ஈதர்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ஈதர் ஒன்றின் பொதுவான கட்டமைப்பு

ஈதர்கள் (Ethers) இருபக்கமும் அல்கைல் அல்லது ஏரைல் கூட்டம் இணைக்கப்பட்ட ஒட்சிசனைக் கொண்ட சேதனச் சேர்வைகளாகும்.[1] ஈதருக்கான உதாரணமாக, கரைப்பானாகவும், மயக்க மருந்தாகவும் பயன்படும், டைஎதைல் ஈதரைக் குறிப்பிடலாம்.பொது வழக்கில் இதுவே(CH3-CH2-O-CH2-CH3) ஈதர் எனக் குறிப்பிடப்படுகிறது. சேதன இரசாயனத்தில் ஈதர்கள் பொதுவாகக் கற்பிக்கப்படும். மேலும் உயிரிரசாயனத்தில் இது முக்கிய பங்காற்றுகிறது. மேலும் காபோவைதரேற்று மற்றும் இலிக்னின் ஆகிய சேர்வைகளில் ஈதர் பிணைப்புகள் உண்டு.

கட்டமைப்பும் பிணைப்பும்[தொகு]

ஈதர்களில் காணப்படும் C-O-C பிணைப்பின் பிணைப்புக் கோணம் 104.5°ம் C-O பிணைப்பு நீளம் கிட்டத்தட்ட 140 pmம் ஆகும். C-O பிணைப்புப் பற்றிய சுழற்சிக்கான தடுப்பு குறைவாகும். ஈதர்களிலுள்ள ஒட்சிசனின் பிணைப்பு அல்ககோல்களிலும், நீரிலுமுள்ள பிணைப்புகள் போன்றதாகும். ஒட்சிசனின் கலப்பு வகை sp3 வகையானதாகும்.

ஒட்சிசனானது காபனிலும் மின்னெதிர்த்தன்மை கூடியது. எனவே ஈதரின் தொழிற்பாட்டுக் கூட்டத்துக்கு அருகிலுள்ள ஐதரசனானது (அல்பா ஐதரசன்) சாதாரண ஐதரோகாபன்களிலுள்ள ஐதரசனிலும் அமிலத்தன்மை கூடியது. எனினும், காபனைல் சேர்வைகளிலுள்ள (அல்டிகைடுகளும் கீட்டோன்களும்) அல்பா ஐதரசன்களிலும் இவை அமிலத்தன்மை குறைந்தவை.

R மற்றும் R'இன் கூட்டங்களைப் பொறுத்து, ஏதர்கள் இருவகையாகப் பிரிக்கப்படும்:
  1. எளிய ஈதர்கள் அல்லது சமச்சீரான ஈதர்கள்
  2. கலப்பு ஈதர்கள் அல்லது சமச்சீரற்ற ஈதர்கள்

மேற்கோள்கள்[தொகு]

  1. தனி மற்றும் பயன்பாட்டு வேதியியல் அனைத்துலக ஒன்றியம். "ethers". Compendium of Chemical Terminology Internet edition.
"http://ta.wikipedia.org/w/index.php?title=ஈதர்&oldid=1369938" இருந்து மீள்விக்கப்பட்டது