ஜியோவன்னி ஸ்கையாபரெலி

இக்கட்டுரை, Giovanni Schiaparelli எனும் விக்கிபீடியா கட்டுரையிலிருந்து மொழி பெயர்க்கப்பட்டது. குறிப்பாக, இந்தப் பதிப்பிலிருந்து மொழி பெயர்க்கப்பட்டது.

ஜியோவன்னி ஸ்கையாபரெலி
Giovanni Schiaparelli
பிறப்பு	மார்ச்சு 14, 1835(1835-03-14)
பிறப்பிடம்	Savigliano
இறப்பு	சூலை 4 1910 (அகவை 75)
குடியுரிமை	Italian
துறை	Astronomy

ஜியோவன்னி விர்ஜினியோ ஸ்கையாபரெலி (மார்ச் 14, 1835 – ஜூலை 4, 1910) இத்தாலிய வானியலாளர் மற்றும் அறிவியல் வரலாற்று ஆய்வாளர் ஆவார். இவர் டுரின் பல்கலைக்கழகம் மற்றும் பெர்லின் ஆய்வகத்தில் கல்வி பயின்றார். 1859-1860 ஆம் ஆண்டுகளில் இவர் புல்கோவோ ஆய்வகத்தில் பணியாற்றினார். அதன் பிறகு நாற்பதாண்டுகளுக்கு மேல் பிரேரா ஆய்வகத்தில் பணியாற்றினார். மேலும் இவர் இத்தாலியப் பேரரசின் செனட் உறுப்பினராகவும், அகாடமியா டி லிங்சை, அக்காடெமியா டெல்லே சைன்ஸ் டி டுரினோ அண்ட் த ரீஜியோ இன்ஸ்டிடியூட்டோ லோம்பார்டோவின் உறுப்பினராகவும், குறிப்பாக செவ்வாய் கிரகம் பற்றிய ஆய்வில் நன்கு அறியப்பட்டவர் ஆவார். இவரது உறவினரின் மகளான எல்சா ஸ்கையாபரெலி புகழ் பெற்ற ஆடை வடிவமைப்பாளராக இருந்தார்.

செவ்வாய் கிரகம்

ஸ்கையாபரெலியின் பங்களிப்புகளில் இவரது செவ்வாய் கிரகத்தின் தொலைநோக்கி கண்காணிப்பும் அடங்கும். இவரது ஆரம்ப கண்காணிப்புகளில் செவ்வாய் கிரகத்தின் "கடல்கள்" மற்றும் "கண்டங்களுக்குப்" பெயரிட்டுள்ளார். 1877 ஆம் ஆண்டில் "பெரும் எதிர்ப்பின்" போது இவர் செவ்வாய் கிரகப் பகுதிகளில் நீள்கட்டமைப்புடைய அடர்ந்த வலையமைப்பை கண்டறிந்தார். அதை இவர் இத்தாலியின் "கனாலி" என அழைத்தார். இது "சேனல்கள்" என பொருளுடையது ஆனால் இது "கேனல்ஸ்" என தவறுதலாக மொழிபெயர்க்கப்பட்டது. "கேனல்ஸ்" என்பது செயற்கையான உருவாக்கத்தைக் குறிக்கும். "கனாலி" என்பது இது நிலத்தின் இயற்கை உருவ அமைப்பாக இருகக்கூடும் என்ற உந்துதல் என்று பொருள்படும். இந்த தவறான மொழிபெயர்ப்பிலிருந்து செவ்வாய் கிரகத்தின் "கேனல்ஸ்" பிரபலமானதும் செவ்வாய் கிரகத்தில் வாழ்வது பற்றி பல்வேறு யூகங்கள் தருவிக்கப்பட்டன. இதனால் விரைவில் செவ்வாய் கிரகத்தில் வாழ்வது பற்றிய பல கருத்தாக்கங்கள், யூகங்கள் மற்றும் வாய்மொழிக்கதைகள் பரவின. செயற்கையான வாய்க்காலை மிகவும் ஆர்வமுடன் ஆதரித்தவர்களிடையே அமெரிக்க வானியலாளர் பெர்சிவல் லோயெல் புகழ்பெற்றவர் ஆவார். இவர் தனது வாழ்நாளில் பெரும்பாலான பகுதியை செவ்வாய் கிரகித்தில் உயிர்கள் வாழ்ந்திருப்பதை நிரூபிக்கும் முயற்சியிலேயே செலவழித்தார். எனினும் பின்னர் இத்தாலிய வானியலாளர் வைசென்சோ செருல்லியின் நன்றி கூறும் விதமான ஆய்வின் பலனாக அறிவியலாளர்கள் புகழ் பெற்ற வாய்க்கால்கள் உண்மையில் வெறும் ஒளியியல் திரிபுக்காட்சிகளே என உறுதிப்படுத்தினர்.

ஸ்கையாபரெலியின் புத்தகமான லைப் ஆன் மார்ஸில் அவர் பின்வருமாறு எழுதியுள்ளார்: "உண்மையான வாய்க்காலின் வடிவம் நமக்கு மிகவும் பழக்கமான ஒன்று. ஆனால் மண்ணிலுள்ள பள்ளங்கள் 100, 200 கிலோமீட்டர்கள் அகலமாகவும் ஆயிரத்திற்கும் மேற்பட்ட மைல்களில் நேர் திசையில் விரிந்து பரவியும், மிகவும் ஆழமாகவும் இல்லாதவை என்பதை நாம் நினைவில் கொள்ள வேண்டும். நான் ஏற்கனவே குறிப்பிட்டுள்ள படி செவ்வாய் கிரகத்தில் மழை இல்லாத போது இந்த வாய்க்கால்களே முக்கிய இயக்க அமைப்பாக இருந்து கோளினுடைய வறண்ட பகுதிக்கு தண்ணீரை (மற்றும் அதன் உயிர்களின் வாழ்வுடன்) பரப்பலாம். "

வானியல் மற்றும் அறிவியலின் வரலாறு

சூரிய மண்டலப் பொருட்களை ஆய்வுசெய்தவரான ஸ்கையாபரெலி இரட்டை நட்சத்திரங்களில் ஆய்வு செய்து ஏப்ரல் 26, 1861 அன்று 69 ஹெஸ்பெரியா என்ற சிறுகோளைக் கண்டறிந்தார். மேலும் பெர்செய்ட்ஸ் மற்றும் லியோனிட்ஸ் விண்கற்கள் பொழிவுக்கு வால் நட்சத்திரங்களுடன் தொடர்புள்ளது என மெய்ப்பித்தார். எடுத்துக்காட்டாக அவர் லியோனிட்ஸ் விண்கற்கள் பொழிவின் வட்டப்பாதை டெம்பெல்-டட்டில் வால் நட்சத்திரத்தின் பாதையுடன் பொருந்துவதை நிரூபித்தார். இந்த ஆராய்ச்சிகள் அவருக்கு விண்கற்கள் பொழிவு வால் நட்சத்திரங்களின் சுவடுகளாக இருக்கலாம் என்ற கருத்தாக்கத்தை உருவாக்க வழிகோலியது. பின்னர் அது துல்லியமான உண்மை என நிரூபிக்கப்பட்டது.

ஸ்கையாபரெலி மரபு சார் வானியல் வரலாற்றில் சிறந்த அறிஞராக இருந்தார். யூடோக்சஸ் ஆப் நைடஸ் மற்றும் கால்லிப்பஸினுடைய பொது மையக் கோளங்களை பல பிற்கால வானியலாளர்கள் கருதியதைப் போல அவற்றை பௌதிகப் பொருளாக அல்லாமல் நவீன ஃபோரியர் தொகுதிகளுக்கான வழிமுறையின் ஒரு பகுதியாகவே கருத வேண்டும் என இவரே முதலில் உணர்ந்தார்.

ஸ்கையாபரெலியின் செவ்வாய் கிரகப் பரப்பு வரைபடம்

வெகுமதிகள் மற்றும் விருதுகள்

விருதுகள்

• ராயல் வானியல் கழகத்தின் தங்கப்பதக்கம் (1872)
• ப்ரூஸ் பதக்கம் (1902)

இவரது பெயரிடப்பட்டவை

• 4062 ஸ்கையாபரெலி சிறுகோள்
• நிலாவிலுள்ள ஸ்கையாபரெலி கிண்ணக்குழி
• செவ்வாய் கிரகத்திலுள்ள ஸ்கையாபரெலி கிண்ணக்குழி

தேர்ந்தெடுக்கப்பட்ட எழுத்துப் படைப்புகள்

• 1873 - லீ ஸ்டெல்லி கடெண்டி (த ஃபாலிங் ஸ்டார்ஸ் )
• 1893 - லா விடா சல் பியானெடா மார்டெ (லைஃப் ஆன் மார்ஸ் )
• 1925 - Scritti sulla storia della astronomia antica (மரபுசார் வானியலின் வரலாறு ) மூன்று தொகுதிகள். போலோக்னா. மறுபதிப்பு: மிலானோ, மைமிசிஸ், 1997.

கூடுதல் வாசிப்பு

• http://www.daviddarling.info/ தளத்திலிருந்து "ஸ்கையாபரெலி, ஜியோவன்னி விர்ஜினியோ (1835-1910)" - வாழ்க்கை வரலாறு
• இரங்கல் குறிப்புகள்: வானிலை ஆய்வகத்தில் G. V. ஸ்கையாபரெலி, J. G. கால்லே, J. B. N. ஹென்னெஸ்ஸி J. கோல்ஸ், J. E. கோர், பகுதி. 33, ப. 311-318, ஆகஸ்டு 1910

புற இணைப்புகள்

• Source texts from Giovanni Schiaparelli.
• லே மனி சு மார்டெ: I diari di G.V. ஸ்கையாபரெலி
• La Vita Sul Pianeta Marte - குட்டன்பேர்க் திட்டப் பக்கம்
• ஜியோவன்னி ஸ்கையாபரெலி

இரங்கல் குறிப்புகள்

• (இத்தாலியம்) AN 185 (1910) 193/194
• ApJ 32 (1910) 313
• MNRAS 71 (1911) 282
• PASP 22 (1910) 164