எஸ்பெராண்டோ

கட்டற்ற கலைக்களஞ்சியமான விக்கிப்பீடியாவில் இருந்து.
(எஸ்பரான்டோ இலிருந்து வழிமாற்றப்பட்டது)
தாவிச் செல்லவும்: வழிசெலுத்தல், தேடல்
Esperanto
எஸ்பெராண்டோ
எஸ்பெராண்டோ
உருவாக்கப்பட்டது எல். எல். சாமன்ஹோஃப்
Users unknown (தாய்மொழியாக: 200 - 2000 (1996, மதிப்பிடு.);[1]
சரளமாக பேசும் மக்கள்: 100,000 - 2 மில்லியன் cited 1887)
நோக்கம்
constructed language
  • பன்னாட்டு உருவாக்கப்பட்ட மொழி
    • Esperanto
      எஸ்பெராண்டோ
மூலம் ஜெர்மானிய மொழிகள் மற்றும் ரோமானிய மொழிகளிலிருந்து சொல்லகராதி; சிலாவிய மொழிகளிலிருந்து உச்சரிப்பு
அலுவலக நிலை
Regulated by அகடெமியோ டெ எஸ்பெராண்டோ
மொழிக் குறியீடுகள்
ISO 639-1 eo
ISO 639-2 epo
ISO 639-3 epo

எஸ்பராண்டோ ( இந்த ஒலிக்கோப்பு பற்றி Esperanto)[2] உலகில் அதிகம் பேசப்படும் கட்டமைக்கப்பட்ட மொழியாகும்.[3] எஸ்பெராண்டோ என்பதன் பொருள் நம்பிக்கையுடனான என்பதாகும். 1887இல் எல். எல். சாமன்ஹோஃப் எழுதிய உனுவா லிப்ரோ நூலில் எஸ்பெராண்டோ பற்றிய தகவல்கள் முதன்முதலாக வெளிவந்தன. கற்றலுக்கு எளியதாக மொழி இருக்கவேண்டும் என்ற நோக்கத்தில் சாமன்ஹோஃப் இம்மொழியை தொடங்கியுள்ளார். இன்று உலகில் கிட்டத்தட்ட 1,000 மக்கள் இம்மொழியை தாய்மொழியாகப் பேசுகின்றனர். மதிப்பீட்டின் படி 100,000-2 மில்லியன் மக்களால் இம்மொழியை சரளமாக பேசமுடியும். 120 நாடுகளில் இம்மொழி பேசப்படுகின்றது.[4] ஐரோப்பா, கிழக்கு ஆசியா, தென் அமெரிக்கா நாடுகளில் இதன் பயன்பாடு மிகுந்து உள்ளது.[5] ஆனால் உலகில் எங்கேயும் எஸ்பெராண்டோ ஆட்சி மொழியாக இல்லை.

வரலாறு[தொகு]

1887 இல் டாக்டர் லுடோவிக் லாசரஸ் ஜாமன்ஹாப், எஸ்பராண்டோ என்ற ஒரு புது மொழியை உருவாக்கினார். இம்மொழிக்கான இலக்கணம் அதே ஆண்டில் டாக்டர் எஸ்பராண்டோ என்ற புனைப் பெயரில் அவரால் வெளியிடப்பட்டது. இவ்வார்த்தைக்கு நம்பும் டாக்டர் என்று பொருள். நாடுகட்கிடையே மொழித் தடைகளை போக்கி உலகப் பொது மொழியாக இது உருவாக வேண்டுமென அவர் விரும்பினார். தொடக்கத்திலேயே பல நாடுகள் கடுமையாக இதை எதிர்த்தன. உருசியாவில் தீவிர எதிர்ப்பு இருந்தது. 1954 வரை இம்மொழிக்கு அங்கு தடை விதிக்கப்பட்டிருந்தது.

எசுபெராண்டோ மொழிக்கான முதல் உலக மாநாடு பிரான்சில் 1905இல் நடைபெற்றது. அது முதல் இந்த மாநாடு, உலகப்போர் நடந்த ஆண்டுகள் விலக்கலாக, ஒவ்வொரு ஆண்டும் பல நாடுகளில் நடத்தப்பட்டு வருகின்றது. எந்த நாடும் இதனை அலுவல்முறையாக ஏற்காதபோதும் பிரான்சிய அறிவியல் அகாதமி 1921இல் பரிந்துரைத்துள்ளது; 1954ஆம் ஆண்டில் யுனெசுக்கோ ஏற்றுக் கொண்டுள்ளது. 1985இல் பன்னாட்டு அரசுசார்பற்ற அமைப்புக்கள் எசுபெராண்டோவை பயன்படுத்த பரிந்துரைத்துள்ளது. ஐக்கிய நாடுகள் உலக சுற்றுலா அமைப்பு (UNWTO) 1980 மணிலா அறிக்கையில் சுற்றுலாத் துறை எசுபெராண்டோவை பயன்படுத்த கோரியது. 2007இல் மொழிகளுக்கான பொது ஐரோப்பிய ஆயக் கட்டமைப்பின் 32வது மொழியாக ஏற்கப்பட்டுள்ளது.[6]

சான் மரினோவிலுள்ள பன்னாட்டு அறிவியல் அகாதமியில் தற்போது பயிற்று மொழியாக எசுபெராண்டோ விளங்குகின்றது. எசுபெராண்டோவை கற்பதனால் மொழிகளை கற்க அடிப்படை பொதுவாக மேம்படுவதாக நிரூபிக்கப்பட்டுள்ளது; சில துவக்கப்பள்ளிகளில் அயல்நாட்டு மொழிகளை கற்பிக்க ஆயத்த ஏற்பாடாக எசுபெராண்டோ கற்பிக்கப்படுகின்றது.[7]

இணையத்தில் எசுபெராண்டோ குறிப்பிடத்தக்க அளவில் பயன்படுத்தப்படுகின்றது. எசுபெராண்டோ கற்பிக்கும் மிகவும் பிரபலமான வலைத்தளமான லெர்னு! lernu! 2013இல் 150,000 பதிகைசெய்த பயனர்களைக் கொண்டுள்ளது; ஒவ்வொரு மாதமும் ஏறத்தாழ 150,000 முதல் 200,000 வரையிலான பார்வைகளைப் பெறுகின்றது.[8] எசுபிராண்டோ விக்கிப்பீடியாவில் ஏறத்தாழ .</ref> கட்டுரைகள் எழுதப்பட்டுள்ளன; கட்டுரை எண்ணிக்கைப்படி 32வது இடத்தில் உள்ளது.[9] செயற்கையாக கட்டமைக்கப்பட்ட மொழியொன்றில் மிகப்பெரிய விக்கிப்பீடியா உள்ள மொழியாகவும் விளங்குகின்றது.[10] பெப்ரவரி 22, 2012இல் கூகுள் மொழிபெயர்ப்பு எசுபெராண்டோவை தனது 64வது மொழியாக ஏற்றுள்ளது.[11] டுவோலிங்கோ பங்களிப்பாளர்கள் எசுபெராண்டோ கற்பதற்கான ஓர் பாடதிட்டத்தை உருவாக்க செப்டம்பர் 2014 முதல் துவங்கியுள்ளனர்; டுவோலிங்கோவில் கட்டமைக்கப்பட்ட மொழியொன்றுக்கு பாடத்திட்டம் உருவாக்கப்படுவது இதுவே முதல்முறையாகும். இந்த பாடத்திட்டம் ஏப்ரல் 2015 முதல் கிடைக்கக்கூடும்.[12]

தற்போது, எசுபெராண்டோ பயனாளர்கள் பலரும் இதனை உலகில் வளர்ந்துவரும் ஆங்கிலப் பயன்பாட்டிற்கு மாற்றாகவோ கூடுதலாகவோ கருதுகின்றனர். ஆங்கிலத்தை விட எளிய மொழியாகவும் இதனைக் கருதுகின்றனர்.[13]

அகரவரிசை[தொகு]

எழுத்து உச்சரிப்பு
a
b like bee (no aspiration)
c த்ஸ்
ĉ ச்
d like Denmark
e
f like fine
g like ago
ĝ ஜ்
h ஹ்
ĥ spanish j
i
j ய்
ĵ like measure
k க்
l ல்
m ம்
n ந்
o
p ப்
r ர்
s ஸ்
ŝ like she
t த்
u
ŭ like auto
v வ்
z like zero

சொற்தொகுதி[தொகு]

இம்மொழிக்கான சொற்தொகுதி சில நூற்றுக்கணக்கான வேர்ச்சொற்களைக் கொண்டது. இவற்றைக் கொண்டு பல்லாயிரக்கணக்கான சொற்களை உருவாக்கிவிடலாம். எனினும், இதன் பெரும்பாலான சொற்களும் அவற்றின் வேர்ச்சொற்களும் ஐரோப்பிய மொழிகளைச் சார்ந்தவை.

கல்வி[தொகு]

இம்மொழியினைக் கற்கும் பெரும்பான்மையினர் இணைய வழியிலும், உதவிப் புத்தகங்களின் வழியும் கற்றுவருகின்றனர். சில நாடுகளில் பள்ளிகளிலும் இம்மொழி கற்பிக்கப்படுகிறது.

பல ஐரோப்பிய மொழிகளைக் காட்டிலும் இம்மொழி கற்பதற்கு எளிதானது எனக் கூறப்படுகிறது.

பிரெஞ்சு மாணவர்கள் கற்ற வேற்று மொழிப் பாடங்களின் நேரத்தைக் கணக்கிட்டால், கீழ்க்கண்ட முடிவு கிட்டியதாம்[சான்று தேவை].

  1. 2000 மணி நேரம் இடாய்ச்சு
  2. 1500 மணி நேரம் ஆங்கிலம்
  3. 1000 மணி நேரம் இத்தாலியம்
  4. 150 மணி நேரம் எசுப்பெராண்டோ

படிப்பதற்கு ஆகும்.

மேற்கோள்கள்[தொகு]

  1. Ethnologue report for language code:epo
  2. Oxford University Press, "Oxford Dictionaries Online: 'Esperanto'", Oxford Dictionaries Online, Retrieved 26 February 2015.
  3. Zasky, Jason (2009-07-20), "Discouraging Words", Failure Magazine, http://failuremag.com/index.php/feature/article/discouraging_words/, "But in terms of invented languages, it's the most outlandishly successful invented language ever. It has thousands of speakers—even native speakers—and that's a major accomplishment as compared to the 900 or so other languages that have no speakers. – Arika Okrent" 
  4. "Universala Esperanto-Asocio: Kio estas UEA?". Uea.org. பார்த்த நாள் 14 January 2015.
  5. "User locations". பார்த்த நாள் 6 January 2014..
  6. "edukado.net → / Ekzamenoj / Referenckadro". Edukado.net. பார்த்த நாள் 14 January 2015.
  7. YouTube: Learn Esperanto first: Tim Morley at TEDxGranta
  8. "La programo de la Kleriga lundo en UK 2013". பார்த்த நாள் 6 January 2014.
  9. "List of Wikipedias". Meta.wikimedia.org. பார்த்த நாள் 14 January 2015.
  10. "List of Wikipedias by language group". Meta.wikimedia.org. பார்த்த நாள் 14 January 2015.
  11. Brants, Thorsten (February 22, 2012). "Tutmonda helplingvo por ĉiuj homoj". Google Translate Blog. Google. பார்த்த நாள் 14 August 2012.
  12. incubator.duolingo.com/courses/eo/en/status
  13. Grin Report, page 81 "Thus Flochon (2000: 109) notes that 'the Institute of Cybernetic Education of Paderborn (Germany) has compared the learning times of several groups of French-speaking baccalauréat students to reach an equivalent "standard" level in four different languages: Esperanto, English, German and Italian. The results are as follows: to reach this level, 2000 hours of German study produce a linguistic level equivalent to 1500 hours of English study, 1000 hours of Italian study and ... 150 hours of Esperanto study.' No comment." Other estimates scattered in the literature confirm faster achievement in target language skills in Esperanto than in all the other languages with which the comparison has been made (Ministry of Education [Italy], 1995) as well as propaedeutic benefits of Esperanto (Corsetti and La Torre, 1995)."

வெளி இணைப்புகள்[தொகு]

  1. எஸ்பராண்டோ (Esperanto a, b, c)
  2. 'Ĉu vi scias pri esperanto?' : ஓர் மொழித்தேடல்!
"http://ta.wikipedia.org/w/index.php?title=எஸ்பெராண்டோ&oldid=1828198" இருந்து மீள்விக்கப்பட்டது