ஜெசிகா லால் கொலை வழக்கு

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ஜெசிகா லால்
பிறப்பு ஜனவரி 5, 1965(1965-01-05)
இந்தியா இந்தியாவின் கொடி
இறப்பு ஏப்ரல் 29 1999 (அகவை 34)
புதுதில்லி இந்தியாவின் கொடி இந்தியா
பணி மாடல், பணிப்பெண்

ஜெசிகா லால் புதுதில்லியில் பினா ரமணி என்பவருக்குச் சொந்தமான உணவு விடுதி ஒன்றில் மது பானம் பறிமாறும் பணிப்பெண்ணாக வேலை செய்து வந்தார். 29.09.1999 அன்று விருந்தோம்பல் நிகழ்ச்சி ஒன்று உணவு விடுதியில் நடைபெற்றது. இரவு இரண்டு மணியளவில் விடுதிக்கு வந்த முன்னாள் பாராளுமன்ற உறுப்பினர் வினோத் சர்மாவின் மகன் மனு சர்மா ஜெசிகாவிடம் மது பானம் கேட்டுள்ளார். ஆனால் அவர் மறுத்துள்ளார். அதனால் கோபமடைந்த மனுசர்மா தனது கைத்துப்பாக்கியால் சுட்டதில் ஜெசிகா லால் படுகாயமடைந்து அப்பல்லோ மருத்துவமனை யில் அனுமதிக்கப்பட்டு உயிரிழந்தார்.[1]


பிப்ரவரி 2006 இல் விசாரணை நீதிமன்றம் மனுசர்மாவை விடுவித்து தீர்ப்பளித்தது. இதனை எதிர்த்து தொடரப்பட்ட வழக்கை தில்லி உயர்நீதிமன்றம் ஆயுள் தண்டனையாக திசம்பர் 2006 இல் தீர்ப்பளித்தது.[2] உச்சநீதிமன்றத்தில் மனுசர்மா மேல்முறையீட்டு மனுச் செய்திருந்தார். 19.04.2010 உச்சநீதிமன்றம் உயர்நீதிமன்றத் தண்டனையை உறுதி செய்தது.


இந்த வழக்கில் முக்கிய சாட்சிகளாக பினா ரமணியும் அவரது மகள் மாலினி ரமணியும் நடந்த சம்பவங்களை விவரித்து, மனு சர்மா மற்றும் அவரது கூட்டாளிகளை அடையாளப்படுத்தினர். தங்களுக்குப் பல்வேறு வகையில் மிரட்டல்கள் வந்ததாகவும் தெரிவித்தனர்.


இந்த வழக்கில் இந்தியாவின் பிரபல மூத்த வழக்கறிஞர் ராம் ஜெத்மலானி குற்றவாளி மனுசர்மாவிற்கு ஆதரவாக வாதாடினார் என்பது குறிப்பிடத்தக்கது.

மேற்கோள்கள்[தொகு]

  1. Murder of a Model India Today, 17 May 1999.
  2. Singh, Sanghita (20 December 2006). "Manu Sharma gets life term". Mumbai: DNA. பார்த்த நாள் 2006-12-27.