கீரவாணி

கீரவாணி என்பது கருநாடக இசையில் 21வது மேளகர்த்தா இராகம். அசம்பூர்ண மேள பத்ததியில் இந்த இராகத்தின் பெயர் கிரணாவளி. விரிவான ஆலாபனைக்கு இடம் கொடுப்பதுடன், பக்தி சுவையையும் வெளிப்படுத்தும். எப்போதும் பாடலாம்.

இலக்கணம்

கீரவாணி சுரங்கள் C யிலிருந்து தொடக்கம்

ஆரோகணம்:	ஸ ரி2 க2 ம1 ப த1 நி3 ஸ்
அவரோகணம்:	ஸ் நி3 த1 ப ம1 க2 ரி2 ஸ

• வேத என்றழைக்கப்படும் 4வது சக்கரத்தில் 3வது மேளம்.
• இந்த இராகத்தில் ஷட்ஜம், சதுஸ்ருதி ரிஷபம்(ரி₂), சாதாரண காந்தாரம்(க₂), சுத்த மத்திமம்(ம₁), பஞ்சமம், சுத்த தைவதம் (த₁) , காகலி நிஷாதம் (நி₃) ஆகிய சுரங்கள் வருகின்றன.

சிறப்பு அம்சங்கள்

• பிரதியாகத கமகம் இந்த இராகத்தின் சாயலை நன்கு வெளிப்படுத்தும்.
• இதன் மத்திமத்தை பிரதி மத்திமாக மாற்றினால் இராகம் சிம்மேந்திரமத்திமம் ஆகும்.
• இது ஒரு மூர்ச்சனாகாரக மேளம். இதன் மத்திமம், பஞ்சமம், தைவதம் முறையே கிரக பேதத்தின் வழியாக ஹேமவதி (58), வகுளாபரணம் (14), கோசலம் (71) இராகங்கள் கொடுக்கும்.
• மேல்நாட்டு இசையில் ஹார்மோனிக் மைனர் (Harmonic Minor Scale) என்பது கீரவாணி இராகமே.

உருப்படிகள்

• கிருதி : கலிகியுண்டேகதா : ஆதி : தியாகராஜ சுவாமிகள்.
• கிருதி : இன்னமும் சந்தேக :மிஸ்ர சாபு : கோபாலகிருஷ்ண பாரதியார்
• கிருதி : தேவி நீயே : ஆதி : பாபநாசம் சிவன்.
• கிருதி : வேலவா வினை தீர : மிஸ்ர ஜம்பை : கோடீஸ்வர ஐயர்.
• கிருதி : உனை நம்பினேன் ஐயா : ஆதி : முத்துத் தாண்டவர்.

ஜன்ய இராகங்கள்

கீரவாணியின் ஜன்ய இராகங்கள் இவை.

• குலபூஷணி
• சாமந்தசாளவி
• கல்யாணவசந்தம்
• நாகதீபரம்
• ரிஷிப்பிரியா
• உகவாணி
• சந்திரிகா
• சிவிகா
• பானுப்பிரியா
• ஸ்ரோத்தஸ்வினி
• கதரம்

திரையிசைப் பாடல்கள்

கீரவாணி இராகத்தில் அமைந்த சில திரையிசைப் பாடல்கள்:

• பாட்டு பாடவா பாடம் சொல்லவா
• போவோமா ஊர்கோலம் :- சின்னத்தம்பி
• என்னைத் தாலாட்ட வருவாளா :- காதலுக்கு மரியாதை
• நெஞ்சுக்குள்ளே இன்னாரென்று :- பொன்னுமணி