பணகுடி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
பணகுடி
அமைவிடம்
நாடு இந்தியாவின் கொடி இந்தியா
மாநிலம் தமிழ்நாடு
மாவட்டம் திருநெல்வேலி
ஆளுநர் கொனியேட்டி ரோசையா[1]
முதலமைச்சர் ஜெ. ஜெயலலிதா[2]
மாவட்ட ஆட்சியர்
மக்கள் தொகை 25 (2001)
நேர வலயம் IST (ஒ.ச.நே.+5:30)

பணகுடிஆங்கிலம்:Panagudi), இந்தியாவின் தமிழ்நாடு மாநிலத்தில் அமைந்துள்ள திருநெல்வேலி மாவட்டத்தில் இருக்கும் ஒரு பேரூராட்சி ஆகும். இவ்வூர் இராதாபுரம் தாலுகாவை சார்ந்தது. இவ்வூரில் சிறப்பு மிக்க இராமலிங்க சுவாமி சிவகாமி அம்மாள் கோவில் உள்ளது.

மக்கள் வகைப்பாடு[தொகு]

இந்திய 2001 மக்கள் தொகை கணக்கெடுப்பின்படி 25,444 மக்கள் இங்கு வசிக்கின்றார்கள்.[3] இவர்களில் 49% ஆண்கள், 51% பெண்கள் ஆவார்கள். பனங்குடி மக்களின் சராசரி கல்வியறிவு 71% ஆகும், இதில் ஆண்களின் கல்வியறிவு 76%, பெண்களின் கல்வியறிவு 66% ஆகும். இது இந்திய தேசிய சராசரி கல்வியறிவான 59.5% விட கூடியதே.பணகுடி மக்கள் தொகையில் 12% ஆறு வயதுக்குட்பட்டோர் ஆவார்கள்.

அமைவிடம்[தொகு]

காசி முதல் கன்னியாகுமரி வரை உள்ள தேசிய நெடுஞ்சாலையின் கன்னியாகுமரிக்கு வடக்கே 30கி.மீ தொலைவிலும் திருநெல்வேலியில் இருந்து 52கி.மீ தொலைவிலும் அமைந்துள்ளது.

பெயர்க் காரணம்[தொகு]

பணகுடி என்ற சொல்லுக்கு வரலாற்று ஆசிரியர்கள் பல கருத்துக்களை கூறுகின்றனர். பணகுடியிலும் அதன் சுற்று புறங்களிலும் ‘பாணர்கள்’ என்ற தாழ்த்தப்பட்ட இனமக்கள் அதிகமாக வாழ்ந்த காரணத்தால் இவ்வூர் “பாணர்குடி” என்று அழைக்கப்பட்டது. பின்னர் “பணகுடி” என்றாயிற்று என்பார்கள். இன்னொரு சாரார் பனைமரக்காடுகள் அதிகமாக இருந்த காரணத்தால் பனைத்தொழில் இப்பகுதியில் சிறந்து விளங்கியது என்றும் அதனால் ‘பனைக்குடி’ என்று அழைக்கப்பட்டு பின்னர் “பணகுடி” என்று மருவியதாகவும் கருதுகிறார்கள்.

ஆங்கிலேயர்கள் பணகுடிக்கு வருவதற்கு முன்பு பணகுடி ‘உத்தமபாண்டியபுரம்’ என்ற பெயரால் அழைக்கப்பட்டது. பிற்காலத்தில் பணகுடி என்றாயிற்று. பணகுடியை முரத்த நாடு என்றும் அழைப்பார்கள். இச்செய்தி சுசீந்திரம் கோவில் கல்வெட்டில் காணப்படுகிறது.

பணகுடி மக்கள்[தொகு]

பணகுடியில் இந்துக்கள், கிறித்தவர்கள் மற்றும் முஸ்லிம்கள் போன்ற மதத்தை சார்ந்த, வெவ்வேறு பிரிவைச் சேர்ந்த மக்கள் வாழ்ந்து வருகிறார்கள்.

கால நிலை[தொகு]

பணகுடியில் மார்ச் முதல் மே வரை வெயில் காலம் ஆகும். பணகுடியில் மேற்கு தொடர்ச்சி மலைகள் காணப்படுகின்றன.

தொழில் வளம்[தொகு]

பணகுடியில் முக்கியத் தொழில் வேளாண்மை. பணகுடியில் ஆற்று நீர்ப்பாசனம், குளத்து நீர்ப்பாசனம் முறையிலும் விவசாயம் செய்தனர். புதியவகை இயந்திரங்கள் மூலம் கிணற்றில் இருந்து நீரைப் பெறுகின்ற முறையும், ஏற்றம் இறைத்தல் முறையும் பின்பற்றப்படுகிறது. பணகுடியின் வடதிசையில் கரிசல் மண்ணும், தென்திசையில் செம்மண்ணும் காணப்படுகின்றது. பணகுடியில் செம்மண்ணும் களிமண்ணும் அதிகம் கிடைப்பதல் செங்கள் சூளைகளுக்கும் ஒடு தொழிற்சாலைகளுக்கும் முக்கிய மூலப்பொருளாக மண் பயன்படுத்தப்படுகிறது.

இங்கு நெற்பயிர் அதிகம் விளைச்சல் ஆகிறது. சூன் முதல் செப்டம்பர் வரையிலும் அக்டோபர் முதல் டிசம்பர் வரையிலும் நெல் பயிரிடப்படுகிறது. இதற்கு நீர்பாசனம் அனுமான் நதியில் இருந்தும் குளத்தில் இருந்தும் கிடைக்கிறது. மேலும் இப்பகுதியில் சோளம், கேழ்வரகு, மிளகு, தென்னை, காய்கறி, வாழை, பனை போன்றவையும் பயிரிடப்படுகிறது.

பணகுடியை பொறுத்தவரையில் தொழில்களும் சிறப்பாக நடைபெறுகின்றது. பணகுடியில் உள்ள அதிகமான பெண்கள் பீடி சுற்றுகிறார்கள். மேலும் கூடை முடைதல், சுருட்டு சுற்றுதல், செங்கல் உற்பத்தி செய்தல், ஓடு தொழிற்சாலைகள் போன்ற தொழில்களும் சிறப்பான முறையில் நடைபெற்று வருகிறது. இங்கு ஏராளமான ஒடுகள் மற்றும் செங்கல் தயாரிக்கப்பட்டு வெளியிடங்களுக்கும் வெளியூர்களுக்கும் வேறு மாநிலங்களுக்கும் அனுப்பப்படுகிறது.

சிறுதொழில்கள்[தொகு]

சிறுதொழில்களாக தங்க நகை செய்தல், மரச்சாமான்கள் செய்தல், தட்டச்சு மண்பானை செய்தல் போன்ற தொழில்கள் நடைபெறுகின்றது. பணகுடியில் சர்வோதய சங்கம் சிறப்பு பெற்றதாகக் காணப்படுகிறது. இங்கு மரச்சாமன்கள் சோப்பு செருப்பு தேன் ஊதுபத்திகள் தலையனை போன்ற இதர பொருட்கள் தயாரிக்கப்படுகின்றன.

சந்தை வசதி[தொகு]

பணகுடியில் மிகப் பெரிய சந்தை உள்ளது. இச்சந்தை மையப்பகுதியில் அமைந்துள்ளதால் சுற்று வட்டார ஊர்களான வடக்கன்குளம், கும்பிளம்பாடு, கலந்தபனை, பாம்பன்குளம், ரோஸ்மியாபுரம், தளவாய்புரம் போன்ற இடங்களில் இருந்து மக்கள் வந்து பொருட்களை வாங்கிச் செல்கின்றார்கள். தினந்தோறும் சந்தை நடைபெறுகிறது. வார சந்தையும் நடைபெறுகிறது, இதைத் தவிர மாட்டுச் சந்தையும் மீன்சந்தையும் உள்ளது. யாதவர் சமுதாயத்தை சேர்ந்தவர்களும் செட்டியார் சமுதாயத்தை சேர்ந்தவர்களும் பணகுடி சந்தையையும் கவனிக்கின்றார்கள் 19ம் நுற்றாண்டிலிருநதே பணகுடியானது ஒரு மிகப் பெரிய கிராமமாக சிறப்பு பெற்று விளங்குகிறது.

போக்குவரத்து[தொகு]

மதுரை நாயக்கர்களின் ஆட்சியின் போது இருந்த இராணி மங்கம்மாள் ஆட்சிக்காலத்தில் தான் பணகுடியில் சாலைகள் அமைக்கப்பட்டன. இதனால் அச்சாலை மங்கம்மாள் சாலை என்று அழைக்கப்பட்டது. பணகுடியில் ஆரம்பரத்தில் மங்கம்மாள் சாலை மட்டும் தான் இருந்தது. பணகுடி முதல் வள்ளியூர் வழியாக செல்லக்கூடிய சாலை இராமலிங்க சுவாமி சிவகாமி அம்பாள் கோவில் முன்னால் செல்கிறது. இது ஆரம்பத்தில் மண் சாலை போடப்பட்டுள்ளது. இந்த தேசிய நெடுஞ்சாலையின் வழியாகத் தான் திருநெல்வேலி நாகர்கோவில் திருவனந்தபுரம் மற்றும் சென்னை போன்ற நகர்களுக்கு செல்லும் பேருந்துகள் செல்கின்றன. மற்ற பேருந்துகள் பைபாஸ் வழியாக செல்கின்றன.

பணகுடியில் ஒரு பெரிய பேருந்து நிலையம் உள்ளது. இங்கு தான் நாகர்கோவில் திருநெல்வேலிக்கு செல்லும் மக்களும் வெளியூக்கு செல்லும் மக்களும் இந்த பேருந்து நிலையம் வந்துதான் பேருந்து ஏறிச் செல்கின்றனர்.

பணகுடியில் இருந்து போக்குவரத்து தவிர தொடருந்துப் போக்குவரத்தும் உள்ளது. 1903-ம் நூற்றாண்டில் தொடருந்துப் போக்குவரத்து ஆரம்பிக்கபட்டது.

சமய நிலை[தொகு]

பணகுடியில் உள்ள மக்கள் பலவிதமான மதத்தை சார்ந்தவர்கள். இந்து மதத்தை பொருத்தவரை அதிகமான மக்கள் வாழ்கிறார்கள். இதில் சைவர்களும், வைணவர்களும் உள்ளனர். கிறித்தவ மதத்தில் கத்தோலிக்கர்கள், புரோட்டஸ்ண்டுகள், பெந்தேகோஸ்சுகள் என்ற பிரிவினர்களும் உள்ளனர். சில முஸ்லிம்கள் உருது மொழி பேசுகின்றனர். இவர்கள் பட்டாணி முஸ்லிம் என அழைக்கப்படுகின்றனர். தமிழ் மொழி பேசும் முஸ்லிம்கள் லெப்பை என அழைக்கப்படுகின்றனர்.

பணகுடிக்கும் இராமாயணத்துக்கும் உள்ள தொடர்பு[தொகு]

இராமாயணமும் மகாபாரதமும் காப்பியங்கள் காலம் ஆகும்.இராமாயணத்துக்கும்,மகாபாரதத்துக்கும் தொடர்பு உள்ளதாக கருதப்படுகிறது.மேலும் இராமனும் அனுமானும் பணகுடியின் ஸ்ரீஇராமலிங்க சுவாமி சிவகாமி அம்மாள் கோவிலின் முன் இருந்ததாக ஒரு கதை கூறப்படுகிறது.இது உண்மையா,பொய்யா என்று தெரியவில்லை.இராமர் இராமேஸ்வரத்தில் இருந்த லட்சுமணனை பார்க்க பணகுடியில் இருந்து சென்றதாக வாய்மொழி கூற்று கூறப்படுகிறது.இக்கூற்றை அடிப்படையாகக் கொண்டு இராமாயணம் பணடியுடன் தொடர்புடையது என்று கூறப்படுகிறது.

இதனால் வடநாட்டுக்கும்,தென்னாட்டுக்கும் உறவு உள்ளது என்று சொல்லப்படுகிறது.இதனால் பணகுடியில் உள்ள ஸ்ரீஇராமலிங்க சுவாமியை சோட்டா நாராயணன் என்று வடநாட்டவர்கள் சொல்கிறார்கள்.சங்க நூலானது தமிழ்நாட்டில் உள்ள பாணர்கள் யாகர் என்ற சொல்லிலிருந்து வந்தது என்று சொல்கிறார்கள்.பாண்டிய நாட்டில் உள்ள ஏழ்மையான மக்களுக்கு பாணர் பரிசு பொருளாக கொடுக்கப்பட்டது.இப்படி பாண்டியர்களால் கொடுக்கப்பட்ட பாணர் தான் பணகுடி என்று அழைக்கப்பட்டது.இராமாயணத்துக்கும்,பணகுடிக்கும் உள்ள தொடர்பானது தமிழ் வரலாற்றில் கூறப்பட்டுள்ளது.அனுமான் நதி பணகுடியில் பாய்வதன் காரணமாக அங்குள்ள மக்கள் மகிழ்ச்சியுடன் வாழ்கின்றனர்.இது ஒரு கட்டுக்கதை அல்ல.வரலாற்றில் பதிவு செய்யப்பட்ட உண்மை ஆகும்.

அனுமன் நதி[தொகு]

சீதையை மீட்கச் சென்ற இராமபிரான் அங்கு நடைபெற்ற போரில் எண்ணற்ற வீரர்கள் இறக்கவே அவர்களுக்கு உயிருட்டும் பொருட்டு அதற்குரிய மூலிகையை கொண்டுவர அனுமானை பணித்ததாகவும்,முலிகை தேடி முலிகை மலைக்குவந்த அனுமான் மூலிகையின் பெயரை மறந்ததால் மீண்டும் முலிகை பெயரை கேட்டுவர இலங்கை செல்ல வேண்டிய இக்கட்டான நிலையைஉணர்ந்து தன் சமயோகித புத்தியால் மூலிகை மலையையே பெயர்த்துஎடுத்து சென்றதாகவும் இராமாயணம் கூறுகிறது.

அனுமான் பெயர்த்து எடுத்துச் சென்ற மலை எது என்ற வினாவுக்கு விடை தேடினால் பலர் பரவாறு கூறுகிறார்கள்.கன்னியாகுமரி மாவட்டத்தில் உள்ள மருந்துவாழ் மலையே அஃது என்கிறார்கள்.மருந்துவரழ்மலை என்ற பெயர் மட்டும் கொண்டு அவ்வாறு முடிவு செய்வதைவிட மலையைப் பெயர்த்துச் சென்ற காலத்தில் அனுமானுடைய வால் தரையில் இழுத்தபடி சென்றதால் ஏற்பட்ட வழியே (வழி என்றால் ஆறு என்பது பொருள்) பணகுடி மலையிலிருந்து உற்பத்தி ஆகும் அனுமான் நதி ஆகும். ஆகவெ பணகுடியின் மெற்கெ உள்ள மகேந்திரகிரியெ அனுமான் பெயர்த்தெடுத்துச் சென்ற மலை என்று கருத இடம் எற்படுகிறது.

முலையில் இருந்து அனுமானுடைய வால் இழுத்து சென்ற இடம் நாளாவட்டத்தில் ஆறாக மாறியது என்று கருதப்படுகிறது. இந்த அனுமான் நதி நீர் பணகுடியின் விவசாயத்திற்கு பயன்படுத்தபடுகிறது. அனுமான் நதியின் ஆற்று நீர் தண்டையார்குளம், பெருங்குடி, சாத்தான்குளம், வெப்பிலாங்குளம், போன்ற சுற்றியுள்ள ஊர்களுக்கு பாய்கிறது. பின்னர் இராதாபுரம் செட்டிகுளம் வழியாக வங்காள விரிகுடா கடலில் கலக்கிறது.

குத்தரபாஜான் அருவி[தொகு]

அனுமான் மகேந்திரகிரி மலையிலிருந்து மூலிகை மலையைக் கையில் எடுத்துக் கொண்டு குத்தர பாய்ந்து கொண்டு சென்றார்.அப்போது உருவான அருவி குத்தரபாஜான்.இவ்வருவி குத்தர பாய்ந்ததால் குத்தரபாஜான் என அழைக்கப்பட்டது. இந்த அருவியில் 1974 ஆம் ஆண்டு ஆலந்துணையார் அணை ஒன்று கட்டப்பட்டுள்ளது.

மழைக் காலங்களில் இங்கு அதிக நீர் வரும். அதனால் இவ்வூர் மிகவும் செழிப்பாக உள்ளது. பணகுடியும் தென்காசியும் ஒன்றுபோல் உள்ள இடம் என்று ஆங்கிலேயர் கூறியுள்ளனர்.வீரபண்டியன்குளம், தளவாய்புரம் போன்ற 34 குளங்களுக்கு இந்த அனைக்கட்டில் இருந்து தண்ணீர் திறந்து விடப்படுகிறது.இந்த தண்ணீர் மூலம் 1121 ஹெக்டேர் நிலங்கள் விளைச்சல் பெறுகின்றன. இறுதியாக இராதாபுரம் வழியாக சென்று கடலில் கலக்கிறது. குத்தரபாஜான் அருவி ரூ.1285 லட்சம் செலவில் சுற்றுலா தலமாக மாற்ற அரசு நடவடிக்கை எடுத்துள்ளது.

மகேந்திரகிரி மலையின் சிறப்பு[தொகு]

மேற்குதொடர்ச்சி மலையின் ஒரு பகுதி தான் மகேந்திரகிரி மலை ஆகும்.இந்த மலையில் பல்வேறு வகையான புண்ணிய தீர்த்தங்கள்,புண்ணிய பாதங்கள் இருக்கின்றன.இம்மலையில் சித்தர்கள் இன்றும் பவனி வருகின்றார்கள் என்று கூறுகின்றார்கள்.

மகேந்திரகிரி மலையில் சிவபெருமான் ஐந்து முகங்களுடன் அன்னை சிவகாமிக்கு வேத ஆகமங்களை எடுத்து அருளினார் என்பதும் அம்புகையானவள் நிதத்தை தன் தலைவனுக்கு எடுத்து விளக்கினார் என்பதும் புராணம் ஆகும்.இதனை திருவாசகத்தில் “கீர்த்தி திருஅகவல்” என்னும் பதிகத்தில் மாணிக்கவாசக பெருமான் அருளியுள்ளார்.இந்த இடத்தை “தாய்பாதம்” என்று அழைத்து ஜானம் வேண்டி செல்கின்றனர்.

விஷ்ணுவின் ஐந்தாவது அவதாரமான வாமன அவதாரத்தில் மகாகவி சக்ரவர்த்தி மகேந்திரகிரி மத்தில் கேள்வி நடத்தி கொண்டிருக்கும்போது வி ணு பகவான் கால் ஊன்றிய இடம் வி ணு பாதம் என்றும் இதன்அருகில் பாததீர்த்தம் உள்ளது.இதை நம்பி உலா என்னும் நூலில் காணலாம்.

அனுமான் சீதாபிராட்டியை தேட தென்திசையை நோக்கி புறப்படும் போது அங்கதன்,ஜாம்பவான் முதலானோர் மகேந்திரகிரியில் தன்னை சந்திக்கும்படி மற்ற வீரர்களிடம் தெரிவிக்கின்றனர்.இந்த செய்தி கி கிந்தா காண்டத்தில் 831-ம் பாடலாக வருகிறது.இவ்வாறு சைவரும் வைணவரும் உரு மனதாக ஏற்றுக்கொள்ளப்பட்ட இந்த மலையை இந்திரன் நாள்தோரும் வழிபட்டு வந்ததாக கூறப்படுகிறது.

கல்வி[தொகு]

  • திரு இருதய ஆரம்பப்பள்ளி:

திரு இருதய ஆரம்ப பள்ளியானது 1938-ம் ஆண்டு தான் திரு இருதய சகோதர்களால் ஆரம்பிக்கப்பட்டது இந்த பள்ளியானது திரு இருதய சபைக்கு சொந்தமானது இந்த பள்ளியின் நிர்வாகத்தை திரு இருதய சபையே கவனித்து கொள்ளும். இப்பள்ளியின் மேற்கு திசையில் சற்றுத் தொலைவில் ஒரு புதிய பள்ளிக்கூடம் ஒன்று கட்டப்பட்டது. பின்னர் அதிக மாணவர்கள் இப்பள்ளியில் சேர்க்கப்பட்டனர்; 1946-ம் ஆண்டு இப்பள்ளியானது நடுநிலையாக தரம் உயர்த்தப்பட்டது. 1981-ம் ஆண்டு உயர்நிலைப் பள்ளியாகவும் 1997-ம் ஆண்டு மேல்நிலைப் பள்ளியாகவும் வளர்ச்சியடைந்துள்ளது.8

திரு இருதய ஆரம்ப பள்ளியில் 483 மாணவர்கள் பயின்று வருகின்றனர். இவர்களில் 237 மாணவர்களும் 246 மாணவிகளும் உள்ளனர். இப்பள்ளியில் ஒன்றாம் வகுப்பு முதல் ஜந்தாம் வகுப்பு வரை தான் உள்ளது ஒவ்வொரு வகுப்பும் மூன்று பிரிவாக பிரிக்கப்பட்டுள்ளது. இப்பள்ளியில் மொத்தம் 14 ஆசிரியர் பெருமக்கள் பணியாற்றுகின்றனர். அவர்களில் பதினொன்று ஆசிரியைகளும் மூன்று ஆசிரியர்களும் உள்ளனர். இவர்களில் தலைமை ஆசிரியரும் அடங்குவார்.

  • ஜோசப் ஆரம்பப்பள்ளி:
  • வு.னு.வு.யு. ஆரம்பப் பள்ளி
  • லிட்டில் ஃபிளவார் ஆங்கில தொடக்கப்பள்ளி:
  • வடக்கு இந்து நடுநிலைப்பள்ளி :
  • அஸசேஸ் நடுநிலைப்பள்ளி :
  • புள்ளி மான் ஆங்கில உயர்நிலைப்பள்ளி :
  • திரு இருதய மேல்நிலைப்பள்ளி :
  • புனித அன்னாள் ஆங்கிலப் பள்ளி :

பணகுடியின் சமூக நிலை மக்களின் சமூக நிலையை பொறுத்தவரையில் மிகவும் சிறந்ததாக காணப்படுகிறது சமுதாயத்தில் வௌ;வேறு விதமான மதம், இனம், ஜாதி சார்ந்த மக்கள் வாழ்கின்றனர். ஒவ்வொரு மதத்தினரும் குல தெய்வங்களை வழிபடுகின்றனர். அவர்;களின் வழிபாடு வௌ;வேறு விதமாக காணப்படுகிறது. சமுதாயத்தில் பலவிதமான பிரிவைச் சேர்ந்த மக்கள் வாழ்கின்றனர். நாடார், பிராமணர், செட்டியார், வை~;ணவர், ஆசாரி, வைச வெள்ளாளர், யாதவர், முதலியார், மீனவர், முஸ்லீம் போன்றவர்களும் வாழ்கின்றனர். பணகுடி மக்களின் நிலை: 1. நாடார்: பணகுடியில் இச்சாதி மக்கள்தான் அதிகமாக வாழ்கின்றார்கள். நாடார் மக்கள்தான் சற்று உயர்ந்த நிலையில் காணப்படுகின்றார்கள். இவர்கள் விவசாயத்தையும், செங்கல், ஓடு தொழிற்சாலைகளையும் முக்கிய தொழிலாகக் கொண்டுள்ளார்கள். கல்வியிலும் நல்ல வளர்ச்சி அடைந்தவர்களாக காணப்படுகின்றனர். 2. ஆதிதிராவிடர்: பணகுடியில் ஆதிதிராவிட மக்கள் சற்று குறைவாகதான் உள்ளனர். இவர்கள் பெரும்பாலும் அரசு ஊழியர்களாக பணியாற்றுகின்றனர்.

ஆரம்ப காலத்தில் கல்வியறிவு இல்லாமல் காணப்பட்ட மக்கள் தற்போது கல்விநிலையில் வளர்ச்சி அடைந்துள்ளனர். இவர்களின் வாழ்க்கை தரமும் மேம்பட்டு வருகிறது. 3. செட்டியார்: இவர்கள் குறைவான எண்ணிக்கையில்தான் உள்ளனர். இவர்கள் கல்வியறிவில் வளர்ச்சி அடைந்து வாணிப நிலையில் உயர்ந்து காணப்படுகின்றனர். 4. ஆசாரி: பணகுடியில் ஆசாரி மக்கள் குறைந்து காணப்படுகின்றனர். இவர்களை தங்க ஆசாரி என்றும், கொல்ல ஆசாரி என்றும் இருவகையாகப் பிரிக்கலாம். இவர்கள் தங்கப்பட்டறை அல்லது கொல்லப் பட்டறை வைத்து தங்கள் தொழிலை செய்து வருகின்றார்கள். 5. பிராமணர்கள்: பிராமணர்கள் குறைவாகத்தான் உள்ளார்கள். இவர்கள் கல்விநிலையில் உயர்ந்துள்ளனர். இவர்கள் அரசு பணியாளர்களாகவும், கோவில் பூசாரிகளாகவும் பணிபுரிகின்றனர். இவர்கள் சமூகத்தில் உயர்ந்தவராக மதிக்கப்படுபின்றனர். 6. முதலியார்: இவர்கள் குறைவாக காணப்படுகின்றார்கள். இவர்கள் கல்வியிலும் வளர்ச்சி பெற்று வாணிப நிலையிலும் ஆசிரிய பணியிலும் உயர்ந்துள்ளனர். 7. பிள்ளைமார்கள்: பிராமணர்களுக்கு அடுத்தப்படியாக மதிக்கப்படுபவர் கல்வியில் சிறந்து விளங்கின்றனர். அரசுபணியிலும் பணிபுரிகின்றனர்.

8. யாதவர்கள்: பணகுடியில் அதிகமானோர் உள்ளார்கள். கல்வியில் வளர்ச்சி அடைந்து வருகின்றனர் இவர்களின் முக்கிய தொழில் விவசாயம், ஆடு ,மாடு மேய்த்தலும் ஆகும். இவர்கள் பால் பண்ணையில் அதிக வேலை செய்கின்றார்கள்.

9. பார்க்கவகுல மூப்பனார்; இவர்கள் குறைவான எண்ணிக்கையில் தான் உள்ளனர். இவர்கள் பிள்ளைமார்கள் மற்றும் நாடார் சமூகத்தை விட உயர்ந்த சமூகம், கல்வியறிவில் வளர்ச்சி அடைந்து அரசு/தனியார் பணியிலும் பணிபுரிகின்றனர்.இவர்கள் இந்து/கிறிஸ்தவர்கள் என இரு பிரிவு உள்ளனர், அமலோற்பவ மாதா திருத்தலம் 200 ஆண்டு பழமை பெற்றது.பிரிடிட்ஷ் காலத்தில் இவர்கள் கிறிஸ்தவ மதத்தை தழுவினார்கள். இவர்கள் கத்திக்காரர் எனவும் அழைக்கப்படுகின்றனர், இவர்கள் திருவாங்கூர் மன்னர் ஒருவருக்கு திருக்கோவிலுரை தலைநகரமாக கொண்டு ஆட்சி செய்த பாரி மன்னர்களின் மகளை மணம் செய்து கொடுத்த போது பணகுடி பகுதியில் வந்ததாக வரலாறு.

10. சோழர்கள்: குறைந்த மக்கள் தொகை உடையவர்கள் இவர்;கள் கல்வியில் வளர்ச்சி அடைந்து பெற்றுள்ளனர்;. மேலும் இவர்களின் முக்கிய தொழில் சுண்ணாம்பு தயாரித்து விற்பனை செய்வது ஆகும். 11. முஸ்லீம்கள்: முஸ்லீம்களில் இரு பிரிவுகள் உள்ளது. 1. பட்டாணி முஸ்லீம், இவர்கள் உருது மொழி பேசுபவர்கள். மற்றொன்று லெப்பை முஸ்லீம்கள் இவர்கள் தமிழ் மொழி பேசுபவர்கள். இவர்களில் பெரும்பாலானோர் வெளிநாட்டில் வேலை செய்கின்றனர். பல்வேறு இன, மதத்தை சார்ந்த பணகுடி பகுதியில் இவர்கள் ஒற்றுமையுடன் வாழ்ந்து வருகின்றனர் என்பது முக்கியமான ஒன்றாகும்.

12. வண்ணார்: இவர்கள் பரவலாக காணப்படுகிறார்கள். ஆரம்பகாலத்தில் படிப்பறிவு இல்லாமல் இருந்த மக்கள் தற்போது கல்வியறிவு உள்ளவர்களாக காணப்படுகின்றனர். இவர்கள் சலவை தொழில் செய்கின்றனர். 13. காட்டுநாயக்கர்கள்: இவர்கள் குறைந்த அளவில் உள்ளனர். ஆரம்பகாலத்தில் படிப்பறிவின்றி காணப்பட்ட இவர்கள் இன்று ஓர் அளவுக்கு படிப்பறிவு படைத்தவர்களாக காணப்படுகின்றனர். இவர்களின் முக்கிய தொழில் பன்றி வளர்ப்பது ஆகும். கல்வியில் மேம்பட்டு வருகின்றனர்.

பணகுடி பஞ்சாயத்து:- பணகுடி பஞ்சாயத்து தேர்வுநிலை பேரூராட்சி ஆகும். பணகுடி பஞ்சாயத்தை 1949-ம் ஆண்டு கொண்டுவரப்பட்டது. பஞ்சாயத்தின் பரப்பளவு 49 ச.கி.மீ இந்த பஞ்சாயத்தின் கீழ் பன்னிரண்டு கிராமம் உள்ளது. மொத்தம் பதினெட்டு வார்டுகள் உள்ளன. தற்போது பஞ்சாயத்து தலைவராக சந்திரன் என்பவரும் துணைத் தலைவராக பஞ்சாயத்து சங்கர் என்பவரும் பணியாற்றுகின்றனர். பஞ்சாயத்தில் மொத்தம் இருபத்தி எட்டுபேர் வேலை செய்கின்றனர். கிராம நிர்வாக அலுவலகம்: கிராம நிர்வாக அலுவலகம் இராணி மங்கம்மாள் சாலையில் அமைந்துள்ளது. காவல் நிலையம்: ஸ்ரீஇராமலிங்கசுவாமி சிவகாமி அம்பாள் கோவிலின் வடக்கு பகுதியிலும் திருநெல்வேலி நாகர்கோவிலுக்கு செல்லும் தேசிய நெடுஞ்சாலையின் அருகாமையில் காவல்நிலையம் அமைந்துள்ளது. பணகுடியை சுற்றி உள்ள கிராமங்களுக்கு இந்த ஓரே காவல்நிலையம் மட்டும் தான் உள்ளது. தபால் நிலையம்: பணகுடியின் பெரிய தெருவில் தபால் நிலையம் அமைந்துள்ளது.

இராமலிங்கசுவாமி சிவகாமி அம்பாள் கோவில்[தொகு]

ஸ்ரீஇராமலிங்கசுவாமி சிவகாமி அம்பாள் திருகோவில் பணகுடியில் உள்ளது. அது இந்தியாவில் மிக முக்கியமான வைஷ்ணவ கோவில் ஆகும். இங்கு சிவன் விஷ்ணு சுவாமிக்கு வழிபாடு நட்க்கிறது. அது நாகர்கோவிலுக்கு செல்லும் நெடுஞ்சாலையில் காவல் நிலையம் அருகில் அமைந்துள்ளது. இக்கோவிலின் அருகாமையில் தான் பணகுடி பேரூந்து நிலையம் உள்ளது. இக்கோவிலின் முகப்பு கிழக்கு நோக்கி அமைந்துள்ளது.

இக்கோவிலின் முன்பக்கம் தெப்பக்குளம் ஒன்று உள்ளது. இக்குளத்தின் கிழ் திசையில்; ஒரு கலையரங்கம் உள்ளது. திருவிழா காலங்களில் இக்கலையரங்கில் கலைநிகழ்ச்சி நடைபெறும். வட இந்தியர்கள் இக்கோயிலை சோட்டா நாராயணா என்று கூறுவார்கள். “சோட்டா நாராயணா என்றால் சிறிய நாராயணன் என்று பொருள்படும். இக்கோவிலின் உட்பகுதியில் சிறிய வைஷ்ணவ கோவிலும் உள்ளது. இராமர் கோவிலை கட்டுவாற்காக இராமேஸ்வரத்திலிருந்து லிங்கம் கொண்டுவரப்பட்டு பிரதிஷ்டை செய்யப்பட்டது மேலும் இராமன் வணங்கிய லிங்கம் என்பதால் இராமலிங்கம் என பெயர்பெற்றது.சைவர்களும் வைணவர்களும் இக்கோவிலை வழிப்பட்டனர்.ஏனென்றால் அரியும் சிவனுனம் ஒன்று அதனை அரியாதவர் வாயில் மண்ணு என்று கூறுவார்கள். அதன் அடிப்படையில் சிவனையும் விஷ்ணுவையும் வழிப்பட்டனர்.

கோவிலின் வரலாறு :

கி.பி. 14-ம் நூற்றாண்டில் தென்காசியை ஆட்சி செய்த உத்தம பாண்டியன் ஆட்சி காலத்தில் தான் பணகுடியில் கோவில் கட்டப்பட்டது கோவிலில் வசந்த மண்டபம் சிறப்பு அமையுமாறும் செய்தார். இதனாலேயே ஆரம்ப காலத்தில் பணகுடி ‘உத்தமபாண்டியபுரம்’ என அழைக்கப்பட்டது.5

இம்மன்னன் ஆட்சி காலத்தில் தான் லிங்க வழிபாடு நடைபெற்றது. இதைப்பற்றி இக்கோவிலில் எழுதப்பட்டுள்ளது. ஆரம்பகாலத்தில் இக்கோவில் நம்பிசிங்கபெருமாள் கோவில் என அழைக்கப்பட்டது பாண்டிய மன்னன்தான் இக்கோவிலை கட்டினான் என்பதற்கு அடையாளமாய் கோவிலின் வெளியே உள்ள சப்பரத்தின் உயர்ந்த மேல்தளப்பகுதியில் மீன் சின்னம் பொறிக்கப்பட்டுள்ளதே காரணமாகும்.

இக்கோவிலின் அடிப்பகுதியில் ஒரு சுரங்கப்பாதை உள்ளது; இந்த சுரங்கப்பாதை திரு இருதய சகோதரர் பள்ளியின் பின்புறம் உள்ள கிணற்றில் முடிவடைகிறது.என்று கூறுவார்கள். இந்த சுரங்கபாதையை மன்னர்கள் அவசர காலத்தில் பயன்படுத்தினார்கள் என்று கருதப்படுகிறது.

வழிபாடுகளும் திருவிழாக்களும்:

இக்கோவிலில் மக்களின் நலனுக்காக மூன்று பூஜைகள் நடைபெற்றன. அது நித்தியம் நெய்நித்தியம் மற்றும் கமியம் ஆகும் நித்தியம் என்பது தினமும் நடைபெறும் பூஜை ஆகும் நெய்நித்தியம் என்பது மக்களின் ஒற்றுமைக்காக செய்யப்படும் பூஜை ஆகும். கமிலம் என்பது ஆண்கள் பெண்கள் என்று தனியாக நடைபெறும் பூஜைகள் ஆகும். திருவிழாக்கள் : தை மாதம் பெரிய திருவிழாக்கள் நடைபெறும் ஒவ்வொரு சமுதாயத்தை சார்ந்த மக்களும் தனித்தனியாக திருவிழா நடத்துவார்கள். மக்கள் தங்களின் நிலத்தில் விளைந்த பொருட்களை கொண்டு வந்து கடவுளுக்கு காணிக்கை செலுத்தினார்கள்.மேலும் பலர் தங்களின் வேண்டுதல் நிறைவேறியதும் திருவிழா எடுத்தனர். வணிகர்கள் தொழில் அதிபர்கள் தங்கள் தொழிலில் வெற்றி பெற்றாலும் பௌர்ணமி அமாவாசையில் நடைபெறும் தழிழ் மாதங்களில் தான் திருவிழா நடைபெறும்.8 மாதம் தோறும் நடைபெறும் திருவிழாக்கள் : சித்திரை மாதம் சித்திர பௌர்ணமி திருவிழா நடைபெறும.; அப்போது 1008 திருவிளக்கு பூஜையும் நடைபெறும். வைகாசி மாதம் முருகபெருமானுக்கு வைகாசி விசாகம் திருவிழா நடைபெறும் புராட்டாசி மாதம் கடைசியில் நவராத்திரி விழாவும் நடைபெறும் நவராத்திரி அன்று அம்பாளுக்கு தினமும் ஜப்பசி மாதம் திருகல்யாணமும் தீபாவளி பண்டிகையும் நடைபெறும்.

கார்த்திகை மாதம் கந்தசஷ்டியும் திருக்கார்த்திகை திருவிழாவும் நடைபெறும் மார்கழி மாதம் திருவாதிரை மற்றும் வைகுண்ட ஏகாதசி திருவிழாவும் நடைபெறும் மேலும் பொங்கல் பண்டிகைக்கு சிறப்பு வழிபாடுகளும் நடைபெறும்.9 இவ்வாறாக ஒவ்வொரு மாதமும் ஒவ்வொரு கடவுளுக்கு சிறப்பு வழிபாடுகள் நடைபெறும் மாசிமாதம் மகாசிவராத்திரி திருவிழா நடைபெறும். வாகனம் : மாதம் தோறும் நடைபெறும் திருவிழா சமயங்களில் கோவிலில் வாகனம் எடுக்கப்படும். வாகனத்தை பூக்களால் அலங்கரித்து அதனுள் கடவுளின் சிலையை வைத்து பக்தர்கள் வாகனத்தை மக்கள் தரிசனத்துக்காக வீதி உலா கொண்டு செல்வார்கள். தெப்பத் திருவிழா : தை மாதம் ஒவ்வொரு வருடமும் பணகுடி இராமலிங்க சுவாமி சிவகாமி அம்பாள் கோவிலில் 10 நாள் திருவிழா நடைபெறும் இத்திருவிழாவை தெப்பத்திருவிழா என்று அழைப்பார்கள். இத்திருவிழாவை ஒவ்வொரு சமுதாயத்தை சார்ந்த மக்களால் நடத்தப்படும் விழா ஆகும். ஒவ்வொரு சமுதாயமும் இத்திருவிழாவை தங்களின் சொந்த பணத்தை வைத்து திருவிழா நடத்துவார்கள் இத்திருவிழாவின் போது கரகாட்டம்இ மயிலாட்டமஇ; போன்ற கலை நிகழ்ச்சிகள் நடைபெறும். திருவிழாவின் போது வீதிகளில் கடைகள் அமைக்கப்படும். எல்;லா இனம்இ மதம்இ மக்களும் இத்திருவிழாவில் பங்கெடுப்பர்கள். திருவிழா சமயத்தில் தெருக்கனை சுத்தம் செய்வார்கள். கோவில் பழுது பார்க்கப்பட்டு வர்ணம் பூசப்படும்கோவிலை சுற்றிலும் மின்விளக்குகளால் அலங்காரம் செய்யப்பட்டிருக்கும்.1 பத்து நாள் திருவிழா: முதல் நாள் திருவிழா கொடியேற்றத்துடன் ஆரம்பம் ஆகும். இத்திருவிழாவை கிருஷ்ண பிள்ளை என்பவர்கள் நடத்துவார்கள். இவர்கள் 5 வீட்டு பிள்ளைமார்கள் என்றும் அழைக்கப்படுவார்கள். இத்திருவிழாவின் போது பகலில் கும்பாபிஷேகம் நடைபெறும். இரவில் அம்பாள் வாகனத்தில் திருவீதி உலா வருவார். இரண்டாம் நாள் திருவிழாவை நாடார் சமுதாயத்தினர் நடத்துவார்கள். காலை 8 மணியளவில் சுவாமிக்கு சிறப்பு வழிபாடு நடைபெறும். புpன்னர் சுவாமி அம்பாள் பல்லக்கில் திரு வீதி சுற்றி வருவார். பின்னர் கும்பாபிஷேகம் நடைபெறும. இரவில் சிறப்பு ஆராதனையும் அம்பாள் ரி;ஷப வாகனத்தில் வீதி உலா சுற்றிவரும் நிகழ்ச்சி நடைபெறும். பின்னர் கலை நிகழ்ச்சிகள் நடைபெறும். மூன்றாம் திருவிழா ஆதிதிராவிட சமூதாயத்தினர் நடத்ததுவார்கள் காலை சிறப்பு ஆராதளையும் 8 மணியளவில் அம்பாள் பல்லக்கில் வீதி உலா சுற்றவரும் நிகழ்ச்சி நடைபெறும். பின்னர் கலை நிகழ்ச்சிகளும் நடைபெறும். நான்காம் நாள் திருவிழாவை செட்டியர் சமூகத்தினர் நடத்ததுவார்கள் இவர்கள் திருவிழாவின் போதும் மேற்கண்ட அனைத்து நிகழ்ச்சிகளும் நடைபெறும். ஐந்தாம் ; நாள் திருவிழாவை யாதவர் சமூகத்தை சேர்டந்த மக்கள் நடத்துவார்கள். இவர்கள் திருவிழாவின் போதும் மேற்கண்ட அனைத்து நிகழ்ச்சிகளும் நடைபெறும். மேலும் கருடாவாகனத்தில் ஸ்ரீதேவி பூமாதேவி நம்பிசிங்க பொருமாள் திருவீதி உலா சுற்றவரும் நிகழ்ச்சி நடைபெறும்.

ஆறாம் நாள் திருவிழாவை ஆசாரி சமூகத்தை சேர்ந்த மக்கள் நடத்துவார்கள் காலை 8 மணியளவில் அம்பாள் திருவீதி உலா சுற்றவரும் நிகழ்ச்சியும் பகலில கும்பாபிஷேகம் இரவில் அம்பாள் யானை அன்னம் வாகனத்தில் திருவீதி உலாவரும் நிகழ்ச்சியும் நடைபெறும். ஏழாம் நாள் ;. திருவிழாவை வெள்ளாளர் சமூகத்தை சார்ந்தவர்கள் நடத்துவார்கள். சிறப்பு வழிபாடாக காலையில் சபாபதி மண்டபத்திற்கு எழுந்தருயல் நிகழ்ச்சியும் பின்னர் பல்லக்கில் சுவாமி தீருவீதி எலாவரும் நிகழ்ச்சியும் நடைபெறும். பின்னர் கும்பாபிஷேகமும் இரவில் அம்பாள் நடரதஜர் திருவீ உலாவரும் நிகழ்ச்சியும் நடைபெறும். எட்டாம் திருவிழாவை தேவர் சமூதாயத்தை சார்ந்தவார்கள் நடத்துவார்கள். அப்போது காலையில் அம்பாள் சிம்மாசனத்தில் திருவீதி உலா வரும் நிகழ்ச்சியும் பகலில் கும்பாபிஷேகம் நடைபெறும்.பின்னர் இரவு அம்பாள் நடரா{ர் வீதி உலாவரும் நிகழ்ச்சியும் குதிரை வாகனத்தில் முருகப்பெருமான் பரிவேடடைக்கு புறப்படுதல் நிகழ்ச்சியும் நடைபெறும் ஒன்பதாம் நாள் திருவிழாவை முதலியார் சமூதாயத்தை சார்ந்தவர்கள் நடத்துவார்கள். அன்று தான் தோரோட்டம் நடைபெறும் தோரை நன்கு பூக்களால் அலங்கரித்து புதுப்பொலிவுடன் வைத்திருப்பார்கள். இத்தேரில் அம்பாள் விநாயகர் திருவீதி சுற்றி வரும் நிகழ்ச்சி நடைபெறும். இரவில் சுவாமி அம்பாள் பூப்பல்லக்கில் திருவீதி உலாவரும் நிகழ்ச்சி நடைபெறும். தேரோட்டத்தின் போது எல்லா சாதி மத மக்களும் சேர்ந்தே தேரை இழுப்பார்கள்.

பத்தாம் நாள் திருவிழாவை மூப்பனார் சமூதாயத்தை சார்ந்தவர்கள் நடத்துவார்கள். காலையில் அம்பாள் பல்லக்கில் வீதி உலா சுற்றவரும் நிகழ்ச்சி நடைபெறும். பின்னர் தீர்த்தவாரியும் பகலில் கும்பாபிஷேகம் நடைபெறும். இத்திருவிழாவின் போது தெப்பத்தில் அம்பாள் எழுந்தருளும் நிகழ்ச்சி நடைபெறும். அந்த சமயத்தில் கோபுரத்தின் முன்பகுதியில் உள்ள கும்பத்துக்கு அபிஷேகம் செய்வார்கள் அப்போது கோவில் புதுப்பிக்கப்படும்.5

இஸ்லாமியர்கள்[தொகு]

பணகுடியில் இரண்டு பிரிவைச் சார்ந்த முஸ்லீம்கள் வாழ்கின்றனர். ஒன்று பட்டாணி முஸ்லீம்கள் . அவர்களின் தாய்மொழி உருது ஆகும். மற்றொன்று லெப்பை முஸ்லிம்கள் அவர்களின் தாய்மொழி தமிழ் ஆகும். பணகுடியில் முஸ்லீம்கள் சுமார் 250 வீடுகள் உள்ளன. இவர்கள் தன்த்தனியாக மசூதிக்கு சென்று வழிபட்டனர். உருது பேசக்கூடிய பட்டாணி முஸ்லீம்களுக்கு; பணகுடி மெயின் ரோட்டின் கிழக்கு பகுதியில் மசூதி அமைந்துள்ளது.

கிறிஸ்துவ ஆலயங்கள்[தொகு]

பணகுடியில் கிறிஸ்துவ ஆலயங்கள் இரண்டு விதமாக காணப்படுகிறது. ஒன்று கத்தோலிக்க திருசபை ஆகும். நாகர்கோவிலுக்கு செல்கின்ற பணகுடி நெடுஞ்சாலையில் தென்பகுதியில் புனித சூசையப்பர் திருத்தலம் உள்ளது. புனித அந்திரேயா ஆலயம் உள்ளது புளியமரத்து பஸ்ஸ்டாப் அருகில் அமைந்துள்ளது. இவை தென்னிந்திய திருச்சபை (சி.எஸ்.ஐ) என அழைக்கப்படுகிறது.

புனித சூசையப்பர் திருத்தலம்[தொகு]

புனித சூசையப்பர் திருத்தலத்தில் வழிபடுவோர் ரோமன் கத்தோலிக்க கிறிஸ்தவர்கள் ஆவார்கள் இவர்கள் ஆர்.சி. கிறிஸ்தவர்கள் என்று அழைக்கப்படுவர்.

திருத்தலத்தின் வரலாறு: இங்கு வாழ்ந்த பெரும்பாலான கிறிஸ்தவர்கள் நாடார் மக்கள் ஆவார். பனையேறும் தொழில் செய்வதற்காக நாடார் கத்தோலிக்க மக்கள் சாத்தான் குளம் வடக்கன் குளம் கள்ளி குளம் ஆகிய ஊர்களிலிருந்து இங்கு குடிபெயர்ந்து வந்தனர். கிறிஸ்துவ மக்கள் அனைவரும் வசிப்பதற்காக சுவாமி கிரகோரி 1870-ம் ஆண்டு பணகுடியின் தென்பகுதியில் 5 ஏக்கர் நிலம் வாங்கி, அதில் அவர் ஒரு சிற்றாலயத்தை அமைத்தார்; அதனைப் புனித சூசையப்பருக்கு அர்ப்பணித்தார். நாடார் கிறிஸ்தவர்கள் வழிபாடு செய்து வந்த புனித சூசையப்பர் ஆலயம் 1892-ம் ஆண்டில் பெரிதாகக் கட்டப்பட்டது. பணகுடி ஆலயம் 1939-ம் ஆண்டு டிசம்பர் 24-ம் தேதி தனிப்பங்கானது; இக்கோவிலின் முன் மண்டபத்தை சுவாமி சூசைநாதர் கட்டினார். 1947 – ல் பங்குதந்தை ரெம்ஜியுஸ் மஸியர் அவர்களால் தேக்குமரக் கொடிமரம் அகற்றப்பட்டு ஒற்றைக்கல்லில் ஆன கொடிமரம் நாட்டப்பட்டுள்ளது. இக்கொடிமரக்கலை நான்கு மாட்டுவண்டிகள் ஒன்றாக பூட்டி கொண்டுவரப்பட்டது. இப்படி கல்கொடிமரம் உலகத்திலேயே பணகுடியிலும், ஜெருசலேமிலும் உள்ளது. 1983-ல் திரு இருதய சகோதரர்களால் ஒரு ஆலயம் கட்டப்பட்டது; அதன்பிறகு அது 1988-ம் ஆண்டு பள்ளிகூடமாக மாற்றப்பட்டது; முதல் தடவையாக அரசு தேர்வு எழுதினார்கள். இச்சமயத்தில் ஆரோக்கிய பீட்டர் பங்கு குருவாக இருந்தார் அப்போது தான் இந்த பள்ளியின் மூலம் ஆண்டுதோறும் ஏராளமான ஏழை மாணவ மாணவியர் பயன்பெற்று வருகின்றனர். பணகுடி சூசையப்பர் திருத்தலத்தின் வடக்கு பக்கத்தில் உள்ள வோளாங்கண்ணி மாதா கெபி 1990 – ல் பங்குத்தந்தை பன்னீர் செல்வம் அவர்கள் அமைத்தார். 1995-ம் ஆண்டு ஆலய கோபுரத்தின் மேல் சுவாமி தேவசகாயம் என்பவரால் திரு இருதய இயேசுவின் உருவம் அமைக்கப்பட்டது.

அமலோற்பவ அன்னை ஆலயம்: புனித சூசையப்பர் ஆலய நிர்வாகம், ஆலயத்தில் ஜெபித்தல், பாடுதல் இவை பற்றி நாடார், கத்திக்காரர் ஆகிய இரு சமூகத்தினரிடையே தகராறு ஏற்பட்டது அமைதி ஏற்படுத்த வடக்கன்குளம் பங்குகுருவாக இருந்த சுவாமி பூகே 1894-ம் ஆண்டு கத்திக்காரர்கள் தங்களுக்கு என்று ஆலயம் ஒன்று அமைக்க அனுமதி வழங்கினார். இதன்மூலம் சிலுவை வடிவில் அமைந்த ஆலயம் மரியாவின் அமல உற்பவத்திற்கு அர்பணிக்கப்பட்டது.இறுதியில் இரு தரப்பினருக்குமிடையே சமாதானம் ஏற்பட்டது பங்குகுரு தனது வசதிபோல் இரண்டு ஆலயங்களிலும் மாறி மாறி திருப்பலி நிறைவேற்றினார். இரண்டு ஆலய வழிபாடுகளிலும் இரு தரப்பினருமே பங்கு பெற்றனர்.

பணகுடி அமல உற்பவ அன்னை ஆலயம், வடலிவிளை புனித சவோரியர் ஆலயம், குமாரபுரம் ஆலயம், கடம்பன்குளம் ஆலயம், தளவாய்புரத்தில் மாதா ஆலயம், வடக்கு வேப்பிளான்குளம் புனித அந்தோணியார் ஆலயம் மற்றும் ரோஸ்மியாபுரம் மிக்கேல்லையா ஆலயம் ஆகியவை புனித சூசையப்பர் திருத்தல பங்கோடு இணைந்த துணை ஆலயங்கள் ஆகும்.

பாடகர் குழு: திருப்பலியினை சிறப்பாக நடத்திச் செல்வதற்கு உதவும் வகையில் பாடகர் குழு ஒன்று உள்ளது ஏறக்குறைய 11 பெண்களும் 8 ஆண்களும் கொண்ட பாடகர் குழு பாடல் பாடுகின்றனர் பாட்டிற்கு ஏற்ப தாளம் இசைக்க இசைக்கருவிகளும் பயன்படுத்துகின்றனர். திருவிழாவின் போது புதிய பாடல்கள் உருவாக்கி விழாவை பாடகர் குழுவினர் மேலும் மெருகேற்றுவர்.

பீடச்சிறுவர்கள்: திருப்பலிக்குத் தேவையான அனைத்து ஏற்பாடுகளை திருப்பலி நேரத்தில் பங்கு தந்தைக்கு உதவ சிறுவர்கள் உள்ளனர் .இவர்கள் பீடத்தை சுற்றி நின்று திருப்பலிக்கு உதவி செய்வர் தூபம் காட்டுதல் தீபம் ஏற்றுதல் போன்ற பணிகளையும் செய்வார்கள் .இவர்களில் தலைமையான ஒருவர் பங்குதந்தையின் அனைத்து காரியங்களிலும் துணை நிற்பார் அவர் உபதேசியார் என்று அழைக்கப்படுவார். ஆலயம் மற்றும் திருப்பலியின் அனைத்து பொறுப்புகளையும் பங்கு தந்தைக்கு அடுத்தபடியாக இவரே கவனித்துக் கொள்வார்.

பக்த சபைகள்:

1) பாலர் சபை - சிறுவர்கள் மட்டும் பங்கு கொள்வார்கள்
2) நற்கருணைவீரர் சபை – 6 முதல் 12-ம் வகுப்பு வரை உள்ள மாணவர்கள் மட்டும் பங்கு கொள்வார்கள்
3) மாதா சபை - இளம் பெண்கள் மட்டும் பங்கு கொள்வர் இவர்களின் பணி ஆலயத்தை சுத்தப்படுத்துதல் ஆகும்
4) திருக்குடும்ப சபை - திருமணமான பெண்கள் மட்டும்
5) இளைஞர் சபை - இளைஞர்கள் மட்டும் கலந்து கொள்வார்கள்
6) புனித சூசையப்பர் நற்பணி மன்றம் - திருமணமான ஆண்கள் மட்டும்
7) வின்சென்ட் தே பால் சபை - உதவி செய்யும் நோக்கோடு உருவாக்கப்பட்டு சிறந்த முறையில் செயல்படுகின்றது கல்விச் செலவு மருத்துவச் செலவு மற்றும் இதர வசதிகள் அனைத்தும் இவர்களால் செய்யப்பட்டு வருகிறது.

அன்பியங்கள்: தெருவுக்கு ஒன்று என்ற வகையில் அன்பியங்கள் உருவாக்கப்பட்டு 26 அன்பியங்கள் உள்ளன. இந்த அன்பியங்கள் அன்பினை வெளிபடுத்தி மக்கள் ஒற்றுமையாக வாழ வேண்டும் என்னும் நோக்கோடு உருவாக்கப்பட்டுள்ளது. ஞாயிறு தோறும் மாலை ஜந்து மணியளவில் அன்பியக் கூட்டங்கள் நடைபெறும் தெருவில் உள்ள அனைவரும் ஏதாவது ஒருவர் வீட்டில் ஒன்றாக கூடி நட்புறவோடு ஜெபிப்பார்கள்.

சபை கூட்டங்கள்: அமலோற்பவ மாதா சபையானது ஞாயிறு தோறும் மாலை 4 மணியளவில் நடைபெறும் அனைத்து இளம் பெண்களும் ஒன்று கூடி ஜெபிப்பார்கள்.

ஞாயிறு மறைக் கல்வி : ஞாயிறு தோறும் காலை 8 மணியளவில் திருப்பலி முடிந்ததும் 8.15 மணியளவில் மாணவர்களுக்கு மறைக்கல்வி வகுப்புகள் நடைபெறும் வருடத்தில் ஒரு முறை அதாவது ஏப்ரல் மாதத்தில் மறைக்கல்வித் தேர்வுகள் நடைபெறும் வெற்றி பெற்றவர்களுக்கு பரிசுகள் வழங்கி கௌரவிப்பார்கள்.

விழாக்கள்: பொங்கல்விழா, ஆங்கிலவருட பிறப்பு, கிறிஸ்து பிறப்பு விழா, ஈஸ்டர், தமிழ் வருடப்பிறப்பு போன்ற விழாக்களும் கொண்டாடப்படும். புனித சூசையப்பர்க்கு பத்து நாட்கள் திருவிழா வருடந்தோறும் ஏப்ரல் 22 முதல் மே 1 வரை நடைபெறும். அதே போன்று ஒவ்வொரு வருடமும் ஆகஸ்ட் 30-ம் தேதி முதல் செப்டம்பர் 8-ம் தேதி வரை ஆரோக்கிய மாதா திருவிழா நாட்கள் நடைபெறும். ஒவ்வொரு நாளும் காலையில் திருப்பலியும் மாலையில் ஆராதனையும் நடைபெறும். ஆலயத்தின் வெளியே இருக்கும் மாதாவை பயபக்த்தியோடு ஆராதனை செய்து வழிபடுவார்கள் அச்சமயத்தில் ஆலயங்களை சுற்றி ஏராளமான அலங்காரங்கள் செய்வார்கள் மக்கள் கைகளில் மெழுகுவர்த்தி ஏற்றி ஆலயத்தை சுற்றி வருவார்கள். ஒவ்வொரு ஆண்டும் மார்ச் மாதத்தை புனித சூசையப்பருக்கு மிகச் சிறப்பாக விழா கொண்டாடுவார்கள். இத்திருவிழா உலகத்தில் உள்ள எல்லா சூசையப்பர் ஆலயத்திலும் நடைபெறும். சூசையப்பர் ஆலயத்தில் உள்ள உறுப்பினர்கள் ஒரு குழுவாக தேர்தெடுக்கப்படுவார்கள்.

பணகுடியில் மொத்தம் 800 க்கு மேற்பட்ட குடும்பங்கள் கத்தோலிக்க கிறிஸ்தவர்களாக உள்ளனர். நவம்பர் 28-ம் தேதி முதல் டிசம்பர் 7 வரை மாதா ஆலயத்தில் ஆராதனை நடைபெறும் திருவிழா சமயத்தில் சூசையப்பர் ஆலயத்தில் இருந்து தேர்பவனி மாதா ஆலயம் வரை எடுத்து செல்லப்படும். புனித சூசையப்பர் ஆலயத்தில் என்ன வழிபாடு ஆராதனை நடைபெறுமோ அதே போன்று மாதா ஆலயத்திலும் ஆராதானை வழிபாடு நடைபெறும். அப்போது எல்லா மக்களும் வழிபாட்டில் கலந்து கொள்வார்கள்.

தவக்காலம்: இயேசு கிறிஸ்து 40 நாட்கள் கஷ்டப்படுவார் இந்த நாட்களை லென்ந்து நாட்கள் என்று அழைப்பர். இதனை கத்தோலிக்க மக்கள் அனுசரிப்பார்கள். இந்த நாட்களின் போது கிறிஸ்தவர்கள் விரதம் இருப்பார்கள். குருத்து ஒலை ஞாயிறு பண்டிகை அன்று மக்கள் அனைவரும் தென்னைமரத்தின் குருத்து ஒலையை பிடித்துக் கொண்டு வீதி வீதியாக ஒசன்னா ஒசன்னா என்று கூறிக் கொண்டே செல்லுவார்கள். அதன் பின்னர் பெரிய வியாழன் பெரிய வெள்ளி நாட்களையும் மக்கள் புனிதமாக அனுசரிப்பார்கள்.

ஓவ்வொரு மாதம் முதல் புதன் கிழமை அன்று பணகுடி புனித சூசையப்பர் ஆலயத்தில் காலை 11 மணிக்கு திருப்பலியும் மாலை 6 மணிக்கு ஜெபமாலை நவநாள் ஜெபம் நற்கருணை ஆசீர்வாதம் பவனி அதனை தொடர்ந்து குணமளிக்கும் நவநாள் திருப்பலியும் நடைபெறும்.

ஒவ்வொரு ஆண்டும் டிசம்பர் 24-ம் தேதி நடு இரவில் 11.30 மணியளவில் திருப்பலி தொடங்கும் சரியாக 12 மணிக்கு கிறிஸ்மஸ் பாடலை பாடி கிறிஸ்துமஸ் திருப்பலி நடைபெறும் ;டிசம்பா 25-ம் தேதியை கிறிஸ்து பிறப்பாக கொண்டாடுகின்றார்கள். அன்று இரவு ஆலயத்தில் பலவிதமான நிகழ்ச்சிகள் நடைபெறும்.

31 –ம் தேதி இரவு 11.30 மணிக்கு சரியாக புதுவருட ஆராதனை நடைபெறும் ஜனவரி 1 கிறிஸ்தவர்கள் புத்தாடை அணிந்து பட்டாசு வெடித்து மகிழ்வார்கள் அன்று மதியம் 2.30 மணிக்கு பலவிளையாட்டு போட்டிகள் சிறுவர்களுக்கும் பெரியவர்களுக்கும் நடைபெறும். அப்போது வெற்றி பெற்றவர்களுக்கு பரிசுகள் வழங்கப்படும்.

பத்து நாள் திருவிழா[தொகு]

ஒவ்வொரு ஆண்டும் பணகுடி புனித சூசையப்பர் ஆலயத்தில் திருவிழா நடைபெறும். ஏப்ரல் மாதம் 22ம் தேதி கொடியேற்றி மே 1-ம் தேதி திருவிழா முடியும். 10 நாட்களும் திருவிழா நடைபெறும். இத்திருவிழாவை கிராமத் திருவிழா என்றும் அழைப்பர். மேலும் ஜனவரி 5 – ம் தேதி புனித அந்தோணியார்கெபி திருவிழா மொத்தம் 13 நாட்கள் நடைபெறும். முதல் நாள் திருவிழா அன்று காலை 5.45 மணியளவில் பவனியும் அதை தொடர்ந்து கூட்டுத்திருப்பலியும் நடைபெறும். தவறான முறையில் நடைபெற்ற திருமணங்கள் முறைப்படுத்தப்படும். மாலை 6 மணிக்கு சிறப்பான முறையில் கொடியேற்றமும் 6.30 மணியளவில் ஜெபமாலை மறையுரை, நற்கருணை ஆசீர்வாதமும் நடைபெறும். இரவு 9 மணியளவில் ஞாயிறு மறைக்கல்வி ஆசிரியர்கள், மாணவர்கள் வழங்கும் சிறப்பு கலை நிகழ்ச்சிகள் நடைபெறும். இராண்டாம் நாள் திருவிழா அன்று காலை 5.45 மணிக்கு திருப்பவனி, கூட்டுத்திருப்பலியும் நடைபெறும். மாலை 6.30 மணிக்கு ஜெபமாலை, நவநாள், மறையுரை, நற்கருணை ஆசீரும் நடைபெறும். இரவு 9 மணியளவில் பணகுடி புனித வளனார் ஆரம்பப்பள்ளி மாணவ மாணவிகள் கலை நிகழ்ச்சிகள் நடைபெறும். மூன்றாம் நாள் திருவிழா அன்று காலை 5.45 மணிக்கு திருப்பவணி, திருப்பலியும், மாலை 6.30 மணிக்கு ஜெபமாலை நவநாள், புனிதரின் திருவுருவப்பவனி, மறையுரை, நற்கருணை ஆசீர் நடைபெறும். இரவு 9 மணியளவில் பணகுடி புனித அன்னாள் மேல்நிலை பள்ளி மாணவ மாணவிகள் வழங்கும் கலை நிகழ்ச்சிகள் நடைபெறும். நான்காம் திருவிழா அன்று காலை 5.45 மணிக்கு திருப்பவணி, திருப்பலியும், மாலை 6.30 மணிக்கு ஜெபமாலை நவநாள், புனிதரின் திருவுருவப்பவணி, மறையுரை, நற்கருணை ஆசீர் நடைபெறும். இரவு 9 மணியளவில் பணகுடி திரு இருதய மேல்நிலைப் பள்ளி வழங்கும் கலை நிகழ்ச்சிகள் நடைபெறும். ஐந்தாம் நாள் திருவிழா அன்று காலை 5.45 மணிக்கு திருப்பவணி, திருப்பலியும், மாலை 6.30 மணிக்கு ஜெபமாலை நவநாள், புனிதரின் திருவுருவப்பவணி, மறையுரை, நற்கருணை ஆசீர் நடைபெறும். இரவு 9 மணியளவில் புனித சூசையப்பர் நற்பணிமன்றம் நடத்தும் கலை நிகழ்ச்சிகள் நடைபெறும். ஆறாம் நாள் திருவிழா அன்று காலை 5.45 மணிக்கு திருப்பவனி, திருப்பலியும், மாலை 6.30 மணிக்கு ஜெபமாலை நவநாள், புனிதரின் திருவுருவப்பவனி, மறையுரை, நற்கருணை ஆசீர் நடைபெறும். இரவு 9 மணியளவில பங்கு இளைஞர்கள் சபை வழங்கும் இன்னிசைக் கச்சேரி (அல்லது) இளைஞர்கள் நாடகம். ஏழாம் திருவிழா அன்று காலை 5.45 மணிக்கு திருப்பவனி, திருப்பலியும், மாலை 6.30 மணிக்கு ஜெபமாலை நவநாள், புனிதரின் திருவுருவப்பவனி, மறையுரை, நற்கருணை ஆசீர் நடைபெறும். இரவு 9 மணியளவில் மும்பை வாழ் பணவை மக்கள் இணைந்து வழங்கும் இன்னிசை விருந்து. எட்டாம் நாள் திருவிழா காலை 5.30 மணிக்கு திருப்பவனி, திருப்பலி, மற்றும் புதுநன்மை வழங்கும் சடங்கு நடைபெறும். மாலை 6.30 மணிக்கு ஜெபமாலை சிறப்பு நற்கருணைப்பவனி நவநாள், மறையுரை, நற்கருணை ஆசீர்வாதம், இதனை புதுநன்மை பெறும் சிறுவர் சிறுமியர்கள் சிறப்பிப்பார்கள். ஒன்பதாம் நாள் திருவிழா அன்று காலை 5.45 மணிக்கு திருப்பவனி, திருப்பலியும், நடைபெறும், திருப்பலி முடிந்தவுடன் 8.30 மணியளவில் சிறுகுழந்தைகளுக்கு திருமுழுக்கு (ஞானஸ்தானம், பெயர் சூட்டும் நிகழ்ச்சி) என்னும் சடங்கு நடைபெறும். இரவு 7 மணிக்கு ஜெபமாலை, நவநாள், புனிதரின் திருவுருவப்பவனி, மறையுரை, நற்கருணை ஆசீர் நடைபெறும். இரவு 9 மணியளவில் வியக்கவைக்கும் வாணவேடிக்கைகள் நடைபெறும். பின்னர் 10 மணியளவில் தேர்பவனி வீதியை சுற்றிவரும். மறுநாள் அதிகாலை 4 மணியளவில் ஆலயத்திற்க்குள் தேர்கள் கொண்டு வரப்படும். பத்தாம் திருவிழா காலை 4.30 மணிக்கு திருப்பவனி திருப்பலியும, பின்னர் காலை 6.30 மணிக்கு திருவிழாத் திருப்பலியும் ஆடம்பர பெருவிழா கூட்டுத் திருப்பலியும் தேர்பவணியும் நடைபெறும். இரவு 6.30 மணிக்கு நவநாள், புனிதரின் பவனி, தேரில் வைத்து நற்கருணை ஆசீர்வாதம், நடைபெறும். இரவு 9.30 மணியளவில் இன்னிசை கச்சேரி நடைபெறும். பத்தாம் திருவிழா நிறைவு பெற்றப்பின் வருகின்ற ஞாயிற்றுக்கிழமையில் திருப்பலி நிறைவு பெற்றதும் கொடியானது இறக்கப்படும். திருவிழாவின்போது ஒவ்வொரு நாளும் ஒவ்வொரு ஊர்களில் இருந்து பங்கு தந்தையர்கள் திருவிழாவில் கலந்து கொண்டு மறையுரை மற்றும் ஆசியுரையும் வழங்கி விழாவை சிறப்பிப்பார்கள். அதே போன்று எட்டு, ஒன்பது மற்றும் பத்தாம் நாள் திருவிழாவின் போது மேதகு ஆயர் அவர்கள் விழாவில் கலந்து கொண்டு விழாவை சிறப்பிப்பார்கள்.

புனித அந்திரேயா ஆலயம்[தொகு]

புனித அந்திரேயா ஆலயம் பணகுடியில் இருந்து நாகர்கோவிலுக்கு செல்லும் தேசிய நெடுஞ்சாலையில் அருகாமையில் புளிய மரத்து பஸ் ஸ்டாப் பக்கத்தில் அமைந்துள்ளது.

ஆலயத்தின் வரலாறு: 1891 – ம் ஆண்டு பணகுடியை சேர்ந்த தேவசகாயம் என்பவரால் கட்ட இடம் வழங்கப்படடது. பின்னர் இரண்டாயிரம் ரூபாய் செலவில் ஒரு கல் ஆலயம் கட்டினார். ஒரு நூற்றாண்டுக்கு முன்பு இரண்டாயிரம் ரூபாயின் மதிப்பு இப்போது பலமடங்கு அதிகமாகும். பின்னர் 1893 – ல் இந்த ஆலயம் கட்டி முடிக்கப்பட்டது. இந்த ஆலயம் குளோசப்புகள், சுவரொட்டிகள், நாக்குமணி, வாசிப்புப்பீடம், நற்கருணை மேசை, திருமுழுக்குத.தொட்டி, கடிகாழம், குழுமார் ஆசணங்கள் அனைத்தும் கட்டப்பட்டது. 1894 –ம் ஆண்டு ஜனவரி மாதம் 5 – ம் தேதி அருட்பெருந்திரு திருவாங்கூர் பேராயர் அவர்களால் இந்த ஆலயம் பிரதி~;டை செய்யப்பட்டது. இந்த ஆலயத்தை ஊ.ளு.ஐ ஆலயம் என்று கூறுவார்கள் இந்த ஆலயத்தை வழிப்படும் மக்கள் புரோட்டஸ்டாண்டு கிறிஸ்துவமக்கள் ஆவார்கள். தேவலாயத்தில் ஒவ்வொரு ஞாயிற்றுக்கிழமை அன்று தவறாமல் ஆராதனை நடைபபெறும் இந்த ஆராதனையில் கிறிஸ்துவ புரோட்டஸ்டாண்டு மக்கள் கலந்துகொள்வார்கள். கிறிஸ்துமஸ். குருத்து ஓலை ஞாயிறு ஈஸ்டர் பண்டிகைகள் போன்றவை இவர்களால் கொண்டாடப்படும். கத்தோலிக்க கிறிஸ்துவர்களை போன்ற உருவ வழிப்பாடும் கடவுளின் திருவுருவப்படங்களை வைத்துவழிப்படும் பழக்கமும் இவர்களிடமும் இல்லை புரோட்டஸ்டாண்டு கிறிஸ்துவர்கள் இயேசு நாதரை மட்டும் வழிப்பாடுவார்கள் ஆனால் கத்தோலிக்க கிறிஸ்துவமக்கள் ; இயேசு நாதரின் தாய் தந்தையாரை வழிப்படும் பழக்கம் உடையவர்கள். கிறிஸ்தவர்கள் மற்றமதத்துடன் ஒற்றுமையுடன் காணப்பட்டனர். முற்ற மதத்தினரின் பண்டிகைகளிலும் இந்த மக்கள் மகிழ்ச்சியர்ல் கலந்துக் கொள்வார். தீபாவளி. கிறிஸ்துமஸ். ரம்சான், பொங்கல், போன்ற பண்டிகையின் போது தங்களுக்குள் இனிப்பு பண்டங்களை பறிமாறிக் கொள்வர். கல்வியை பொறுத்தவரையில் இவர்கள் பின்தங்கிய நிலையில் காணப்பட்டனர். இப்போது கொஞ்சம் முன்னேற்றம் பெற்றுள்ளது.

இசையின் பிறப்பிடம் பணகுடி[தொகு]

இசை சோர்ந்த மனதுக்கு புத்துணர்வும் இதமான சுகமும் தருவதில் இசைக்கு நிகர் வேறு இல்லை. சுரிகமபதநி என்ற ஏழு சுரங்களுக்குள் எத்தனை ராகங்கள்? அப்பப்பா…. வியக்க வைக்கிறது. குர்நாடக சங்கீதம் என்றதும் நம் நினைவுக்கு வருவது ஆர்மோனிய பெடடிதான. “காற்றினிலே வரும் கீதம்…”என்பார்கள். காற்றில வரும் நாதத்தை ஒலியாக்கி இசையாக்கி இசை யமைப்பாளர்கள் பாடல் கம்போஸ் செய்யும் முதல் இசைக்கருவி ஆர்மோனியம் தான். சுமார் 100 ஆண்டுகளுக்கும் முன்பு பணகுடியில் சுப்பிரமணிய ஆசாரி என்பவர் ஆர்மோனிய பெடடிகளை எருவாக்க தொடங்கினார் இன்று அவரது பேரன்கள் மணிராஜகோபால் லட்சுமணன் முருகன் ஆகியோர் மிகுந்த சிரத்தை எடுத்து ஆர்மோனிய பெட்டிகளை வடிவமைக்கிறார்கள்.இந்த ஆர்மோனியங்கள் பற்றி மணிராஜகோபாலிடம் கோட்ட போது எங்க தாத்தா காலத்துல தொடங்கிய தொழிலை எனது தந்தைக்கு பிறகு நாங்கள் செய்துவருகின்றோம்.

ரீட்ஸ் ஸ்பிரிங் பலகை என 15 விதமான பொருட்களை கொண்டு ஆர்மோனியபெட்டியை வடிவமைக்கிறோம் h{ட்ஸ் நம்ம பகுதியில் கிடைக்கிறதில்ல கிருபானந்த வாரியார் பாராட்டு. பணகுடி ஆர்மோனியம் என்றால் மறைந்த திருமுருககிருபானந்தவாரியாருக்கு அலாதி பிரியம் அவரது சொற்பொழிவு நிகழ்ச்சிகளுக்கு பணகுடி ஆர்மோனியத்தையே பயன்படுத்துவது வழக்கம் . அவருக்காக தனிக்கவனம் எடுத்து சூடுதல் அமைப்புடன் உருவாக்கி கொடுத்துள்ளார்கள். . குஐராத்தில் இருந்து அதை வாங்குகிறோம் என்றார். 37 ரீட்ஸ் 41 ரீட்ஸ் 61 ரீட்ஸ் போன்ற 4 வகையான ஆர்மோனியங்களை தயாரிக்கிறோம்.. என்றும் அவர் 61 ரீட்ஸ் என்பது ஆலயங்கள் விழாக்களில் பயன்படுத்தக்கூடிய பாரின் ஆர்கான் என்கிறார். ஒரு ஆர்மோனியம் வடிவமைக்க சுமார் 15 நாட்கள் வலை ஆகும். வெளிநாடுகளுக்கு செல்லும் ஆர்மோனியம் இங்கு தயாரிக்கும் ஆர்மோனியம் அந்தமான் லண்டன் அமொரிக்கா போன்ற பகுதிகளுக்கும் ஏற்றுமதி செய்யப்படுகின்றது. இதுபற்றி லடசுமணன் சொல்லும்போது லண்டன் மியூசியத்தில் பணகுடி ஆர்மோனியம் தயாரிப்பு குறித்த விவரங்கள் புகைப்படத்துடன் வைக்கப்பட்டுள்ளது. என்பது குறிப்பிடதக்க ஒன்றாகும்.

சர்ச் ஆர்கன் குpறிஸ்தவ ஆலயங்களில் இசைக்கும் சர்ச் ஆர்கன் என்ற சக்கிங் ஆர்கன் தொன்னிந்திளாவிலயே பணகுடியில்மட்டும்தான் தயாரிக்கிறார்கள். பொதுவாக இநத ஆர்கன் தயாரிக்க 1 மாதம் வரை ஆகிறது. புமை;பெருமை மிக்க இந்த ஆர்கன் தயாரிப்பும் தக்கபோது குறைந்து வருகிறது. ஆலயங்களில் அந்த ஆர்கனை உபயோகிப்பதன் மூலம் சர்ச் ஆர்கன் தொழிலை பாதுகாக்கலாம் என கூறுகிள்றார்கள். பணகுடி மவுசு லண்டன் வரை: இசை என்றாலே நினைவுக்கு வருவது பாட்டும் ஆர்மொனியப் பெட்டிகளும் தான் சாதாரண நவீன இசை கச்சேரி முதல் பெரிய இசை விழாக்கள் நடக்கும் இடங்களில் ஆர்மொனியப் பெட்டிகளுக்கு என்று தனி மவுசு உண்டு.நவீன கம்ப்ய+ட்டர் யுகத்தில் எத்தனையோ விதமான எலக்ட்ரானிக் இசைக்கருவிகள் வந்தாலும் ஆர்மொனியப் பெட்டிகள் தான் ஒரு இசைக் கலைஞனுக்கு அஸ்திவாரம். தமிழ் நாட்டில் ஆர்மொனிய பெட்டிகள் தவிர ஆர்கன் செய்யும் தொழிலை கடந்த 4 தலைமுறைகளாக நெல்லை மாவட்டம் பணகுடியில் மட்டுமே செய்து வருகின்றனர். நெல்லை மாவட்டம் பணகுடி என்ற ஒரு சிறிய ஊரில் இருந்து செய்யப்படும் இந்த இசைப்பெட்டிகள் இந்தியாவில் மட்டுமலல வெளிநாடுகளிலும் இந்திய இசையை எமுப்பிக்கொண்டு இருக்கின்றன். ஏனெனில் இந்திய இசையை எமுப்பிக் கொண்டு இருக்கின்றன. ஏனெனில் இந்திய கலாச்சாராத்தின் சிறப்பு அம்சமான ‘கர்நாடக இசை’ யை ஆர்மொனிய பெட்டியில் மட்டும் தான் இசைக்க முடியும். இசைக்கு முன்னோடியான காற்றை அடிப்படையாக கொண்டு இசையினை எமுப்பும் இக்;கருவிகளை இரண்டு வகைகளாக பிரிக்கலாம் துவாரங்கள் மூலம் வெளிப்படுத்தி இசை எமுப்பும் கருவியை ‘ஆர்மொனியம் என்றும் காற்றை துவாரங்கள் மூலம் உறிஞ்சி இசை எமுப்பும் கருவியை ‘ஆர்கள்’ என்றும் பிரித்து கூறலாம். ஆர்கனில் மேற்கிந்திய இசைளை மட்டுமே எமுப்ப முடியும். ஆனால் ஆர்மொனியத்தில் மட்டும் தான் கர்நாடக இசையை எமுப்ப முடியும் நவீன ;’கீ’ போர்டுகள் வந்ததால் ஆர்மொனிய பெட்டிகளுக்கு உள்ள மவுசு குறைந்துள்ளது என்பது உண்மைதான். என்றாலும் ஆர்மொனிய பெட்டியில் வாசிக்கப்படும் ‘அனுசூரம்;’ என்றும் இசையை உலகில் வேறு எந்த எலக்ட்ரானிக் இசைக் கருவிகளிலும் இசைக்க முடியாது. இந்தியாவில் சில ஆண்டுகளுக்கு முன்பு வரை கல்கத்தாவை சார்ந்த ‘டுவார்க்கிள்’ என்ற கம்பெனிக்கு எர்ணாகுளத்தைச் சேர்ந்த ‘மானுவேல் இன்டஸ்ட்ரீசும்’ தான் ஆர்மொனிய பெட்டிகளை தயாரித்து வத்தது. ஆனால் அவைகளும் தயாரிப்பை இன்று முற்றிலுமாக நிறுத்தி விட்டன. பணகுடியில் ஆர்மோனியப் பெட்டிகள் தயாரிக்கும் லட்சுமணன் முருகன் ஆகியோர் கூறும்போது வெளிநாடுகளில் ‘கீ போர்கள்;’ எனப்படும் எலக்ட்ரானிக் இசைக் கருவிகளின் வரவால் முற்றிலுமாக அங்கு ஆர்மொனிய பெட்டிகளின் தயாரிப்பை நிறுத்தி விட்டன. இப்பொழுது எங்களிடம் பல வெளிநாட்டினர் வந்து ஆர்டர் செய்து வாங்கி கொண்டு சென்றுள்ளனர். லண்டன் மியூசியத்தில் கூட எங்களது ஆர்மொனிய பெட்டிகள் தான் காட்சிப் பொருளாக வைக்கப்பட்டுள்ளது. இந்தியாவிலேயே ஆர்மொனிய பெட்டிகள் செய்வது பற்றிய வகுப்புகள் நடத்த மத்திய அரசு அங்கீகாரம் வழங்கியது எங்களுக்கு மட்டுமே. எங்களது பொருளாதார நெருக்கடியில் அதனை சரிவர இப்பொழுது நடத்த முடிவதில்லை என்று கூறினர். இந்தியாவில் தென்கோடியில் உள்ள பணகுடி என்ற ஊரிலிருந்து தாயாரிக்கும் இந்த இசை பெட்டிகள் பல இந்து பஜனை மடங்கள் பெரிய கர்நாடக சபாக்களில் மட்டுமின்றி பல வெளிநாட்டு கிறிஸ்தவ ஆலயங்களிலும் இசையை எழுப்பி ரீங்காரமிட்டுக் கொண்டிருக்கின்றன. கர்நாடக இசைக்கு அச்சாரமான இந்த ‘ஆர்மொனிய’ பெட்டிகளுக்கு ஈடாக எத்தனை நவீன யுக்திகளுடன் எலக்ட்ரானிக் இசைக் கருவிகள் வந்தாலும் இவைகளின் மவுசு மட்டும் என்றும் குறைனயாமல் உலகெங்கும் இசைத்துக் கொண்டே இருக்கின்றன. ஆர்மொனிய பெட்டிகள் தயார் செய்வதற்கு பயன்படுத்தப்படும் மரப்பலகைகள் ‘ரெட்சீடார்’ என்னும் ஒருவகை மலைவேம்பு மரத்தில் இருந்து தயாரிக்கபடுகிறது. இந்த வகை மரப்பலகைகளுக்குத்தான இசையின் அதிர்வுகளை சேதப்படுத்தாமல் வெளிபடுத்தும் குணம் உண்டாம் எனவே தான் பழைகாலத்து மணி அடிக்கும் கடிகாரங்களில் இந்த வகை மரங்களின் பலகைகள் பயன்படுத்தப்படுகின்றன. மேலும் பழங்காலத்து ரேடியோ பெட்டிகளிலும் இந்த வகை மரப்பலகைகள் தான் பயன்படுத்தபட்டுள்ளன.எடைகுறைவாகவும் அதிக திட தன்மை உடையதான இம்மரங்களில் இருக்க தான் மீனவர்கள் மீன்பிடிக்க பயன்படுத்துகின்றனர் ‘கட்டுமரங்கள்’ கூட செய்யப்படுகின்றன. இப்ரெட்சீடார் மர வகைகள் மேற்கு தொடர்ச்சி மலைபகுதிகளில் அதிகம் காணப்படுகிறது. எனவே தான் இங்கு தயாரிக்கப்படும் ஆர்மொனிய பெட்டிகளுக்கு மவுசு அதிகம்.

ஆதாரங்கள்[தொகு]

  1. http://www.tn.gov.in/government/keycontact/197
  2. http://www.tn.gov.in/government/keycontact/18358
  3. "2001-ம் ஆண்டிற்கான இந்திய மக்கள்தொகைக் கணக்கெடுப்பு அறிக்கை". பார்த்த நாள் ஜனவரி 30, 2007.


"http://ta.wikipedia.org/w/index.php?title=பணகுடி&oldid=1575713" இருந்து மீள்விக்கப்பட்டது