அடவு (பரதநாட்டியம்)

கட்டற்ற கலைக்களஞ்சியமான விக்கிப்பீடியாவில் இருந்து.
(அடவு இலிருந்து வழிமாற்றப்பட்டது)

பரதநாட்டியத்தில் அடவு என்பது ஆடலின் ஆதாரப்பகுதியைக் குறிக்கும். நாட்டியம் பயிலத் தொடங்கும் ஒருவருக்கு பயிற்சி போன்று இவ் அடவு விளங்குகின்றது. தமிழில் ஆடல் என்ற அடிப்படைச் சொல்லைக் கொண்டது அடவு. அடவு என்பதனை தெலுங்கில் அடுகு என்று அழைப்பர். அடுகு என்றால் பாதத்தின் ஓர் அடி என்பது இதன் பொருளாகும்.அடவு என்னும் சொல் முன்னர் சமஸ்கிருதத்தில் கரணம் எனக் கூறப்பட்டது. இவ் இரண்டு சொற்களின் பொருள் ஒன்று தான். ஆனால் இன்று பாவனையில் உள்ள அடவுகள் வேறு கரணம் என்ற சொல்லில் வழங்கும் 108 கரணங்கள் வேறு. அடவு என்னும் சொல் தமிழ்நாட்டில் மட்டும் அன்றி ஆந்திரா, கர்நாடகம், கேரளம் போன்ற தேசங்களிலும் இன்று வரை உபயோகிக்கப்படுகின்றது. ஒரு மொழியில் வாக்கியங்கள் எவ்வாறு முக்கியமானதாக விளங்குகின்றதோ அது போல நடனத்திற்கு அடவுகள் விளங்குகின்றன. அடவு என்பது நிலை (ஸ்தானம்), பாதபேதங்கள் (சாரி), முத்திரைகள் (ஹஸ்தங்கள்) என்ற மூன்று அம்சங்களையும் உள்ளடக்கியதாகும். பரதநாட்டியத்தில் பல பாணிகள் உள்ளமையால் ஒவ்வொரு பாணிகளிலும் வித்தியாசமான அடவுகள் உள்ளன. பல அடவுகள் ஒரே மாதியாக இருந்தாலும் அவை வேறு வேறு பெயர்களாலும் அழைக்கப்படுகின்றன.அத்துடன் எண்ணிக்கையிலும் மாறுபாடுடையவையாகவும் காணப்படுகின்றன. பரதநாட்டியத்தில் பல அடவுகள் உள்ளன.


அடவுகள்[தொகு]

அடவு எண்ணிக்கை தாளம்
தட்டடவு 8 ஆதி தாளம்[1],சதுஸ்ர ரூபக தாளம்[2]
நாட்டடவு 8 ஆதி தாளம்
தாதெய்தெய்த அடவு 4 ஆதி தாளம்
குதித்துமெட்டடவு 4 ஆதி தாளம்
தெய்யா தெய்யி அடவு 4 ஆதி தாளம்
தத்தெய்தாம் அடவு 5 ஆதி தாளம்
மண்டியடவு 4 சதுஸ்ட ரூபக தாளம்
தத்தெய்தாஹா அடவு 4 சதுஸ்ட ரூபக தாளம்,ஆதி தாளம்
தித்தெய்ந்த தாதெய் அடவு 3 2 ஆதி தாளம்
தெய்தெய்தத்தா அடவு 1 ஆதி தாளம்,(சதுஸ்ட ரூபக தாளம்)
சறுக்கல் அடவு 1 ஆதி தாளம்
கர்த்தரி அடவு 1 ஆதி தாளம்
உத்சங்க அடவு 1 ஆதி தாளம்
தித்தித்தெய் அடவு 1 ஆதி தாளம்
தெய்தெய்திதிதெய் அடவு 1 ஆதி தாளம்
தாஹதஜெம்தரிதாஅடவு 1 1சதுஸ்ட ரூபக தாளம்
ததிங்கிணதொம் 1 சதுஸ்ட ரூபக தாளம்
கிடதக்கதரிகிடதொம் 1 சதுஸ்ட ரூபக தாளம்
தட்டுமெட்டடவு(பஞ்சநடை) 5 5ஐந்து ஜாதிகளில்
மெய்யடடவு -

உசாத்துணை[தொகு]

  • பரதக்கலை கோட்பாடு, டாக்டர் பத்மா சுப்ரமணியம்- 2005 டிசம்பர் [பதிப்பு 6]
  • பரதநாட்டியம் செய்முறை தாள விளக்கம்- திருமதி சிறீதேவி கண்ணதாசன் B.FA(Dance)dip.in.Ed-2007
  • பைங்கலை பரதக்கலை- சுபாஷிணி பத்மநாதன்-2006
  • ஆசிரியர் கைநூல்[தரம்6-தரம்13] -தேசிய கல்வி நிறுவகம் கொழும்பு- இலங்கை

மேற்கோள்கள்[தொகு]

  1. முதலாவது, இரண்டாவது, நான்காவது, ஐந்தாவது, ஆறாவது மற்றும் ஏழாவது தட்டடவுகள்
  2. மூன்றாவது மற்றும் எட்டாவது தட்டடவுகள்
"https://ta.wikipedia.org/w/index.php?title=அடவு_(பரதநாட்டியம்)&oldid=3055611" இலிருந்து மீள்விக்கப்பட்டது