அனைத்துலகக் கணித அறிஞர் பேரவை

ஃபெலிக்ஸ் கிளைன்

அனைத்துலகக் கணித அறிஞர் பேரவை (International Congress of Mathematicians-ICM) என்பது கணிதம் பற்றிய பல்வேறு தலைப்புகளில் கணித அறிஞர்கள் ஒன்றுகூடி கருத்தாடி, கட்டுரைகள் படிக்கின்ற மிகப்பெரிய மாநாடாகும். இப்பேரவை அனைத்துலக கணித ஒன்றியத்தினால் (International Mathematical Union) நான்கு ஆண்டுகளுக்கு ஒருமுறை நடத்தப்படுகிறது. இப்பேரவைக் கூட்டத்தின் போது சிறந்த கணித அறிஞர்கள் தேர்ந்தெடுக்கப்பட்டு அவர்களுக்கு சிறப்புப் பரிசுகள் வழங்கப்படுகின்றன.

பொருளடக்கம்

1 வரலாறு
2 வழங்கப்படும் பரிசுகள்
3 நிகழ்வுகள்
4 பேரவை நடைபெற்ற ஆண்டுகள்-நாடுகள்- இடங்களின் பட்டியல்
5 உசாத்துணை
6 மேலும் காண்க

வரலாறு [தொகு]

உலக அளவில் சிறந்து விளங்கும் கணித அறிஞர்களை ஒன்று கூட்டி இது போன்ற பேரவை நடத்த வேண்டும் என 1890 -இல் முதல் குரல் எழுப்பியவர்கள் ஃபெலிக்ஸ் கிளைன்(Felix Klein) மற்றும் கியார்கு கேன்ட்டர் என்ற கணித அறிஞர்கள் ஆவர். 1893 -இல் சிகாகோவில் கணித அறிஞர்கள் ஒன்று கூடிய ஒரு பேரவையில் கிளைன் எழுச்சியூட்டக்கூடியவகையில் உரையாற்றினார். 'உலகிலுள்ள கணித அறிஞர்களே! ஒன்று கூடுங்கள்!' என முழக்கமிட்டார்.
அதன்படி, முதல் அனைத்துலகக் கணித அறிஞர்கள் பேரவை ஆகத்து - 1897 -ஆம் ஆண்டு சூரிச்சில்(Zurich) கூட்டப்பட்டது. 16 நாடுகளில் இருந்து 208 அறிஞர்கள் ஒன்றுகூடி வெவ்வேறு தலைப்புகளில் ஆய்வுக் கட்டுரைகளை வழங்கினார்கள். பல்வேறு கருத்துகள் குறித்து வாதித்தனர். அன்றைய கால கட்டத்தில் புகழ் பெற்று விளங்கிய கணித அறிஞர்கள் லூகி கிரெமோனா, பெலிக்ஸ் கிளைன், கோட்டா மிட்டாக் லெஃப்லெர், ஆன்ட்ரோ மார்க்கோவ் ஆகியோர் இப்பேரவையில் கலந்து கொண்டவர்களில் குறிப்பிடத்தகுந்தவர்கள் ஆவார்கள்.

வழங்கப்படும் பரிசுகள் [தொகு]

இப்பேரவையின் போது சிறந்த கணித அறிஞர்கள் தேர்ந்தெடுக்கப்பட்டு அவர்களுக்கு மூன்று விதமான சிறப்புப் பரிசுகள் வழங்கப்படுகின்றன. அவை:
ஃபீல்ட்ஸ் பதக்கம் (Fields Medals) நெவன் லின்ன பரிசு (Nevanlinna Prize) கௌசுப் பரிசு (Gauss Prize)

நிகழ்வுகள் [தொகு]

ஒவ்வொரு பேரவையின் போதும், பேரவைக்கான நிகழ்ச்சி நிரல்கள் வெளியிடப்பட்டு, கணிதத்தில் பல்வேறு தலைப்புகளிலும், பொது விருப்பத்திற்குரிய தலைப்புகளிலும் ஆய்வுரைகள் அளிக்கப்படுகின்றன. சிறந்த கணித அறிஞர்களுக்கு பரிசுகள் வழங்கப்படுகின்றன.

பேரவை நடைபெற்ற ஆண்டுகள்-நாடுகள்- இடங்களின் பட்டியல் [தொகு]

Year	City	Country
2014	சியோல்	தென்கொரியா
2010	ஐதராபாத்து	இந்தியா
2006	மாட்ரிட்	ஸ்பெயின்
2002	பெய்ஜிங்	சீனா
1998	பெர்லின்	ஜெர்மனி
1994	சூரிச்	சுவிட்சர்லாந்து
1990	கியோட்டோ	ஜப்பான்
1986	பெர்க்லீ	அமெரிக்க ஐக்கிய நாடுகள்
1982 (met during 1983)	வார்சா	போலந்து
1978	ஹெல்சிங்க்கி	பின்லாந்து
1974	வான்கூவர்	கனடா
1970	நைஸ்	பிரான்சு
1966	மாஸ்கோ	சோவியத் யூனியன்
1962	ஸ்டாக்ஹோம்	ஸ்வீடன்
1958	எடின்பரோ	பிரித்தானியா
1954	ஆம்ஸ்டர்டாம்	நெதர்லாந்து
1950	கேம்பிரிஜ்	அமெரிக்க ஐக்கிய நாடுகள்
1936	ஓஸ்லோ	நார்வே
1932	சூரிச்	சுவிட்சர்லாந்து
1928	போலோக்னா	இத்தாலி
1924	டொரான்டோ	கனடா
1920	ஸ்ட்ராஸ்பர்க்	பிரான்சு
1912	கேம்ப்ரிட்ஜ்	பிரித்தானியா
1908	ரோம்	இத்தாலி
1904	ஐடல்பர்கு	செருமானிய ராச்சியம்
1900	பாரிசு	பிரான்சு
1897	சூரிச்	சுவிட்சர்லாந்து