நெஸ் வாடியா

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
Ness Wadia

Wadia in 2007
பிறப்பு மே 30, 1970 (1970-05-30) (அகவை 43)
பணி Businessman
அறியப்படுவது Owner of Kings XI Punjab
பெற்றோர் Nusli Wadia and Maureen Wadia

நெஸ் வாடியா (பிறப்பு மே 30, 1970) ஒரு இந்தியத் தொழில் முனைவோர் மற்றும் வணிகர் ஆவார். அவர் வாடியா குழுமத்தின் முதன்மை நிறுவனமான பாம்பே டையிங் நிறுவனத்தின் வாரிசு ஆவார், இந்தியாவின் நன்கு அறிந்த வணிக நிறுவனமான அதில் அவர் இணை நிர்வாக இயக்குநராக உள்ளார்.[1][2] வாடியா, அவரது முன்னாள் காதலியான நடிகை ப்ரீத்தி ஜிந்தாவுடன் இணைந்து இந்தியன் பிரிமியர் லீக் கிரிக்கெட் அணியான கிங்க்ஸ் XI பஞ்சாப் அணியின் இணை முதலாளியாக உள்ளார். அவர்களது உறவானது இந்திய ஊடகத்தில் குறிப்பிடுமளவு கவனத்தை ஈர்த்தது.

ஆரம்பகால வாழ்க்கை[தொகு]

அவர் பார்சி வாடியா குடும்பத்தில் நல்சி வாடியா மற்றும் மௌரீன் வடியா ஆகியோருக்கு மகனாகப் பிறந்தார். அவர் நேவில்லே வாடியா மற்றும் தீனா வாடியா ஆகியோருக்கு பேரனாவார், மேலும் பாகிஸ்தான் நிறுவனரான முகமது அலி ஜின்னாவிற்கு கொள்ளுப் பேரனாவார்.[3] நெஸ்ஸின் இளைய சகோதரர் ஜேஹ் வாடியா கோஏர் நிறுவனத்தின் தலைவராவார்.

இந்தியாவின் சானவாரில் உள்ள லாரன்ஸ் பள்ளி மற்றும் இங்கிலாந்தில் உள்ள மில்பீல்டு பள்ளியில் கல்வியை முடித்த பின்னர், நெஸ் USA இன் போஸ்டன் நகரில் உள்ள டஃப்ட்ஸ் பல்கலைக்கழகத்தில் சர்வதேச உறவுகள் பாடம் பயின்றார்.[1]

தொழில் வாழ்க்கை[தொகு]

வாடியா தொடக்கத்தில் 1993 இல் பாம்பே டையிங் நிறுவனத்தில் மேலாண்மை பயிற்சி பெறுபவராகச் சேர்ந்தார். இந்த நிறுவனம் மும்பை பங்குச் சந்தையில் பட்டியலிடப்பட்டுள்ளது. அவரது ஆரம்பகாலத்தின் போது, நிறுவனத்தின் ஜவுளிப் பிரிவில் மார்க்கெட்டிங்கிலும் சில்லறை விற்பனையிலும் மிக அதிக ஈடுபாடு கொண்டிருந்தார், மேலும் அவர் காட்டன் டெக்ஸ்டைல்ஸ் எக்ஸ்போர்ட் கவுன்சில் (TEXPROCIL) (ஒருமுறை அவர் தலைவராக இருந்தார்), மில் முதலாளிகள் கூட்டமைப்பு (MOA), அசோசியேட்டெட் சேம்பர்ஸ் ஆப் காமர்ஸ் & இண்டஸ்ரி, இன்னும் பலவகையான அமைப்புகளில் செயல்பட்டார்.[4]

1998 இல், வார்விக் பல்கலைக்கழகத்தில் இருந்து பொறியியல் வணிக மேலாண்மை அறிவியல் பாடத்தில் அவரது முதுகலைப் பட்டம் நிறைவு செய்வதற்கு விடுமுறை எடுத்தார், அப்பாடப் பிரிவானது "லீடிங் டு சக்ஸஸ் இன் இந்தியா" என்ற தலைப்பைக் கொண்டு தலைமைப்பண்பு, நம்பிக்கை மற்றும் அறிவை மையமாகக் கொண்ட ஆய்வறிக்கையைக் கொண்டது. 2001 இல் அவர் முதுகலைப் பட்டம் பெற்ற பிறகு, பாம்பே டையிங்கில் துணை நிர்வாக இயக்குநராகத் திரும்பினார், பின்னர் இணை நிர்வாக இயக்குநராக பதவி உயர்வு பெற்றார்.[1] அவர் ஆகஸ்ட் 1, 2001 இல் அவரது பொறுப்பிற்கு நியமிக்கப்பட்டார்.[4]

1998, 1999 மற்றும் 2000 ஆண்டுகளில் அவர் வர்த்தகம் & தொழில்துறையில் பிரதம மந்திரியின் கவுன்சிலில் நியமிக்கப்பட்டார், மேலும் செப்டம்பர் 1998 இல் உணவு மற்றும் விவசாய தொழில்துறைகள் மேலாண்மை கொள்கையில் சிறப்புப் பணிப்பிரிவு குழுவின் கவர்னராக நியமிக்கப்பட்டார்.[4]

பாம்பே டையிங்கில் அவரது பணி ஒருபுறம் இருக்க, வாடியா அவர்கள் த பாம்பே பர்மா டிரேடிங் கார்ப்பரேஷன் லிட்., பிரிட்டானியா இண்டஸ்ட்ரீஸ் லிட்., வாடியா BSN லிட். மற்றும் நவ்ரோஜீ வாடியா & சன்ஸ் லிட். ஆகியவற்றில் தலைவர் மற்றும் இயக்குநராகப் பணிபுரிகின்றார்.[4] அவர் கேரி ஈஸ்டர்ன் லிட்., டாட்டா அயர்ன் & ஸ்டீல் கோ.லிட்., டாட்டா கெமிக்கல்ஸ் லிட். மற்றும் பிற நிறுவனங்களில் இயக்குநராகவும் இருக்கின்றார், மேலும் மும்பையிலுள்ள நேரு மையத்தின் மேலாண்மைக் கமிட்டியின் உறுப்பினராகவும் இருக்கின்றார்.[4]

2008 இல், அவரது காதலி ப்ரீத்தி ஜிந்தாவுடன் இணைந்து, இந்தியன் பிரீமியர் லீக்கின் (IPL) மொஹாலியை அடிப்படையாகக் கொண்ட டிவென்டி20 கிரிக்கெட் அணியின் உரிமையாளர் உரிமையைப் பெற்றார்.[5] குழுவானது அந்த உரிமையைப் பெற $76 மில்லியனைச் செலுத்தியது, மேலும் அந்த அணிக்கு கிங்ஸ் XI பஞ்சாப் எனப் பெயரிட்டது.[6]

சொந்த வாழக்கை[தொகு]

2007 இன் ஜியாண்ட்ஸ் தின விருதுகள் வழங்கும் விழாவில் பிரீத்தா ஜிந்தாவுடன் நாஸ் வாடியா

வாடியா பாலிவுட் நடிகை ப்ரீத்தி ஜிந்தாவுடன் பிப்ரவரி 2005 முதல் 2009 வரையில் காதல் வயப்பட்டிருந்தார்.[7] அவர்களது உறவானது ஊடங்களுக்கு அடிக்கடி முக்கியச் செய்தியானது, மேலும் அவை பெரும்பாலும் அவர்களது திருமண நிச்சயம் அல்லது உறவுமுறிவு போன்ற ஊகங்களாக இருந்தன.[8][9] நெஸ் IPL 2009 போட்டியின் போது ஒரு பெண்ணிடம் பலவந்தமாக நடந்துகொண்டதாகவும் செய்திகளில் வெளிவந்தது, அந்நேரத்தில் அவர் குடிபோதையில் இருந்ததாகவும் செய்தி அறிக்கை வெளியானது.[10]

குறிப்புகள்[தொகு]

  1. 1.0 1.1 1.2 "Preity Zinta, Ness Wadia, Karan Paul, Mohit Burman". The Times of India (April 2, 2008). பார்த்த நாள் 2009-05-09.
  2. "Promoters of Kings XI Punjab". Kings XI Punjab. பார்த்த நாள் 2009-05-09.
  3. "Ness Wadia: Photoshoot". The Times of India. பார்த்த நாள் 2009-05-09.
  4. 4.0 4.1 4.2 4.3 4.4 "Bombay Dyeing & Manufacturing Co. Ltd. (BDYN:Bombay Stock Exchange)". Businessweek.com. பார்த்த நாள் 2009-05-10.
  5. Bollywood Hungama News Network (January 24, 2008). "King Khan, Preity Zinta bag teams in IPL bidding". indiaFM. பார்த்த நாள் 2009-05-09.
  6. "The Kings XI, Punjab". Sify. பார்த்த நாள் 2009-05-09.
  7. Shaikh, Jamal (February 3, 2005). "Preity woman's man". The Times of India. பார்த்த நாள் 2009-05-09.
  8. பிழை காட்டு: செல்லாத <ref> குறிச்சொல்; PreityNess என்னும் பெயரில் உள்ள ref குறிச்சொல்லுக்கு உரையேதும் வழங்கப்படவில்லை
  9. K Jha, Subhash (April 11, 2007). "Preity all set to marry Ness Wadia". indiatimes. பார்த்த நாள் 2009-05-09.
  10. "Ness Waida beaten up in SA". hindustantimes (May 20, 2009). பார்த்த நாள் 2009-09-02.

வார்ப்புரு:Jinnah

"http://ta.wikipedia.org/w/index.php?title=நெஸ்_வாடியா&oldid=1354466" இருந்து மீள்விக்கப்பட்டது