உடுப்புக் கணினி
உடுப்புக் கணினி என்பது உடலில் ஆடை அணிகலன்கள் போல் உடுத்திக் கொள்ளத்தக்க கணினி ஆகும். இவ்வகைக் கணினிகள் ஒருவருடைய உடல்நிலையை தொடர்ந்து கண்காணிக்கவும், உடனுக்குடன் தேவைப்படும் தகவல்களை இணையவழிப் பெறவும், ஐம்புல உணர்வுகளை விரிவு படுத்தவும் என பற்பல பயன்பாடுகளுக்குப் பயன்படும் என்று முற்போக்குத் தொழில்நுட்ப அறிஞர்கள் கருதுகிறார்கள். ஒருவருடைய புலன் உறுப்புகள் சூழலில் பதிந்து இருக்கும் பொழுது, தேவைப்படும் கூடிய கணிக்கும் திறன் உள்ள சூழ்நிலைகளின் இவ்வகை உடுப்புக் கணினிகள் பயன்படும் என நினைக்கின்றனர். பொதுவாக ஐம்புல உணர்வுகளை மேம்படுத்தும் (பல வழிகளின் வலுப்படுத்தும்) ஒரு கருவியாக உடுப்புக்கணிகள் கருதப்படுகின்றன.
எடுத்துக்காட்டாக, மூக்குக் கண்ணாடிபோல் அணிந்திருக்கும் ஓர் உடுப்புக்கணினி, தொலைவில் உள்ளதை மிக அருகில் உள்ளதுபோல காட்ட துணை செய்யும், தொலைவில் பேசுவதை அருகிலிருந்து கேட்பதுபோல் கேட்க உதவும். இவையனைத்தின் செயற்பாட்டுக்கும் நிறைய கணிக்கும் திறன் வேண்டும். பல்வேறு தரவுகளைப் பதியச் செய்யவும், ஒப்பிட்டுப் பார்க்கவும், புதிய தரவுகளை இணையவழிப் பெறவும், பிற இடங்களுக்குச் செலுத்தவும் பயன்படும். இந்த உடுப்புக் கணினிகளுக்குத் தேவையான மின்னாற்றலும் சூழிடங்களில் இருந்தே பெறப்படும். கூடவே எடுத்துச் செல்லும் மின்கலங்கள், சூழலில் உள்ள ஒளியை மின் ஆற்றலாக மாற்றும் ஒளி மின்கலங்கள் முதலிவற்றால் பெறப்படும்.
