தமிழ்: கல்கியின் பொன்னியின் செல்வன் புதினத்தின் இரண்டாம் பாகம் (சுழிக்காற்று) பழுவூர் இளைய ராணி நந்தினியும், இளைய பிராட்டி குந்தவையும் தஞ்சாவூரில் சந்திக்கும் காட்சி. முகமும் கூந்தல் அலங்காரமும் கல்கியின் வர்ணனைகளைக் கொண்டு வரையப்பட்டுள்ளன. உடைகள் ஓவியரது கற்பனை)

நந்தினி பொன் வர்ணமேனியாள்; குந்தவை செந்தாமரை நிறத்தினாள். நந்தினியின் பொன்முகம் பூரணசந்திரனைப்போல் வட்ட வடிவமாயிருந்தது; குந்தவையின் திருமுகம் கைதேர்ந்த சிற்பிகள் வார்த்த சிலை வடிவத்தைப் போல் சிறிது நீள வாட்டமாயிருந்தது. நந்தினியின் செவ்வரியோடிய கருநிறக் கண்கள் இறகு விரித்த தேன் வண்டுகளைப்போல் அகன்று இருந்தன; குந்தவையின் கருநீல வர்ணக் கண்கள் நீலோத்பலத்தின் இதழைப்போல் காதளவு நீண்டு பொலிந்தன. நந்தினியின் மூக்கு தட்டையாக வழுவழுவென்று தந்தத்தினால் செய்ததுபோல் திகழ்ந்தது. குந்தவையின் மூக்கு சிறிது நீண்டு பன்னீர்ப்பூவின் மொட்டைப்போல் இருந்தது. நந்தினியின் சிறிது தடித்த இதழ்கள் அமுதம் ததும்பும் பவழச் செப்பைப் போல் தோன்றியது. குந்தவையின் மெல்லிய இதழ்களோ தேன் பிலிற்றும் மாதுளை மொட்டெனத் திகழ்ந்தது. நந்தினி தன் கூந்தலைக் கொண்டை போட்டு மலர்ச்செண்டுகளைப் போல் அலங்கரித்து இருந்தாள். குந்தவையின் கூந்தலோ "இவள் அழகின் அரசி" என்பதற்கு அடையாளமாகச் சூட்டிய மணி மகுடத்தைப்போல் அமைந்திருந்தது. - இரண்டு பூரண சந்திரர்கள், அத்தியாயம் 14, பாகம் 2 (சுழிக்காற்று), பொன்னியின் செல்வன்

இந்த ஊடகக் கோப்பு தமிழ் விக்கி ஊடகப் போட்டியின் ஒரு பகுதியாகப் பதிவேற்றப்பட்டது. বাংলা | Deutsch | English | हिन्दी | italiano | македонски | മലയാളം | Nederlands | sicilianu | தமிழ் | తెలుగు | اردو | +/−