கேண்டெலா

அனைத்துலக அலகு (SI) முறையில் ஒளியின் அடர்த்தியை அளப்பதற்காண அடிப்படை அலகுக் கேண்டெலா ஆகும். (எத்தனை ‘அ’!!). (குறுகிய வடிவம், தமிழ் - கேண்டெ, ஆங்கிலம் - cd). இது ஒருக் குறிப்பிட்டத் திசையில் வெளிடப்படும் ஒளியின் ஆற்றலைக் குறிக்கும் அளவாகும். ஒரு கேண்டெலா என்பது ஏறக்குறைய மெழுகுத்திரி எரியும்போது வெளிப்படும் ஒளியின் அளவுக்குச் சமமாகும்.

வரையறை

எல்லா SI முறை அலகுகளைப் போல் இதற்கும் செயல்முறை வரையறை உள்ளது. 1979-ம் ஆண்டு நடைபெற்ற எடை மற்றும் அளவகளுக்கான பொது மாநாட்டைத் தொடர்ந்து ஒரு கேண்டெலாவிம் அளவு கீழ்க்காணுமாறு வரையறுக்கப்படுகிறது:

ஒரு கேண்டெலா என்னும் ஒளியடர்த்தியானது, 540×10¹² எர்ட்சு அதிர்வெண் கொண்ட ஒற்றை நிற ஒளி, ஒரு குறிப்பிட்டத் திசையில் 1/683 வாட்/இசுட்டெரேடியன் வீசும் கதிர்வீச்சு அடர்த்தி ஆகும். (இசுட்டெரேடியன் என்பது திண்மக் கோண ஆரையம்/ரேடியன் ஆகும்)

ஒரு கேண்டெ ஒளியை வெளிப்படுத்தும் கதிர்விளக்கை உருவாக்கும் முறையை இந்த வரையறை விளக்குகிறது. அந்தக் கதிர்விளக்கை மற்ற ஒளியளக்கும் கருவிகளை அளவுத்திருத்தப் பயனபடுத்தலாம்.

SI ஒளி அலகுகள்

அளவை	ச.அ அலகு	குறி	குறிப்புகள்
ஒளி ஆற்றல்	லூமென் நொடி	லூம்-நொ	talbots என்றும் அழைக்கப்படுகிறது
ஒளிச்சக்தி	லூமென்	லூ
ஒளியடர்த்தி	கேண்டெலா	கேண்டெ	ச.அ அடிப்படை அலகு
ஒளிப்பரப்படர்த்தி	கேண்டெலா/சதுர மீட்டர்	கேண்டெ/மீ2	nits என்றும் அழைக்கப்படுகிறது
ஒளியாற்றல் அடர்த்தி	லூமென்/சதுர மீட்டர்	லூ/மீ2	பரப்பில் விழும் ஒளிக்குப் பயன்படுத்தப்படுவது
ஒளியாற்றல் வீச்சடர்த்தி	லூமென்/சதுர மீட்டர்	லூ/மீ2	கதிர்விளக்கு வெளிப்படுத்தும் ஒளிக்குப் பயன்படுத்தப்படுவது
ஒளி வீச்சாற்றல்	லூமென்/வாட்	லூ/வாட்	ஒளி வீச்சடர்திக்கும் வீசு ஒளியாற்றல் திறனுக்குமான விகிதம்