இலத்தீன் எழுத்துகள்

இலத்தீன் எழுத்துக்கள்
வகை	ஆல்பபெட்டு
மொழிகள்	இலத்தீன் மற்றும் ரோமானிய மொழிகள்; பெரும்பாலான ஐரோப்பிய மொழிகள்; ரோமன்மயமாக்கம் ஏறத்தாழ எல்லா மொழிகளிலுமே பயன்படுத்தப்படுகின்றது.
காலக்கட்டம்	~ கிமு 700 முதல் இன்று வரை.
மூல முறைகள்	எகிப்திய பட எழுத்து  → முன்-சினைட்டியம்   → முந்திய-கனனிய எழுத்துக்கள்    → போனீசிய எழுத்துக்கள்     → கிரேக்க எழுத்துக்கள்      → பழைய இத்தாலிய எழுத்துக்கள்       → இலத்தீன் எழுத்துக்கள்
தோற்றுவித்த முறைகள்	பெருமளவு: இலத்தீனிலிருந்து பெறப்பட்ட எழுத்துக்கள் ஐப் பார்க்கவும்.
நெருக்கமான முறைகள்	சிரிலியம் காப்டியம் ஆர்மேனியம் ருனியம்/புதாரியம்
ஒருங்குறி அட்டவணை	ஒருங்குறியில் இலத்தீன் எழுத்துக்கள் கட்டுரையைப் பார்க்கவும்.
ISO 15924	Latn

இலத்தீன் எழுத்துக்கள் அல்லது ரோமன் எழுத்துக்கள் என்பவை இன்று உலகில் மிகவும் அதிகமாகப் பயன்பாட்டிலுள்ள ஆல்பபெட்டிய எழுத்து முறை ஆகும். இது கிரேக்க எழுத்து முறையின் மேற்கத்திய வகையில் இருந்து வளர்ந்தது. தொடக்கத்தில் இது இலத்தீன் மொழியை எழுதுவதற்காகப் பண்டைய ரோமர்களால் பயன்படுத்தப்பட்டது. மத்திய காலத்தில் இலத்தீன் மொழியிலிருந்து நேரடியாக உருவான ரோமானிய மொழிகளையும், செல்டிய, ஜெர்மானிய, பால்டிய மொழிகளையும், சில சிலாவிய மொழிகளையும் எழுதப் பயன்பட்டது. இறுதியாக இது ஐரோப்பாவின் பெரும்பான்மையான மொழிகளை எழுதுவதற்கு இப்போது பயன்படுகின்றது.

ஐரோப்பிய நாடுகளின் குடியேற்றவாத ஆட்சிக்கால நடவடிக்கைகளினாலும், கிறிஸ்தவ மதத்தைப் பரப்பும் நடவடிக்கைகளினாலும், இந்த எழுத்து முறை கடல்கடந்த நாடுகளுக்கும் பரவியது. அமெரிக்க-இந்திய மொழிகள், தாயக ஆஸ்திரேலிய மொழிகள், ஆஸ்திரோனீசிய மொழிகள், சில கிழக்காசிய மொழிகள், சில ஆப்பிரிக்க மொழிகள் ஆகியவற்றை எழுதுவதற்கும் பயன்படுத்தப்பட்டது. மிக அண்மைக் காலத்தில், பெரும்பாலான ஐரோப்பிய மொழியியலாளர்கள், ஐரோப்பிய மொழிகள் அல்லாத மொழிகளை ஒலிமாற்றம் செய்வதற்கு, இலத்தீன் எழுத்து முறையை அல்லது இவ்வெழுத்து முறையைத் தழுவி அமைந்த அனைத்துலக ஒலியன் எழுத்து முறையைப் பயன்படுத்துவதையே விரும்புகின்றனர்.

வரலாறு

முற்கால இலத்தீன் எழுத்துக்கள்

A	B	C	D	E	F	Z
H	I	K	L	M	N	O
P	Q	R	S	T	V	X

செந்நெறிக்கால இலத்தீன் எழுத்துக்கள்

எழுத்து	A	B	C	D	E	F	G	H
பெயர்	ஏ	பே(b)	சே	டே	ē	எஃப்	கே(g)	ஹா
உச்சரிப்பு (IPA)	/aː/	/beː/	/keː/	/deː/	/eː/	/ef/	/geː/	/haː/
எழுத்து	I	K	L	M	N	O	P	Q
பெயர்	ஐ	கே	எல்	எம்	என்	ஓ	பே	கியூ
உச்சரிப்பு (IPA)	/iː/	/kaː/	/el/	/em/	/en/	/oː/	/peː/	/kʷuː/
எழுத்து	R	S	T	V	X	Y		Z
பெயர்	எர்	எஸ்	டே(t)	யூ	எக்ஸ்	ī Graeca		ஸீட்டா
உச்சரிப்பு (IPA)	/er/	/es/	/teː/	/uː/	/eks/	/iː ˈgraika/		/ˈzeːta/