என். ரமணி

என். ரமணி (பி. 1934) தமிழ்நாட்டைச் சேர்ந்த புல்லாங்குழல் இசைக் கலைஞர் ஆவார்.

ஆரம்பகால வாழ்க்கை

தமிழ்நாடு திருவாரூரில் பிறந்த இவர், தனது தாத்தா ஆழியூர் நாராயணசாமி ஐயரிடம் புல்லாங்குழல் இசையைக் கற்கத் தொடங்கினார். தொடர்ந்து புல்லாங்குழல் கலைஞர் டி. ஆர். மகாலிங்கத்திடம் மாணவராக இசை பயின்றார்.

தொழில் வாழ்க்கை

அனைத்திந்திய வானொலியில் இவர் நிகழ்த்திய இசை நிகழ்ச்சிகள், மற்ற இசைக் கலைஞர்களின் பாராட்டுதல்களைப் பெற்றது. வெளிநாடுகள் பலவற்றிலும் நிகழ்ச்சிகள் நடத்தியுள்ளார்.

விருதுகள்

• சங்கீத கலாநிதி விருது, 1996; வழங்கியது: மியூசிக் அகாதெமி, சென்னை
• இசைப்பேரறிஞர் விருது, 1998
• பத்மஸ்ரீ விருது; வழங்கியது: இந்திய அரசாங்கம்
• சங்கீத ஆச்சார்யா விருது; வழங்கியது: வாசேர் கல்லூரி, ஐக்கிய அமெரிக்க நாடுகள்
• மதிப்புறு குடியுரிமை நிலை; வழங்கியுள்ளது: மேரிலன்ட், ஒகையோ, ஐக்கிய அமெரிக்க நாடுகள்
• மதிப்புறு முனைவர் பட்டம் (கலை); வழங்கியது: உலக பல்கலைக்கழகம், அரிசோனா[1]