாக மெதுவான மாற்றத்துக்கான ஆபத்துக்குரியவையாகவே உள்ளன. இந்த ஆபத்தானது குறிப்பிட்ட விரைவு மாற்ற நிகழ்வுகள் அல்லது பாதுகாப்புப் பத்திரங்களை முதிர்வுக்கு முன்பே நிரந்தரமாக செலுத்திவிட வழிவகுக்கும் செலவின நிகழ்வுகள் ஆகியவற்றினை அடிப்படையாகக் கொண்டுள்ளது. வழக்கமாக, அடிப்படையிலுள்ள கடன் பெற்றவர்களின் போதாத செலுத்துத் தொகைகள், போதாத கூடுதல் நிலையான வருவாய்த் துறைகள் ஆகியவை செலவின நிகழ்வுகளில் அடங்கும்: சொத்து ஆதரவு பாதுகாப்புப் பத்திரங்கள், அடிப்படையிலுள்ள கடன்களின் மீதான கடன் திருப்பாமை வீதம் குறிப்பிட்ட அளவுக்கு அதிகமாக உயரும் நிகழ்வு, வரவு மேம்படுத்தல்களின் குறைவை குறிப்பிட்ட அளவுக்குக் கீழ் தாழ்த்தும் நிகழ்வு மற்றும் வழங்குநர் (ஸ்பான்சர்) அல்லது சேவையரின் பகுதியிலான திவால் நிகழ்வு ஆகியவற்றைப் பரப்புகின்றன.[11]

நாணய வட்டி வீத ஏற்ற இறக்கங்கள் : அனைத்து நிலையான வருவாய் பாதுகாப்புப் பத்திரங்களைப் போலவே, ABS வட்டி வீதங்களின் மாற்றங்களுக்கேற்ப மாறுகிறது. வட்டிவீதத்திலான ஏற்ற இறக்கங்கள் மாறும் வீத ABS விலைகளை, நிலையான வீத பாதுகாப்புப் பத்திரங்களை விடக் குறைவாகவே பாதிக்கின்றன. ABS வீதமானது சரிசெய்துகொள்ளக் குறிப்பாகப் பயன்படுத்திக்கொள்ளும் அட்டவணையானது பொருளாதாரத்தில் ஏற்படும் வீத மாற்றங்களைப் பிரதிபலிப்பதே இதற்குக் காரணமாகும். மேலும், வட்டி வீத மாற்றங்கள், சில வகை ABS களை ஆதரித்துவரும் அடிப்படையிலுள்ள கடன்களின் முன்செலுத்தல் வீதங்களையும் பாதிக்கலாம், இது பலனைப் பாதிக்கலாம். இல்ல சமப்பங்கு கடன்கள் வட்டி வீதங்களைப் பொறுத்து நுட்பமாக மாறும் இயல்பைக் கொண்டுள்ளன, ஆனால் வாகன கடன்கள் மற்றும் கடன் அட்டைகள் ஆகியவை பொதுவாக வட்டி வீதங்களால் நுட்பமாக பாதிக்கப்படுவதில்லை.[11]

ஒப்பந்த உடன்படிக்கைகள்

நெறிசார் தீங்கு : வழக்கமாக முதலீட்டாளர்கள், பாதுகாப்புப் பத்திரமயமாக்கலின் கீழுள்ள சொத்துகளை விலையிடுவதற்கு ஒப்பந்த மேலாளரையே நம்பியுள்ளனர். மேலாளருக்கு அவரது செயல்திறனைப் பொறுத்து கட்டணம் வழங்கப்பட்டால், சொத்துவிவரப் பட்டியலிலுள்ள சொத்துகளின் விலைகளை உயர்த்திக் குறிப்பிடுவதற்கான உந்தல் ஏற்பட வாய்ப்புள்ளது. மேலாளர் ஒப்பந்தத்தின் அதீதப் பரவல் குறித்து வாதிடும் போது, மூத்த பாதுகாப்புப் பத்திரதாரரிடையே கருத்து முரண்பாடுகள் எழலாம்.[14]

சேவை ஆபத்து : சேவையர் செலுத்த முடியாத நிலைக்குச் சென்றுவிட்டால், செலுத்துத் தொகைகளின் மாற்றம் அல்லது வசூல் தாமதமாகலாம் அல்லது குறையலாம். இந்த பரிவர்த்தனையில் ஒரு மாற்று சேவையரையும் ஈடுபடுத்திவைத்திருப்பதன் மூலம் இந்த ஆபத்து மட்டுப்படுத்தப்படுகிறது.[11]

சமீபத்திய வழக்குகள்[தொகு]

சமீபத்தில், மூன்று முன்னணி தரமிடல் நிறுவனங்களின் பாதுகாப்புப் பத்திரங்களின் தரமிடல் தொடர்பான பல வழக்குகள் உள்ளன. 2009 ஜூலையில், அமெரிக்காவின் பெரிய பொது ஓய்வூதிய நிதி, கலிஃபோர்னியா மாகாண நீதிமன்றத்தில் ஒரு வழக்கு தொடுத்துள்ளது. அது $1 பில்லியன் இழப்புகள் தொடர்பான வழக்காகும், அந்த வழக்கு தொடுத்த தரப்பினர் கூறியபடி, இந்த மூன்று முன்னணி தரமிடல் நிறுவனங்களின் "மனம் போன போக்கிலான துல்லியமற்ற" வரவுத் தரமிடல் காரணமாகவே இந்த இழப்பு ஏற்பட்டது.[1]

மேலும் காண்க[தொகு]

குறிப்புதவிகள்[தொகு]

  1. ரேயன்ஸ், சில்வியன் அண்ட் அன் ருத்லேட்ஜ், தி அனலிசிஸ் ஆஃப் ஸ்ட்ரக்ச்சர்டு செக்யூரிட்டிஸ், ஆக்ஸ்ஃபோர்டு யு பிரஸ், 2003, ப. 103.
  2. "ESF செக்யூரிட்டைசேஷன் டேட்ட ரிப்போர்ட் Q2:2008, யுரோப்பியன் செக்யூரிட்டைசேஷன் ஃபோரம், லண்டன், செக்யூரிட்டிஸ் இண்டஸ்ட்ரி அண்ட் பினன்சியல் மார்க்கெட்ஸ் அசோசியேஷன் (SIFMA), 2008
  3. 3.0 3.1 3.2 "ஆசட் செக்யூரிட்டைசேஷன் கம்ப்ட்ரோலர்'ஸ் ஹேன்ட்பூக்", கம்ப்ட்ரோலர் ஆஃப் தி கரன்சி அட்மினிஸ்ட்ரேட்டர் ஆப் நேஷனல் பாங்க்ஸ், 1997.
  4. "ஆசட்-பேக்டு செக்யூரிட்டிஸ் இன் ஜெர்மனி: தி சேல் அண்ட் செக்யூரிட்டைசேஷன் ஆஃப் லோன்ஸ் பை ஜெர்மன் கிரெடிட் இன்ஸ்டிட்டியூஷன்ஸ்", டட்ச்செ பண்டேஸ்பேங்க் மண்த்லி ரிப்போர்ட் ஜூலை, 1997.
  5. "ஹியரிங் பிஃபோர் தி யூ.எஸ். ஹவுஸ் சப்கம்மிட்டி ஆன் பாலிசி ரிசர்ச் அண்ட் இன்சூரன்ஸ் இன் “ஆசட் செக்யூரிட்டைசேஷன் அண்ட் செகண்டரி மார்க்கெட்ஸ்” (ஜூலை 31, 1991), பக்கம் 13
  6. வாச்சொவியா பிரஸ் ரிலீசஸ்
  7. 7.0 7.1 "காமன் ஸ்ட்ரக்ச்சர்ஸ் ஆஃப் ஆசட்-பேக்டு செக்யூரிட்டிஸ் அண்ட் தேர் ரிஸ்க்ஸ்”, தருண் சபர்வால், டிசம்பர் 29, 2005
  8. "மெக்கானிசம் ஃபார் கிரெடிட் இஸ் ஸ்டில் ஸ்டக்" ஆர்ட்டிகில்ஸ் பை விகாஸ் பஜாஜ் இன் தி நியூ யார்க் டைம்ஸ் ஆகஸ்ட் 12, 2008
  9. பினான்சியல் அக்கௌண்ட்டிங் ஸ்டாண்டர்ட்ஸ் போர்டு (FASB) ஸ்டேட்மெண்ட் நம். 140 "அக்கௌண்ட்டிங் ஃபார் ட்ரான்ஸ்ஃபர்ஸ் அண்ட் செர்விசிங் ஆஃப் ஃபினான்ஷியல் அசெட்ஸ் அண்ட் எக்ஸ்டிங்க்யூஷ்மெண்ட்ஸ் ஆஃப் லையபிலிட்டிஸ்—எ ரிப்ளேஸ்மெண்ட் ஆப் FASB ஸ்டேட்மெண்ட் நம். 125" செப்டம்பர் 2000
  10. 10.0 10.1 10.2 10.3 10.4 10.5 த சபர்வால் "காமன் ஸ்ட்ரக்ச்சர்ஸ் ஆஃப் ஆஸ்-பேக்டு செக்யூரிட்டிஸ் அண்ட் தேர் ரிஸ்க்ஸ், டிசம்பர் 29, 2005
  11. 11.00 11.01 11.02 11.03 11.04 11.05 11.06 11.07 11.08 11.09 11.10 ஃபிக்ஸடு இன்கம் செக்டார்ஸ்: ஆசட்-பேக்டு செக்யூரிட்டிஸ் - எ ப்ரிமைர் ஆன் அசட்-பேக்டு செக்யூரிட்டிஸ் , ட்விக்ஹ்ட் அசட் மேனேஜ்மெண்ட் கம்பெனி (2005).
  12. தி கமிட்டி ஆன் தி குளோபல் ஃபினான்ஷியல் சிஸ்டம் டிஃபைண்ட் ஸ்ட்ரக்ச்சர்டு ஃபினான்ஸ், "தி ரோல் ஆஃப் ரேட்டிங்ஸ் இன் ஸ்ட்ரக்ச்சர்டு ஃபினான்ஸ்: இஷுஸ் அண்ட் இம்ப்ளிகேஷன்ஸ்", ஜனவரி 2005
  13. "தி ஹன்ட்பூக் ஆஃப் ஆசட்-பேக்டு செக்யூரிட்டிஸ்", செஸ் லேடர்மன், 1990.
  14. டவாக்கோலி, ஜானெட். "CDOஸ்: காவிட் எம்ப்டோர்" GARP ரிஸ்க் ரிவியூ(ஜெர்னல் ஆஃப் தி குளோபல் அசோசியேஷன் ஆஃப் ரிஸ்க் ப்ரொஃபெஷனல்ஸ்) , செப்டம்பர்/அக்டோபர் 2005 இஷு 26.