அஜித் குமார்

அஜித் குமார்
இயற் பெயர்	அஜித் குமார்
பிறப்பு	மே 1, 1971 (1971-05-01) ஹைதராபாத் , இந்தியா
நடிப்புக் காலம்	1992 - தற்போது
துணைவர்	ஷாலினி

அஜித் குமார், (பி. மே 1, 1971) தென்னிந்திய தமிழ்த் திரைப்பட நடிகர் ஆவார். அமர்களம் திரைப்படத்தில் நடிக்கும் போது நடிகை ஷாலினியை காதல் திருமணம் செய்து கொண்டார். இவர்களுக்கு அனோஸ்கா என்ற பெண் குழந்தை உள்ளது.

காதல் கோட்டை, காதல் மன்னன், வாலி, அமர்களம், தீனா, பூவெல்லாம் உன் வாசம், வில்லன், அட்டகாசம், வரலாறு, கீரிடம், பில்லா, அசல் போன்ற பல வெற்றிப் படங்களில் அஜித்குமார் நடித்துள்ளார். அஜித் குமாரின் ரசிகர்கள் அவரை "அல்டிமேட் ஸ்டார்" என்றும் "தல" என்றும் பட்டப்பெயர்களுடன் அழைக்கிறார்கள். அஜித் குமார், கார் பந்தய வீரராகவும் அறியப்படுகிறார்.

வாழ்க்கைச் சுருக்கம்

அஜித் குமார், இந்தியாவின் ஹைதராபாத் நகரில் ஒரு தமிழ் தந்தைக்கும் ,ஒரு சிந்தி தாயிற்கும் இரண்டாவது மகனாகப் பிறந்தார். இவர் திரைப்ப்டங்களில் நடிப்பதன் மூலமே தமிழ் பேச கற்றுக்கொண்டார். 1986ல் உயர்தர கல்வியைப் பூர்தி செய்யாமலே கல்வியை இடைநிறுத்தினார், தமிழ்த் திரையுலகில் அறிமுகமாகும் முன்னரே, 1992 இல் பிரேம புஸ்தகம் என்ற தெலுங்குத் திரைப்படத்தில் அறிமுகமானார். இந்தப் படத்தில் இவருக்கு சிறந்த புதுமுகத்திற்கான விருது கிடைத்தது.

இதன் பின்னர் தான் அமராவதி என்ற தமிழ் படத்தில் நடிக்க வாய்ப்பு கிடைத்தது. முதல் படம் வெற்றி இல்லை. இருப்பினும் அவர் மனம் தளரவில்லை. அடுத்த ஆண்டில் பாசமலர்கள், பவித்ரா, ராஜவின் பார்வையிலே படங்களில் நடித்தார். இதில் பவித்ரா படம் அஜித்க்கு பெயர் சொல்லும் படம் போல அமைந்தது.

அஜித் குமாரின் முதல் வெற்றிப் படம் ஆசை. இடையில் மோட்டார் பந்தயம் ஒன்றில் போட்டியிட்டு படுகாயமடைந்தார். இதனால் நடிப்பில் தடை ஏற்பட்டது. அதன் பின்னர் சரணின் காதல் மன்னன் வெற்றிப்படத்தில் நடித்தார்.

சர்ச்சைகள்

பிப்ரவரி 06 2010 அன்று நிகழ்ந்த கலைஞர் கருணாநிதி பாராட்டு விழாவில் நடிகர் அஜித்குமார் பேசும்போது திரையுலகினரை அரசியல் இயக்கங்களில் பங்கெடுக்குமாறு சிலர் மிரட்டுவதாக பகிங்கரமாக புகார் கூறினார். இதனால் அஜித்துக்கு ஆதரவும், எதிர்ப்பும் கிளம்பியது. இந்த நிகழ்ச்சிகளால் மன வருத்தம் அடைந்த அஜித் மீண்டும் கார்பந்தயத்தில் கலந்து கொள்ள ஆர்வம் காட்டினார்.

தனது ரசிகர் மன்றத்தை கலைத்தார்

2011 ம் ஆண்டு தனது ரசிகர் மன்றத்தை சில பல காரணங்களால் கலைத்தார்.

விருதுகள்

அஜித் குமார் தாம் நடித்த முதல் தெலுங்கு படத்திற்காக (பிரேம புஸ்தகம்) பரத்முனி ஆர்ட் அகாடமியின் சிறந்த புதுமுக நடிகருக்கான விருதைப் பெற்றுள்ளார்.

1999 ஆம் ஆண்டு அஜித் குமார் வாலி படத்தில் நடித்ததற்காக சிறந்த நடிகருக்கான பிலிம்பேர் விருது, சினிமா எக்ஸ்பிரஸ் விருது மற்றும் தினகரன் சினிமா விருதைப் பெற்றுள்ளார்.

2000ஆம் ஆண்டு முகவரி படத்தில் நடித்ததற்காக சிறந்த நடிகருக்கான சினிமா எக்ஸ்பிரஸ் விருதைப் பெற்றுள்ளார்.

2001 ஆம் ஆண்டு சிறப்பு நடிகருக்கான மாநில விருதை பூவெல்லாம் உன் வாசம் படத்திற்காக வென்றுள்ளார்.

2002ஆம் வருடம் வில்லன் படத்திற்காக சிறந்த நடிகருக்கான பிலிம்பேர் விருது மற்றும் தினகரன் சினிமா விருதைப் பெற்றுள்ளார்.

தென் இந்திய சிறந்த நடிகருக்கான பிலிம்பேர் விருதை இருமுறைப் பெற்றுள்ளார். கண்டுகொண்டேன் கண்டுகொண்டேன் படத்திற்காக சிறந்த துணை நடிகருக்கான பிலிம்பேர் விருதைப் பெற்றுள்ளார்.

இவர் நடித்த திரைப்படங்கள்

எண்	ஆண்டு	படம்	தயாரிப்பு	குறிப்புகள்
1	1992	பிரேம புஸ்தகம்		தெலுங்கு (அறிமுகம்)
2	1993	அமராவதி	சோழா கிரியேசன்ஸ்	தமிழ் (அறிமுகம்)
3	1994	பாசமலர்கள்		நட்புக்காக
4		பவித்ரா	தனுஜா பிலிம்ஸ்
5	1995	ராஜாவின் பார்வையிலே		நட்புக்காக
6		ஆசை	ஆலயம்
7	1996	வான்மதி
8		கல்லூரி வாசல்
9		மைனர் மாப்பிள்ளை	விக்டரி மூவீஸ்
10		காதல் கோட்டை	சிவசக்தி மூவி மேக்கர்ஸ்
11	1997	நேசம்	தனுஜா பிலிம்ஸ்
12		ராசி	நிக் ஆர்ட்ஸ்
13		உல்லாசம்	அமிதாப் பச்சன் கார்ப்பரேஷன்
14		பகைவன்	விஷ்வாஸ் பிலிம்ஸ்
15		ரெட்டை ஜடை வயசு	பாக்யம் சினி கம்பைன்ஸ்
16	1998	காதல் மன்னன்	வெங்கடேஸ்வராலயம்
17		அவள் வருவாளா	ஸ்ரி விஜயமாத்ருகா பிலிம்ஸ்
18		உன்னிடத்தில் என்னை கொடுத்தேன்	லக்ஷ்மி மூவி மேக்கர்ஸ்	நட்புக்காக
19		உயிரோடு உயிராக
20	1999	தொடரும்	ஸ்ரி தேவி மூவி மேக்கர்ஸ்
21		உன்னை தேடி	லக்ஷ்மி மூவி மேக்கர்ஸ்
22		வாலி	நிக் ஆர்ட்ஸ்	இரட்டை வேடம்
23		ஆனந்த பூங்காற்றே	ரோஜா கம்பைன்ஸ்
24		நீ வருவாய் என	சூப்பர் குட் பிலிம்ஸ்	நட்புக்காக
25		அமர்க்களம்	வெங்கடேஸ்வராலயம்
26	2000	முகவரி	நிக் ஆர்ட்ஸ்
27		கண்டுகொண்டேன் கண்டுகொண்டேன்	வி. கிரியேஷன்ஸ்
28		உன்னை கொடு என்னை தருவேன்	சூப்பர் குட் பிலிம்ஸ்
29	2001	தீனா	விஜயம் சினி கம்பைன்ஸ்
30		சிட்டிசன்	நிக் ஆர்ட்ஸ்
31		பூவெல்லாம் உன் வாசம்	ஆஸ்கர் பிலிம்ஸ்
32		அசோகா	டிரீம்ஸ் அன்லிமிடட்	ஹிந்தி (அறிமுகம்), நட்புக்காக
33		சாம்ராட் அசோகா	டிரீம்ஸ் அன்லிமிடட்	நட்புக்காக
34	2002	ரெட்	நிக் ஆர்ட்ஸ்
35		ராஜா	செரீன் மூவி மேக்கர்ஸ்
36		வில்லன்	நிக் ஆர்ட்ஸ்	இரட்டை வேடம்
37	2003	என்னை தாலாட்ட வருவாளா		நட்புக்காக
38		ஆஞ்சநேயா	நிக் ஆர்ட்ஸ்
39	2004	ஜனா	ரோஜா கம்பைன்ஸ்
40		அட்டகாசம்	விஜயம் சினி கம்பைன்ஸ்	இரட்டை வேடம்
41	2005	ஜீ	நிக் ஆர்ட்ஸ்
42	2006	பரமசிவன்	* கனகரத்னா மூவீஸ் * சாம்ராட் பிலிம் கார்ப்பரேஷன்	பி. வாசு இயக்கத்தில்
43		திருப்பதி	ஏ. வி. எம். புரொடக்ஷன்ஸ்
44		வரலாறு	நிக் ஆர்ட்ஸ்	மூன்று வேடங்கள்
45	2007	ஆழ்வார்	ஸ்ரி ராஜகாளியம்மன் பிலிம்ஸ்
46		கிரீடம்	சுஜாதா சினி ஆர்ட்ஸ்
47		பில்லா 2007	ஆனந்தா பிக்சர்ஸ் சர்க்கியூட்	இரட்டை வேடம்
48	2008	ஏகன்	ஐங்கரன் இண்டர்நேஷனல்
49	2010	அசல்	சிவாஜி புரொடக்ஷன்ஸ்	இரட்டை வேடம், திரைக்கதை
50	2011	மங்காத்தா: உள்ளே வெளியே	கிலௌடு நைன் மூவீஸ்
51		பில்லா 2	Suresh Balaji & IN Entertainment தயாரிப்பில்	chakri-toleti இயக்கத்தில்

வெளி இணைப்புகள்

• அஜித் குமார் ஐ.எம்.டி.பி இணையத்தளத்தில்
• அதிகாரப்பூர்வ ரசிகர் மன்ற இணையத்தளம்
• அஜித் ரசிகர்கள் இயக்கம்
• தலநகரம் ரசிகர்கள் இணையத்தளம்
• திரை நிலா அஜித் - அஜித் ரசிகன் மாத இதழ்