சரபா

|

சிவன் நரசிம்மரை அடக்குகின்ற காட்சி - சிறீலங்காவில் உள்ள முன்னேசுவரம் கோவிலில்உள்ள சிலைவடிவம்

.சரபா ( கன்னடம்: ಶರಭ) இந்துதொன்மவியலில் பகுதி சிங்கமாகவும் பகுதி பயங்கர பறவையாகவும் உள்ள ஓர் விலங்கு. சில சமசுகிருத இலக்கியங்களில் இது எட்டு கால்களை உடைய, சிங்கம் மற்றும் யானையையும் கொல்லக்கூடிய வலுவுள்ள மிருகமாக சித்தரிக்கப்படுகிறது. மேலும் சில இலக்கியங்களில் எட்டு காலுடைய மானாக விவரிக்கப்படுகிறது.

சைவ சமயத்தில் சிங்கத் தலையும் மனித உடலும் கொண்ட விஷ்ணுவின் நான்காவது அவதாரமான நரசிம்மரை அவரது பெருங்கோபத்திலிருந்து கட்டுப்படுத்த சிவன் எடுத்த அவதாரம் என்று நம்பப்படுகிறது. அவரது அவதாரம் சரபேசுவரர் அல்லது சரபேசுவரமூர்த்தி என வழிபடப்படுகிறது. வைணவர்கள் திருமாலின் பெயராக நம்புகின்றனர். புத்த மதத்தில் புத்தரின் முன்பிறப்பாக ஜாதகக் கதைகளில் கூறப்படுகிறது.

திருபுவனத்தில் சரபமூர்த்திக்கு (கம்பகரேஸ்வரர்க்கு) ஆலயம் சோழர்களில் கடைசிப் பேரரசர் மூன்றாம் குலோத்துங்கன் நிர்மாணித்தான். உலகிலேயே இங்கு தான் சரபமூர்த்திக்கு (கம்பகரேஸ்வரர்க்கு) பிரேத்தியகமான ஆலயம் உள்ளது. சோழர் கால கட்டடகலைக்கு உதாரணமாக இவ்வாலயத்தையும், தஞ்சை பிரகதீஸ்வரர் ஆலயத்தையும், தாராசுரம் ஐராவதீஸ்வரர் ஆலயத்தையும், கங்கை கொண்ட சோழபுரம் ஆலயத்தையுமே குறிப்பிடுகிறார்கள்.

கருநாடக அரசு சின்னம் -இருபுறமும் சிவப்புப்பிடரி கொண்ட மஞ்சள்நிற சிங்க யானை சரபா

சரபா கருநாடக அரசின் சின்னமாகவும் மைசூர் பல்கலைக்கழகம் மற்றும் கருநாடகா அரசு சோப்பு தயாரிப்பு நிறுவனம் ஆகியவற்றின் சின்னங்களிலும் இடம் பெற்றுள்ளது.

வெளி இணைப்புகள்

• சாந்தம் அருளும் சரபேஸ்வரர்