ஓருறுப்புச் செயலி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

கணிதத்தில் ஓருறுப்புச் செயலி அல்லது ஓருறுப்புச் செயல் (unary operation) என்பது, ஒரேயொரு உறுப்பைக் கொண்டு செய்யப்படும் செயலியாகும். அதாவது இச் செயலிக்கு ஒரேயொரு உள்ளீடுதான் தரப்படும். குறிப்பாக சார்புகள் ஓருறுப்புச் செயலிகள் ஆகும். சார்பு f:\ A\to A (A ஒரு கணம்), A இன் மீது வரையறுக்கப்பட்ட ஓருறுப்புச் செயலி.

எடுத்துக்காட்டுகள்[தொகு]

சில ஓருறுப்புச் செயலிகள் கீழே தரப்பட்டுள்ளன:

  • நேர்மமம் எதிர்மமும்

ஓர் எண்ணை நேர்மமாக்கல் (+) மற்றும் எதிர்மமாக்கல் (-) ஆகிய இரு செயலிகளும் ஓருறுப்புச் செயலிகளாகும்.

(+2) = 2
(+(−2)) = −2
(−(−2)) = +2
(-(+2)) = -2

இரண்டுக்கு மேற்பட்ட செயலிகளைக் கொண்டுள்ள ஒரு கணிதக் கூற்றில், ஒரு உள்ளீடு மட்டும் கொண்டுள்ளதால், ஓருறுப்புச் செயலியே முதலில் செய்யப்படல் வேண்டும்.

எடுத்துக்காட்டு:

3 − −2 இத்தொடரில் இடமிருந்து முதலில் வரும் - குறி ஈருறுப்புச் செயலி; இரண்டாவது வரும் - ஓருறுப்புச் செயலி. எனவே இதன் மதிப்புகாண பின்பற்றப்படவேண்டிய வரிசைமுறை:
3 − (−2) = 3 + 2 =5
  • இடமாற்று அணிகாணல்

ஒரு அணியின் இடமாற்று அணி காண்பது ஓருறுப்புச் செயல்.

அணி A இன் இடமாற்று அணி AT

எடுத்துக்காட்டு: A = \begin{pmatrix}
1 & 2 \\
-4 & 5 \\
7 & 8 
\end{pmatrix}

இதனுடைய இடமாற்று அணி

AT = \begin{pmatrix}
1 & -4 & 7\\
2 & 5 & 8\\
\end{pmatrix}

வர்க்கமூலம் காணல், வர்க்கம் காணல், தொடர் பெருக்கம் காணலும் ஓருறுப்புச் செயலிகளுக்கு எடுத்துக்காட்டுகளாகும்.

மேற்கோள்கள்[தொகு]

"http://ta.wikipedia.org/w/index.php?title=ஓருறுப்புச்_செயலி&oldid=1520716" இருந்து மீள்விக்கப்பட்டது