ஆற்காடு வீராசாமி

ஆற்காடு நா. வீராசாமி
தனிப்பட்ட விவரங்கள்
பிறப்பு	ஏப்ரல் 21, 1931 (1931-04-21) குப்புடிச்சாத்தம், ஆற்காடு வட்டம், இராணிப்பேட்டை மாவட்டம்
அரசியல் கட்சி	திராவிட முன்னேற்றக் கழகம்
வாழிடம்(s)	சென்னை, தமிழ்நாடு, இந்தியா

ஆற்காடு நா. வீராசாமி, (ஆங்கிலம் Arcot N. Veeraswami) என்பவர் தமிழக அரசியல்வாதியும் முன்னாள் அமைச்சரும் ஆவார். இவர் தமிழ்நாடு மின்சாரத்துறை அமைச்சராகப் பணியாற்றியுள்ளார். திராவிடக் கொள்கையில் பற்றுக் கொண்ட இவர், திராவிட முன்னேற்றக் கழகத்தின் தொடக்கக் காலம் முதல் முக்கிய பங்கு வகிக்கித்தவர் ஆவார். திமுகவின் பொருளாளராக 1994 முதல் 2008 வரை பணியாற்றியுள்ளார்.. தமிழக சட்டப்பேரவை எதிர்கட்சி துணை தலைவர் 2001 முதல் 2005 வரை பணியாற்றியுள்ளார் . மூன்று முறை அமைச்சராக பணியாற்றியுள்ளார். இராணிப்பேட்டை மாவட்டம் ஆற்காடு அருகேயுள்ள குப்புடிச்சாத்தம் கிராமத்தில் 21 ஏப்ரல் 1931ஆம் ஆண்டு பிறந்தார். 1967, 1971இல் ஆற்காடு சட்டமன்றத் தொகுதியில் இருந்தும், 1989ல் புரசைவாக்கம் சட்டமன்றத் தொகுதியில் இருந்தும், 1996, 2001 2006ல் அண்ணா நகர் சட்டமன்றத் தொகுதியில் இருந்தும் தேர்ந்தெடுக்கப்பட்டு தமிழக சட்டபேரவை உறுப்பினராகப் பணியாற்றியுள்ளார். 1977 மற்றும் 1988 வரை மாநிலச் சட்ட மேலவை உறுப்பினராகவும் 10 ஆண்டுகள் மேலவை உறுப்பினராக பணியாற்றியுள்ளார்.இதற்கிடையில், சட்டப் பேரவை உறுப்பினராக பணியாற்றிய அவர், 1984 ராஜ்யசபா தேர்தலில் போட்டியிட்டார். ஆனால், அப்போது அதிமுகவின் பிரச்சார செயலாளராக இருந்த ஜெ. ஜெயலலிதா விடம் தோல்வியடைந்தார். 2011ஆம் ஆண்டு நடைபெற்ற தமிழகச் சட்டமன்ற தேர்தலில் உடல்நிலை சரியில்லை என்ற காரணத்தால் இவர் போட்டியிடவில்லை.

ஆண்டு	சட்டமன்றத் தொகுதி	முடிவு
1967	ஆற்காடு	வெற்றி
1971	ஆற்காடு	வெற்றி
1977	சட்ட மேலவை	வெற்றி
1984	ராஜ்ய சபை	தாேல்வி
1984	சட்ட மேலவை	வெற்றி
1989	புரசைவாக்கம்	வெற்றி
1996	அண்ணாநகர்	வெற்றி
2001	அண்ணாநகர்	வெற்றி
2006	அண்ணாநகர்	வெற்றி