ஈழ மக்கள் ஜனநாயகக் கட்சி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ஈழ மக்கள் ஜனநாயகக் கட்சி
Eelam People's Democratic Party
Eelam People's Democratic Party logo.jpg
நிறுவனர் டக்ளஸ் தேவானந்தா
செயலாளர் டக்ளஸ் தேவானந்தா
தொடக்கம் நவம்பர் 1987
தாய்க் கட்சி ஈழமக்கள் புரட்சிகர விடுதலை முன்னணி
தலைமையகம் 121 பார்க் வீதி, கொழும்பு 05
தேசிய சார்பு ஐக்கிய மக்கள் சுதந்திரக் கூட்டணி
நாடாளுமன்ற உறுப்பினர்கள்
3 / 225
மாகாணசபை உறுப்பினர்கள்
2 / 417
தேர்தல் சின்னம்
வீணை
இணையத்தளம்
epdpnews.com
கட்சிக் கொடி
Flag of Eelam People’s Democratic Party.svg

ஈழ மக்கள் ஜனநாயகக் கட்சி (Eelam People Democratic Party - EPDP) என்பது இலங்கையின் ஓர் அரசியல் கட்சியும், அரசு-சார்பு துணை இராணுவப் படையும் ஆகும். இதன் தலைவர் டக்ளஸ் தேவானந்தா ஆவார். இக் கட்சி இலங்கை அரசில் பங்களிக்கின்றது.

இக்கட்சி பொதுவாக தமிழீழ விடுதலைப் புலிகளின் கொள்கைகளுக்கும் நடவடிக்கைகளுக்கும் முரண்பட்ட அல்லது மாற்று கொள்கைகளை முன்னிறுத்தியும் நடவடிக்கைகளை மேற்கொண்டு வருகின்றது.

பின்னணி[தொகு]

டக்ளசு தேவானந்தா ஆரம்ப ஈழ இயக்கங்களில் ஒன்றான ஈரோஸ் என அழைக்கப்படும் ஈழ புரட்சிகர மாணவர் இயக்கம் என்ற இயக்கத்தின் நிறுவனர்களில் ஒருவர் ஆவார். 1980 ஆம் ஆண்டில் ஈரோசில் இருந்து பத்மநாபா, அ. வரதராஜப் பெருமாள் ஆகியோர் பிரிந்து சென்று ஈழமக்கள் புரட்சிகர விடுதலை முன்னணி (ஈபிஆர்எல்எஃப்) என்ற இயக்கத்தை ஆரம்பித்தனர். இவர்களுடம் தேவானந்தாவும் இணைந்து கொண்டார். 1986 ஆம் ஆண்டில் ஈபிஆர்எல்எஃப் தலைவர் தேவானந்தாவுக்கும், பத்மநாபாவுக்கும் இடையில் முரண்பாடு ஏற்பட்டதை அடுத்து, இக்கட்சி ரஞ்சன் குழு, தேவானந்தா குழு என மேலும் இரண்டாகப் பிரிந்தது. தேவானந்த ஆரம்பத்தில் தமிழீழ மக்கள் விடுதலைக் கழகத்தில் இருந்து பிரிந்த பரந்தன் ராஜன் என்பவருடன் இணைந்து ஈழ தேசிய சனநாயக விடுதலை முன்னணி (ஈஎன்டிஎல்எஃப்) என்ற இயக்கத்தை ஆரம்பித்தார். ராஜன் இந்திய அரசுடன் இணைந்து பணியாற்றியதை தேவானந்தா ஏற்க மறுத்தார், அத்துடன் ஈழப்போரில் இந்திய அமைதிப்படையின் ஊடுருவலையும் ஏற்க மறுத்து சென்னையில் இருக்கும் போது ஈழ மக்கள் சனநாயகக் கட்சி என்ற இயக்கத்தை ஆரம்பித்தார்..[1]

ஆட்கடத்தல்[தொகு]

ஈபிடிபி இயக்கத்திற்கு நிதி திரட்டுவதற்காக தேவானந்தா சென்னையில் வசிக்கும் இலங்கைத் தமிழரைக் கடத்திப் பணம் பறிக்கும் வேலையில் ஈடுபட்டார்.[2] 1989 இல் சென்னை கீழ்ப்பாக்கத்தில் 10 வயதுச் சிறுவனைக் கடத்திச் சென்று கப்பம் கேட்டமைக்காக தேவானந்தாவும் அவருன் 25 பேரும் இந்தியக் காவல்துறையினரால் கைது செய்யப்பட்டனர்.[2][3][4] இவர் பின்னர் பிணையில் வெளியே வந்தார். வளவன் என்பவரை வன்முறை மூலம் மிரட்டியமைக்காக 1990 இல் கோடம்பாக்கம் காவல்துறையினர் தேவானந்தா மீது வழக்குத் தொடுத்தனர்.[3][4] 1990 தேவானந்தா மீண்டும் பிணையில் விடுவிக்கப்பட்டதை அடுத்து இலங்கை திரும்பினார்.[2]

மேற்கோள்கள்[தொகு]

வெளி இணைப்புகள்[தொகு]