இரையகக்குடலிய அழற்சி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்


இரையகக்குடலிய அழற்சி
வகைப்பாடு மற்றும் வெளிச்சான்றுகள்
Gastroenteritis viruses.jpg
Gastroenteritis viruses: A = rotavirus, B = adenovirus, C = Norovirus and D = Astrovirus. The virus particles are shown at the same magnification to allow size comparison.
ICD-10 A02.0, A08., A09., J10.8, J11.8, K52.
ICD-9 009.0, 009.1, 558
DiseasesDB 30726
eMedicine emerg/213 
பாடத் தலைப்பு D005759

குளிர்காய்ச்சல் நோயுடன் தொடர்பில்லாவிடினும், இரைப்பைக் காய்ச்சல் என்றும் அழைக்கப்படும் இரைப்பைக் குடல் அழற்சி , வயிறு மற்றும் சிறு குடல் ஆகிய இரண்டுடனும் தொடர்பு கொண்ட இரைப்பைப் பாதையின் வீக்கம் ஆகும். இதனால் தீவிரமான வயிற்றுப் போக்கு விளைகிறது. (இரைப்பை அழற்சி மற்றும் குடல் அழற்சி ஆகியவற்றையும் காணவும்).

இது ஒருவரிலிருந்து மற்றவருக்கு மாசடைந்த உணவு மற்றும் நீர் வழியான தொடர்பு மூலம் பெயர்கிறது. பெரும்பாலும் சில வகையான நச்சுயிரிகளின் தொற்று காரணமாகவும், சில நேரங்களில் நுண்ணுயிர் மற்றும் அவற்றின் நச்சுத் தன்மையாலும், ஒட்டுண்ணிகளாலும் அல்லது உணவு அல்லது மருந்திற்கான ஒரு ஒவ்வாமை எதிர்விளைவு காரணமாகவும் இந்த வீக்கம் உருவாகிறது. உலகெங்கும், இரைப்பைக் குடலழற்சிக்குச் சரியான சிகிச்சை கிடைக்கப் பெறாததன் காரணமாக ஒவ்வொரு வருடமும்[1] ஐந்திலிருந்து எட்டு மில்லியன் மக்கள் வரை உயிரிழக்கின்றனர். ஐந்து வயதிற்கும் குறைவான சிசுக்கள் மற்றும் குழந்தைகளின் மரணத்திற்கு இதுவே முதன்மையான காரணமாக உள்ளது.[2]

உணவு மூலமான நோய் என்பதனால் உருவாகும் இரைப்பைக் குடல் அழற்சிகளில் குறைந்தது 50 சதவிகிதம் நோரோ நச்சுயிரி என்பதனால் உருவாகின்றன.[3] மற்றொரு 20 சதவிகிதம் மற்றும் குழந்தைகளில் தீவிரமான அளவில் நோய் உண்டாவதற்குப் பெரும்பான்மையான காரணமாக ரோட்டோ நச்சுயிரி உள்ளது.

முக்கியமான இதர நச்சுயிரிகளில் அடினோ நச்சுயிரி மற்றும் ஆஸ்டிரோ நச்சுயிரி ஆகியவையும் அடங்கும்.[4]

பலவகையான நுண்ணுயிர்களும் இரைப்பைக் குடல் அழற்சியை உருவாக்கலாம். இவற்றில் சால்மொனெல்லா , ஷிகெல்லா , ஸ்டாஃபில்லோக்கஸ் , காபிலோபாக்டர் ஜெஜுனி , கிளாஸ்ட்ரோடியம் , ஈஸ்செர்ச்சியா கோலி , யெர்சினியா, விப்ரியோ கோலெரே|விப்ரியோ கோலெரே மற்றும் பல அடங்கும். முறையாக சமைக்காத உணவு, மீண்டும் மீண்டும் சூடாக்கிய மாமிச உணவுகள், கடலுணவு, பால்பொருட்கள் போன்றவை சில வேளைகளில் இத்தொற்றிற்குக் காரணமாகின்றன. ஒவ்வொரு உயிரினமும் சற்றே வேறுபட்ட அறிகுறிகளை வெளிக்காட்டுகின்றன. ஆனால், அனைத்தின் விளைவும் வயிற்றுப் போக்கில்தான் முடிகிறது. பெருங்குடலின் வீக்கமான பெருங்குடல் அழற்சி என்பதும் ஏற்படலாம்.

ஆபத்துக் காரணிகளில், முறையாக சமைக்காத உணவுகள் அல்லது மாசுற்ற நீர் ஆகியவற்றை உட்கொள்ளுதல் மற்றும் மோசமான நிலையில் கழிவுகள் அகற்றப்படும் இடங்களில் வசிப்பது அல்லது அவ்விடங்களுக்குப் பயணப்படுவது ஆகியவை அடங்கும்.

மழைக்காலங்களில் ஆற்றில் ஓடும் நீர் மாசுறும் காரணத்தினால், நதியில் நீந்துபவர்களுக்கு இது வருவதும் பொதுவானதே.[5]

நோய் வகைப்பாடு[தொகு]

தொற்று நோயான இரைப்பைக் குடல் அழற்சியானது பல்வேறு வகைப்பட்ட நுண்ணுயிர்களாலும் நச்சுயிரிகளாலும் உருவாகிறது.

தொற்று நோயான இரைப்பைக் குடல் அழற்சியை மிகவும் நம்பிக்கையோடு கண்டறிய இயலாத ஒரு நோய் என்றே கருத வேண்டும்.

ஊடுருவும் தொற்று காரணமாக, சில முறைகள் இளகிய மலம் மற்றும் வாந்தி எடுத்தல் ஆகியவை உருவாகலாம். இவற்றின் காரணம் குளிர்காய்ச்சல், நுண்ணுயிரிகள் இரத்தவோட்டத்தில் நுழைவதால் உருவாகும் செப்டிசெமியா, சிறு நீர்ப்பாதைத் தொற்று, ஏன் மூளைக் காய்ச்சல் என்பதாகக் கூட இருக்கலாம். குடல் வால் அழற்சி, குடலேற்றம் மற்றும் ஹிர்ஸ்ஸ்ப்ரங்க் நோய் ஆகிய அறுவை சிகிச்சை தேவைப்படும் சில நிலைகளும் மருத்துவரைத் தவறான முடிவு எடுக்கத் தூண்டிவிடக் கூடும். தைராய்ட் நோய், அடிசன் நோய் போன்ற உட்சுரப்பிக் கோளாறுகளும் வயிற்றுப் போக்கினை உருவாக்கலாம். கணைய முழுமையின்மை, சிறு குத நோய்க்குறித் தொகுதி, விப்பிள் நோய், கோலியாக் நோய் மற்றும் மலமிளக்கிகளின் தவறான பயன்பாடு ஆகியவற்றைச் சாத்தியக் கூறுகளிலிருந்து விலக்கி விட வேண்டும்.[6]

நுண்ணுயுர்சார் இரைப்பைக் குடல் அழற்சி[தொகு]

இரைப்பைக் குடல் அழற்சியினை உருவாக்கும் நுண்ணுயுர்களின் பட்டியலுக்கு, மேலே காண்க: நுண்ணுயிர் எதிர் மருத்துவங்களால் சிகிச்சை அளிக்கப்பட்ட நோயாளிகளில் பெருங்குடல் மென்தோல் அழற்சி வயிற்றுப் போக்கிற்கு முக்கியமான காரணமாகும்.

ஒரு குழந்தைக்கு ஏற்படும் வயிற்றுப் போக்கு மருத்துவ மனையில் சேர்ப்பது அவசியம் என்னும் அளவில் தீவிரமானதாக இருக்குமாயின், அது நுண்ணுயிரால் உருவானதா அல்லது நச்சுயிரியினால் உருவானதா என வேறுபடுத்துவது அவசியம். ஷிகெல்லா , காம்பிலோபேக்டர் போன்ற நுண்ணுயிர்களும் கியார்டியா போன்ற ஒட்டுண்ணிகளும் நுண்ணுயிர் எதிர் மருத்துவங்கள் கொண்டு சிகிச்சை அளிக்கப்படலாம்.

பயணர் வயிற்றுப் போக்கு என்பது நுண்ணுயிர் காரணமாக உருவாகும் வயிற்றுப் போக்கிற்கு வழமையான ஒரு எடுத்துக் காட்டு.

நச்சுயிரிசார் இரைப்பைக் குடல் அழற்சி[தொகு]

ரோட்டோ நச்சுயிரி, நோரோ நச்சுயிரி, அடினோ நச்சுயிரி மற்றும் ஆஸ்டிரோ நச்சுயிரி ஆகியவை இரைப்பைக் குடல் அழற்சியை உருவாக்கும் நச்சுயிரிகளாகும். நச்சுயிரிகள் நுண்ணுயிர் எதிர் மருந்துகளுக்குப் பதிலிறுப்பதில்லை. இத்தொற்று அடைந்த குழந்தைகள் சில நாட்களுக்குப் பிறகு முழுவதுமாக குணமடைந்து விடுகின்றனர்.[7] இரைப்பைக் குடல் அழற்சிக்காக மருத்துவ மனையில் சேர்க்கப்படும் குழந்தைகள் முறையாக ரோட்டோ ஏ நச்சுயிரிக்காக சோதிக்கப்படுகின்றனர். இதன் மூலம், ரோட்டோ நச்சுயிரி தடுப்பூசி நிரல்களுக்குத் தேவையான கொள்ளை நோய் பற்றிய தகவல்களைச் சேகரிக்க முடிகிறது.[8][9] நோரோ நச்சுயிரிக்காகவும் இக்குழந்தைகள் முறையாக சோதிக்கப்படுகின்றனர். இது மிகவும் தீவிரமான ஒரு தொற்றாகும். இது மேலும் பரவாமல் தடுக்க இத்தொற்று கண்டவர்களை மற்ற நோயாளிகளிடமிருந்து தனிமைப்படுத்த வேண்டும். எதிர் மின்ம நுண்ணோக்காடி மற்றும் பாலக்ரிமைட் மின்சுமைப் பெயர்ச்சி போன்ற பிற முறைமைகளும் ஆராய்ச்சிக் கூடங்களில் பயன்படுத்தப்படுகின்றன.[10][11]

அறிகுறிகளும் குறிகளும்[தொகு]

இரைப்பைக் குடல் அழற்சியானது பொதுவாக வயிற்று வலி அல்லது பிடிப்புகள், வயிற்றுப் போக்கு மற்றும்/ அல்லது வாந்தி எடுத்தல் உடனான சிறு குதக் குடலின் வீக்கமற்ற தொற்று அல்லது குதம் வீக்கமுள்ள தொற்று கொள்வது ஆகியவற்றை ஈடுபடுத்துகிறது.[1][6][12][13]

இந்நிலை பொதுவாக தீவிரமாகவே துவங்கி, சாதாரணமாக ஒன்று முதல் ஆறு நாட்கள் வரை நீடித்துப் பின் தானாகவே அடங்கி விடுகிறது.

  • குமட்டல் மற்றும் வாந்தி எடுத்தல்
  • வயிற்றுப் போக்கு
  • பசியின்மை
  • காய்ச்சல்
  • தலைவலிகள்
  • அசாதாரணமான காற்றுப் பிரிதல்
  • அடிவயிற்றில் வலி
  • அடிவயிற்றுப் பிடிப்புகள்
  • காபிலோபேக்டர் , சால்மோனெல்லா , ஷிகெல்லா அல்லது சில வகையான இரத்தவியல் சார்ந்த ஈஸ்ச்செர்ச்சியா கோலி போன்ற அமீபாக்களின் மூலம் உருவான தொற்றினை சுட்டிக்காட்டுவதான இரத்தம் தோய்ந்த மலம்: வயிற்றுக் கடுப்பு.[4]
  • மயக்கமுறுதல் மற்றும் பலவீனம்

சிசுக்களுக்கு மிகவும் குறைவாக உணவளிப்பதே இதன் பிரதான காரணமாக உள்ளது. வயிற்றுப் போக்கு பொதுவானதாக இருந்து, வாந்தி எடுத்தல் இதைத் தொடரக் கூடும். நச்சுயிரி காரணமாக உருவாகும் வயிற்றுப் போக்கு அடிக்கடி வருகின்ற நீர்ம மலங்களை உண்டாக்குகிறது. இரத்தப் போக்கு கொண்ட வயிற்றுப் போக்கு நுண்ணுயிர் காரணமாக உருவான பெருங்குடல் அழற்சியைச் சுட்டிக் காட்டுவதாக இருக்கக் கூடும். சில நேரங்களில், வயிறு காலியாக இருக்கும்போது கூட பித்த நீர் வாந்தி எடுப்பதைத் தூண்டக் கூடும்.

இரைப்பைக் குடல் அழற்சி கொண்ட ஒரு குழந்தை சோம்பல், தூக்கமின்மையால் அவதி, மெல்லிய காய்ச்சல், நீரிழப்பு (இதில் வறண்ட சளி போன்ற மென் தோல் அடங்கும்), மிகை இதயத் துடிப்பு, தோல் விறைப்புக் குறைவு, தோல் நிறம் மாற்றமடைதல், அமிழ்ந்த உச்சிக்குழி, அமிழ்ந்த கண்விழிகள், கண்ணைச் சுற்றிலும் கருவளையம், மிகக் குறைவான உறுப்பு வழி செலுத்துதல் மற்றும் இறுதியாக நரம்பதிர்ச்சி போன்ற அறிகுறிகளைக் கொண்டு இருக்கும்.

நோய் கண்டறிதல்[தொகு]

அறிகுறிகள், முழுமையான ஒரு மருத்துவ வரலாறு மற்றும் ஒரு உடற்பரிசோதனை ஆகியவற்றின் அடிப்படையிலேயே இரைப்பைக் குடல் அழற்சி நோய் கண்டறியப்படுகிறது. துல்லியமான ஒரு மருத்துவ வரலாறு, நோயாளியின் குடும்பத்தில் இருக்கும் பிற உறுப்பினர்களுக்கு நோயை ஒத்த அறிகுறிகள் இருப்பது அல்லது இல்லாதிருப்பதைச் சுட்டிக் காட்டப் பயனுள்ள தகவல்களை அளிக்கும். நோயாளி மலம் கழிக்கும் நேரம், அதன் அடுக்கு நிகழ்வு மற்றும் விபரம் மற்றும் அவர் வாந்தி எடுக்கும் அனுபவம் கொண்டிருக்கிறாரா என்பவையும் பொருத்தமானவை. இந்த வினாக்கள் மருத்துவர் நோயாளியைச் சோதிக்கையில் வழக்கமாகக் கேட்பவையாகும்.[14]

எளிய இரைப்பைக் குடல் அழற்சி கொண்டுள்ள நோயாளிகளில் பெரும்பான்மையோருக்குக் குறிப்பிட்ட நோய் கண்டறியும் பரிசோதனைகள் தேவைப்படுவதில்லை. காய்ச்சல், இரத்தம் சேர்ந்த மலம் மற்றும் வயிற்றுக் கடுப்பு போன்ற அறிகுறிகள் தொடர்ந்து இரண்டு வாரங்களுக்கும் மேலாக இருப்பின், மலப் பரிசோதனை மூலம் குளோஸ்டிரிடியம் டிஃபிசைல் மற்றும் சல்மொனெல்லா, ஷிகெல்லா, காம்பிலோபேக்டர் மற்றும் எண்டரோடாக்சிக் எஸ்ச்செர்ச்சியா கோலி போன்ற நுண்ணுயிர்கள் இருக்கின்றனவா எனப் பரிசோதித்துப் பார்ப்பது அறிவுடமையாகும். ஒட்டுண்ணிகள், கருவுறாத முட்டைகள் மற்றும் நீர்க்கட்டிகளைக் கண்டறியவும் நுண்ணோக்கிப் பரிசோதனை உதவும்.[சான்று தேவை]

இரைப்பைக் குடல் அழற்சியைக் கண்டறிவதில் ஒரு முழுமையான மருத்துவ வரலாறு உதவலாம். ஒரு நோயாளியின் முழுமையான மற்றும் துல்லியமான மருத்துவ வரலாற்றில் அவரது பயண வரலாறு, நச்சுகளுக்கு வெளிப்பாடு அல்லது இதர உறுத்திகள், உணவுப் பழக்கத்தில் மாற்றம், உணவு தயாரிப்பு அல்லது சேமிப்பு வழக்கங்கள் மற்றும் மருத்துவங்கள் ஆகியவை அடங்கும். பயணம் செய்யும் நோயாளிகள் பானங்கள் மற்றும் உணவு ஆகியவற்றில் உள்ள ஈ.கோலி தொற்றுகள் மற்றும் ஒட்டுண்ணித் தொற்றுகளுக்கு வெளிப்படலாம். மாசுற்ற நீரில் நீந்துதல் அல்லது ஐயத்திற்கு இடமான மலை ஊற்று அல்லது கிணறுகள் ஆகியவற்றில் உள்ள புது நீரை அருந்துதல் ஆகியவை கியார்டியா மூலம் பெறும் தொற்றினை உண்டாக்கலாம். இது வயிற்றுப் போக்கை உருவாக்கும் நீரில் காணப்படும் ஒரு உயிரினமாகும்.

அரைகுறையாக சமைக்கப்பட்ட அல்லது முறையற்று சேமிக்கப்பட்ட உணவுக்கு நோயாளி வெளிப்படும் வேளைகளில் நச்சு உணவினால் நோய் உண்டானதா என்பதையும் பரிசீலிக்க வேண்டும். நோயை உண்டாக்கும் நுணணுயிரின் வகையைப் பொறுத்து, இதன் பின் விளைவுகள் இரண்டு முதல் 72 மணி நேரங்கள் வரை உருவாகலாம். முறையான நோய் கண்டறிதல் மற்றும் திறன் மிக்க சிகிச்சைத் திட்டம் ஆகியவற்றிற்கு, எந்தத் தொற்றின் காரணமாக நோய் உருவானது என்பதை அறிவது அவசியம்.

நோயாளிகள் தங்களது அண்மைய மருத்துவங்களில் பரந்து பட்ட அல்லது பல்வேறான நுண்ணுயிர் எதிர் மருந்துகளைப் பயன்படுத்தியுள்ளனரா என அறிய மருத்துவர் விரும்பலாம். அவ்வாறு இருந்தால், இரைப்பைப் பாதையின் உறுத்தலுக்கு அவையே காரணமாக இருக்கலாம்.

உடற்பரிசோதனையின்போது, தொற்றிற்கான இதர சாத்தியங்களை மருத்துவர் ஆராய்வார். குடல்வால் நோய், பித்தச்சவ்வுப்பை நோய், கணைய அழற்சி, பதுங்கழல் போன்ற மருத்துவ நிலைகள் இதனை ஒத்த அறிகுறிகளை உருவாக்கலாம். ஆனால், உடற்பரிசோதனையினை மேற்கொள்கையில், இத்தகைய நிலைகளில் மென் அடிவயிறு புலப்படும். இரைப்பைக் குடல் அழற்சியில் இவ்வாறு இருக்காது.

இரைப்பைக் குடல் அழற்சியினைக் கண்டறிவது என்பது பிரதானமாக ஒரு விலக்கு-நடைமுறையே.

ஆகவே, இரைப்பைக் குடல் அழற்சியை நோயினைக் கண்டறிய இயலாத அரிதான நேரங்களில், இரைப்பைக் கோளாறுகள் இல்லை என்பதை உறுதி செய்யப் பல பரிசோதனைகள் செய்யப்படலாம். இவற்றில் குதப் பரிசோதனை, முழு இரத்த அணுக் கணக்கு, மின்பகுளி மற்றும் சிறுநீரகச் செயல்பாடு பரிசோதனைகள் ஆகியன அடங்கும். இருப்பினும், அறிகுறிகள் தீர்மானமாகத் தென்படுகையில், இரைப்பைக் குடல் அழற்சியைக் கண்டறிய, குறிப்பாக நோயாளி உயர்-நிலை ஆபத்து மிகுந்த பகுதிகளுக்கு பயணப்பட்டிருக்கையில், மலப் பரிசோதனையைத் தவிர வேறு பரிசோதனைகளுக்கு அவசியம் இல்லை.

தடுப்பு முறைகள்[தொகு]

நேர்மறையான ரோட்டா நச்சுயிரி சோதனைகளின் சதவிகிதம் - சர்விலன்ஸ் வீக் (surveillance week), அமெரிக்க ஐக்கிய நாடுகள், ஜூலை 2000- ஜூன் 2009.

ரோட்டோ நச்சுயிரித் தடுப்பூசி அமெரிக்க ஐக்கிய நாடுகளில் 2000 ஆண்டு முதல் 2009ஆம் ஆண்டு வரையிலான இரைப்பைக் குடல் அழற்சி நிகழ்வெண்ணிக்கையைக் குறைத்துள்ளது.[15]

நோய் எதிர்ப்புச் சக்தியின் மூலமும் இரைப்பைக் குடல் அழற்சியினைத் தடுக்கலாம்.[16] அமெரிக்க ஐக்கிய நாடுகள் உணவு மற்றும் மருந்து நிர்வாகம் 2006ஆம் ஆண்டில் ரோட்டடெக் என்னும் ரோட்டோ நச்சுயிரி ஒன்றினை ஆறு முதல் 32 வாரங்கள் வரையிலான சிசுக்களுக்கு, அவை நச்சுயிரி சார் இரைப்பைக் குடல் அழற்சி நோய் பெறாமல் இருப்பதற்காக, அளிக்கலாம் என அங்கீகரித்தது.[17] இருப்பினும், இத்தடுப்பூசிகளால் குளிர் காய்ச்சலை ஒத்த அறிகுறிகள் விளையலாம்.

சல்மொனெல்லி டைஃபி மற்றும் விபிரியோ காலரா ஆகிய நச்சுயிரிகளுக்கு பலவகையான தடுப்பூசிகள் கிடைக்கப் பெறுகின்றன. இவை உயர்-நிலை ஆபத்து உள்ள இடங்களுக்குப் பயணப்படும் மக்களுக்குச் செலுத்தப்படுகின்றன. இருப்பினும், ரோட்டோ நச்சுயிரிகள் தவிர இதர நச்சுயிரிகளால் உருவாகும் இரைப்பைக் குடல் அழற்சிக்குத் தற்போது கிடைக்கப்பெறும் தடுப்பூசிகள் திறனுள்ளவையாக இல்லை.

முறையான சுகாதாரம் சார்ந்த வழிமுறைகளை, குறிப்பாக இத்தகைய நோய்க்கு ஏதுவான நிலையில் இருப்பவர்கள், கடைப்பிடிப்பதன் மூலம் இந்நோயைத் தடுக்க இயலும். உணவு உண்பதற்கு முன்பும், கழிவறையைப் பயன்படுத்திய பிறகும் அல்லது கழிவாடைகளை மாற்றிய பின்னரும் சுத்தமாகக் கைகளைக் கழுவிக் கொள்ளுமாறு அறிவுறுத்தப்படுகிறது. மேலும், மாசுற்ற உணவு அல்லது பானங்களை அருந்தாமல் இருத்தலும் வேண்டும். நச்சுயிரினால் வரும் இரைப்பைக் குடல் அழற்சி நோய் ஒரு கடுமையான தொற்றாகும். இதனால், கூட்டமடர்ந்த சந்தைகள், திரையரங்குகள், கடைத்தெருக்கள் ஆகியவற்றைத் தவிர்ப்பதும் இந்நோய்க்கு பலவீனமான எதிர்ப்பு சக்தி கொண்டவர்களுக்கு உதவக் கூடும்.

இரைப்பைக் குடல் அழற்சியினைத் தடுக்க, முறையாகச் சமைக்கப்பட்டு, சேமிக்கப்பட்ட உணவினையை மருத்துவர்கள் பரிந்துரைக்கின்றனர்.

மேலும், மாசுற்ற ஆடைகளை வெளுப்பதும் நுண்ணுயிர் பரவுதலைத் தடுக்கும். இதற்கு மறுபுறமாக, மாசுற்ற இடங்களில் இல்லத்தில் பயன்படும் குளோரின் கொண்டு வெளுத்தல் என்னும் அடிப்படையிலான பொருட்களைப் பயன்படுத்துவதன் மூலமும் தொற்றிற்கான வாய்ப்புக்களைக் குறைக்கலாம்.[18]

நிர்வகித்தல்[தொகு]

இரைப்பைக் குடல் அழற்சி பொதுவாகத் தீவிரமானதாகவும், தானாகவே தீர்ந்து விடுவதாகவும் உள்ள ஒரு நோய். இதற்கு மருந்து சார்ந்த சிகிச்சை தேவைப்படுவதில்லை.[19] சிகிச்சையின் நோக்கம் இழந்துபட்ட நீர்மங்கள் மற்றும் மின்பகுளிகள் ஆகியவற்றை மீண்டும் அளிப்பதே. குழந்தைகளில் இத்தகைய மிதமானது முதல் நடுத்தரமான நீரிழப்புகளைச் சமன்படுத்த வாய்வழி வறட்சி நீக்கல் சிகிச்சை முறையே விரும்பத்தக்கதாகும்.[20] இருப்பினும், குழந்தைகளில் மெட்டோகுளோப்ரமைட் மற்றும் ஓண்டாஸ்டிரான் ஆகியவை பலன் அளிக்கக் கூடும்.[21]

வறட்சி நீக்கல்[தொகு]

குழந்தைகள் மற்றும் பெரியவர்கள் ஆகிய இருவருக்குமே வறட்சி நீக்கல் அதாவது இழந்துபட்ட நீர் மற்றும் மின்பகுளிகளை மீண்டும் அளிப்பதே முதன்மையான சிகிச்சை. நோயாளிக்கு வாய்வழி வறட்சி நீக்கல் சிகிச்சை அளிப்பதன் மூலம் இது விரும்பத்தக்க வகையில் சாத்தியமாகிறது. இருப்பினும், நோயாளியின் நினவு நிலை குறைந்தாலோ அல்லது குடல் அடைப்பு தென்பட்டாலோ, சிரைவழியாகச் செலுத்துவதும் அவசியமாகலாம்.[22][23] கோதுமை அல்லது அரிசியிலிருந்து உருவாக்கப்படும் நுணுக்கமான- மாவுச்சத்து அடிப்படையிலான வாய் வழி வறட்சி நீக்க உப்புக்கள் (Oral Rehydration Salts - ஓஆர்எஸ்) எளிய சர்க்கரை அடிப்படையிலான ஓஆர்எஸ் பொருட்களை விட அதிகத் திறன் கொண்டவையாகக் காணப்படுகின்றன.[24]

ஐந்து வயதிற்கும் கீழான குழந்தைகளுக்கு மென்பானங்கள் மற்றும் பழரசங்கள் போன்ற சர்க்கரை மிகுந்த பானங்கள் பரிந்துரைக்கப்படுவதில்லை. காரணம், இவை வயிற்றுப் போக்கினை அதிகரிக்கக் கூடும் என்பதேயாகும்.[19] குறிப்பிட்ட ஓஆர்எஸ் கிடைக்கப் பெறவில்லை எனில் அல்லது அது ருசிக்கவில்லை எனில், வெறும் நீரினைக் கூடப் பயன்படுத்தலாம்.[19]

உணவு முறைமை[தொகு]

வாய்வழி வறட்சி நீக்கல் கரைசல் அளித்தபின், தாய்ப்பால் பெறும் குழந்தைகளுக்குத் தேவையின்பேரில் தாய்ப்பால் அளிப்பதும், கலவை முறை உணவு பெறும் குழந்தைகளுக்கு அவை தமது கலவை உணவை உடனடியாகத் தொடர்வதும் பரிந்துரைக்கப்படுகின்றன. மாவுச்சத்து - அற்ற அல்லது மாவுச்சத்து குறைந்த கலவைகள் பொதுவாகத் தேவைப்படுவதில்லை.[25] பாதியளவு திட அல்லது திட உணவு பெறும் குழந்தைகள் தங்களது வழக்கமான உணவினையே வயிற்றுப் போக்கின் நிகழ்வுகளின் போதும் பெறலாம். எளிய சர்க்கரை மிகுந்த உணவுகள் தவிர்க்கப்படவேண்டும். காரணம், சவ்வூடு பரவுச் சுமையானது வயிற்றுப் போக்கினை அதிகரிக்கலாம். ஆகவே, மென் பானங்கள், பழ ரசங்கள் மற்றும் இதர அதிக சர்க்கரை கொண்டுள்ள உணவு வகைகளைத் தவிர்க்க வேண்டும்.[25] உணவைத் தவிர்ப்பது என்பது பரிந்துரைக்கப்படுவதில்லை. மாறாக, உடனடியாக, வழமையான உணவுப் பழக்கத்தை மேற்கொள்வதே ஊக்குவிக்கப்படுகிறது.[26] பிராட் உணவு முறை (BRAT) (அதாவது வாழைப்பழங்கள், சோறு, ஆப்பிள் பழச்சாறு, வாட்டடை ஆகியவை கொண்ட உணவு) தற்போது பரிந்துரைக்கப்படுவதில்லை. காரணம், இதில் உள்ள சத்துக்கள் போதுமானவையாக இல்லாதிருப்பதும் மற்றும் வழமையான உணவினை விட அதிகப் பலன்கள் ஒன்றும் இதில் இல்லை என்பதுமேயாகும்.[27]

மருத்துவங்கள்[தொகு]

வாந்தியடக்கிகள்

வாந்தி எடுக்கும் குழந்தைகளுக்கு வாந்தியடக்கிகள் பலன் அளிக்கலாம். சிரைவழியாக நீர்மங்கள் செலுத்துதல், மருத்துவ மனையில் சேர்த்தல் மற்றும் வாந்தி எடுத்தல் ஆகியவற்றின் குறைவான எண்ணிக்கையுடன் ஓண்டஸ்டிரான் மருந்தின் ஒரு மருந்தளவு தொடர்புற்றுள்ளது.[28][29][30]

மெட்டோகுளோபிரமைட் மருந்தும் பலன் அளிக்கலாம்.[31]

நுண்ணுயிர்- எதிர்வினைப் பொருட்கள்

நுண்ணுயிர் எதிர்வினைப் பொருட்கள் பொதுவாக இரைப்பைக் குடல் அழற்சிக்குப் பயன்படுத்தப்படுவதில்லை. ஆயினும், சில நேரங்களில் (வயிற்றுக் கடுப்பு[32] போன்ற) அறிகுறிகள் மிகவும் தீவிரமாக இருந்தாலோ அல்லது நுண்ணுயிர்தான் காரணம் என தனிமைப்படுத்தப்பட்டால் அல்லது ஐயம் இருந்தால், இவை பயன்படுத்தப்படுகின்றன.[33] இவ்வாறு நுண்ணுயிர் எதிர் வினைப் பொருட்களை அளிப்பது என்று முடிவாகி விட்டால், பெரும்பாலும், ஃப்ளூரோகுவினோலோன் அல்லது மாக்ரோலைட் ஆகியவை பயன்படுத்தப்படுகின்றன.[12]

நுண்ணுயிர் எதிர்வினைப் பொருட்களால் பொதுவாக உருவாகும் பெருங்குடல் மென்தோல் அழற்சி இதற்குக் காரணமான மருந்தை நிறுத்துவதன் மூலமும், மெட்ரோனிடஜோல் அல்லது வாங்கோமைசின் கொண்டு சிகிச்சை அளிப்பதன் மூலமும் மேலாண்மை செய்யப்படுகிறது.[12][13]

இயக்க-எதிர்ச் செயலிகள்

கருத்தாக்க ரீதியாக இயக்க எதிர்ச் செயலி மருந்துகளால் சிக்கல்கள் உருவாகலாம். இருப்பினும், மருந்தக அனுபவங்கள் இத்தகைய நிகழ்வுகளைச் சுட்டிக் காட்டவில்லை.[6][12] இரத்தப் போக்குள்ள வயிற்றுப் போக்கு அல்லது காய்ச்சலும் கூடிய வயிற்றுப் போக்கு கொண்டுள்ளவர்களுக்கு இவை அளிக்கப்படுவதில்லை.[1]

ஓபியாட் என்பதன் ஒத்த பொருளான லோபர்மைட் வயிற்றுப் போக்கிற்கான அறிகுறி அடிப்படையில் அமைந்த மருத்துவமாகும்.[12] குழந்தைகளில் இது மூளையின் முதிராத குருதித் தடுப்பானைத் தாண்டி நச்சு விளைக்கக் கூடும் என்பதால், அவர்களுக்கு இதைப் பரிந்துரைப்பதில்லை.

மூவிணைத் திறன் மருந்தான பிஸ்மத் மற்றும் சாலிசிலேட்டுகள் கொண்ட நீர்மத்தில், கரையாத பல்கூட்டுப் பொருளான பிஸ்மத் சப்சாலிசிலேட் (பிஎஸ்எஸ்) மிதமான-நடுத்தர நிகழ்வுகளில் பயன்படலாம்.[6][12]

மாற்று மருந்து[தொகு]

உயிரிய ஆதரவுப் பொருட்கள்

இரைப்பைக் குடல் அழற்சியின் பல்வேறு வடிவங்களைத் தடுப்பதிலும், சிகிச்சை அளிப்பதிலும், சில வகையான உயிரிய ஆதரவுப் பொருட்கள் பலன் அளிக்கின்றன.[27] நொதித்தலுக்கு உட்படுத்தப்பட்ட (கட்டித்தயிர் போன்ற) பால் பொருட்களும் அறிகுறிகளின் கால அளவினைக் குறைக்கின்றன.[34]

துத்தநாகம்

உலக சுகாதார நிறுவனம், குழந்தைகளும் சிசுக்களும் இரைப்பைக் குடல் அழற்சி துவங்கிய பின்னர் இரண்டு வாரங்கள் வரையிலும் இணைப்புணவாக துத்தநாகம் பெற வேண்டும் என பரிந்துரைக்கிறது.[35] இருப்பினும், இத்தகைய இணைப்புணவினால் பலன் ஏதும் இருப்பதாக 2009ஆம் ஆண்டு நிகழ்த்திய ஒரு சோதனையில் தெரியவரவில்லை.[36]

சிக்கல்கள்[தொகு]

நீரிழப்பு என்பது வயிற்றுப் போக்கு காரணமாக ஏற்படும் பொதுவான ஒரு சிக்கல். நீர் அருந்தாமல் இருப்பது அல்லது பழரசம்/ பானங்கள் ஆகியவற்றைச் செலுத்துதல் ஆகியவற்றின் மூலம் அது மேலும் மோசமடையலாம்.[37] பாலைப் பிரதானமாகக் கொண்டுள்ள சர்க்கரையான மாவுச்சத்து முறையற்று உட்கொள்ளப்படுவதனால் இது உருவாகலாம். வயிற்றுப் போக்கினை அதிகரிப்பினும்[38], தாய்ப்பால் கொடுப்பதை நிறுத்தி விடக் கூடாது.

நோய்ப்பரவு இயல்[தொகு]

வயிற்றுப் போக்கினால் விளைந்த இயலாமை- சரிக்கட்டிய வாழ்கால வருட எண்[87][88][89][90][91][92][93][94][95][96][97][98][99]

ஒவ்வொரு வருடமும், ஐந்து வயதிற்கு உட்பட்ட குழந்தைகளில் ரோட்டோ நச்சுயிரி இரைப்பைக் குடல் அழற்சியின் 11 மில்லியன் நிகழ்வுகள் மற்றும் ஏறத்தாழ அரை மில்லியன் மரணங்களை உருவாக்குகிறது. இவற்றில் 82 சதவிகிதம் உலகின் ஏழை நாடுகளிலேயே நிகழ்கிறது.[39]

1980ஆம் ஆண்டு பல்வேறு காரணங்களினாலும் விளைந்த இரைப்பைக் குடல் அழற்சியினால் 4.6 மில்லியன் குழந்தைகள் மரணம் அடைந்தனர். இவற்றில் பெரும்பான்மையானவை மூன்றாம் உலகில் நிகழ்ந்தவையே.[13] போதுமான அளவு பாதுகாப்பான நீர் மற்றும் கழிவு நீர் சுத்தகரிப்பு ஆகியவை இல்லாமையே இரைப்பைக் குடல் அழற்சித் தொற்று பரவுதலுக்குப் பங்களிக்கின்றன. தற்போது மரண விகிதங்கள் பெருமளவு குறைந்து, வருடத்திற்குச் சுமார் 1.5 மில்லியன் என்னும் கணக்கிலாக 2000ஆம் ஆண்டில் குறைந்து விட்டன. உலகெங்கும் வாய்வழி வறட்சி நீக்கல் சிகிச்சை அறிமுகமானதே இதற்கு முக்கிய காரணமாகும்.[40]

வளர்ந்த நாடுகளில் நிகழ்வுகளின் எண்ணிக்கையானது ஒரு குழந்தைக்கு ஒரு வருடத்திற்கு 1-2.5 என்பதாக உள்ளது. இந்த வயதுக் குழந்தைகள் மருத்துவ மனையில் சேர்க்கப்படுவதற்கு இதுவே முதன்மையான காரணமாகவும் உள்ளது.[சான்று தேவை]

வயது, வாழும் சூழல், சுகாதாரம் மற்றும் கலாசார ரீதியான வழக்கங்கள் ஆகியவை முக்கிய காரணிகள். தட்பவெப்ப நிலையைப் பொறுத்து நோயின் மூலக் காரணிகள் மாறுபடும். மேலும், குளிர் காலங்களிலும், மித வெப்ப பருவ நிலைகள் மற்றும் வெப்ப மண்டலங்களில் வேனிற்காலங்களிலும் இரைப்பைக் குடல் அழற்சியின் பெரும்பான்மையான நிகழ்வுகள் உருவாகின்றன.[13]

வரலாறு[தொகு]

20ஆம் நூற்றாண்டுக்கு முன்னர் "இரைப்பைக் குடல் அழற்சி" என்னும் சொல் பொதுவான பயன்பாட்டில் இல்லை. தற்போது இரைப்பைக் குடல் நோய் எனக் கண்டறியப்படுவது, அக்காலங்களில், மேலும் குறிப்பாக , குடற்காய்ச்சல், அல்லது "காலரா மொபஸ்" போன்றவையாகவோ அல்லது குறைவான அளவில் , "குடல் இறுக்கம்", "முகு நிலை", "ஒழுக்கி", "சூலை", "குதப் பிரச்சினை" என்பனவாகவோ அறியப்பட்டன.[41] அண்மைக்காலம் வரையிலும் இரைப்பைக் குடல் நோய் என்பது குறிப்பான ஒரு நோயாகக் கண்டறியப்படவில்லை என்பதை, வரலாற்றாசிரியர்கள், பரம்பரை இயலாளர்கள் மற்றும் இதர ஆராய்ச்சியாளர்கள் கருத்தில் கொள்ள வேண்டும்.

1850ஆம் ஆண்டு ஜூலைத் திங்கள் ஒன்பதாம் நாள் அமெரிக்க ஐக்கிய நாடுகளின் அதிபர் ஜாச்சாரி டெய்லர் இரைப்பைக் குடல் அழற்சி காரணமாக இறந்தார்.[42]

குறிப்புதவிகள்[தொகு]

  1. 1.0 1.1 1.2 Kasper DL, Braunwald E, Fauci AS, Hauser SL, Longo DL, Jameson JL. Harrison's Principles of Internal Medicine. New York: McGraw-Hill, 2005. 0-07-288008-2.
  2. King CK, Glass R, Bresee JS, Duggan C (November 2003). "Managing acute gastroenteritis among children: oral rehydration, maintenance, and nutritional therapy". MMWR Recomm Rep 52 (RR-16): 1–16. பப்மெட் 14627948. 
  3. "Norovirus: Technical Fact Sheet". National Center for Infectious Diseases, CDC.
  4. 4.0 4.1 Murray PR, Pfaller MA, Rosenthal KS. Medical Microbiology. Mosby, 2005. ISBN 0-323-03303-2.
  5. Seven Surfing Sicknesses.
  6. 6.0 6.1 6.2 6.3 The Oxford Textbook of Medicine . Edited by David A. Warrell, Timothy M. Cox and John D. Firth with Edward J. Benz, Fourth Edition (2003), Oxford University Press, ISBN 0-19-262922-0
  7. Haffejee IE (1991). "The pathophysiology, clinical features and management of rotavirus diarrhoea". Q. J. Med. 79 (288): 289–99. பப்மெட் 1649479. 
  8. Patel MM, Tate JE, Selvarangan R, et al. (2007). "Routine laboratory testing data for surveillance of rotavirus hospitalizations to evaluate the impact of vaccination" (Subscription required). Pediatr. Infect. Dis. J. 26 (10): 914–9. doi:10.1097/INF.0b013e31812e52fd. பப்மெட் 17901797. 
  9. Pediatric ROTavirus European CommitTee (PROTECT) (2006). "The paediatric burden of rotavirus disease in Europe". Epidemiol. Infect. 134 (5): 908–16. doi:10.1017/S0950268806006091. பப்மெட் 16650331. 
  10. Beards GM (1988). "Laboratory diagnosis of viral gastroenteritis". Eur. J. Clin. Microbiol. Infect. Dis. 7 (1): 11–3. doi:10.1007/BF01962164. பப்மெட் 3132369. 
  11. Steel HM, Garnham S, Beards GM, Brown DW (1992). "Investigation of an outbreak of rotavirus infection in geriatric patients by serotyping and polyacrylamide gel electrophoresis (PAGE)". J. Med. Virol. 37 (2): 132–6. doi:10.1002/jmv.1890370211. பப்மெட் 1321223. 
  12. 12.0 12.1 12.2 12.3 12.4 12.5 Sleisenger & Fordtran's Gastrointestinal and Liver Disease 7th edition, by Mark Feldman; Lawrence S. Friedman; and Marvin H. Sleisenger, ISBN 0-7216-8973-6, Hardback, Saunders, Published July 2002
  13. 13.0 13.1 13.2 13.3 Mandell's Principles and Practices of Infection Diseases 6th Edition (2004) by Gerald L. Mandell MD, MACP, John E. Bennett MD, Raphael Dolin MD, ISBN 0-443-06643-4 · Hardback · 4016 Pages Churchill Livingstone
  14. "Gastroenteritis (cont.)". பார்த்த நாள் 2010-04-05.
  15. "www.cdc.gov".
  16. "Flu (Influenza) Definition & Natural Remedies". பார்த்த நாள் 2010-04-05.
  17. "Viral Gastroenteritis". பார்த்த நாள் 2010-04-05.
  18. "Viral Gastroenteritis". பார்த்த நாள் 2010-04-05.
  19. 19.0 19.1 19.2 "Diarrhoea and vomiting in children under 5".
  20. "Practice parameter: the management of acute gastroenteritis in young children. American Academy of Pediatrics, Provisional Committee on Quality Improvement, Subcommittee on Acute Gastroenteritis". Pediatrics 97 (3): 424–35. 1996. பப்மெட் 8604285. 
  21. Alhashimi D, Al-Hashimi H, Fedorowicz Z (2009). "Antiemetics for reducing vomiting related to acute gastroenteritis in children and adolescents". Cochrane Database Syst Rev (2): CD005506. doi:10.1002/14651858.CD005506.pub4. பப்மெட் 19370620. 
  22. "BestBets: Fluid Treatment of Gastroenteritis in Adults".
  23. Canavan A, Arant BS (October 2009). "Diagnosis and management of dehydration in children". Am Fam Physician 80 (7): 692–6. பப்மெட் 19817339. 
  24. Gregorio GV, Gonzales ML, Dans LF, Martinez EG (2009). "Polymer-based oral rehydration solution for treating acute watery diarrhoea". Cochrane Database Syst Rev (2): CD006519. doi:10.1002/14651858.CD006519.pub2. பப்மெட் 19370638. 
  25. 25.0 25.1 "Managing Acute Gastroenteritis Among Children: Oral Rehydration, Maintenance, and Nutritional Therapy".
  26. "BestBets: Gradual introduction of feeding is no better than immediate normal feeding in children with gastro-enteritis". பார்த்த நாள் December 6, 2008.
  27. 27.0 27.1 King CK, Glass R, Bresee JS, Duggan C (November 2003). "Managing acute gastroenteritis among children: oral rehydration, maintenance, and nutritional therapy". MMWR Recomm Rep 52 (RR-16): 1–16. பப்மெட் 14627948. http://www.cdc.gov/mmwr/preview/mmwrhtml/rr5216a1.htm. 
  28. DeCamp LR, Byerley JS, Doshi N, Steiner MJ (September 2008). "Use of antiemetic agents in acute gastroenteritis: a systematic review and meta-analysis". Arch Pediatr Adolesc Med 162 (9): 858–65. doi:10.1001/archpedi.162.9.858. பப்மெட் 18762604. 
  29. Mehta S, Goldman RD (2006). "Ondansetron for acute gastroenteritis in children". Can Fam Physician 52 (11): 1397–8. பப்மெட் 17279195. PMC 1783696. http://www.cfp.ca/cgi/pmidlookup?view=long&pmid=17279195. 
  30. Alhashimi D, Al-Hashimi H, Fedorowicz Z (2009). "Antiemetics for reducing vomiting related to acute gastroenteritis in children and adolescents". Cochrane Database Syst Rev (2): CD005506. doi:10.1002/14651858.CD005506.pub4. பப்மெட் 19370620. 
  31. Alhashimi D, Al-Hashimi H, Fedorowicz Z (2009). "Antiemetics for reducing vomiting related to acute gastroenteritis in children and adolescents". Cochrane Database Syst Rev (2): CD005506. doi:10.1002/14651858.CD005506.pub4. பப்மெட் 19370620. 
  32. Traa BS, Walker CL, Munos M, Black RE (April 2010). "Antibiotics for the treatment of dysentery in children". Int J Epidemiol 39 Suppl 1: i70–4. doi:10.1093/ije/dyq024. பப்மெட் 20348130. 
  33. Grimwood K, Forbes DA (December 2009). "Acute and persistent diarrhea". Pediatr. Clin. North Am. 56 (6): 1343–61. doi:10.1016/j.pcl.2009.09.004. பப்மெட் 19962025. 
  34. "Does yogurt decrease acute diarrhoeal symptoms in children with acute gastroenteritis".
  35. Rehydrate.org: Zinc Supplementation
  36. Patel A, Dibley MJ, Mamtani M, Badhoniya N, Kulkarni H (2009). "Zinc and copper supplementation in acute diarrhea in children: a double-blind randomized controlled trial". BMC Med 7: 22. doi:10.1186/1741-7015-7-22. பப்மெட் 19416499. 
  37. "Diarrhoea and vomiting in children under 5".
  38. Arya SC (1984). "Rotaviral infection and intestinal lactase level". J. Infect. Dis. 150 (5): 791. பப்மெட் 6436397. 
  39. Parashar UD, Hummelman EG, Bresee JS, Miller MA, Glass RI (May 2003). "Global illness and deaths caused by rotavirus disease in children". Emerging Infect. Dis. 9 (5): 565–72. பப்மெட் 12737740. 
  40. Victora CG, Bryce J, Fontaine O, Monasch R (2000). "Reducing deaths from diarrhoea through oral rehydration therapy". Bull. World Health Organ. 78 (10): 1246–55. பப்மெட் 11100619. 
  41. Rudy's List of Archaic Medical Terms
  42. "Biography of Zachary Taylor" from The White House

புற இணைப்புகள்[தொகு]

இரையகக்குடலிய அழற்சி பற்றிய மேலதிக தகவல்களைப் பார்க்க தொடர்புடையத் திட்டங்கள்:

Wiktionary-logo-en.png விக்சனரி விக்சனரி
Wikibooks-logo.svg நூல்கள் விக்கிநூல்
Wikiquote-logo.svg மேற்கோள் விக்கிமேற்கோள்
Wikisource-logo.svg மூலங்கள் விக்கிமூலம்
Commons-logo.svg விக்கிபொது
Wikinews-logo.png செய்திகள் விக்கிசெய்தி


வார்ப்புரு:Viral diseases வார்ப்புரு:Inflammation

"http://ta.wikipedia.org/w/index.php?title=இரையகக்குடலிய_அழற்சி&oldid=1596164" இருந்து மீள்விக்கப்பட்டது