திருமங்கலம் வட்டம்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
திருமங்கலம் வட்டம் 1868ன் மாதிரி வரைபடம்

திருமங்கலம் வட்டம் , தமிழ்நாட்டின் மதுரை மாவட்டத்தில் உள்ள ஏழு வட்டங்களில் ஒன்றாகும்[1]. இந்த வட்டத்தின் தலைமையகமாக திருமங்கலம் நகரம் உள்ளது. இந்த வட்டத்தின் கீழ் 108 வருவாய் கிராமங்கள் உள்ளன[2]..[3]

வரலாறு[தொகு]

19ம் நூற்றாண்டின் தொடக்கத்தில் ஒருங்கிணைந்த மதுரை மாவட்டத்தின் தெற்கு பகுதி முழுவதும் திருமங்கலம் வட்டத்தின் கீழ் வந்தது. பின்னர் 1906ம் ஆண்டு செப்டம்பர் மாதம் 15ம் நாள்[1] திருமங்கலம் வட்டத்தை நான்காகப் பிரிக்கப்பட்டு, 108 வருவாய் கிராமங்கள், 6 ஒன்றியங்கள் மற்றும் 2 ஊராட்சி ஒன்றியத்தோடு புதிய வட்டமாக உருவாக்கப்பட்டது.

பிரிவுகள்[தொகு]

பிரிவு எண்ணிக்கை ஊரின் பெயர்[1]
ஊராட்சி ஒன்றியம் 2 திருமங்கலம் ♦ கள்ளிக்குடி
ஒன்றியம் 6 கொக்குளம் ♦ பன்னிக்குண்டு ♦ கள்ளிக்குடி ♦ குராயூர் ♦ சிவரக்கோட்டை ♦ திருமங்கலம்
வருவாய் கிராமங்கள் 108 அச்சங்குளம் ♦ அழகுசிறை ♦ அலப்பளச்சேரி ♦ அம்மாபட்டி ♦ ஆண்டிப்பட்டி ♦ அரசபட்டி ♦ சென்னம்பட்டி ♦ செட்டிக்குளம் ♦ செட்டி பிள்ளையார் நத்தம் (செட்டியபட்டி) ♦ சின்ன உலகானி ♦ சித்தாளை ♦ சித்தூர் ♦ சொக்கநாதன்பட்டி ♦ தர்மத்துப்பட்டி ♦ எரிமல்லம்பட்டி ♦ கிரியகவுண்டன்பட்டி ♦ இடையநாதன் ♦ இலுப்பக்குளம் ♦ ஜோ. ஆலங்குளம் (ஜோசியர்) ♦ கொ. புளியங்குளம் (கொங்கர்) ♦ கல்லணை ♦ கள்ளிக்குடி ♦ காண்டை ♦ கண்டுகுளம் ♦ காங்கேயநத்தம் ♦ கப்பலூர் ♦ கரடிக்கல் ♦ கரிசல்களாம்பட்டி ♦ கரிசல்பட்டி ♦ குருக்குவைப்பட்டி ♦ காசிபுரம் ♦ கீழநேசேநரி ♦ கிழவனேரி ♦ கின்னிமங்கலம் ♦ கொக்களஞ்சேரி ♦ ஆ. கொக்குளம் (ஆனையூர்) ♦ தி. கொக்குளம் (திருமால்) ♦ கூடக்கோவில் ♦ குதிரைச்சாரிக்குளம் ♦ குன்னனம்பட்டி ♦ குராயூர் ♦ மதிப்பனூர் ♦ மைக்குடி ♦ மையிட்டான்பட்டி ♦ மல்லம்பட்டி ♦ மறவன்குளம் ♦ மருதங்குடி ♦ மேலக்கோட்டை ♦ மேலனேந்தல் ♦ மேலநேசனேரி ♦ மேல உப்பிலிக்குண்டு ♦ நடுக்கோட்டை ♦ நடுவக்கோட்டை ♦ நல்லமநாயக்கன்பட்டி ♦ நெடுங்குளம் ♦ ஓடைப்பட்டி ♦ பள்ளக்கா புதுப்பட்டி ♦ பன்னிக்குண்டு ♦ பாறைக்குளம் ♦ பேய்க்குளம் ♦ பொக்கம்பட்டி ♦ பொன்னமங்கலம் ♦ பொன்னம்பட்டி ♦ புதுக்குளம் ♦ புளியகவுண்டன்பட்டி ♦ மா. புளியங்குளம் (மாதவநாயக்கனூர்) ♦ ச. புளியங்குளம் ♦ புங்கங்குளம் ♦ இராயபாளையம் ♦ சலுப்பப் பிள்ளையார் நத்தம் (சலுப்பபட்டி) ♦ சாத்தங்குடி ♦ செங்கப்படை ♦ சிவரக்கோட்டை ♦ செளடார்பட்டி ♦ சுந்தரக்குண்டு ♦ சுவாமி மல்லம்பட்டி ♦ தி. புதுப்பட்டி (திருமங்கலம்) ♦ தங்களாச்சேரி ♦ தென்னமநல்லூர் ♦ திருமால் ♦ தும்பக்குளம் ♦ திரளி ♦ உச்சப்பட்டி ♦ உலகானி ♦ உரப்பனூர் ♦ வடகரை ♦ வாகைக்குளம் ♦ வலையங்குளம் ♦ வண்ணான்குளம் ♦ வெள்ளாகுளம் ♦ வெள்ளாகுளம் (S) ♦ வேப்பங்குளம் ♦ விடத்தகுளம் ♦ வில்லூர் ♦ விருசங்குளம்

பருத்தி விவசாயம்[தொகு]

1600களில் மதுரை மாவட்டத்தின் 80 விழுக்காடு பருத்தி விவசாயம், திருமங்கலம் வட்டத்தில் மட்டுமே நடந்தது. கரிசல் மண் உறுதியாக இருந்ததாலும், முறையான பராமரித்தலினாலும் இந்தியாவின் மற்ற பருத்தியை விட திருமங்கலம் பருத்தியே அடர் வெள்ளை நிறமாக இருந்தது. இதனாலேயே திருமங்கலத்துப் பருத்திக்கு "தின்னிவெள்ளைப் பருத்தி" என்று பெயரும் உண்டு. கரிசல் மண்ணும் உறுதியாக இருந்ததால், உழுவதற்கான மாடுகள் அனைத்தும் மைசூரிலிருந்து இறக்குமதி செய்யப்பட்டது. விளைந்த பருத்தியை திருநெல்வேலியிலுள்ள பஞ்சு ஆலைக்கு எடுத்துச்சென்று விதையிலிருந்து சுத்தமான பஞ்சு பிரிக்கப்படும். பின்னர், மதுரையிலுள்ள ஹார்வே மில்'லிற்கு எடுத்து வந்து நூலாகத் திரிக்கப்பட்டு ஆண்டிற்கு 1200 டன் பஞ்சு ஏற்றுமதி செய்யப்பட்டது. பஞ்சின் வெள்ளை நிறத்தின் காரணமாக, பருத்தியின் விலையும் உட்சத்தைத் தொட்டது. 1877ல் திருமங்கலத்தில் ஏற்பட்ட பெருமழை மற்றும் குண்டாற்றில் ஏற்பட்ட வரலாறு காணாத வெள்ளம், அதற்கு அடுத்தாற் போல் வந்த வறட்சியின் காரணமாக பருத்தி விவசாயம் கைவிடப்பட்டது[4].

மேற்கோள்கள்[தொகு]

"http://ta.wikipedia.org/w/index.php?title=திருமங்கலம்_வட்டம்&oldid=1705035" இருந்து மீள்விக்கப்பட்டது