தெரிநிலை வினைமுற்று
தெரிநிலை வினைமுற்று என்பது செய்பவன் முதலா செய்பொருள் ஈறாக அமையும் ஆறையும் காட்டும் வினைமுற்று ஆகும்.
எ.கா: கயல்விழி தொடுத்தாள்
இதில்
- கயல்விழி என்பது வினையைச் செய்யும் கருத்தா
- தொடுத்தாள் என்பது கருத்தாவின் செயலை உணர்த்தும் வினைமுற்று. இச்சொல்லிலிருந்து,
| செய்பவன் | - கயல்விழி |
| கருவி | - நார், பூ, கை |
| நிலம் | - அவள் இருப்பிடம் |
| செயல் | - தொடுத்தல் |
| காலம் | - இறந்த காலம் |
| செய்பொருள் | - மாலை |
ஆகியவற்றை அறியலாம்.
இவ்வாறு, செய்பவன், கருவி, நிலம், செயல், காலம், செய்பொருள் என்னும் ஆறையும் உணர்த்துவது தெரிநிலை வினைமுற்று ஆகும். இவற்றுள் சில குறைந்து வரும் ஆனால் காலத்தைத் தெளிவாகக் காட்டும்.