ஸ்ரீ லங்கா டெலிகொம்
இலங்கைத் தொலைத் தொடர்பு நிலையம் இலங்கையில் மிகப் பெரிய தொலைத் தொடர்புநிலையமாகும். இது 850, 000 மேற்பட்ட கம்பி இணைப்பு வாடிக்கையாளர்களைக் கொண்டுள்ளது. இதற்கு மேலதிகமாக 300, 000 இற்கும் மேற்பட்ட CDMA தொலைபேசி வாடிக்கையாளர்களைக் கொண்டு 1 மில்லியனுக்கும் மேற்பட்ட வாடிக்கையாளர்களைக் கொண்ட தொலைத்தொடர்பு நிலையமாக விளங்குகின்றது. ஆரம்பத்தில் அரச முதலீட்டில் உருவாக்கப் பட்ட நிலையம் பின்னர் 1997இல் ஜப்பானிய நிறுவனம் ஒன்றிற்கு விற்கப் பட்டது. இது தனியார் மயமாக்கப் பட்டபின்னர் செல்பேசி சேவையை வழங்கிய மோபிற்றலை உள்வாங்கிக் கொண்டது. 2006 ஆம் ஆண்டில் லங்காபெல், சண்ரெல் ஆகியவற்றின் CDMA வெற்றியை அவதானித்த இலங்கை தொலைத் தொடர்பு நிலையம் இச்சேவையை ஆரம்பித்தது.
பொருளடக்கம் |
[தொகு] இணையசேவைகள்
[தொகு] டயல் அப் இணைப்புக்கள்
56கிலோபிட்ஸ்/செக்கண் வேகத்திலான டயல் அப் இணைப்புக்களை வழங்கி வருகின்றது. இது தவிர CDMA தொலைபேசியூடாக 115 கிலோபிட்ஸ்/செக்கண் வேகத்திலும் இணைப்பை வளங்கிவருகின்றது. பல்வேறு நிறுவனங்களும் கம்பித்தொலைபேசியயூடாக இச்சேவையினை இலங்கையில் வழங்குகின்றபோது அநேகமானவற்றின் வேகம் இதைவிடக் குறைவானது. சாதாரண தொலைபேசிகளூடாக இணைப்பை மேற்கொள்கையில் பயனர் பெயரில் பயனர்@pre.sltnet.lk என்றவாறும் CDMA தொலைபேசியில் பயனர்@pre.sltnet என்றவாறும் வரும் CDMA இணைப்பில் பயனர் பெயரில் .lk என்பது தேவையில்லை என்பதைக் கவனிக்கவும்.
டயல் செய்யும் இலக்கங்கள்
- சாதாரணதொலைபேசியில் இருந்து
- 1250 மற்றும் 1251 (ஸ்ரீலங்கா தொலைத் தொடர்பு நிலையத் தொலைபேசியில் இருந்து மாத்திரம்), (011)2474747, (011)2383838, (011)2331130 பாவிக்கலாம் 1250 இலக்கமே விரும்பத்தக்கது.
- #777 CDMA தொலைபேசி இணைப்பிற்கு.
[தொகு] அகன்ற அலை இணைப்புக்கள்
இலங்கையில் அகலப்பட்டை இணைப்புகள் பெரும்பாலான பகுதிகளில் வழங்கப்பட்டு வருகின்றது [1]. ஆரம்ப காலத்தில் கொழும்பு மற்றும் புறநகரப் பகுதிகளில் மட்டுமே இந்த சேவை வழங்கப்பட்டிருந்தமை குறிப்பிடத் தக்கது.
இந்நிறுவனம் இருவகையான இணைப்புக்களை வழங்கி வருகின்றது. இவ்விணைப்புக்களானது கொழும்பில் ஏற்கனவேயிருந்த அநேகமாக எல்லா குத்தகைக்கான இணைப்புக்களை (leased lines) மாற்றீடு செய்துள்ளது
[தொகு] அலுவலக இணைப்பு
பதிவிறக்கம் 2 மெகாபிட்ஸ்/செக்கண், மேலேற்றம் 512 கிலோபிட்ஸ்/செக்கண்
[தொகு] வீட்டு இணைப்பு
பதிவிறக்கம் 512 கிலோபிட்ஸ்/செக்கண், மேலேற்றம் 128 கிலோபிட்ஸ்/செக்கண். இதில் இணையத்தைக் குறைவாகப் பாவிப்பவர்களுக்கான 1 ஜிகாபைட்டிற்குக் குறைவாகப் பாவிப்பவர்களுக்கு வசதியாக ஓர் கணக்கும் அறிமுகப்படுத்தப்பட்டுள்ளபோதிலும் இவை மிகையாக இணையத்தைப் பாவிப்ப்பவர்களுக்குச் செலவானது ஆகும்.
[தொகு] குத்தகைக்கு விடப்படும் இணைப்புக்கள்
குத்தகைக்கு விடப்படும் இணைப்புக்கள் இலங்கையில் அகலப்பட்டை அல்லது அகன்ற அலை என்கின்ற adsl இணைப்பு இல்லாத இடங்களில் மிகையான கட்டணம் காரணமாக ஓரளவே பாவனையில் உள்ளது. இது 64கிலோபிட்ஸ்/செக்கண் வேகத்திலும் அதனின் முழுமட்ங்குகளிலும் இணைப்பை வழங்குகின்றது (அதாவது 128 கிலோபிட்ஸ்/செக்கண், 192 கிலோபிட்ஸ்/செக்கண்)
DNS சேவரின் முகவரிகள் 203.115.0.46 மற்றும் 203.115.0.18 ஆகும். இது கட்டாயம் என்றல்ல விரும்பினால் ஒப்பின் டிஎன்எஸ் போன்ற சேவைகளைப் பயன்படுத்தலாம். இதைப் பயன்படுத்த 208.67.222.222 மற்றும் 208.67.222.222 ஆகும்.
[தொகு] வை-பை இணையம்
ஸ்ரீ லங்கா டெலிகொம் கம்பியற்ற இணையச் சேவை முறைகளில் ஒன்றான வை-பை முறையில் இணையச் சேவைகளை வழங்குகின்றது. இந்தச் சேவை தற்போது பண்டாரநாயக சர்வதேச விமான நிலையத்தில் கிடைக்கின்றது. ஒரு மணி நேரத்திற்கு ரூபா 200 என்ற வீத்த்தில் கட்டணம் அறவிடப்படுகின்றது [2].
[தொகு] ஸ்ரீ லங்கா டெலிகொம்மின் சகோதர நிறுவனங்கள்
ஸ்ரீ லங்கா டெலிகொம் பல சகோதர நிறுவனங்களைக் கொண்டுள்ளது. [3]
| நிறுவனத்தின் பெயர் | நிறுவப்பட்ட ஆண்டு | ஸ்ரீலடெ பங்கு | இணையத்தளம் | பிரதான செயற்பாடு |
|---|---|---|---|---|
| மொபிடல் (Pvt) Ltd | 2002 | 100%
(See Note) |
www.mobitel.lk | நகர்பேசி சேவை |
| எஸ்.எல்.டி விஷன்கொம் (Pvt) Ltd | 2008 | 100% | www.sltvisioncom.lk | IPTV செயற்பாடுகள் |
| SLT பப்ளிகேஷன்ஸ் (Pvt) Ltd | 2006 | 100% | www.rainbowpages.lk | விபரக்கொத்து வெளியீட்டு சேவைகள் |
| எஸ்.எல்.டி ஹொக் கொங் | 2006 | 100% | www.slt.lk/gb/index.htm | Point of Presence – Providing IP transit services |
| ஸ்ரீ லங்கே டெலிகொம் ஸேவிசர்ஸ் (SLTS) | 1993 | 100% | www.slts.lk | Providing total network solutions to corporate
and small business customers |
| எஸ்.எல்டி மான் பவர்(Pvt) Ltd | 2008 | 100% | www.manpower.lk | மனிதவள உதவிகளை வழங்குதல் |
| ஸ்கை நெட்வேர்க் (Pvt.) Ltd | 2006 | 75% | www.skynetwork.lk | வைமாக்ஸ் சேவைகள் |
டெலிக்கொம் நிறுவனம் 1930 முதல் தொலைபேசி விபரக்கொத்தை வெளியிடுகின்றது. 2002 ம் ஆண்டு முதல் ஸ்ரீ லங்கா டெலிகொம் த ரெயின்போ பேஜஸ் எனும் விபரக்கொத்தை வெளியிடுகின்றது. இதுவே இலங்கையின் ஒரே வியாபார தகவல்களை அடக்கிய விபரக்கொத்து என்பதையும் குறிப்பிடவேண்டும்.
[தொகு] வெளியிணைப்புக்கள்
- இலங்கைத் தொலைத் தொடர்பு நிலையம் (ஆங்கிலத்தில்)
[தொகு] உசாத்துணைகள்
| இலங்கையின் தொலைத்தொடர்பு சேவை நிறுவனங்கள் |  |
|
| லங்காபெல் | ஹட்ச் | எட்டிசலட் | ஸ்ரீ லங்கா டெலிகொம் | டயலொக் | மோபிட்டல் | எயார்டெல் | சண்டெல் | ||
