அனைத்திந்திய அண்ணா திராவிட முன்னேற்றக் கழகம்

அனைத்திந்திய அண்ணா திராவிட முன்னேற்றக் கழகம்
தலைவர்	ஜெயலலிதா
நிறுவல்	எம். ஜி. இராமச்சந்திரன், அக்டோபர் 17, 1972
தலைமையகம்	#226, அவ்வை சன்முகம் சாலை, ராயப்பேட்டை, சென்னை - 600014
கூட்டணி	தேசிய ஜனநாயகக் கூட்டனி (1998 & 2004-06) மூன்றாவது அணி (2008-present)
கொள்கை நிலை	சமூக ஜனநாயகம்/Populist
வெளியீடுகள்	Dr. நமது எம்ஜிஆர்
வலைத்தளம்	http://www.aiadmkallindia.org/
கட்சிக் கொடி
இந்திய அரசியல் கட்டுரையையும் பார்க்க

அனைத்திந்திய அண்ணா திராவிட முன்னேற்றக் கழகம் இந்தியாவில் குறிப்பாக தென்னிந்தியாவில் ஒரு முக்கிய அரசியற் கட்சியாகும். இக்கட்சி மறைந்த தமிழ்நாடு முதலமைச்சர் எம். ஜி. இராமச்சந்திரனால் (எம்.ஜி.ஆர்) ஆரம்பிக்கப்பட்டது.

வரலாறு

காலஞ்சென்ற சி. என். அண்ணாதுரையின் மறைவுக்குப்பின் மு. கருணாநிதி திராவிட முன்னேற்றக் கழகத் தலைவராகவும், தமிழ்நாட்டின் முதல்வராகவும் ஆனார். அக்காலத்தில் கட்சியின் பொருளாளராக இருந்த எம்.ஜி.ஆர். கட்சியிலிருந்து நீக்கப்பட்டார். இதனைத் தொடர்ந்து எம்.ஜி.ஆரால் 1972ல் தொடங்கப்பட்ட இயக்கமே அண்ணா திராவிட முன்னேற்ற கழகம். இக்கட்சி பின்னர் அனைத்திந்திய அண்ணா திராவிட முன்னேற்றக் கழகம் எனப் பெயர் மாற்றம் செய்யப்பட்டது.

எம்.ஜி.ஆர். காலம்

எம்.ஜி.ஆரால் 1972ல் தொடங்கப்பட்ட அ.தி.மு.க. தனது முதல் தேர்தலை 1973ல் திண்டுக்கல் பாராளுமன்ற தொகுதிக்கான இடைத்தேர்தலின்போது சந்தித்தது. இத்தேர்தலில் அ.தி.மு.க. வேட்பாளர் மிக அதிக ஓட்டுகள் வித்தியாசத்தில் வெற்றி பெற்றார். அதைத் தொடர்ந்து 1977-ல் நடைபெற்ற தமிழக சட்டப்பேரவைத் தேர்தலில் இந்திய பொதுவுடமைக் கட்சி (மார்க்சியம்), அனைத்திந்திய பார்வார்டு பிளாக், இந்திய ஒன்றிய முஸ்லிம் லீக் ஆகிய கட்சிகளுடன் கூட்டணி அமைத்துப் போட்டியிட்டுப் பெரும்பாலான இடங்களில் வெற்றி கண்டது. நான்முனைப் போட்டியில் தி.மு.க. மொத்தமிருந்த 234 இடங்களில் வெறும் 48 இடங்களை மட்டுமே பெற்றது.

சினிமா துறையில் உள்ளவர்களும் அரசியலில் பிரகாசிக்க முடியும் என்ற இப்போதைய அரசியல்வாதிகளுக்கே முன்னோடியாக இருந்தும் இருப்பவரும் எம்.ஜி.ஆர் தான். இவரைப் பின் தொடர்ந்துதான் என்.டி.ராமராவ் ஆந்திராவில் நின்று வெற்றிபெற்றார். அதோடு பிரசாரத்திற்கே செல்லாமல் நின்று வெற்றிப்பெற்றவர் என்ற பட்டத்துக்கும் பெருமையானவர் எம்.ஜி.ஆர்.

ஏழைகளின் உண்மையான தலைவன் எம்.ஜி.ஆர் என்றே பலரும் கூறுகின்றனர். அனைத்து தரப்பு மக்களையும் மிக நேர்த்தியாக கவர்ந்த ஒரு மா மனிதர் எம்.ஜி.ஆர் என்றே பலரும் கூறுவதுண்டு.

கொடியின் வரலாறு

எம்.ஜி.ஆர் கட்சி ஆரமிக்க போவதாக செய்தியை அறிந்த எம்.ஜி.ஆரின் ரசிகர்கள் தாமரை படமிட்ட கொடியை கட்சி கொடியாக தங்கள் வீடுகளிலும், குடிசைகளிலும் ஏற்றினார்கள். அதன் பிறகு எம்.ஜி.ஆர், அண்ணாவின் புகைப்படங்களை ஆய்வு செய்து அதில் சிறப்பாக இருந்த அண்ணாவின் படமொன்றினை தேர்வு செய்தார். அதில் அண்ணா ஆனையிடுவதைப் போல தோற்றமளிப்பார். இந்த படத்தினை அண்ணா தோற்றுவித்த தி.மு.கவின் சிகப்பு கருப்பு கொடியோடு இணைத்து அண்ணா தி.மு.கவின் தற்போதைய கொடியமைப்பினை எம்.ஜி.ஆர் உருவாக்கினார்.

பெயர் மாற்றம்

அண்ணா திராவிட முன்னேற்ற கழகம் என்ற பெயரை அனைத்திந்திய அண்ணா திராவிட முன்னேற்ற கழகம் என்று எம்.ஜி.ஆர் மாற்றினார். இதற்கு கட்சிக்குள் சிலர் ஏற்கவில்லை என்றாலும், பின் எம்.ஜி.ஆர் பொதுச்செயலாளர் பதவியை விட்டு விலகுவதாக அறிவித்தப் பின் எல்லோரும் ஏற்றுக் கொண்டார்கள்.

எம்.ஜி.ஆரின் மறைவிற்கு பிறகு எழுந்த சர்ச்சை

தமிழக முதல்வராக இருந்த எம். ஜி. ராமச்சந்திரன் டிசம்பர் 24, 1987 அன்று மரணமடைந்தார். அவரது மறைவுக்குப் பின் யார் முதல்வராவது என்று அண்ணா திராவிட முன்னேற்றக் கழகத்தில் சர்ச்சை எழுந்தது. ஆர். எம். வீரப்பனின் ஆதரவுடன் எம்ஜியாரின் மனைவி ஜானகி ராமச்சந்திரன் முதல்வரானார். ஆனால் அதை கட்சியின் மற்றொரு முக்கிய தலைவரான ஜெ. ஜெயலலிதா ஏற்கவில்லை. 132 சட்ட மன்ற உறுப்பினர்கள் கொண்ட அதிமுகவில் 33 பேர் ஜெயலலிதாவை ஆதரித்தனர், மற்றவர்கள் ஜானகியை ஆதரித்தனர். எட்டாவது சட்டமன்றத்தின் பேரவைத் தலைவர் பி. எச். பாண்டியனும் ஜானகியை ஆதரித்தார்.

புதிய அரசின் மீது ஜனவரி 26, 1988 இல் நம்பிக்கை வாக்கெடுப்பு நடத்தப்பட்டது. திமுக, இந்திரா காங்கிரசு உள்ளிட்ட எதிர்கட்சிகள் வாக்கெடுப்பைப் புறக்கணித்தன. பதவி நீக்கம் செய்யப்பட்ட ஜெயலலிதா ஆதரவு உறுப்பினர்களுக்கும் ஜானகி ஆதரவு உறுப்பினர்களுக்கும் இடையே சட்டமன்றத்தில சச்சரவு ஏற்பட்டது. அவைத் தலைவர் ஜெயலலிதா தரப்பு உறுப்பினர்கள் அனைவரையும் வெளியேற்றி, வெறும் 111 உறுப்பினர்களுடன் நம்பிக்கை வாக்கெடுப்பை நடத்தினார். ஜானகி ராமச்சந்திரன் அதில் வெற்றி பெற்றார். ஜனவரி 21, 1989 இல் 232 தொகுதிகளுக்கு வாக்குப்பதிவு நடைபெற்றது. 69.69 % வாக்குகள் பதிவாகின. மருங்காபுரி மற்றும் மதுரை கிழக்கு ஆகிய இரு தொகுதிகளுக்கு நிர்வாக காரணங்களால் தேர்தல் நடைபெறவில்லை; இருமாதங்கள் கழித்து மார்ச் 11 ஆம் நாள் நடைபெற்றது. இதற்குள் அதிமுக கட்சி ஒண்றிணைந்து விட்டதால், மீண்டும் அதற்கு “இரட்டை இலை” சின்னம் ஒதுக்கப்பட்டது. ஜெயலலிதா தலைமையிலான அக்கட்சியே இரு தொகுதிகளிலும் வென்றது.

அ.தி.மு.க வின் வெற்றி,தோல்விகள்.

எம்.ஜி.ஆர்க்கு பின் திராவிட கட்சிகளான அதிமுகவும், திமுகவும் மாறி மாறிதான் ஆட்சிசெய்துகொண்டு வருகின்றன.

15வது மக்களவை

15வது மக்களவைக்கு அதிமுக 23 தொகுதிகளில் போட்டியிட்டு பின்வரும் 9 தொகுதிகளில் வெற்றி பெற்றது. 1. திருவள்ளூர் (தனி) 2. தென்சென்னை 3. விழுப்புரம் (தனி) 4. சேலம் 5. திருப்பூர் 6. பொள்ளாச்சி 7. கரூர் 8. திருச்சி 9. மயிலாடுதுறை

தமிழ்நாடு வேட்பாளர்கள் பட்டியல், வெற்றிபெற்ற வாக்குகள்

மக்களவை

வருடம்	பொதுத்தேர்தல்	கிடைத்த வாக்குகள்	வெற்றிபெற்ற தொகுதிகள்	வேட்பாளர் பட்டியல்
1977	6வது மக்களவை	5,365,076	17
1980	7வது மக்களவை	4,674,064	2
1984	8வது மக்களவை	3,968,967	12
1989	9வது மக்களவை	4,518,649	11
1991	10வது மக்களவை	4,470,542	11
1996	11வது மக்களவை	2,130,286	0
1998	12வது மக்களவை	6,628,928	18
1999	13வது மக்களவை	6,992,003	10
2004	14வது மக்களவை	8,547,014	0
2009	15வது மக்களவை	6,953,591	9

சட்டசபை

வருடம்	பொதுத்தேர்தல்	கிடைத்த வாக்குகள்	வெற்றிபெற்ற தொகுதிகள்	வேட்பாளர் பட்டியல்
1977	6வது சட்டசபை	5,194,876	131	[1]
1980	7வது சட்டசபை	7,303,010	129	[2]
1984	8வது சட்டசபை	8,030,809	134	pdf
1989	9வது சட்டசபை	148,630	2	pdf
1991	10வது சட்டசபை	10,940,966	164	pdf
1996	11வது சட்டசபை	5,831,383	4	pdf
2001	12வது சட்டசபை	8,815,387	132	pdf
2006	13வது சட்டசபை	10,768,559	61	pdf
2011	14வது சட்டசபை	1,41,49,681	146

புதுச்சேரி

வருடம்	பொதுத்தேர்தல்	கிடைத்த வாக்குகள்	வெற்றிபெற்ற தொகுதிகள்
1974	3வது சட்டசபை	60,812	12
1977	4வது சட்டசபை	69,873	14
1977	6வது மக்களவை	115,302	1
1980	5வது சட்டசபை	45,623	0
1985	6வது சட்டசபை	47,521	6
1990	7வது சட்டசபை	76,337	3
1991	8வது சட்டசபை	67,792	6
1996	9வது சட்டசபை	57,678	3
1998	12வது மக்களவை	102,622	0
2001	10வது சட்டசபை	59,926	3
2006	11வது சட்டசபை		3
2011	12வது சட்டசபை		5