இரண்டாம் புலிகேசி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
இரண்டாம் புலிகேசியின் காலத்தில் சாளுக்கியப் பேரரசின் எல்லைகள் கிபி 640

இரண்டாம் புலிகேசி (கிபி 610 - 642) சாளுக்கிய மரபின் மிகவும் புகழ் பெற்ற மன்னனாவான். இவனுடைய காலத்தில் சாளுக்கியப் பேரரசு தக்காணத்தின் பெரும் பகுதியை உள்ளடக்கியதாக விளங்கியது.

தொடக்க காலமும், அரியணை ஏறலும்[தொகு]

இவனது இயற்பெயர் எரேயா. முடி சூட்டிக்கொண்டபோது புலிகேசி என்னும் பெயர் பெற்றான். இவன் சாளுக்கிய மன்னன் முதலாம் கீர்த்திவர்மனின் மகன் ஆவான். கிபி 597 ஆம் ஆண்டில் இவனது தந்தை கீர்த்திவர்மன் இறந்தபோது இவன் மிகவும் இளம் வயதினனாக இருந்தான். இதனால் இவனது சிறிய தந்தையான மங்களேசன் பகர ஆளுனராகப் பொறுப்பேற்று ஆட்சி நடத்தி வந்தான். மங்களேசனும் திறமையான ஆட்சியாளனாகவே இருந்தான். அவனது காலத்திலும் சாளுக்கிய அரசின் எல்லைகள் விரிவடைந்தன. பதவி ஆசை காரணமாக, எரேயா பருவமடைந்த பின்னரும் அவனுக்கு உரிய அரசுரிமையைக் கொடாமல் தனது வழியில் அரசுரிமையைத் தக்கவைத்துக்கொள்வதற்காகத் தனது மகனை முடிக்குரியவனாக மங்களேசன் அறிவித்தான்.


எரேயா பாதமியை விட்டுச் சென்று பனா (கோலார்) பகுதியில் மறைந்திருந்து கொண்டு தனது கூட்டாளிகளின் உதவியுடன் படை திரட்டி மங்களேசன் மீது போர் தொடுத்தான். பெட்டவடகூர் கல்வெட்டுக் கூறுவதன்படி எலப்பட்டு சிம்பிகே என்னும் இடத்தில் இடம்பெற்ற போரில் மங்களேசன் தோல்வியடைந்து கொல்லப்பட்டான். எரேயா இரண்டாம் புலிகேசி என்னும் பெயருடன் சாளுக்கிய அரியணையில் அமர்ந்தான்.

"http://ta.wikipedia.org/w/index.php?title=இரண்டாம்_புலிகேசி&oldid=1357960" இருந்து மீள்விக்கப்பட்டது