சிறீபிரியா

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

சிறீபிரியா (ஸ்ரீபிரியா) தென்னிந்திய திரைப்படங்களில் 1970கள் மற்றும் 1980 களில் முன்னணி வேடங்களில் நடித்த நடிகை ஆவார்.

சிறு குறிப்பு[தொகு]

சிறீபிரியா தெலுங்கு, கன்னட, மற்றும் மலையாள படங்களில் நடித்துள்ளபோதிலும், இருநூற்றுக்கும் மேற்பட்ட தமிழ் திரைப்படங்களில் நடித்துள்ளார்.

இராஜ்குமார் என்னும் நடிகரை மணந்து இரு பிள்ளைகளுக்கு (சினேகா, நாகார்ஜூன்) தாயான இவர் தற்போது துணைவேடங்களிலும் சின்னத்திரையிலும் நடித்து வருகிறார். இரு திரைப்படங்களையும் இரு தொலைக்காட்சி தொடர்களையும் இவர் இயக்கியுள்ளார்.[1]

அறிமுகம்[தொகு]

தமிழில் சிறீ பிரியாவை 1974ஆம் ஆண்டு கே.பாலச்சந்தர் அவள் ஒரு தொடர்கதை என்னும் திரைப்படத்தில் அறுமுகப்படுத்தினார். அநேகமாகப் புதுமுகங்களே நடித்து மாபெரும் வெற்றி பெற்ற அப்படத்தில் நாயகியின் இளவயது விதவைத் தங்கையாக குணச்சித்திரப் பாத்திரத்தை ஏற்று நடித்து சிறீ பிரியா தனது நடிப்பாற்றலை வெளிப்படுத்தியிருந்தார். அப்போது முன்னேறி வரும் நடிகராக இருந்த கமலஹாசன் அவரிடம் ஒருதலைக் காதல் கொள்பவராக நடித்திருந்தார்.

விரைவிலேயே வெற்றிப்படிகளில் ஏறத்துவங்கிய சிறீ பிரியா தமிழில் முதன்மையான அனைத்து இயக்குனர்கள் மற்றும் நடிகர்களின் படங்களிலும் நடித்தார். ரஜினி காந்த் மற்றும் கமலஹாசன் ஆகிய இருவருடனும் மிக அதிகமான படங்களில் இணைந்து நடித்து இருவரது ரசிகர்களாலுமே ஏற்றுக் கொள்ளப்பட்டவர் சிறீ பிரியா.

இவரது திரைப்பட வரலாற்றில் ஒரு மைல்கல் சாதனையாகத் திகழ்வது அவள் அப்படித்தான் என்னும் திரைப்படம். இதில் தாம் சந்தித்த தொடர் தோல்விகளின் காரணமாக, சமூகத்தின் மீதும் வாழ்க்கையின் மீதும் நம்பிக்கை அற்றுப்போன பெண்ணின் கதாபாத்திரத்தினை மிக இயல்பாகவும், அற்புதமாகவும் சித்தரித்திருந்தார். வணிக அடிப்படையில் வெற்றி பெறாவிடினும், இப்படம் இன்றளவும் தமிழின் தலை சிறந்த படங்களில் ஒன்றாகக் கருதப்படுகிறது.

முக்கியமான படங்கள்[தொகு]

  • அவள் ஒரு தொடர்கதை
  • அவள் அப்படித்தான்
  • ஆட்டுக்கார அலமேலு
  • தாய் மீது சத்தியம்
  • நட்சத்திரம்
  • நீயா
  • பைரவி
  • வாழ்வே மாயம்


இவற்றில் நீயா மற்றும் நட்சத்திரம் ஆகிய படங்களை அவர் தயாரித்து நடித்திருந்தார்.

மேற்கோள்கள்[தொகு]

"http://ta.wikipedia.org/w/index.php?title=சிறீபிரியா&oldid=1710362" இருந்து மீள்விக்கப்பட்டது