நவகண்டம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
தன் கழுத்தை தானே அறுத்து, நவகண்டத்தை நிறைவேற்றும் வீரன், விசயமங்கலம், ஈரோடு மாவட்டம்

நவகண்டம் என்பது தன் கழுத்தை தானே அறுத்து பலியிட்டுக் கொள்வதாகும். இம் மரபு தமிழகத்தில் தொன்று தொட்டு இருந்து வந்திருக்கிறது. கொற்றவையின் முன்பாகத் தன் வேண்டுதலை நிறைவேற்ற தலையை அறுத்துப் பலியிட்டு கொண்டவர்களைப் பற்றிய குறிப்புகளும் சங்க இலக்கியங்களில் உள்ளன, குறிப்பாக கலிங்கத்துபரணியில் சோழ அரசின் வெற்றிக்காக இப்படி தலையை அறுத்து பலிகொண்ட வீரனைப் பற்றிய செய்தி இடம் பெற்றுள்ளது. இது போலவே தண்டனையாகவும் தன் தலையைத் தானே அறுத்துக் கொள்ளும் வழக்கம் இருந்திருக்கிறது. பிடிபட்ட திருடனைக் குடும்பத்துடன் ஒரு நாள் மகிழ்வுடன் வாழச்செய்து மறுநாள் கோவில் முன்பாக தன்தலையைத் தானே அறுத்து பலியிட்டுக் கொள்ளச் செய்யும் வழக்கமும் உண்டு. [சான்று தேவை] மேலும் இது போன்றே தன் குடும்ப நன்மைக்காகவோ அல்லது முற்றிய நோயிலும் தன்னைத் தானே பலி கொடுத்து கொடுத்துக் கொள்வது நவகண்டம் எனப்படும்.[சான்று தேவை]இது ஜப்பானில் சாமுராய் வீரர்கள் தோல்வியைத் தாங்க முடியாமல் தன் கழுத்தை அறுத்துக் கொள்ளும் ஹராகிரி என்ற சடங்கிற்கு ஒப்பானதாகும்[1].

மதுரையிலிருந்து இராமேசுவரம் செல்லும் வழியில் மதுரையிலிருந்து 18கி.மீ. தூரத்தில், வைகை ஆற்றின் வடகரையில் மடப்புரம் காளிகோயில் உள்ளது. தென்கரையில் திருப்பூவணம் (திருப்புவனம்) உள்ளது. இந்த ஊரில் "புதூர்" என்ற பகுதியில், நவகண்டம் கொடுக்கும் இளைஞனின் சிற்பம் ஒன்று உள்ளது.

பரவலர் ஊடகங்களில்[தொகு]

  • ஆயிரத்தில் ஒருவன் (2010) என்ற தமிழ்த் திரைப்படத்தில் சோழனின் தஞ்சை நோக்கிய பயணம் இனிதே நிறைவேற முதியவர் ஒருவர் நவகண்டம் தருவது போன்ற காட்சி இடம் பெற்றுள்ளது.
  • காவல் கோட்டம் நாவலை அடிப்படையாக வைத்து எடுக்கப்பட்ட அரவான் என்ற தமிழ்த்திரைப்படத்தில் கதைமுடிவில் நாயகன் தன்னைத் தானே கொடுவாளால் நவகண்டம் தருவது போன்ற காட்சி அமைந்துள்ளது.

மேற்கோள்கள்[தொகு]

  1. http://sramakrishnan.com/view.asp?id=270&PS=1

உடலின் ஒன்பது பாகங்களை தானே அரிந்து கொற்றவைக்கு பலியிடுவது தான் நவகண்டம்.

"http://ta.wikipedia.org/w/index.php?title=நவகண்டம்&oldid=1522712" இருந்து மீள்விக்கப்பட்டது