நெடுந்தீவு

நெடுந்தீவு
நெடுந்தீவு
மாகாணம்  - மாவட்டம்	வட மாகாணம்  - யாழ்ப்பாணம்
அமைவிடம்	9.527460° N 79.714436° E
கால வலயம்	SST (ஒ.ச.நே.+5:30)

நெடுந்தீவு (Neduntheevu) இலங்கையின் வடபகுதியில் யாழ்ப்பாணக் குடாநாட்டுக்குத் தென்மேற்கில் அமைந்துள்ள ஏழு தீவுகளுள் ஒன்று. ஒல்லாந்தர் இத்தீவை டெல்வ்ற் (Delft) என்று பெயரிட்டு அழைத்தார்கள். இன்றும் ஆங்கிலத்தில் இத்தீவு இப்பெயராலேயே குறிப்பிடப்படுகின்றது.

இலங்கை இராணுவம் நெடுந்தீவை ஆக்கிரமித்தைத் தொடர்ந்து பெரும்பாலன மக்கள் யாழ் குடாநாட்டுக்கோ வெளிநாடுகளுக்கோ புலம்பெயர்ந்து விட்டார்கள். இன்று இங்கு பொருளாதார வசதிகள் அருகிய தமிழ் மீனவ சமூகத்தை சாந்த 2500 இருந்து 3000 மக்களே கடும் சிக்கல்களுக்கு மத்தியில் வாழ்ந்து வருகின்றார்கள். இவர்களுக்கு கல்வி, மருத்துவம் போன்ற அடிப்படை அரச சேவைகள் கூட கிடைப்பதில்லை.

அமைவிடமும் பரப்பளவும்

நெடுந்தீவு

நெடுந்தீவு

யாழ்ப்பாணத்திலிருந்து மற்றெல்லாத் தீவுகளிலும் கூடிய தொலைவில் அமைந்திருக்கும் தீவு இதுவே. யாழ்ப்பாணத்திலிருந்து இதன் தூரம் 45 கிலோமீட்டர் ஆகும். ஆனால் இந்தியாவின் இராமேஸ்வரக் கரையிலிருந்து இதன் தூரம் 38 கிலோமீட்டர் மட்டுமே.

இதன் அளவு வடக்குத் தெற்காக 6 கிலோமீட்டரும், கிழக்கு மேற்காக 8 கிலோமீட்டரும் ஆகும். மொத்தப் பரப்பளவு அண்ணளவாக 48 சதுர கிலோமீட்டர்.

நெடுந்தீவில் உள்ள ஊர்கள்

1. ஆலங்கேணி
2. பெரியான்துறை
3. மாவலித்துறை
4. பூமுனை
5. சாமித்தோட்டமுனை
6. வெள்ளை
7. குந்துவாடி
8. தீர்த்தக்கரை

உசாத்துணை நூல்கள்

• சு. சிவநாயகமூர்த்தி. (2003). நெடுந்தீவு மக்களும் வரலாறும். ரொறன்ரோ, கனடா.
• சதாசிவம் சேவியர். (1997). சப்த தீவு. சென்னை: ஏஷியன் அச்சகம்.
• கா. சிவத்தம்பி. (2000). யாழ்ப்பாணம்: சமூகம், பண்பாடு, கருத்துநிலை. கொழும்பு: குமரன் புத்தக நிலையம்.
• செந்தி செல்லையா (தொகுத்த.). (2001). பிறந்த மண்ணில் பெற்ற சுகந்தம். சென்னை: மணிமோகலை பிரசுரம்.
• இ. பாலசுந்தரம். (2002). இடப்பெயர் ஆய்வு: யாழ்ப்பாண மாவட்டம். ரொறன்ரோ: தமிழர் செந்தாமரை.

வெளி இணைப்புகள்

• சர்வதேச நெடுந்தீவு ஒருங்கிணைப்பு மையம்
• Delft - Neduntheevu - Pictures - 1
• Delft - Neduntheevu - Pictures - 2
• www.neduntheevu.org