அனுராதா ரமணன்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
அனுராதா ரமணன்

தொழில்
  • எழுத்தாளர்
  • ஓவியர்
  • சமூக செயற்பாட்டாளர்
எழுதிய காலம் 1977—2010

அனுராதா ரமணன் (Anuradha Ramanan) (ஜூன் 29, 1947 – மே 16, 2010)[1] சிறந்த தமிழ் எழுத்தாளர்களில் ஒருவர். பல்வேறு தலைப்புகளில் புதினங்கள், சிறுகதைகளை எழுதியுள்ளார். இவரது சில கதைகள் தொலைக்காட்சித் தொடர்களாகவும், திரைப்படங்களாகவும் வெளிவந்திருக்கின்றன. தெலுங்கு, கன்னடம் போன்ற மொழிகளிலும் இவரது படைப்புகள் வெளியாகிச் சிறப்பு பெற்றிருக்கின்றன.

வாழ்க்கைக் குறிப்பு[தொகு]

1947 இல் அனுராதா தமிழ் நாட்டிலிலுள்ள தஞ்சாவூரில் பிறந்தவர். நடிகரான அவரது தாத்தா ஆர். பாலசுப்பிரமணியத்தின் தூண்டுதலால் இவர் எழுத்தாளரானார்.[2] இவர் கணவர் பெயர் ரமணன்[3]. இவர்களுக்கு இரண்டு மகள்கள் உண்டு.

ஒரு ஓவியக் கலைஞராகத் தனது பணியைத் தொடங்கிய அனுராதா தொடக்கத்தில் முக்கியமான இதழ்களில் வேலைதேடி முயற்சித்தார். ஆனால் அவரது முயற்சிகள் பலனளிக்கவில்லை.[2] பின் ’மங்கை’ இதழாசிரியர் அனுராதாவின் படைப்புகள் நன்றாக இருப்பதை அறிந்து அவரைப் பணியில் சேர்த்துக் கொண்டார். 1977 இல் மங்கை இதழ் மூலமாக தனது எழுத்துலகப் பணியைத் தொடங்கினார் அனுராதா.[2]

இலக்கியப் பணி மட்டுமின்றி விவாகரத்துக் கோரும் தம்பதியருக்கு சேர்ந்துவாழ ஆலோசனை வழங்கும் பணியிலும் ஈடுபட்டிருந்தார்[4] 30 ஆண்டுகளில் கிட்டத்தட்ட 800 புதினங்களும் 1,230 சிறுகதைகளும் எழுதியுள்ளார்.[2] அவரது கதைகள் பெரும்பாலும் குடும்பத்தையும் அன்றாட நிகழ்வுகளையும் மையமாகக் கொண்டிருந்தன. ஆனந்த விகடனில் வெளியான அவரது சிறுகதை ’சிறை’, சிறந்த சிறுகதைக்கான தங்கப் பதக்கம் வென்றது.[3] இச் சிறுகதை அதே பெயரில் திரைப்படமாக எடுக்கப்பட்டது.[3] கூட்டுப்புழுக்கள், மலரின் பயணம், ஒரு வீடு இருவாசல் ஆகிய புதினங்களும் தமிழ், தெலுங்கு, கன்னட மொழிகளில் திரைப்படமாக எடுக்கப்பட்டன.[2] அவற்றுள் கே. பாலசந்தர் இயக்கிய ஒரு வீடு இரு வாசல் திரைப்படம் பிற சமூகப் சிக்கல்கள் மீதான சிறந்த திரைப்படத்திற்கான தேசிய விருதினை 1991 இல் பெற்றது. [5] இவரது கதையைக் கொண்டு 1988 இல் வெளியான ஒக்க பாரிய கதா என்ற தெலுங்குத் திரைப்படம் ஐந்து நந்தி விருதுகளை வென்றது.[6] மேலும் இவரது கதைகள் அர்ச்சனைப் பூக்கள், பாசம், கனாக்கண்டேன் தோழி போன்ற இவரது பலகதைகள் தொலைகாட்சித் தொடர்களாவும் எடுக்கப்பட்டுள்ளன.[3] தமிழ்நாட்டின் முன்னாள் முதலமைச்சர் எம். ஜி. ஆர் இவருக்குத் தங்கப்பதக்கம் வழங்கியுள்ளார்.[3]

இறப்பு[தொகு]

மே 16, 2010 இல் மாரடைப்பால் சென்னையில் தனது 62 வது அகவையில் இவர் மரணமடைந்தார்.[3]

திரைப்படங்கள்[தொகு]

  • சிறை
  • கூட்டுப்புழுக்கள்
  • ஒரு மலரின் பயணம்
  • ஒரு வீடு இருவாசல்

தொலைக்காட்சித் தொடர்கள்[தொகு]

  • பாசம்
  • புன்னகை
  • அர்ச்சனைப் பூக்கள்
  • பன்னீர் புஷ்பங்கள்

பதக்கம்[தொகு]


மேற்கோள்கள்[தொகு]

  1. "Noted writer Anuradha Ramanan passes away". Zee News. பார்த்த நாள் 17 August 2013.
  2. 2.0 2.1 2.2 2.3 2.4 "Popular Tamil writer Anuradha Ramanan dead". The New Indian Express. 17 May 2010. http://newindianexpress.com/states/tamil_nadu/article271406.ece?commentId=103962. பார்த்த நாள்: 17 August 2013. 
  3. 3.0 3.1 3.2 3.3 3.4 3.5 "Anuradha Ramanan dead". The Hindu. 17 May 2010. http://www.hindu.com/2010/05/17/stories/2010051756100500.htm. பார்த்த நாள்: 17 August 2013. 
  4. "Saadhanai Penn – Anuradha Ramanan". The Hindu. 21 November 2003. http://www.hindu.com/fr/2003/11/21/stories/2003112101060800.htm. பார்த்த நாள்: 17 August 2013. 
  5. "38th National Film Awards" (PDF). Directorate of Film Festivals. பார்த்த நாள் 18 August 2013.
  6. "Noted writer dead". The Hindustan Times. 16 May 2010. http://www.hindustantimes.com/India-news/Chennai/Noted-writer-dead/Article1-544558.aspx. பார்த்த நாள்: 17 August 2013. 


வெளி இணைப்புகள்[தொகு]

"http://ta.wikipedia.org/w/index.php?title=அனுராதா_ரமணன்&oldid=1630559" இருந்து மீள்விக்கப்பட்டது