பஜாஜ் ஆட்டோ

கட்டற்ற கலைக்களஞ்சியமான விக்கிப்பீடியாவில் இருந்து.
பஜாஜ் ஆட்டோ லிமிடெட்
வகைபொது
தேபச: BAJAJ-AUTO முபச: 532977
நிறுவுகை1945
நிறுவனர்(கள்)ஜம்னாலால் பஜாஜ்
தலைமையகம்பூனே, இந்தியா
முதன்மை நபர்கள்ராஜீவ் பஜாஜ் (தலைவர், நிர்வாக இயக்குனர் & தலைமை செயல் அதிகாரி)
தொழில்துறைவாகனத் தொழில்துறை
உற்பத்திகள்இரண்டு மற்றும் மூன்று சக்கர வாகனங்கள்
தாய் நிறுவனம்பஜாஜ் குழுமம்
இணையத்தளம்www.bajajauto.com

பஜாஜ் ஆட்டோ என்பது ஒரு ராஜஸ்தானி வணிகர் மூலமாக தொடங்கப்பட்ட இந்தியாவின் மிகப்பெரிய ஆட்டோமொபைல் உற்பத்தி நிறுவனம் ஆகும். இருசக்கர வாகனங்கள்[1] உற்பத்தியில் உலகின் நான்காவது மிகப்பெரிய உற்பத்தியாளராகவும், இந்தியாவின் இரண்டவாது மிகப்பெரிய இருசக்கர வாகனங்கள்[2] உற்பத்தியாளராகவும் இந்நிறுவனம் உள்ளது. மேலும் உலகின் 4வது மிகப்பெரிய இரு சக்கரம் மற்றும் மூன்று சக்கர வாகனங்களின் உற்பத்தியாளராகவும் உள்ளது.[மேற்கோள் தேவை] இந்நிறுவனம் மஹாராஸ்டிராவில் உள்ள பூனாவை அடிப்படையாகக் கொண்டு இயங்கி வருகிறது. இதன் தொழிற்சாலைகளானது அக்குர்டி மற்றும் சக்கன் (பூனா), வாலஜ் (அவுரங்காபாத் அருகில் உள்ளது) மற்றும் உத்திராஞ்சலின் பண்டாநகர் ஆகிய இடங்களில் இயங்கி வருகின்றன. மோட்டார் ஸ்கூட்டர்கள், மோட்டார் சைக்கிள்கள் ஆட்டோ ரிக்சா போன்றவைகளை பஜாஜ் ஆட்டோ ஏற்றுமதி செய்து வருகிறது.

2005 ஆம் ஆண்டிற்கான ஃபோர்ப்ஸ் குளோபல் 2000 பட்டியலில் 1946 ஆவது இடத்தில் பஜாஜ் ஆட்டோ தரமிடப்பட்டது.[3]

கடைசி பத்தாண்டுகளில் இந்நிறுவனம் ஸ்கூட்டர் உற்பத்தியாளர் என்ற அவர்களது வடிவத்தை இருசக்கர வாகனங்கள் உற்பத்தியாளர் என வெற்றிகரமாக மாற்றிக்கொண்டது. ஸ்கூட்டரெட்ஸ், ஸ்கூட்டர்கள் மற்றும் மோட்டார் சைக்கிள்களை சுற்றியே அதன் உற்பத்தி எல்லைகள் உள்ளன. மோட்டார் சைக்கிள் பிரிவில் சில மாடல்கள் அறிமுகப்படுத்தப்பட்டு வெற்றியடைந்த பிறகு கடந்த நான்கு ஆண்டுகளில் இந்நிறுவனம் செழுமையான வளர்ச்சியைக் கண்டது.

இந்நிறுவனமானது ராகுல் பஜாஜால் தலைமையேற்று நடத்தப்படுகிறது. இவரது சொத்து மதிப்பு US$1.5 பில்லியனை விட அதிகமாகும்.[4]

1945 ஆம் ஆண்டு நவம்பர் 29 ஆம் தேதியில் இருந்து பஜாஜ் ஆட்டோ அறிமுகப்படுத்தப்பட்டது. M/s பாச்ராஜ் டிரேடிங் கார்பரேசன் பிரைவேட் லிமிட்டடாக இந்நிறுவனம் துவங்கப்பட்டது. இந்தியாவில் இறக்குமதி செய்யப்பட்ட இரண்டு மற்றும் மூன்று சக்கர வாகனங்களைக் கொண்டு இதன் விற்பனை தொடங்கியது. 1959 ஆம் ஆண்டில் இரண்டு மற்றும் மூன்று சக்கர வாகனங்களை தயாரிப்பதற்கு இந்திய அரசாங்கத்திடம் இந்நிறுவனம் அனுமதி பெற்றது. 1960 ஆம் ஆண்டில் இது பொது மக்களுக்கான விற்பனையைத் துவக்கியது. 1970 ஆம் ஆண்டில் இந்நிறுவனம் அதன் 100,000 வது வாகனத்தை உற்பத்தி செய்தது. 1977 ஆம் ஆண்டில் 100,000 வாகனங்களை ஒரே நிதி ஆண்டில் தயாரித்து விற்பனை செய்யும் அளவுக்கு உயர்ந்தது. 1985 ஆம் ஆண்டில் அவுரங்காபாத்தில் உள்ள வாலஜ்ஜில் அவர்களது உற்பத்தியைத் தொடங்கினர். 1986 ஆம் ஆண்டில் 500,000 வாகனங்களை ஒரே நிதி ஆண்டில் தயாரித்து விற்பனை செய்யும் அளவுக்கு இந்நிறுவனம் உயர்ந்தது. 1995 ஆம் ஆண்டில் இந்நிறுவனம் அதன் வரலாற்றில் மொத்தமாக பத்து மில்லியன் வாகனங்களைத் தயாரித்திருந்தது. மேலும் அந்த ஆண்டில் 1 மில்லியன் வாகனங்களை தயாரித்து விற்பனை செய்தது.

குளோபலிட்டி: கம்பீட்டிங் வித் எவ்ரிஒன் ஃப்ரம் எவ்ரிவேர் ஃபார் எவ்ரிதிங் கின் நூலாசிரியரைப் பொறுத்தவரை பஜாஜ் 50 நாடுகளில் அதன் செயல்பாடுகளை வளர்த்துக் கொண்டுள்ளது. மேலும் நுழைவு-நிலை வாங்குபவர்களின் மாறுபட்ட விருப்பத்தேர்வுகளை இலக்காகக் கொண்டு பணத்திற்கு மதிப்புடைய பைக்குகளை உருவாக்கி வருகின்றனர்.[5]

புதிய வெளியீடுகளின் காலவரையறை[தொகு]

  • 1960-1970 - வெஸ்பா 150 - இத்தாலியின் பியாகியோவின் உரிமையின் கீழ் வெளியானது
  • 1971 - பொருள்களை எடுத்துச்செல்லும் மூன்று சக்கர வண்டி
  • 1972 - பஜாஜ் செட்டக்
  • 1976 - பஜாஜ் சூப்பர்
  • 1977 - பின்புற எஞ்சினுடைய ஆட்டோரிக்‌ஷா
  • 1981 - பஜாஜ் எம்-50
  • 1986 - பஜாஜ் எம்-80, கவாசாகி பஜாஜ் கேபீ100
  • 1990 - பஜாஜ் சன்னி
  • 1991 - கவாசாகி பஜாஜ் 4S சாம்பியன்
  • 1994 - பஜாஜ் கிளாசிக்
  • 1995 - பஜாஜ் சூப்பர் எக்சல்
  • 1997 - கவாசாகி பஜாஜ் பாக்சர், பின்புற எஞ்சின் டீசல் ஆட்டோரிக்‌ஷா
  • 1998 - கவாசாகி பஜாஜ் காலிபர், பஜாஜ் லிஜென்ட், இந்தியாவின் முதல் நான்கு-ஸ்ட்ரோக் ஸ்கூட்டரான பஜாஜ் ஸ்பிரிட்
  • 2000 - பஜாஜ் சஃபாரி
  • 2001 - எலிமினேட்டர், பஜாஜ் பல்சர்
  • 2003 - காலிபர்115, பஜாஜ் வைன்ட் 125, பஜாஜ் பல்சர்
  • 2004 - பஜாஜ் CT 100, வொண்டர் கியருடன் புதிய பஜாஜ் சேட்டக் 4-ஸ்ட்ரோக், பஜாஜ் டிஸ்கவர் DTS-i
  • 2005 - பஜாஜ் வேவ், பஜாஜ் அவெஞ்சர், பஜாஜ் டிஸ்கவர்
  • 2006 - பஜாஜ் பிளாட்டினா
  • 2007 - பஜாஜ் பல்சர்-200 (ஆயில் குளுமையாக்கப்பட்டது), பஜாஜ் கிரிஸ்டல், பஜாஜ் பல்சர் 220 DTS-Fi (பியூயல் இன்ஜெக்சன்) , XCD 125 DTS-Si
  • 2008 - பஜாஜ் டிஸ்கவர் 135 DTS-i - ஸ்போர்ட் (உளதாயிருக்கும் 135 மாடலில் இருந்து புதுப்பிக்கப்பட்டது)
  • 2009 - பஜாஜ் பல்சர் 135(டிசம்பர் 9)[6](ஜனவரி) பஜாஜ் XCD 135 cc , பஜாஜ் பல்சர் 150 DTS-i UG IV, பஜாஜ் பல்சர் 180 DTS-i UG IV, பஜாஜ் பல்சர் 220 DTS-i , பஜாஜ் பல்சர் 100 DTS-Si.
  • 2015 - பஜாஜ் பல்சர் 200ஆர்எஸ் , பல்சர் 150ஏஎஸ் , பல்சர் 200ஏஎஸ், பஜாஜ் அவென்ஜர் 150 ஸ்டீரிட் , பஜாஜ் அவென்ஜர் 220 ஸ்டீரிட் மற்றும் பஜாஜ் அவென்ஜர் 220 க்ரூஸ் , பஜாஜ் RE60 குவாட்ரிசைக்கிள் [7]
  • 2016 - பஜாஜ் வி15 பைக் [8]
  • 2016 - பஜாஜ் டோமினார் 400 [9]

பஜாஜ் ஆட்டோவின் மைல்கல்[தொகு]

பஜாஜ் பல்சர் என்ற இருசக்கர வாகனம் இந்நிறுவனத்தின் மதிப்பினை பன்மடங்கு உயரச்செய்துள்ளது.இதன் தோற்றமும் வடிவமைப்பும் மற்ற இருசக்கர வாகனங்களை காட்டிலும் முற்றிலும் மாறுபட்ட விதமாக உள்ளது.குறிப்பாக எரிபொருள் டாங்கு(15Ltr),LED விளக்குகளைக்கொண்ட பின்புற விளக்கமைப்பு,முன்னும் பின்பும் டியூப்லஸ் டயர்கள்.இரண்டாக்கப்பட்ட இருக்காய் அமைப்பு,என்ஜினில் ஏர் கூலிங் முறை(DTS-i),டிசிட்டல் முறையாக்கப்பட்ட வேகம் காட்டும் கருவி,இரவு நேரத்தில் அனைத்து பட்டங்களின் மேல் விளக்கு அமைப்பு,தானியங்கு டர்னிங் விளக்கு,யுனிக்கு சாவி,செல்வ் ஸ்டார்ட் போன்ற வசதிகள் இளைய சமுதாய வட்டாரங்களை வெகுவாக கவர்ந்ததின் காரணமாக இந்த வகையான வாகனம் பஜாஜின் முக்கிய மைல்கல்லாக கருதப்படுகிறது.

BAJAJ PULSAR 180cc

இணை உற்பத்திகள் மற்றும் கையகப்படுத்துதல்கள்[தொகு]

பஜாஜ் ஆட்டோ லிமிட்டடு முழுவதுமாக மூன்று தனித்தனி கூட்டாண்மை நிறுவனங்களைக் கொண்டிருக்கின்றன. அவை பஜாஜ் பின்செர்வ் லிமிட்டடு (BFL), பஜாஜ் ஆட்டோ லிமிட்டடு (BAL) மற்றும் பஜாஜ் ஹோல்டிங்ஸ் மற்றும் இன்வெஸ்ட்மென்ட் லிமிட்டடு (BHIL) ஆகியவை ஆகும். 2008 ஆம் ஆண்டு மே 26 ஆம் தேதியன்று பங்குகள் முழுவதும் கொண்டு இவை பட்டியலிடப்பட்டன.[10]

2007 ஆம் ஆண்டு நவம்பர் மாதத்தில் கெ.டி.எம். பவர் ஸ்போர்ட்ஸ் எ.ஜி. (கெ.டி.எம். விளையாட்டு மோட்டார் சைக்கிள்கள் எ.ஜியை கொண்ட நிறுவனம்) இன் 14.5% பங்குகளை பஜாஜ் ஆட்டோ கையகப்படுத்தியது. இந்த இரண்டு நிறுவனங்களும் ஒரு கூட்டு ஒப்பந்தத்தில் கையெழுத்திட்டன. இதன்படி நீரால் குளுமையாக்கப்படும் நான்கு-ஸ்ட்ரோக் 125 மற்றும் 250 cc எஞ்சின்களை இணைந்து தயாரிப்பதற்கான முறைகளை கெ.டி.எம். வழங்கும். கெ.டி.எம். தயாரிப்புகளை இந்தியா மற்றும் பிற தென்கிழக்கு ஆசிய நாடுகளில் விநியோகிக்கும் பொறுப்பை பஜாஜ் எடுத்துக் கொள்ளும்.[11] KTM பெரும்பாலான பங்குகளை எடுத்துக் கொள்ள ஆயத்தமாக இருப்பதாக பஜாஜ் கூறியது. அதைப் போன்று பிற வாய்ப்புகளை எடுத்துக்கொள்வதற்கும் ஆயத்தமாக இருந்தது. 2008 ஆம் ஆண்டு ஜனவரி 8 ஆம் தேதி நிர்வாக இயக்குனர் ராஜீவ் பஜாஜ் தொழில் கூட்டிணைவை உறுதிபடுத்தினார். மேலும் பஜாஜ் வைத்திருக்கும் கெ.டி.எம். பங்குகளை 25% வரை உயர்த்துவதற்கு ஆர்வமாக உள்ளதையும் தெரிவித்தார்.[12]

டிரையம்ப் மற்றும் பஜாஜ் ஆட்டோ கூட்டணியில் நடுத்தர மோட்டார்சைக்கிள்களை தயாரிக்க துவங்கப்பட்டு முதல் மாடலாக ஸ்பீட் 400 மற்றும் ஸ்கிராம்பளர் 400 எக்ஸ் அறிமுகம் செய்யப்பட்டு இந்தியா உட்பட பல்வேறு நாடுகளுக்கு ஏற்றுமதி செய்யப்படுகின்றது. [13]

தயாரிப்புகள்[தொகு]

பஜாஜ் ஏராளமான மோட்டார் சைக்கிள்கள், ஸ்கூட்டர்கள் மற்றும் கார்களை உற்பத்தி செய்துள்ளது. XCD, பிளாட்டினா, டிஸ்கவர், பல்சர் மற்றும் அவெஞ்சர் ஆகியவை தற்போது தயாரிப்பில் இருக்கும் மோட்டார் சைக்கிள்களாகும். பஜாஜ் ULC என்ற மிகவும் விலைமலிவான காரையும் பஜாஜ் தயாரிக்கிறது.

விலை மலிவான கார்கள்[தொகு]

ரெனால்ட் அண்ட் நிசான் மோட்டாருடன் இணைந்து கட்டமைக்கப்படும் $2,500 மதிப்புள்ள காரின் எரிபொருள்-பயன்திறன் 30 கிமீ/லிட்டரிலும் அல்லது சிறிய காரின் சராசரியில் இரண்டு மடங்கிலும், கார்பன் டையாக்சைடின் உமிழ்வு 100 கிராம்/கிமீ இருப்பதற்கு முயற்சி மேற்கொள்ளப்படுகிறது என பஜாஜ் ஆட்டோ கூறியது.[14]

இது டாட்டா நானோவின் போட்டியாளர் ஆகும். 1 மில்லியன் நானோக்களின் தேவை ஏற்படும் என டாட்டா எதிர்பார்த்துக் கொண்டிருக்கையில் 400,000 அலகுகளைக் கொண்ட துவக்கத் திறனை பஜாஜ் வென்சர் கொண்டிருக்கிறது.

குறிப்புதவிகள்[தொகு]

  1. ↑ பஜாஜின் வரலாறு
  2. ↑ "Bajaj rides 100-cc to regain second spot in 2-wheeler mkt". Financial Express. Nov 08, 2009. http://www.financialexpress.com/news/Bajaj-rides-100cc-to-regain-second-spot-in-2wheeler-mkt/538635/. பார்த்த நாள்: 2009-11-08. 
  3. ↑ த போர்ப்ஸ் 2000 பை கன்ட்ரி
  4. ↑ "India's Richest - #20 Rahul Bajaj". Forbes. பார்க்கப்பட்ட நாள் 2008-12-09.
  5. ↑ சர்கின், ஹரால்டு எல்; ஜேம்ஸ் டபிள்யூ. ஹெமர்லிங் மற்றும் அரிந்தம் கே. பட்டாச்சாரியா (2008-06-11). குளோபலிட்டி: கம்ப்ளீட்டிங் வித் எவ்ரிஒன் ஃப்ரம் எவ்ரிவேர் ஃபார் எவ்ரித்திங். பரணிடப்பட்டது 2008-09-23 at the வந்தவழி இயந்திரம் நியூயார்க்: பிசினஸ் ப்ளஸ், 304. ISBN 0-446-17829-2.
  6. ↑ "காப்பகப்படுத்தப்பட்ட நகல்". Archived from the original on 2010-07-15. பார்க்கப்பட்ட நாள் 2010-04-23.
  7. ↑ ஆட்டோமொபைல் தமிழன் [தொடர்பிழந்த இணைப்பு]
  8. ↑ "Automobile Tamilan". Archived from the original on 2016-02-20. பார்க்கப்பட்ட நாள் 2016-02-12.
  9. ↑ "பஜாஜ் டோமினார் 400 பைக் விலை ரூ.1.38 லட்சம் மட்டுமே". Archived from the original on 2017-09-11. பார்க்கப்பட்ட நாள் 2017-10-02.
  10. ↑ "Bajaj Auto demerger complete". The Economic Times. பார்க்கப்பட்ட நாள் 2009-05-21.
  11. ↑ "Bajaj Auto takes 14.5% stake in KTM Sports". business-standard.com. 2007-11-05. http://www.business-standard.com/common/storypage_c_online.php?leftnm=11&bKeyFlag=IN&autono=29745. பார்த்த நாள்: 2007-12-03. 
  12. ↑ Rina Chandran (2008-01-10). "Bajaj to develop bikes with partner KTM". Reuters India. 
  13. ↑ MR.Durai. "டிரையம்ப் 400 பைக்". Automobile Tamilan. https://www.automobiletamilan.com/bikes/triumph-bikes/speed-400/. 
  14. ↑ ENN: ஹவ் கிரீன் இஸ் மை லோ-காஸ்ட் கார்? இந்தியா ரெவ்ஸ் அப் டிபேட்

புற இணைப்புகள்[தொகு]

"https://ta.wikipedia.org/w/index.php?title=பஜாஜ்_ஆட்டோ&oldid=3887496" இலிருந்து மீள்விக்கப்பட்டது