ஆம் ஆத்மி கட்சி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
எளிய மக்கள் கட்சி
(ஆம் ஆத்மி கட்சி)
Aam Aadmi Party logo.svg
கட்சியின் பாராளுமன்றத் தலைவர்
கட்சியின் மக்களவைத் தலைவர்
கட்சியின் மாநிலங்களவைத் தலைவர்
தொடக்கம் 26 நவம்பர் 2012
தலைமையகம் புது தில்லி
அதிகாரப் பட்ச அரசியல்
நிலைப்பாடு/
கொள்கை
ஊழல் எதிர்ப்பு
தளம் www.aamaadmiparty.org

ஆம் ஆத்மி கட்சி (Aam Aadmi Party, தேவநாகரி: आम आदमी पार्टी), என்பது தமிழகத்தில் எளிய மக்கள் கட்சி என அழைக்கப்படும் அரசியல் கட்சியாகும். இது அரவிந்த் கெஜ்ரிவால் என்பவரால் 26 நவம்பர் 2012ல் தில்லியில் தொடங்கப்பட்டது. [1][2] .

ஜன் லோக்பால் மசோதாவைக் கோரி 2011-ஆம் ஆண்டு முதல் இயங்கி வரும் அண்ணா ஹசாரேவின் ஊழலுக்கு எதிரான இந்தியா எனும் இயக்கத்தை அரசியலாக்க வேண்டும் என்ற சிந்தனையில் அரவிந்த் கெஜ்ரிவாலால் உருவாகியது இந்த கட்சி.

இந்த கட்சி உருவாகியது முதலே ஊழலுக்கும்எதிராக, மக்கள் நலனுக்கும் பல்வேறு போராட்டங்களில் ஈடுப்பட்டுள்ளது. டெல்லியில் தண்ணீர் மற்றும் மின்சாரத்தின் விலை ஏற்றத்திற்கு காரணம் அரசு மற்றும் தனியாருக்கு சொந்தமான கழகங்களுக்கும் இடையே உள்ள தொடர்பை வெளிப்படுத்தியது. கற்பழிப்பிற்கு எதிரான கடுமையான சட்டத்தை அறிமுகப்படுத்தக் கோரி, கற்பழிக்கப்பட்டவர்கள் மற்றும் பாலியல் வன்முறையால் பாதிக்கப்பட்டவர்களுக்கு குரல் கொடுத்து போராட்டம் நடத்தியது.[3][4][5]

2013 தில்லி சட்ட பேரவை தேர்தலில் அறிமுகமான இந்த கட்சி தில்லியில் இரண்டாவது பெரிய கட்சியாக உருவெடுத்துள்ளது. 2013 டெல்லி சட்டப்பேரவைத் தேர்தல் முடிவுகளின் படி இக்கட்சி மொத்தமுள்ள 70 இடங்களில் 28 இடங்களில் வெற்றி பெற்றுள்ளது.[6].

தேர்தல் ஆணைய அங்கீகாரம்[தொகு]

எளிய மக்கள் கட்சிக்கு இந்திய தேர்தல் ஆணையம் மாநிலக் கட்சி அங்கீகாரம் அளித்துள்ளது. அதாவது, இந்திய தேர்தலில் குறைந்தது மூன்று சதவிகித இடங்களை கைப்பற்றும் அல்லது மொத்த வாக்குகளில் குறைந்தது 6 சதவிகித வாக்குகளைப் பெறும் கட்சிகளுக்கு தேர்தல் ஆணையம் அங்கீகாரம் வழங்கும். அதன்படி தில்லி சட்டமன்றத் தேர்தலில் எளிய மக்கள் கட்சி 28 இடங்களைக் கைப்பற்றியுள்ளதால், அக்கட்சிக்கு அங்கீகாரம் வழங்கப்பட்டுள்ளது. மேலும், தேர்தலில் போட்டியிட பயன்படுத்திய துடைப்பம் சின்னத்தையே, கட்சி சின்னமாக அங்கீகரித்துள்ளது. [7]

தில்லி சட்டமன்ற தேர்தல்[தொகு]

தில்லி சட்டமன்றத்துக்கு நடந்த தேர்தலில் இக்கட்சி 28 இடங்களில் வென்றது. 8 இடங்களில் வென்ற காங்கிரஸ் வெளியில் இருந்து ஆதரிப்பதாக ஆளுநருக்கு கடிதம் மூலம் சொன்னதால்[8] [9]இக்கட்சி ஆட்சி அமைக்கிறது. புது தில்லி தொகுதியில் வென்ற அரவிந்த் கெஜ்ரிவால் டிசம்பர் 28, 2013 அன்று முதல்வராக பொறுப்பேற்றுக்கொண்டார் [10].[11] இக்கட்சியிலிருந்து நீக்கப்பட்ட சட்டமன்ற உறுப்பினர் வினோத் குமார் பின்னி தனது ஆதரவை விலக்கிக்கொண்டுள்ளார். [12][13] ஜன லோக்பால் என்ற சட்டத்தை நிறைவேற்ற சட்டமன்றத்தில் போதிய ஆதரவு இல்லாததால் அறிவித்த படி இக்கட்சியின் முதல்வர் கெஜ்ரிவாலும் அவரது அமைச்சர்களும் பதவி விலகினார்[14][15]


தமிழகம்[தொகு]

இந்தியா முழுவதும் 2.5 லட்சம் பேர் புதிதாக சேர்ந்துள்ள இக்கட்சியில், தமிழகத்தில் புதிதாக 30 ஆயிரம் பேர் சேர்ந்துள்ளார்கள்.[16]. மொத்தமாக தமிழகத்திலிருந்து இதுவரை 42,000 பேர் எளிய மக்கள் உறுப்பினர்களாகச் சேர்ந்துள்ளனர். [17] ஆம் ஆத்மி கட்சி என்று வழங்கப்பட்டு வந்ததை, தான் வேட்பாளராக அறிவிக்கப்பட்ட பின்னர் சு. ப. உதயகுமார் இதனை தமிழில் எளிய மக்கள் கட்சி என பெயர் மாற்றி அழைத்தார்.[18]

எளிய மக்கள் அரசு செய்த சாதனைகள்[தொகு]

எளிய மக்கள் கட்சி தான் பதிவி வகித்த 49 நாட்களில், ஊழலுக்கு எதிரான பல பணிகளை செய்து முடித்து.[19]

  1. டெல்லியில் உள்ள வீடுகளுக்கு மாதம் 700 லிட்டர் இலவச குடிநீர் திட்டம்.
  2. 400 யூனிட்டுகளுக்கு குறைவாக மின்சாரம் உபயோகித்தவர்களுக்கு மின்கட்டணம் பாதியாக குறைப்பு.
  3. காமன் வெல்த் விளையாட்டு ஊழலுக்கு எதிராக பல வழக்குகளை தொடர்ந்தது.
  4. ஊழலுக்கு எதிரான இலவச அழைப்பு மையத்தை ஏற்ப்படுத்தியது.
  5. டெல்லி பல்கலைகழகத்தில் டெல்லி மாணவர்களுக்கு என்று 90% சதவிகித இட ஒதுக்கீட்டை ஒதுக்கியது.
  6. ஊழலுக்கு எதிரான வலுவான சட்டம் என்று கருதப்படும் ஜன் லோக்பால் மசோதாவை தாக்கல் செய்யவிடாமல் பி.ஜெ.பி மற்றும் இந்திய காங்கிரஸ் கட்சிகள் எதிர்த்தால், எளிய மக்கள் கட்சி தான் கூறியவாறு தனது அரசை கலைத்தது.
  7. எரிவாயு சிலிண்டர் விடயத்தில் ரிலையன்ஸ் நிறுவனம் செய்த ஊழலை காரணமாக முகேஷ் அம்பானி, வீரப்ப மொய்லி, மற்றும் முரளி தேரோக்கு எதிராக முதல் தகவல் அறிக்கையை தாக்கல் செய்தது.

வரவேற்பு[தொகு]

இணையதளங்களிலும், சமூக வலைதளங்களிலும் எளிய மக்கள் கட்சிக்கு, சுமார் "பதினாறு லட்சம் மக்கள்" இதுவரை ஆதரவு தெரிவித்துள்ளனர். [20]

மேற்கோள்[தொகு]

  1. http://www.dinakaran.com/News_detail.asp?Nid=31962
  2. http://www.thinaboomi.com/2012/11/25/17253.html
  3. PTI (19 May 2013). "AAP workers protest at residences of Delhi CM, MLAs". Times of India (New Delhi). http://economictimes.indiatimes.com/news/politics-and-nation/aap-workers-protest-at-residences-of-delhi-cm-mlas/articleshow/20139755.cms. 
  4. "Delhi police arrests driver on rape charge after AAP activists protest". India Tv News channel (New Delhi). 24 May 2013. http://www.indiatvnews.com/news/india/delhi-police-arrests-driver-on-rape-charge-after-aap-activists-p-23226.html. 
  5. "Promise to Keep". Frontline Magzine (15–28 Dec. 2012). பார்த்த நாள் 3 August 2012.
  6. http://timesofindia.indiatimes.com/assembly-elections-2013/assemblyelectionresultmap.cms?stateid=delhi
  7. "எளிய மக்கள் கட்சிக்கு அங்கீகாரம்" (இ-பேப்பர்). தீக்கதிர் (டிசம்பர் 21, 2013). மூல முகவரியிலிருந்து டிசம்பர் 21, 2013 அன்று பரணிடப்பட்டது. பார்த்த நாள் டிசம்பர் 21, 2013.
  8. "Support to Arvind Kejriwal's AAP is not 'unconditional,' says Congress". ndtv. பார்த்த நாள் 28 திசம்பர் 2013.
  9. "Delhi: Congress officially hands over letter of support for AAP to L-G". ibnlive. பார்த்த நாள் 28 திசம்பர் 2013.
  10. "As Kejriwal takes oath, Sheila Dikshit pack bags, books and paintings". indianexpress. பார்த்த நாள் 28 திசம்பர் 2013.
  11. "Arvind Kejriwal's swearing-in: Congress absent, BJP's Harsh Vardhan attends". ndtv. பார்த்த நாள் 28 திசம்பர் 2013.
  12. "Rebel MLA Binny withdraws support from AAP government". Mail Online India. பார்த்த நாள் 11 பெப்ரவரி 2014.
  13. "Rebel MLA Vinod Kumar Binny expelled from Aam Aadmi Party". India Today. பார்த்த நாள் 11 பெப்ரவரி 2014.
  14. "Back to Aam Aadmi. Arvind Kejriwal quits as Delhi Chief Minister". Ndtv. பார்த்த நாள் 14 பெப்ரவரி 2014.
  15. "Arvind Kejriwal's resignation letter: full text". Ndtv. பார்த்த நாள் 14 பெப்ரவரி 2014.
  16. விரைவில் எளிய மக்கள் மாநாடு
  17. தினத்தந்தி, 10-1-2014 ; பக்கம் 11 -- தமிழகத்தில் எளிய மக்கள் போட்டி
  18. http://www.newindianexpress.com/states/tamil_nadu/Day-After-Udayakumar-Calls-it-Eliya-Makkal-Katchi/2014/03/02/article2085708.ece
  19. http://aapnewslive.in/work-achievement-actions-aap-49-days-complete-list/
  20. https://www.facebook.com/AamAadmiParty/likes on 19/02/2014

வார்ப்புரு:எளிய மக்கள் கட்சி

"http://ta.wikipedia.org/w/index.php?title=ஆம்_ஆத்மி_கட்சி&oldid=1637988" இருந்து மீள்விக்கப்பட்டது