கொன்சிட்டாண்ட்டின் நோவோசியெலோவ்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
கொன்சிட்டாண்ட்டின் நோவோசியெலோவ்
Konstantin Novoselov.
பிறப்பு ஆகஸ்ட் 23, 1974 (1974-08-23) (அகவை 39)
பிறப்பிடம் நிழ்சினி தாகில், உருசிய சோவியத் கூட்டிணைப்பு சோசலிசக் குடியரசு, சோவியத் ஒன்றியம்
வாழிடம் இங்கிலாந்து
குடியுரிமை உருசியா மற்றும் ஐக்கிய இராச்சியம்
தேசியம் உருசியா
கல்வி கற்ற இடங்கள் மாசுக்கோ இயற்பியல் தொழில்நுட்ப உயர்கல்விக்கூடம்

நீமேகென் பல்கலைக்கழகம்
ஆய்வு நெறியாளர்   யான் கீசு மான், ஆந்தரே கெய்ம்
அறியப்படுவது கிராபீன் (graphene) பற்றிய ஆய்வு

கொன்சிட்டாண்ட்டின் நோவோசியெலோவ் (Konstantin Sergeevich Novoselov, இரசிய மொழி: Константи́н Серге́евич Новосёлов, கொன்ஸ்டண்டீன் செர்கேவிச் நவசியோலொவ், பிறப்பு: ஆகத்து 23, 1974) உருசியாவில் பிறந்து ஐக்கிய இராச்சியத்தில் வாழும் இயற்பியல் அறிவியலாளர். ஒற்றையணு தடிப்புள்ள கரிம அணுப் படலத்தை பற்றிய இவருடைய ஆய்வு புகழ்பெற்றது. ஆந்தரே கெய்ம் என்பாருடன் சேர்ந்து இவருக்கு 2010 ஆண்டுக்கான இயற்பியல் நோபல் பரிசு வழங்கப்பட்டது[1]. நோவொசியெலோவ் தற்பொழுது மான்ச்செசிட்டர் பல்கலைக்கழகத்தில் ஏறத்தாழ ஒருசில அணுவளவுத் தடிப்புள்ள பொருள்களைப் பற்றி ஆயும், இடையளவு இயற்பியல் (Mesoscopic physics, மேசோசுக்கோப்பிக் இயற்பியல்) என்னும் துறையில் (பிரித்தானிய) வேந்தியக் குமுக ஆய்வுப் பேராளராகப் (Royal Society Research Fellow) பணிபுரிகிறார்[2][3].

பணி வரலாறு[தொகு]

நோவோசியெலோவ் இதுகாறும் 60 ஒத்தோர்-தேர்வுசெய்த (peer-reviewed) ஆய்வுரைகள எழுதியுள்ளார், இவை இடையளவு (mesoscopic) மீகடத்தி, ஃகால் விளைவு காந்த அளவியல் (Hall effect magnetometry) [4], காந்த நுண்புலங்களின் பிரிமுகங்களின் (எல்லைச்சுவர்களின்) அணுத்துகள் அளவு நகர்ச்சிகள் (sub-atomic movements of magnetic domain walls),[5] கெக்கோ பல்லியின் காலின் இறுகப்பற்றும் தன்மையை ஒத்த செயற்கைநாடா (கெக்கோ நாடா) (gecko tape) கண்டுபிடிப்பு,[6], ஓரணுத் தடிப்புள்ள கரிமப்படலமாகிய கிராஃவீன்.[7] ஆகிய துறைகளைப் பற்றியவை.

ஒற்றையணுத் தடிப்பே உள்ள கரிம அணுப்படலம். கரிம அணுக்கள் தேனடை போன்ற அறுகோண அமைப்பில் இருப்பதைப் பார்க்கலாம்

பரிசுகளும் பெருமைகளும்[தொகு]

  • 2008 ஆண்டுக்கான ஐரோப்பிய இயற்பியல் பரிசு (Europhysics Prize). இப்பரிசு இவர் தனித்து நிற்கும் ஒற்றை அணுத் தடிப்புள்ள கரிம அணுப் படலத்தைக் கண்டுபிடித்தற்காகவும் அதன் தனித்தன்மையான எதிர்மின்னியியல் பண்புகளை விளக்கியதற்காகவும் தந்தார்கள். பரிசளிப்பு வாசகம், "for discovering and isolating a single free-standing atomic layer of carbon (graphene) and elucidating its remarkable electronic properties." என்னும் தொடரைக் கொண்டிருந்தது[8]
  • 2010ஆண்டில் ஆந்தரே கெய்ம் என்பாருடன் இணைந்து இயற்பியல் நோபல் பரிசு. இப்பரிசு, இருதிரட்சி (two-dimensionla) கிராஃவீன் (graphene)பொருளைப் பற்றிய புதுப்பெயர்ச்சிதரும் செய்முறை ஆய்வுகளுக்காக வழங்கப்பட்டது. நோபல் குழுவின் சாற்றுமொழி , "for groundbreaking experiments regarding the two-dimensional material graphene."[1]

இவற்றையும் பார்க்க[தொகு]

மேற்கோள்களும் அடிக்குறிப்புகளும்[தொகு]

  1. 1.0 1.1 "2010 இயற்பியல் நோபல் பரிசு அறிவிப்பு". நோபல் நிறுவனம் (5 அக்டோபர் 2010). பார்த்த நாள் 2010-10-05.
  2. "fellow Konstantin Novoselov". ரோயல் கழகம். பார்த்த நாள் 2010-10-05.
  3. "முனை. கோஸ்டியா நவசியோலொவ்". மான்செஸ்டர் பல்கலைக்கழகம். பார்த்த நாள் 2010-10-05.
  4. ஏ. கே. கெயின் வேறு. (2000). "Non-Quantized Penetration of Magnetic Field in the Vortex State of Superconductors". நேச்சர் 406. 
  5. K. S. et al. (2003). "Subatomic Movements of a Domain Wall in the Peierls Potential". நேச்சர் 426: 812–816. doi:10.1038/nature02180. 
  6. A. K. Geim et al. (2003). "Microfabricated Adhesive Mimicking Gecko Foot-Hair". Nature Materials 2: 461–463. doi:10.1038/nmat917. 
  7. A. K. Geim, K. S. Novoselov (2007). "The Rise of Graphene". Nature Materials 6: 183–191. doi:10.1038/nmat1849. 
  8. "Waters, Darren (2008) Nano switch hints at future chips". பிபிசி. பார்த்த நாள் 2010-10-05.

வெளி இணைப்புகள்[தொகு]