என்புருக்கி நோய்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
Rickets
வகைப்பாடு மற்றும் வெளிச்சான்றுகள்
ICD-10 E55.
ICD-9 268
DiseasesDB 9351
MedlinePlus 000344
eMedicine ped/2014 
MeSH D012279

என்புருக்கி நோய் (ரிக்கெட்ஸ், rickets) என்பது குழந்தைகளில் எலும்புகள் மென்மை அடைந்து அதனால் எலும்பு முறிவு அல்லது குறைபாடு ஏற்படுவதைக் குறிக்கிறது. பல வளரும் நாடுகளில், குழந்தைகளைத் தாக்கும் நோய்களில் அதிகம் காணப்படுவது என்புருக்கி நோயாகும். விட்டமின் டி குறைபாடு மிக முக்கியமான காரணமாகும். ஆனால் உணவில் உள்ள கால்சியம் குறைபாடும் என்புருக்கி நோயை ஏற்படுத்தும் (தீவிரமான வயிற்றுப்போக்கு மற்றும் வாந்தி எடுத்தல் குறைபாட்டிற்குக் காரணமாகலாம்). இது வளர்ந்தவர்களையும் தாக்கக் கூடியதாக இருந்தாலும், குழந்தைப்பருவத்தில் வறுமை, பசி காரணமாக தீவிர ஊட்டச்சத்துக் குறைவோடு காணப்படும் குழந்தைகளில் தான் அதிகம் காணப்படுகிறது. பெரியவர்களுக்கு இதே போன்று ஏற்படும் நிலை எலும்பு வளைவு நோய் எனக் குறிப்பிடப்படுகிறது. இது பொதுவாக விட்டமின் டி குறைபாட்டினால் ஏற்படுகிறது.[1] “ரிக்கெட்ஸ்” என்ற வார்த்தை வளைதல் என்பதைக் குறிக்கும் பழங்கால ஆங்கில வார்த்தையான ‘ரிக்கென்’ என்பதில் இருந்து வந்திருக்கக் கூடும். ஒரே போன்ற ஒலி அமைப்பு இருக்கும் காரணத்தினால் கிரேக்கத்தில் இருந்து வந்த வார்த்தையான “ராகிடிஸ் (rachitis)” (ραχίτις, இதற்கு அர்த்தம், முதுகுத் தண்டு வீக்கம்) என்ற வார்த்தையே ரிக்கெட்ஸ் அல்லது என்புருக்கி நோய்க்கான சரியான விஞ்ஞானப் பூர்வ வார்த்தையாக எடுத்துக்கொள்ளப்படுகிறது.

புறப்பரவியல்[தொகு]

என்புருக்கி நோய் அதிகமாக தாக்கக் கூடிய அபாயம் உள்ளவர்கள்:

  • சூரிய ஒளிக்கு வெளிப்படாத தாயார்களிடமிருந்து தாய்பால் குடிக்கும் குழந்தைகள்
  • சூரிய ஒளிக்கு வெளிப்படாத தாய் பால் குடிக்கும் குழந்தைகள்
  • கறுப்பான தோல் நிறம் உடைய குழந்தைகள் (உதாரணமாக, கறுப்பினத்தவர், தென் ஆப்பிரிக்காவைச் சேர்ந்தவர்கள்), குறிப்பாக தாய்பால் கொடுக்கப்படுபவர்கள் மற்றும் சிறிதளவு சூரிய ஒளிக்கு வெளிப்பட்டவர்கள்.
  • பால் குடிக்காத நபர்கள், அதாவது லேக்டோஸ் ஒத்துக்கொள்ளாதவர்கள்

சிகப்பு நிற முடி உடைய நபர்களுக்கு என்புருக்கி நோய் வரும் அபாயம் மிகக் குறைவாக இருப்பதாகக் கருதப்படுகிறது. அவர்களால் சூரிய ஒளியில் இருந்து அதிகப்படியான விட்டமின் டி பெற முடிந்ததே இதற்குக் காரணமாகும்.

6 மாதங்களிலிருந்து 24 மாதங்கள் வரை உள்ள குழந்தைகளுக்கு பாதிப்பு ஏற்படும் அபாயம் அதிகமாக உள்ளது. அவர்கள் எலும்புகள் வேகமாக வளர்வது தான் இதற்குக் காரணமாகும். வெகு நாள் பாதிப்புகளில் நிரந்தரமான வளைவு அல்லது பெரிய எலும்புகளின் வடிவம் மாறுதல் மற்றும் வளைந்த முதுகுப் பகுதி ஆகியவை அடங்கும்.

நோய்க் காரணி[தொகு]

குடலில் இருந்து சரியான முறையில் கால்சியத்தை உறிஞ்சுவதற்கு வைட்டமின் டி மிகவும் அவசியமாகும். சூரிய ஒளி முக்கியமாக புற ஊதாக்கதிர்கள் மனித தோல் செல்களின் மூலம் செயல்பாடற்ற வைட்டமின் டி யை செயலுடையதாக்குகிறது. வைட்டமின் டி குறைவாக உள்ள நேரத்தில் உணவில் உள்ள கால்சியம் சரியான முறையில் உறிஞ்சப்படாமல் இரத்தத்தில் கால்சிய பற்றாக்குறை ஏற்படுகிறது. இதனால் எலும்பு மற்றும் பல் குறைபாடுகள் மற்றும் நரம்புத் தசை அறிகுறிகள் தோன்றும். உதாரணமாக அதிகப்படியான உணர்ச்சிவசப்படுதல். வைட்டமின் டி அதிகமுடைய உணவுகளாவன, வெண்ணெய், முட்டைகள், மீன் எண்ணெய், மார்கரின், கொழுப்பு நீக்கப்பட்ட பால் மற்றும் பழரசம் மற்றும் எண்ணெய் தன்மை உடைய மீன்களான ட்யூனா, ஹெர்ரிங் மற்றும் சால்மன் ஆகியவையாகும்.

அரிதான X-தொடர்புடைய ஆதிக்கமிகைப்பு வடிவம் வெளியாதல், வைட்டமின் டி எதிர்ப்புடைய என்புருக்கி நோய் என்றழைக்கப்படுகிறது.

அறிகுறிகள்[தொகு]

எலும்பு கனிமம் குறைவாக உள்ள மற்றும் தெளிவான சப்பைக்கால் (தொடை எலும்பு வளைதல்) உடைய என்புருக்கி நோயினால் பாதிக்கப்பட்டுள்ள ஒரு இரண்டு வயதுடைய குழந்தையின் கதிர் வரைபடம்

என்புருக்கி நோயின் குறிகள் மற்றும் அறிகுறிகளாவன:

  • எலும்பு வலி அல்லது மென்மையாகுதல்
  • பல் பிரச்சனைகள்
  • தசை சோர்வு (என்புருக்கியினால் ஏற்படும் தசையிழிவு அல்லது “ஃபிளாப்பி பேபி நிலைப்பாடு” அல்லது “ ஸ்லிங்கி பேபி” (குழந்தை ஃபிளாப்பி போல அல்லது ஸ்லிங்கி வடிவத்தில் இருக்கும்))
  • அதிகப்படியாக எலும்பு முறிவு ஏற்படும் வாய்ப்பு (எளிதாக எலும்பு உடைந்து விடுதல்), குறிப்பாக பச்சைக் கொம்பு முறிவு
  • எலும்புக் குறைபாடு
    • கைக் குழந்தைகள்: வில் போன்று வளைந்த கால்கள் (சப்பைக்கால்)
    • பெரிய குழந்தைகள்: சப்பை முழங்கால்கள் (சப்பைக்கால்) அல்லது :”விண்ட்ஸ்வெப்ட் முழங்கால்”
    • மண்டை, முதுகெலும்பு மற்றும் இடுப்பெலும்பு குறைபாடுகள்
  • வளர்ச்சியில் இடர்பாடுகள்
  • இரத்த கால்சியம் குறைபாடு (இரத்தத்தில் குறைந்த அளவு கால்சியம்) மற்றும்
  • தசை வலிப்பு (உடல் முழுவதும் கட்டுப்பாடில்லாத தசை பிடிப்புகள்)
  • மண்டை எலும்பு மென்மையுறுதல் (மண்டை ஓடு மென்மையாகக் காணப்படுதல்)
  • காஸ்டோகாண்ட்ரல் வீக்கம் (“ரிக்கெட்டி ரோசரி அல்லது ராகிடிக் ரோசரி என்றும் அழைக்கப்படுகிறது)
  • ஹாரிசனின் க்ரூவ்
  • இடை வளரி அதீத திசு வளர்ச்சி காரணத்தினால் ஏற்படும் இரட்டை கால் முட்டி
  • மணிக்கட்டு பெரிதாகுதல் சந்தேகத்தை உருவாக்கும், இது இடைவளரி உறுதியான திசு வளர்ச்சி காரணமாக ஏற்படுகிறது.[1]

என்புருக்கி நோயினால் தீவிரமாக பாதிக்கப்பட்டுள்ள நபரின் ஊடுகதிர் (எக்ஸ்-ரே) அல்லது கதிர்வரைபடம் சரியான முறையில் இதனை விளக்கும்: வில் போன்ற வளைந்த கால்கள் (கால்களின் பெரிய எலும்புகள் வெளி நோக்கி வலைந்திருத்தல்) மற்றும் குறைபாடுள்ள மார்பு பகுதி. மண்டை ஓட்டிலும் மாற்றங்கள் ஏற்பட்டு “சதுர வடிவ தலை” இருப்பது போல காட்சியளிப்பதை உருவாக்கலாம். சிகிச்சை அளிக்கப்படவில்லையெனில் இந்த குறைபாடுகள் வளர்ந்தவுடன் கூட தொடரலாம்.

நீண்ட கால பாதிப்புகளில் பெரிய எலும்புகள் வடிவமிழத்தல் அல்லது நிரந்தரமாக வளைந்திருத்தல் மற்றும் வளைந்த முதுகு ஆகியவை அடங்கும்.

நோயறிதல்[தொகு]

ஒரு மருத்துவர் என்புருக்கி நோயை கீழ்கண்ட வழிகளிக் கண்டறியலாம்:

  • இரத்தப்பரிசோதனைகள்:
    • ஊனீர் கால்சியத்தில் குறைந்த அளவு கால்சியம் காணப்படலாம், ஊனீர் ஃபாஸ்ஃபரஸ் குறைவாக இருக்கலாம் மற்றும் ஊனீர் ஆல்கலைன் ஃபாஸ்ஃபடேஸ் அதிகமாக இருக்கலாம்.
  • தமனி சார்ந்த இரத்த வாயுக்கள், ஆக்கச்சிதைமாற்ற அமிலத்துவத்தை வெளிக்காட்டலாம்.
  • பாதிக்கப்பட்ட எலும்புகளின் ஊடுகதிர் (எக்ஸ்-கதிர்) படத்தில் எலும்புகளில் கால்சியம் குறைவு அல்லது எலும்புகளின் வடிவத்தில் மாற்றம் ஆகியவை காணப்படும்.
  • எலும்பு திசு பரிசோதனை அரிதாக செய்யப்படும், ஆனால் இது என்புருக்கி நோயை உறுதிப்படுத்தும்.

சிகிச்சை மற்றும் தடுப்பு முறை[தொகு]

என்புருக்கி நோயுக்கான சிகிச்சை மற்றும் தடுப்பு முறை ஆண்டிராகிடிக் என்று அழைக்கப்படுகிறது.

உணவு கட்டுப்பாடு மற்றும் சூரிய ஒளி[தொகு]

கேல்கால்சிஃபெரால் (D3)
எர்கோகால்சிஃபெரால் (D2)

உணவுகளில் கால்சியம், ஃபாஸ்ஃபேட்கள் மற்றும் வைட்டமின் டி ஆகியவற்றை அதிகரித்தல், ஒரு சிகிச்சை முறை ஆகும். புற ஊதாக்கதிர் பி ஒளிக்கு வெளிப்பாடு (சூரியன் வானத்தில் உயர்ந்த இடத்தில் இருக்கும் போது வெளிவரும் ஒளி), காட்மீன் ஈரல் எண்ணெய், ஹாலிபட் ஈரல் எண்ணெய் மற்றும் வியோஸ்டெரோல் ஆகியவை வைட்டமின் டி அடங்கியவையாகும்.

ஒவ்வொரு நாளும் ஒரு தேவையான அளவு சூரிய ஒளியிலிருந்து கிடைக்கும் புற ஊதாக்கதிர் பி வெளிச்சம் மற்றும் உணவில் போதுமான அளவு கால்சியம் மற்றும் பாஸ்ஃபரஸ் ஆகியவை என்புருக்கி நோயைத் தவிர்க்கும். கரிய தோல் உடைய குழந்தைகள் அதிக நேரம் புற ஊதாக்கதிருக்கு வெளிப்பாடு செய்யப்பட வேண்டும். புற ஊதாக்கதிர் வெளிச்ச சிகிச்சை முறைகள் மற்றும் மருந்துகள் மூலம் வைட்டமின் டியின் மாற்றீடு அளித்தல் ஆகியவை என்புருக்கி நோயை குணப்படுத்துவதாக உறுதி செய்யப்பட்டுள்ளது.

கைக்குழந்தைகள் மற்றும் குழந்தைகளுக்கு ஒரு நாளைக்கு 400 சர்வதேச அளவு (IU) வைட்டமின் டி தேவை என பரிந்துரைக்கப்பட்டுள்ளது. தேவையான அளவு வைட்டமின் டி கிடைக்காத குழந்தைகளுக்கு இந்த நோய் ஏற்படும் ஆபத்து அதிகம் உள்ளது. எலும்பில் தேவையான அளவு கால்சியம் சேர்ப்பதற்கும் பராமரிப்பதற்கும் உடல் தேவையான அளவு கால்சியத்தைப் பெற வைட்டமின் டி அவசியமாகிறது.

சேர்க்கை[தொகு]

தேவையான அளவு வைட்டமின் டி அளவுகள் உணவுமுறையில் சேர்த்தல் மற்றும்/அல்லது சூரிய ஒளி வெளிப்பாடு ஆகியவற்றின் மூலம் பெற முடியும். வைட்டமின் D2வை விட விரைவாக உறிஞ்சப்படக் கூடிய வைட்டமின் D3 (கோல்கேல்சிஃபெரால்) என்பதே விரும்பப்படும் வடிவமாகும். சூரிய ஒளியோடு தொடர்புடைய தோல் புற்று நோயின் அபாயங்கள் அதிகரிப்பதனால் பாதுகாக்கப்படாத புற ஊதா கதிர் வெளிப்பாடுக்கு பிற்சேர்வாக பல தோல் நோய் நிபுணர்கள் வைட்டமின் டியை பரிந்துரைக்கின்றனர். நியூயார்க் நகரில் ஜூலை மாதத்தில் சூரியன் இருக்கும் போது மதிய வேலையில் டி சட்டை மற்றும் அரைக்கால் சட்டை அணிந்து வரும் ஒரு வெள்ளை மனிதர் சூரிய ஒளியில் இருந்து பாதுகாக்கும் களிம்புகள் ஏதுமின்றி 20 நிமிடங்கள் சூரிய ஒளிக்கு வெளிப்படுத்தப்பட்டால் 20000 IU வைட்டமின் டி உற்பத்தி செய்யப்படும்.[மேற்கோள் தேவை]

குழந்தைகளுக்கான அமெரிக்க குழுமத்தின் (AAP) படி , தாய்பால் அருந்தும் குழந்தைகளுக்கு தாய் பாலில் மட்டும் போதுமான வைட்டமின் டி கிடைப்பதில்லை. இதன் காரணமாக, AAP, தாய் பால் மட்டுமே குடிக்கும் குழந்தைகள் 2 மாதத்திலிருந்து அவர்கள் 17 அவுன்ஸ் வைட்டமின் டி நிறைந்த கொழுப்பு நீக்கப்பட்ட பால் அல்லது வேறு உணவை அருந்தும் வரை அவர்களுக்கு தினமும் வைட்டமின் டி சேர்க்கை கிடைக்கப்பெற வேண்டும் என பரிந்துரைக்கிறது.[2] இந்த வைட்டமின் டி பிற்சேர்வு, தாய்பாலில் உள்ள குறைபாட்டினால் தேவைப்படுவதல்ல மாறாக தற்கால குழந்தைகள் சூரிய ஒளிக்கு குறைவாக வெளிப்படுவதனால் தான் தேவைப்படுகிறது (அதாவது, தேவையான அளவு சூரிய ஒளி கிடைக்கும் குழந்தைகள் என்புருக்கு நோயால் பாதிப்படையும் அபாயம் குறைவாகவே இருக்கும். குளிர்காலத்தில் அவர்கள் இருக்கும் இடத்தைப் பொருத்து பிற்சேர்வு தேவைப்படலாம்).

குழந்தைகளை தவறாகப் பயன்படுத்துதல் மற்றும் என்புருக்கி நோய்[தொகு]

ரிக்கெட்ஸ் vs அப்யூஸ் : எ நேஷனல் அண்ட் இண்டர்நேஷனல் எபிடெமிக் என்பதில் விவரிக்கப்பட்டுள்ளதைப் போல என்புருக்கி நோயின் அறிகுறிகள் (பிறப்பிலிருந்து வந்தவையும் உட்பட) குழந்தைகளைத் தவறாகப் பயன்படுத்துதல் போலவே இருக்கலாம் என காட்டப்பட்டுள்ளது.

குறிப்புதவிகள்[தொகு]

  1. மெட்லைன் ப்ளஸ் மெடிகல் என்சைக்ளோபிடியா: ஆஸ்டோமலேகியா
  2. Gartner LM, Greer FR (April 2003). "Prevention of rickets and vitamin D deficiency: new guidelines for vitamin D intake". Pediatrics 111 (4 Pt 1): 908–10. doi:10.1542/peds.111.4.908. பப்மெட் 12671133. http://aappolicy.aappublications.org/cgi/content/full/pediatrics;111/4/908. 

புற இணைப்புகள்[தொகு]

வார்ப்புரு:Nutritional pathology

"http://ta.wikipedia.org/w/index.php?title=என்புருக்கி_நோய்&oldid=1596836" இருந்து மீள்விக்கப்பட்டது