கரிம வேதியியல்

கரிம வேதியியல் அல்லது சேதன இரசாயனம், (Organic Chemistry) என்பது வேதியியலின் ஒரு பகுதியாகும். இது கரிம (Carbon) அணுக்கள் மற்றும் கரிம சேர்மங்கள் ஆகியவற்றால் ஆன வேதிப்பொருட்களின் அமைப்பு, இயல்புகள், வேதிவினைகள் பற்றிய இயல் ஆகும். நன்கு அறியப்பட்ட கரிமப் பொருள் மரக்கரி ஆகும். அச்சொல்லில் இருந்து கரிம வேதியியல் என்ற சொல் பாவனைக்கு (பயன் பாட்டிற்கு) வந்துள்ளது.

காபனின்(கரிமம்) வலுவளவு நான்கு ஆகும். எனவே காபன் ஏனைய மூலகங்களிலும்(தனிமங்கள்) பார்க்க அதிக பிணைப்புக்களை உருவாக்க முடியும். மேலும் காபன் ஏனைய மூலகங்களுடன் சேர்ந்து உருவாக்கும் பிணைப்புக்களின் பிணைப்புச் சக்தியும் குறைவாகும்.இதன் காரணமாக காபன் இயற்கையில் அதிக சேர்வைகளை உருவாக்குகிறது.

பிரதான சேதனச் சேர்வைகள்

சேதனச் சேர்வைகள் பிரதானமாக இரண்டு வகைப்படும். அவையாவன:

1. அலிபற்றிக் சேதனச் சேர்வைகள்
2. அரோமற்றிக் சேதனச் சேர்வைகள் என்பனவாகும். மேலும் தொழிற்பாட்டுக் கூட்டத்தைக் கொண்டு அவற்றை வகைப்படுத்தலாம்.

அலிபற்றிக் சேதனச் சேர்வைகள்

நீண்ட சங்கிலியைக் கொண்ட சேதனச் சேர்வைகளாகும். இவை மேலும்,

• அல்கேன்கள்
• அல்கீன்கள்
• அல்கைன்கள் எனப் பிரிக்கப்படுகின்றன.

அல்கேன்கள்

காபன் அணுக்களுக்கிடையில் ஒற்றைப் பிணைப்பை மாத்திரம் கொண்ட சேர்வைகள் அல்கேன்களாகும்.

அல்கீன்கள்

காபன் அணுக்களிடையே இரட்டைப்பிணைப்புகளைக் கொண்டுள்ள சேர்வைகள் அல்கீன்களாகும்.

அல்கைன்கள்

காபன் அணுக்களிடையே மும்மைப்பிணைப்புகளைக் கொண்டுள்ள சேர்வைகள் அல்கைன்களாகும்.

அரோமற்றிக் சேதனச் சேர்வைகள்

பென்சீன் வளையத்தைக் கொண்ட சேதனச் சேர்வைகளாகும்

தொழிற்பாட்டுக் கூட்டத்தைக் கொண்டு வகைப்படுத்தல்

தொழிற்பாட்டுக் கூட்டம்

சேதனச் சேர்வையொன்றின் விஷேட இயல்புகள் மற்றும் தாக்கங்களுக்குப் பொறுப்பான அணுக்கள் அல்லது அணுக்கூட்டங்கள் தொழிற்பாட்டுக் கூட்டங்கள் எனப்படும்.

சில பிரதான சேர்வைகள்

பின்வரும் அட்டவணை சில பிரதான சேதனச் சேர்வைகளின் விபரங்களைத் தருகிறது.

பெயர்	கூட்டம்	சூத்திரம்	கட்டமைப்புச் சூத்திரம்	முன்னொட்டு	பின்னொட்டு	உதாரணம்
அல்கேன்	அல்கைல்	RH		alkyl-	-ane	எதேன்
அல்கீன்	அல்கீனைல்	R2C=CR2		alkenyl-	-ene	எதிலீன் (Ethene)
அல்கைன்	அல்கைனல்	RC≡CR'		alkynyl-	-yne	அசெற்றலீன் (Ethyne)
பென்சீன்	பீனைல்	RC6H5 RPh		phenyl-	-benzene	Cumene (2-phenylpropane)
தொலுயீன்	பென்சைல்	RCH2C6H5 RBn		benzyl-	1-(substituent)toluene	Benzyl bromide (α-Bromotoluene)
ஹலோஅல்கேன்	ஹலோ	RX		halo-	alkyl halide	Chloroethane (Ethyl chloride)
ஃபுளோரோஅல்கேன்	ஃபுளோரோ	RF		fluoro-	alkyl fluoride	Fluoromethane (Methyl fluoride)
குளோரோஅல்கேன்	குளோரோ	RCl		chloro-	alkyl chloride	Chloromethane (Methyl chloride)
புரோமோஅல்கேன்	புரோமோ	RBr		bromo-	alkyl bromide	Bromomethane (Methyl bromide)
அயடோஅல்கேன்	அயடோ	RI		iodo-	alkyl iodide	Iodomethane (Methyl iodide)
அல்ககோல்	ஹைட்ரொக்ஸில்	ROH		hydroxy-	-ol	மெதனோல்
கீட்டோன்	காபனைல்	RCOR'		-oyl- (-COR') or oxo- (=O)	-one	Butanone (Methyl ethyl ketone)
அல்டிகைட்	அல்டிகைட்	RCHO		formyl- (-COH) or oxo- (=O)	-al	Ethanal (Acetaldehyde)
அசற்றைல் ஹேலைட்	ஹலோஃபோர்மைல்	RCOX		carbonofluoridoyl- carbonochloridoyl- carbonobromidoyl- carbonoiodidoyl-	-oyl halide	Acetyl chloride (Ethanoyl chloride)

அறிவியல் சொற்கள்

• சேர்மம்
• அமைப்பு
• இயல்புகள்
• வேதிவினை