பரப்பு இழுவிசை
பரப்பு இழுவிசை (surface tension) என்பது நீர்மத்தின் மேற்பரப்பு புறவிசையை எதிர்க்கின்ற பண்பு. நீர்மத்தின் ஓரலகுப் பரப்பில் உணரப்படும் விசையே பரப்பு இழுவிசை என்று இதை வரையறுக்கலாம். இது நீர்ம மூலக்கூறுகளிடையே உள்ள தன்னினக் கவர்ச்சி விசையால் உண்டாகிறது. இதனால் நீர்மத்தை விட அதிக அடர்த்தி உடைய பொருட்கள் அந்த நீர்மத்தில் மிதக்க முடியும்.
ஒரு நீர்மத்தின் உட்பகுதியில் உள்ள மூலக்கூறுகள் மற்ற எல்லா மூலக்கூறுகளாலும் எல்லாத் திசையிலும் சமமாக இழுக்கப்படுகின்றன. எனவே நிகர விசை சுழி ஆகும். ஆனால் நீர்மப் பரப்பில் உள்ள மூலக்கூறோ உள்நோக்கியவாறே இழுக்கப்படுகின்றது. இதனால் நீர்மப்பரப்பில் இறுக்கம் உணரப்படுகிறது.
அன்றாட இயற்பியல் [தொகு]
நீரில் நடக்கக் கூடிய சில பூச்சிகள் நீரின் பரப்பு இழுவிசை காரணமாகவே அவ்வாறு செய்ய இயல்கிறது.
குளியல் மற்றும் சலவை சோப்பு நீரின் பரப்பு இழுவிசையைக் குறைத்து விடுகிறது. இதனால் தான் சோப்பு நீரில் உண்டாகும் குமிழி வெகு நேரம் நிலைத்து நிற்கிறது.
மழைத் துளியாயினும் குழாயிலிருந்து சொட்டும் நீர்த்துளியாயினும் கோள வடிவில் இருக்கக் காரணம் பரப்பு இழுவிசையே. ஏனெனில் குறைந்த பரப்பளவில் அதிக கனஅளவுள்ள வடிவம் கோள வடிவமே.
-
இலையில் தங்கிய நீர்த்துளி
-
குழாயில் இருந்து சொட்டும் நீர்
-
நீரில் நடக்கும் பூச்சி
