சசிமி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
உண்பதற்கு தயாரான சசிமி

சசிமி அல்லது சஷிமி (கன் எழுத்து: 刺身) சமைக்கப்படாத புதிய கடலுணவுகளைக் கொண்டு தாயாரிக்கப்படும், யப்பானிய உணவாகும். இதில் கடலுணவுகள் 2.5 சதம மீட்டர் அகலமும் 4 சதம மீட்டர் நீளமும் 0.5 சதம மீட்டர் தடிப்பும் கொண்ட பகுதிகளாக வெட்டப்பட்டு இத்துண்டுகளை தோய்த்து உண்பதற்கான சோஸ் (வசாபி கலக்கப்பட்ட சோயா சோஸ்) ஒன்றோடு பரிமாறப்படும். மீன் துண்டுகளுடன் சிலவேளைகளில் மெல்லியதாக வெட்டப்பட்ட இஞ்சியும் வழங்கப்படும். இது யப்பானில் மிகவும் பிரசித்தமான உணவாகும்.

பரிமாறல்[தொகு]

உணவகங்களில் பொதுவாக வாடிக்கையாளர் முன்னதாகவே சசிமி தாயாரிக்கப்படும்

சசிமி யப்பானிய பாரம்பரிய உணவில் பெரும்பாலும் முதலாவதாக உட்கொள்ளப்படும் சிற்றுணவாகும். ஆனால் இதுவே பிரதான உணவாகப் பரிமாறப்படும் சந்தர்ப்பங்களும் அதிகமாகும். சசிமி ஏனைய உணவுகளின் சுவை நாவை பாதிக்கும் முன்னர் உட்கொள்ளப்பட வேண்டும். சசிமியின் சுவை அதில் பயன்படுத்தப்பட்டுள்ள கடலுணவுக்கேற்ப வேறுபடக் கூடியதாகும். கடலுணவுடன் முள்ளங்கிக் கிழங்கு சிறு கீற்றுகளாக சீவப்பட்டு பரிமாறப்படும். சசிமியுடன் பரிமாறப்படும் சோஸ் பொதுவாக சோயா சோஸ், வசாபி, தேசிக்காய்ச் சாறு போன்றவற்றின் கலப்பாகும். யப்பானியர்கள் வசாபியை தாங்களே சோயா சோஸில் கலக்க விரும்புவதால், இவை தனித்தனியாக பரிமாறப்பட்டு உணவுக்கு முன்னர் அவரவரே கலந்துக் கொள்வர். வசாபி சுவையூட்டியாக பயன்பட்டாலும் அது சமைக்கப்படாத கடலுணவில் இருக்கக் கூடிய பாக்டீரியாக்களை அழிக்க உதவுகிறது.

வகைகள்[தொகு]

பொதுவான மூலப் பொருட்கள்:

  • 鮭 சகே: செமண்
  • いか இக்கா: Squid
  • えび எபி: இரால்
  • まぐろ மகுரோ: டூனா
  • さば சபா: மெகரல்
  • たこ டகோ: ஒக்டோபஸ்
  • とろ டோரோ: Fatty Tuna
  • はまち அமச்சி: Yellowtail
  • ふぐ புகு: Takifugu

ஆக்டோபஸ் சிலவேலைகளில் சமைக்கப்பட்டுப் பரிமாறப்பட்டாலும் செமண் டூனா போன்றவை சமைக்கப்படாமலேயே பரிமாறப்படும்.

"http://ta.wikipedia.org/w/index.php?title=சசிமி&oldid=1471478" இருந்து மீள்விக்கப்பட்டது