நூப்ரா பள்ளத்தாக்கு

நூப்ரா பள்ளத்தாகு
நகரம் மற்றும் கிராமங்கள்
நூப்ரா பள்ளத்தாக்கின் திஸ்கித் பௌத்தக் கோயில் மற்றும் சற்றுத் தொலைவில் ஹன்டர் நகரம்
நூப்ரா பள்ளத்தாகு இந்தியாவின் லடாக்கில் நூப்ரா பள்ளத்தாக்கின் அமைவிடம் நூப்ரா பள்ளத்தாகு நூப்ரா பள்ளத்தாகு (இந்தியா)
ஆள்கூறுகள்: 34.6°N 77.7°E / 34.6; 77.7
நாடு	இந்தியா
ஒன்றியப் பகுதி	லடாக்
மாவட்டம்	லே
நேர வலயம்	இந்திய சீர் நேரம் (ஒசநே+5:30)

மைத்திரேயரின் 33 மீட்டர் உயரச் சிலை, நூப்ரா பள்ளத்தாக்கு

நூப்ரா பள்ளத்தாக்கு இந்தியாவின் லடாக் பள்ளத்தாக்கின் வட கிழக்கில் அமைந்துள்ளது. இது லே மாவட்டத்தின் நிர்வாகத் தலைமையிடமான லே நகரத்திலிருந்து 150 கிமீ தூரத்தில் அமைந்துள்ளது. இந்த பள்ளத்தாக்கின் சராசரி உயரம் ஏறத்தாழ 10,000 அடி (3048 மீ). இந்த பள்ளத்தாக்கிற்கு செல்ல லே நகரத்தில் இருந்து கார்டுங் லா கணவாயின் வழியாக பயணம் செய்ய வேண்டும். இந்திய சுற்றுலாப் பயணிகளுக்கு அனுமதிச்சீட்டு தேவையில்லை. வெளிநாட்டு சுற்றுலாப் பயணிகளுக்கு அனுமதிச்சீட்டு தேவைப்படுகிறது.

அமைவிடம்

சியோக் ஆறு, நூப்ரா அல்லது சியாச்சின் ஆற்றுடன் கலக்குமிடத்தில் நூப்ரா சமவெளி அமைந்துள்ளது. நூப்ரா சமவெளி லடாக் மற்றும் காரகோர மலைத்தொடர்களைப் பிரிக்கிறது. இது கடல் மட்டத்திலிருந்து 10,000 அடி (3,000 மீட்டர்) உயரத்தில் அமைந்துள்ளது. லே நகரத்திற்கு வடக்கே கார்துங்க் லா கணவாய் வழியாக 160 கிலோ மீட்டர் தொலைவில் நூப்ரா சமவெளி உள்ளது..

புவியியல்

நூப்ரா பள்ளத்தாக்கின் மணற்திட்டுகள்

இது உயரமான குளிர் பாலைவனமாக காணப்படுகிறது. இங்கு மிகக்குறைவான தாவர வகைகளே உள்ளன. இங்குள்ள கிராமங்களில் கோதுமை, பார்லி, பட்டாணி, கடுகு, ஆப்பிள்கள், அக்ரூட் பருப்புகள், ஆப்ரிகாட் ஆகியன விளைகின்றன. இங்கு பெரும்பாலான மக்கள் பௌத்த மதத்தினர் ஆவர்.

நூப்ரா பள்ளத்தாக்கின் மேற்கில் குறைந்த உயரத்தில் உள்ள பகுதிகள் இந்தியா-பாகிஸ்தான் எல்லையில் அமைந்துள்ளன. இதன் வடக்கில் சியாச்சின் பனிமலை அமைந்துள்ளது. இங்கு சியோக் ஆறு பாய்கிறது. சஸ்ஸேர் கணவாயும் கரகோரம் கணவாயும் வடமேற்கில் அமைந்துள்ளன. முற்காலத்தில் இப்பகுதி மேற்கு சீனாவின் சிஞ்சியாங், நடு ஆசியா ஆகிய பகுதிகளுக்கு வர்த்தக வழியாக இருந்தது.

நூப்ரா பள்ளத்தாக்கிற்குள் நுழைய ஆண்டு முழுவதும் அனுமதிக்கப்படுகிறது. இங்கு உலகின் மிக அதிக உயரத்திலுள்ள சாலை உள்ளது.

சியாச்சின் பனிமலையில் நூப்ரா பள்ளத்தாக்கின் அமைவிடம்

கல்வி

இங்குள்ள மக்களுக்கு நல்ல, தரமான கல்வி கிடைக்கவில்லை. இங்குள்ள மோசமான வானிலை காரணமாக அரசாங்கத்தால் நிலையான பள்ளிகளை அமைக்க முடியவில்லை. நூப்ரா பிராந்தியத்தில் மிக சில அரச சார்பற்ற தொண்டு நிறுவனங்கள் செயல்பட்டு வருகின்றன.

கர்மபூமி எனும் அரசு சாரா தொண்டு நிறுவனம், கல்வி, வேலைவாய்ப்பு ஆகியவற்றுக்கு உதவும் பணியில் இறங்கியுள்ளது.

படக்காட்சிகள்

• 
  நூப்ரா பள்ளத்தாக்கின் அகலப்பரப்புக் காட்சி
• 
  திஸ்கித் விகாரை
• 
  சியோக் ஆறு மற்றும் நூப்ரா
• 
  திஸ்கித் கோம்பாவிலிருந்து நூப்ரா பள்ளத்தாக்கின் காட்சி
• 
  முட்கள் கொண்ட பெரி பழங்கள், நூப்ரா, லடாக்
• 
  இரட்டைத்திமில் ஒட்டகங்கள்
• 
  நூப்ரா பள்ளத்தாக்கின் நிழல்
• 
  நூப்ரா பள்ளத்தாக்கு செல்லும் வழியில் ஹன்டர் கிராமம்
• 
  ஹன்டர் நகரத்திற்கு அருகே திஸ்கித் பௌத்தக் கோயில்
• 
  விருந்தினர் மாளிகை, நூப்ரா பள்ளத்தாக்கு
• 
  நூப்ராவின் ஹன்டர் பகுதியில் இரட்டைத்திமில் ஒட்டகங்களில் சுற்றுலாப் பயணிகள்

வெளி இணைப்புகள்

• Photograph of Nubra Valley
• Travel Article on Nubra Valley
• [1] பரணிடப்பட்டது 2011-02-25 at the வந்தவழி இயந்திரம்
• Travel Information and Places to visit in Nubra Valley பரணிடப்பட்டது 2015-04-05 at the வந்தவழி இயந்திரம்
• Nubra Valley Trek Ladakh பரணிடப்பட்டது 2015-02-18 at the வந்தவழி இயந்திரம்