குதிரையாறு

குதிரையாறு (Kuthiraiyar) திண்டுக்கல் மாவட்டம், கொடைக்கானல் மலைப்பகுதியில் கூக்கால் பகுதியில் உருவாகும் சிற்றாறு ஆகும். ஆண்டிப்பட்டி கிராமத்தில் சிற்றருவியாக விழுந்து குதிரையாறு அணையில் தேங்கி அங்கிருந்து வடக்கு நோக்கி பாப்பம்பட்டி, ரெட்டையம்பாடி கிராமங்களின் வழியாக, சுமார் 10 கி.மீ.ஓடி, திருப்பூர் மாவட்டம், மடத்துக்குளம் வட்டம், கொழுமம் கிராமம் அருகில் அமராவதி ஆற்றோடு கலக்கிறது.

பழங்காலப் பெயர்

சங்ககாலத்திற்குப் பின் இந்த ஆற்றுக்கு அசுவநதி என பெயர் வழங்கி வந்துள்ளது. (அசுவம்( வடமொழி) = குதிரை) இந்த அசுவநதி கொழுமம், அருகில் அமராவதி ஆற்றுடன் இணைந்து வடக்காக சென்று காவிரி ஆற்றுடன் இணைகிறது.