இசைத்தமிழ்க் கலம்பகம்
இசைத் தமிழ்க் கலம்பகம் என்பது 1966ல் தேவநேயப்பாவாணரால் வெளியிடப்பட்ட 303 இசைப்பாடல்களைக் கொண்ட நூலாகும். குறியீட்டு விளக்கம், பாட்டுறுப்புப் பெயர்கள், தாளப் பெயர்கள் பற்றி குறிப்பிட்டுள்ளார்.
பாட்டு உறுப்புக்கள்[தொகு]
- பல்லவி என்பதை தமிழ்ச் சொல்லாகவே கொள்கிறார் பாவாணர்.
- துணைப்பல்லவி
- சரணம் என்பதை உருவடி (உரு- பாட்டு, அடி- சரணத்தின் நேரடி மொழிபெயர்ப்பு)என்றும்,
- தொகையரா எனும் உருதுச் சொல்லை, உரைப்பாட்டு என்றும் மொழிபெயர்த்துள்ளார்.
தாளம்[தொகு]
தாளம் என்பது ஆடலின் போது காலால் தட்டுவதையும்(தாள்-பாதம்), பாணி என்பது பாடுவோர் கையால் தட்டலையும் குறிக்கும். (பண்-பாணி=கை)[1] அறுவகை தாளங்களையும் பின்வருமாறு மொழிபெயர்க்கிறார்.
- ஏகம் - ஒற்றை
- ஆதி - முன்னை
- ரூபகம் - ஈரொற்று
- சம்பை - மூவொற்று
- திரிபுடை- மூப்புடை
- சாப்பு - இணையொற்று
சில கலம்பகக் கீற்றுகள்[தொகு]
''அன்றிருந்ததும் அயன்மொழி இன்று வந்ததும் அயன்மொழி என்றுதான் இங்குத் தமிழ்மொழி ஏத்துநாட்டினை வாழ்த்து மொழி'' (150)
என மொழி விடுதலை இன்மையை எளிமையாய்ச் சிந்திக்க வைக்கிறார்.
''எளிதாகப் பேசுமொழி தமிழ்பாப்பா-மூச் சிழுக்கும் வல்லொலி யதில் இல்லை பாப்பா பேசு பாப்பா - தமிழ் பேசுபாப்பா'' (251)
என மழலைகளுக்கு மொழிகிறார்.
'' எல்லோரும் இன்பமுறவே இறைவனருளால் மங்களம்'' ''பொல்லாப் பகையும் பசியும் பிணியும் இல்லாமல் எங்கும் நன்கணம்'' (303)
என இசைத்தமிழ் கலம்பகத்தை இனிக்க முடிக்கிறார்.
மேற்கோள்கள்[தொகு]
<references>
இவற்றையும் பார்க்கவும்[தொகு]
- ↑ இசைத்தமிழ்க் கலம்பகம், பகுதி: குறியீட்டு விளக்கம்