இயற்கை

1982 ஆம் ஆண்டின் கலுங்குங் எரிமலை வெடிப்பின்போது மின்னர் தாக்கும் காட்சி. ஒரு இயற்கை நிகழ்வு.

ஹோப்டூன் அருவி, ஆஸ்திரேலியா. சுற்றுலாப் பயணிகளைப் போதிய அளவு அனுபதிக்கும் அதே வேளை, இவற்றின் இயற்கை இயல்புகளைப் பாதுகாப்பதிலும் கவனம் செலுத்தப்படுகின்றது.

இயற்கை என்பது இயல்பாக இருப்பது என்னும் பொருள் கொண்டது. இதனால், இயல்பாக இருக்கும் உலகம், இயற்பியல் அண்டம் என்பன இயற்கையுள் அடங்குகின்றன. இயற்கை இயற்பியல் உலகின் தோற்றப்பாடுகளையும், உயிர்வாழ் இனங்களையும் குறிக்கிறது. மனிதனால் உற்பத்தி செய்யப்படும் பொருட்களும், மனித செயற்பாடுகளின் விளைவான பிறவும் இயற்கை என்பதற்குள் அடங்குவதில்லை. இயற்கை பொதுவாக இயல்பு கடந்தவற்றில் இருந்து வேறுபாடானது. இது, அணுவிலும் சிறிய துகள்கள் சார்ந்தனவாகவோ அல்லது நாள்மீன்பேரடைகளைப் போல் மிகப் பெரிய அளவு சார்ந்தனவாகவோ இருக்கலாம்.