ஈ. வெ. கி. சம்பத்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
சொல்லின் செல்வர் ஈ. வெ. கி. சம்பத்


இந்தியா நாடாளுமன்ற மக்களவை உறுப்பினர்
பதவியில்
1957 – 1962
பிரதமர் சவகர்லால் நேரு
குடியரசுத் தலைவர் இராசேந்திர பிரசாத்
தலைவர் இராசேந்திர பிரசாத்

பிறப்பு 1926
ஈரோடு, தமிழ்நாடு, பிரித்தானிய இந்தியா
இறப்பு 1977-2-23
சென்னை, தமிழ்நாடு, இந்தியா
வாழ்க்கைத்
துணை
சுலோசனா
பிள்ளைகள் ஈ. வெ. கி. ச. இளங்கோவன்
இனியன் சம்பத்
தொழில் அரசியல்வாதி


ஈ. வெ. கி. சம்பத் எனப்படும் ஈரோடு வெங்கட நாயகர் கிருஷ்ணசாமி சம்பத் (1926 - இ. பெப்ரவரி 23, 1977) ஒரு தமிழக அரசியல்வாதி. இவர் பெரியார் ஈ. வெ. ராமசாமியின் அண்ணன் ஈ. வெ. கிருஷ்ணசாமியின் மகன்.

சம்பத் சென்னை பச்சையப்பன் கல்லூரியில் படித்தார். நீதிக்கட்சியிலும் பின்னர் திராவிடர் கழகத்திலும் தன் அரசியல் வாழ்வைத் தொடங்கினார். 1949ல் பெரியாரின் திராவிடர் கழகத்திலிருந்து அண்ணாதுரை பிரிந்து சென்று திராவிட முன்னேற்றக் கழகம் (திமுக) தொடங்கிய போது அவருடன் சென்ற முக்கிய தலைவர்களுள் ஒருவர். சம்பத் திமுகவின் ஐம்பெரும் தலைவர்களுள் ஒருவராகக் கருதப்பட்டார். (ஏனைய நால்வர் - அண்ணா, இரா. நெடுஞ்செழியன், கே. ஏ. மதியழகன், என். வி. நடராசன்).

1957 நாடாளுமன்றத் தேர்தலில் நாமக்கல் மக்களவைத் தொகுதியில் திமுக சார்பாகப் போட்டியிட்டு வெற்றி பெற்றார். 1961ல் திராவிட நாடு கொள்கை தொடர்பாக அண்ணாவுடன் ஏற்பட்ட கருத்து வேறுபாடுகளால் திமுகவிலிருந்து பிரிந்து சென்று தமிழ் தேசியக் கட்சி என்ற பெயரில் தனிக்கட்சி தொடங்கினார். கண்ணதாசன், சிவாஜி கணேசன், பழ. நெடுமாறன் ஆகியோர் இக்கட்சியின் மற்ற முக்கிய தலைவர்கள். 1962 சட்டமன்றத் தேர்தலில் போடியிட்ட இக்கட்சி படுதோல்வியடைந்தது - போட்டியிட்ட ஒன்பது இடங்களிலும் தோற்றது. 1964ல் சம்பத் தன் கட்சியை இந்திய தேசிய காங்கிரசுடன் இணைத்து விட்டார். பின்னர் 1969ல் காங்கிரசு பிளவுபட்ட போது காமராஜர் தலைமையில் உருவான நிறுவன காங்கிரசில் இணைந்து விட்டார். 1971 நாடாளுமன்றத் தேர்தலில் கோபிச்செட்டிப்பாளையம் மக்களவைத் தேர்தலில் போட்டியிட்டு தோல்வியடைந்தார்.

இவரது மனைவி சுலோச்சனா சம்பத் அண்ணா திராவிட முன்னேற்றக் கழகத்தின் தலைவர்களுள் ஒருவர். இவரது மகன் ஈ. வி. கே. எஸ். இளங்கோவன் முன்னாள் இந்திய மத்திய அரசு அமைச்சர் மற்றும் காங்கிரசின் மாநிலத் தலைவர்களுள் ஒருவர். இவரது இன்னொரு மகன் இனியன் சம்பத்தும் காங்கிரசின் உறுப்பினர்; முன்னாளில் தூர்தர்ஷனில் செய்தி வாசிப்பவராக இருந்தார்.

"http://ta.wikipedia.org/w/index.php?title=ஈ._வெ._கி._சம்பத்&oldid=1650496" இருந்து மீள்விக்கப்பட்டது