அருகிய இனம்
| காப்பு நிலை |
|---|
| அழிந்து போவதற்கான சூழ் இடரின் அடிப்படையில் |
| இன அழிவு (Extinction) |
| அற்றுவிட்ட இனம் (EX) இயலிடத்தில் அற்றுவிட்ட இனம் (EW) |
| இன அச்சுறுத்தல் (Threatened) |
| மிக அருகிய இனம் (CR) அருகிய இனம் (EN) அழிவாய்ப்பு இனம் (VU) |
| குறைந்த சூழ் இடர் (At Low risk) |
| காப்பு சார்ந்த இனம் (CD) அச்சுறு நிலையை அண்மித்த இனம் (NT) தீவாய்ப்புக் கவலை குறைந்த இனம் (LC) |
|
இதனையும் பார்க்க சிவப்புப் பட்டியல் பன்னாட்டு இயற்கைப் பாதுகாப்புச் சங்கம்  |
அருகிய இனம் (EN - Endangered species) என்பது, எண்ணிக்கைக் குறைவினாலோ, சூழல் மற்றும் இரைகொல்லல் தொடர்பான மாற்றங்களினாலோ, முற்றாக இல்லாது போய்விடக்கூடிய தீவாய்ப்புக் கொண்ட உயிரினத்தைக் குறிக்கிறது. பொதுவாக இங்கு குறிப்பிடப்படும் இனம் என்பது அறிவியல் வகைப்பாட்டு அடிப்படையிலான இனம் (species) ஆகும். ஆனால் கூர்ப்பு அடிப்படையில் குறிப்பிடத்தக்க வேறு அலகுகளையும் குறிப்பிடக்கூடும். 2006 ஆம் ஆண்டில், பன்னாட்டு இயற்கை பாதுகாப்பு சங்கம் (International Union for Conservation of Nature or World Conservation Union) என்னும் அமைப்பானது உலகின் அருகிய இனங்கள், மொத்த உயிரினங்களில் 40% எனக் கணித்துள்ளது. அத்துடன் இவ்வகையாக அருகி வரும் இனங்கள் மேலும் எண்ணிக்கையில் குறைந்து இன அழிவுகள் ஏற்படாமல் தடுப்பதன் மூலம் இயற்கை மூலவளங்களைப் பாதுகாப்பதிலும் இவ்வமைப்பு நடவடிக்கை எடுத்து வருகின்றது.
பல நாடுகள் அருகிய இனங்களைக் காப்பதற்காக சட்டங்களை இயற்றியுள்ளன. வேட்டையாடுதலைத் தடை செய்தல், குறிப்பிட்ட பகுதிகளில் வளர்ச்சித் திட்டங்களைக் கட்டுப்படுத்துதல், காப்பகங்களை அமைத்தல் போன்றவை இத்தகைய நடவடிக்கைகளுள் அடங்கும். அருகிய இனங்களில் மிகச்சிலவே இத்தகைய சட்டப் பாதுகாப்புக்களைப் பெறுகின்றன. ஏனையவை உரியவர்களின் கவனத்தைப் பெறாமல் முற்றாகவே அழிந்து விடுகின்றன அல்லது நிச்சயமாக அழிந்துவிடக்கூடிய நிலையை அடைகின்றன.
குறிப்புகள் [தொகு]
- ↑ சண்டர்பான்ஸ் புலிகள் திட்டம். புலிகளின் அழிவுநிலைத் தகவல்கள் இணையத் தளத்தின் புலிகள் பகுதியில் காணப்படுகின்றன.
