இதரவிதர உவமையணி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

இதரவிதர உவமையணி என்பது உவமையணியின் ஒரு வகையாகும். இதனை 'தடுமாறுவமை' என்றும் கூறுவர். பொருளாகக் கூறப்பட்டது சில சமயம் உவமையாகவும். உவமையானது சில சமயம் பொருளாகவும் மாறி மாறி ஒரு தொடர்ச்சியாக வருவது இதர விதரம் ஆகும். (இதரம்+ இதரம் =இதரவிதரம்- ஒன்றுக்கொண்டு என்பது பொருள்)
சான்று

களிக்கும் கயல்போலும் நுங்கண்; நும் கண்போல்
களிக்கும் கயலும்; கனிவாய்த் - தளிர்க்கொடியீர்!
தாமரை போல்மலரும் நும்முகம்; நும்முகம்போல்
தாமரையும் செவ்வி தரும்.

விளக்கம்:
கயல் போலும் நுங்கண்; நுங்கண் போல் களிக்கும் கயல் எனப் பொருளும் உவமையும் ஒன்றுக்கொன்று உவமையாய்த் தொடர்ந்து வந்தமையால் இது இதரவிதர உவுவமையாயிற்று. இதரவிதர உவமை அணியை சந்திராலோகம் என்ற இலக்கண நூல், புகழ்பொருளுவமை எனக் கூறுகிறது.

உசாத்துணை[தொகு]

தா.ம. வெள்ளைவாரணம் ,'தண்டியலங்காரம், திருப்பனந்தாள் மட வெளியீடு. 1968

"http://ta.wikipedia.org/w/index.php?title=இதரவிதர_உவமையணி&oldid=959058" இருந்து மீள்விக்கப்பட்டது