பார்பி

பார்பி
முதல் தோற்றம்	மார்ச் 9 1959
உருவாக்கியவர்	ருத் ஆன்ட்லர்
தகவல்
பட்டப்பெயர்(கள்)	பார்பி
தொழில்	பார்க்கவும்: பார்பியின் தொழில்கள்
குடும்பம்	பார்க்கவும்: பார்பியின் நண்பர்களினதும் குடும்பத்தினரதும் பட்டியல்

பார்பி , மேட்டல், இங்க். என்னும் பொம்மைகள் தயாரிக்கும் ஒரு அமெரிக்க நிறுவனத்தால் தயாரிக்கப்பட்டு 1959வது வருடம் மார்ச் மாதம் வெளியிடப்பட்ட ஒரு நவ நாகரிக பொம்மை. பில்ட் லில்லி என்னும் ஒரு ஜெர்மன் பொம்மையை இதற்கான அடிப்படை ஊக்கமாகக் கொண்டு இதை உருவாக்கியதாக அமெரிக்க தொழிலதிபரான ரூத் ஹாண்ட்லர் (1916-2002) என்னும் பெண்மணி பெருமைப்படுத்தப்படுகிறார்.

பொம்மைகளுக்கான சந்தையில் ஐம்பது வருடங்களாக பார்பி முக்கியமான ஒரு பாகமாக இருந்து வருகிறது. மேலும் அந்தப் பொம்மை மற்றும் அதன் வாழ்க்கையமைப்பு முறை ஆகியவவை பல பரிகாசம் மற்றும் வழக்குகளுக்கும் ஆளாகியுள்ளது. கடந்த சில வருடங்களாக பார்பி ப்ராட்ஜ் வகைப் பொம்மைகளிடமிருந்து அதிகரித்து வரும் போட்டியையும் சந்தித்து வருகிறது.

வரலாறு[தொகு]

ருத் ஹேண்ட்லர் தன் மகள் காகித பொம்மைகளுடன் விளையாடுவதைக் கவனித்தார். அவற்றுக்கு அவள் பெரியவர்களின் பாத்திரங்களைக் கொடுத்து மகிழ்வதையும் அவர் கவனித்தார். அந்தச் சமயத்தில் குழந்தைகளுக்கான பொம்மைகள் எல்லாம் அநேகமாக சின்னஞ்சிறு குழந்தை வடிவங்களைப் பிரதிபலிப்பதாகவே இருந்தன. பொம்மைகளுக்கான சந்தையில் ஒரு இடைவெளி இருக்கக்கூடும் என்பதை உணர்ந்த ஹேண்ட்லர் வளர்ந்த, பருவமடைந்த ஒரு உடலை பொம்மையாக வடிக்கும் யோசனையைத் தம் கணவர் எலியட்டிடம் கூறினார். அவர்தான் மேட்டல் பொம்மை நிறுவனத்தின் இணை நிறுவனர். அவர் அந்த யோசனையில் அவ்வளவாக உற்சாகம் காட்டவில்லை. மேட்டலின் மற்ற இயக்குநர்களும் அப்படித்தான் இருந்தனர்.

1956வது வருடம் தம் குழந்தைகள் பார்பரா மற்றும் கென்னத் ஆகியோருடன் ஐரோப்பாவிற்கு ஒரு சுற்றுலா சென்றபோது, ருத் ஹெண்ட்லர் பில்ட் லில்லி என்றழைக்கப்பட்ட ஒரு ஜெர்மன் பொம்மையைப் பார்க்க நேர்ந்தது.^[1] வளர்ந்த மனித உருவம் கொண்டிருந்த அந்த பொம்மைதான் ஹேண்ட்லரின் மனதில் இருந்த வடிவம் ஆகும். அவர் அந்த பொம்மைகளில் மூன்றை வாங்கினார். தன் மகளிடம் ஒன்றைக் கொடுத்துவிட்டு, மற்றவற்றை மேட்டலுக்குக் கொண்டு சென்றார். சித்திரப் புத்தகம் ஒன்றில் வரும் பிரபலமான கதாபாத்திரத்தை ஒட்டி லில்லி பொம்மை வடிவமைக்கப்பட்டிருந்தது. இது டை பில்ட் ஜியுடுங் என்னும் செய்தித்தாளுக்காக ரெய்ன்ஹார்ட் ப்யூடின் என்பவர் வரைந்ததாகும். லில்லி வேலைக்குச் செல்லும் ஒரு பெண். தனக்கு என்ன வேண்டும் என்பதை அவள் அறிவாள். அதை அடைவதற்கு அவள் ஆண்களையும் பயன்படுத்திக் கொள்ளத் தவறியதில்லை. 1955ம் ஆண்டு முதன் முதலாக ஜெர்மனியில் லில்லி பொம்மை விற்பனையானது. முதலில் பெரியவர்களுக்காக அது விற்கப்பட்டாலும், பிறகு அது குழந்தைகளிடம் பிரபலமாகிவிட்டது. அவர்கள் அதற்கென்றே தனியாகக் கிடைக்கும் ஆடைகளை அணிவித்து மகிழ்ந்தார்கள்.

ஐக்கிய அமெரிக்காவுக்குத் திரும்ப வந்தவுடன், (ஜேக் ரையான் என்ற பொறியாளரின் உதவியுடன்) ஹேண்ட்லர் அந்தப் பொம்மையை மீண்டும் வடிவமைத்து அதற்கு பார்பி என்ற ஒரு புதிய பெயரைச் சூட்டினார். இந்தப் பெயர் அவரது மகள் பார்பராவின் பெயரிலிருந்து வந்தது. 1959வது வருடம் மார்ச் 9ம் தேதி நியூயார்க் நகரில், அமெரிக்க அனைத்துலக விளையாட்டுப் பொருட்கள் கண்காட்சியில் இந்தப் பொம்மை முதன் முதலாக வெளியானது. இந்தத் தேதி பார்பியின் அதிகாரப் பூர்வமான பிறந்த நாள் என்றும் பயன்படுத்தப்படுகிறது.

பில்ட் லில்லி பொம்மைக்கான காப்புரிமைகளை மேட்டல் 1964ம் வருடம் பெற்றது. லில்லி பொம்மைகளின் தயாரிப்பு நிறுத்தப்பட்டது. முதன் முதலாக வந்த பார்பி பொம்மை கருப்பும், வெள்ளையும் கலந்த ஒரு வரிக்குதிரை நீச்சல் உடை மற்றும், அதன் பிரத்யேக அடையாளமான உச்சந்தலையில் முடியப்பட்ட ஒரு போனி டெயில் ஆகியவற்றைக் கொண்டிருந்தது. இது ஒரு பிளாண்ட் அல்லது ப்ருநெட் வடிவங்களில் கிடைக்கப்பெற்றது. "பதின் வயது நவ நாகரிக மாடல்" என்ற பெயரில் இந்த பொம்மை வர்த்தகப்படுத்தப்பட்டது. இதன் உடைகளை மேட்டலின் நாகரிக உடை வடிவமைப்பாளர் சார்லட் ஜான்சன் அமைத்திருந்தார். முதலில் வந்த பார்பி பொம்மைகள் ஜப்பான் நாட்டில் தயாராயின. அவற்றின் உடைகள் ஜப்பான் நாட்டு வீட்டுத் தொழிலாளர்களால் கைகளால் தைக்கப்பட்டிருந்தன. உற்பத்தி தொடங்கிய முதல் வருடம் 350,000 பார்பி பொம்மைகள் விற்பனையாகின.

பார்பி ஒரு பருவப் பெண்ணின் உருவம் பெற்றிருப்பது அவசியம் என்று ருத் ஹேண்ட்லர் நம்பினார். ஆரம்ப கட்டங்களில் சந்தை ஆராய்ச்சி செய்தபோது, இந்தப் பொம்மையின் வெளிப்படையான மார்பகங்களை சில பெற்றோர்கள் விரும்பவில்லை என்று தெரிய வந்தது. பார்பியின் தோற்றம் பல முறை மாற்றப்பட்டுள்ளது. இவற்றில் முக்கியமானது 1971ம் ஆண்டு பொம்மையின் கண்கள், ஆரம்பத்தில் பக்க வாட்டில் பார்த்து அடக்கமாக இருந்ததைப் போல அல்லாமல், நேருக்கு நேராகப் பார்க்கும் வகையில் மாற்றப்பட்டதுதான்.

மிகப் பெரும் அளவில் தொலைக் காட்சி விளம்பரம் செய்வதன் மூலம் விற்பனை உத்திகளை வகுத்துக் கொண்ட பொம்மைகளில் பார்பி முதலாவதானது. இதை பெருமளவில் மற்ற பொம்மைகளும் பின்பற்றத் துவங்கி விட்டன. உலகெங்கும் 150 நாடுகளில் ஒரு பில்லியனுக்கும் மேலான பார்பி பொம்மைகள் விற்பதாகக் கணக்கிடப்படுகிறது. ஒவ்வொரு விநாடியும் மூன்று பார்பி பொம்மைகள் விற்பனையாவதாக மேட்டல் கோருகிறது.^[2]

பார்பி பொம்மைகள் மற்றும் அதன் உடனான பொருட்கள் ஆகியவை தயாரிக்கப்படும் பொதுவான அளவு 1/6 அளவுகோல். இது பிளேஸ்கேல் என்றும் அறியப்படுகிறது.^[3]

பார்பி பொருட்கள் என்பவற்றில் ஒரு பெரிய அளவில் பொம்மைகளும் அவற்றின் ஆடை மற்றும் இதர பொருட்கள் மட்டும் அல்லாமல், பார்பி வர்த்தகக் குறி கொண்ட பல பொருட்களும், அதாவது புத்தகங்கள், நாகரிகப் பொருட்கள் மற்றும் விடியோ விளையாட்டுக்கள் ஆகியவையும் அடங்கும். பல அசைவூட்டுத் திரைப்படத் தொடர்களில் பார்பி தோன்றியுள்ளது. டாய் ஸ்டோரி 2 என்ற 1999ம் வருடத்திய திரைப்படத்திலும் ஒரு சிறிய வேடத்தில் தோன்றியது.

பார்பி ஒரு கலாசார சின்னம் என்றே ஆகிவிட்டது. பொம்மை உலகில் மிகவும் அரிதான பல கௌரவங்களை அது பெற்றுள்ளது. 1974வது வருடம் நியூயார்க் நகர் டைம்ஸ் ஸ்கொயர் இடத்தின் பகுதி ஒன்று பார்பி பொலிவார்ட் என்று ஒரு வார காலத்திற்குப் பெயரிடப்பட்டது. 1985வது வருடம், அண்டி வாரோல் என்னும் ஒரு ஓவியர் பார்பியின் ஓவியம் ஒன்றை உருவாக்கினார்.^[4]^[5]

வாழ்க்கை வரலாறு[தொகு]

பார்பியின் முழுப்பெயர் பார்பரா மில்லிசெண்ட் ராபர்ட்ஸ் . 1960களில் ரேண்டம் ஹௌஸ் வெளியிட்ட புதினத் தொடரில், அவளது பெற்றோரின் பெயர்கள் விஸ்கோன்சின்னின் வில்லோஸ் நகரத்தைச் சேர்ந்த ஜார்ஜ் மற்றும் மார்கரெட் ராபர்ட்ஸ் என்பதாகக் கொடுக்கப்பட்டுள்ளது.^[6]

ரேண்டம் ஹௌஸ் புதினங்களில், பார்பி வில்லோஸ் உயர் நிலைப் பள்ளியில் படித்தாள். கோல்டன் புக்ஸ் வெளியிட்ட ஜெனரேஷன் கேர்ல் புத்தகங்களில் அவள் 1999வது வருடம் (நிஜ வாழ்க்கையில் உள்ள ஸ்டுய்வெசண்ட் ஹைஸ்கூல் ^[7] அடிப்படையில் அமைக்கப்பட்ட) நியூயார்க் நகரில் இருப்பதாகப் புனையப்பட்ட மன்ஹாட்டன் இண்டர்நேஷனல் ஹை ஸ்கூலுக்குச் சென்று வந்தாள். அவளுக்குத் தன் தோழன் கென்னுடன் அவ்வப்போது காதல் வருவதுண்டு. கென் கார்ஸன் 1961வது ஆண்டுதான் முதலில் தோன்றினான். 2004வது வருடம் ஃபிப்ரவரி மேட்டல் நிறுவனத்திலிருந்து வந்த ஒரு செய்தி அறிக்கை பார்பியும் கென்னும் பிரிய முடிவு செய்துவிட்டதாக அறிவித்தது. ஆனால், ஃபிப்ரவரி 2006ல் அவர்கள் மீண்டும் இணைந்து விட்டார்கள்.^[8]^[9]

பார்பிக்கு நாற்பதுக்கும் மேலான செல்லப் பிராணிகள் உண்டு. அவற்றில் பூனைகள், நாய்கள், குதிரைகள், ஒரு பண்டா, ஒரு சிங்கம், ஒரு சிங்கக் குட்டி மற்றும் ஒரு வரிக்குதிரை ஆகியவையும் அடக்கம். அவளிடம், பிங்க் கொர்வெட், கன்வர்ட்டிபிள்ஸ், டிரெய்லர்ஸ் மற்றும் ஜீப்புகள் ஆகியவை உள்ளிட்ட மிகப் பெரும் அளவில் வாகனங்களும் உண்டு. அவளிடம் ஒரு விமான ஓட்டிக்கான உரிமம் கூட இருக்கிறது. விமானப் பணிப்பெண்ணாக பணி புரிவதுடன், அவள் வர்த்தக ரீதியான விமான ஊர்திகளையும் இயக்குகிறாள்.

பெண்கள் தம் வாழ்க்கையில் பல்வேறு நிலைகளை அடைய முடியும் என்பதை எடுத்துக் காட்டும் வகையில் பார்பியின் தொழில்கள் வடிவமைக்கப்படுகின்றன. இந்தப் பொம்மை பல விதமான தலைப்புக்களில் விற்கப்பட்டுள்ளது. இவற்றில் மிஸ்.அஸ்ட்ரானட் பார்பி (1965), டாக்டர் பார்பி (1988) மற்றும் நாஸ்கர் பார்பி (1988) ஆகியவையும் உண்டு.^[10]

மேட்டல், பார்பிக்குத் தோழர்களையும் உருவாக்கியுள்ளது. ஹிஸ்பானிக் தெரசா, மிட்ஜ், ஆப்பிரிக்க அமெரிக்கன் க்ரிஸ்டி மற்றும் ஸ்டீவன் (க்ரிஸ்டியின் தோழன்) ஆகியோர் ஆவர். பார்பியின் குழந்தைகள் மற்றும் சகோதரர்கள் கூட உருவாக்கப்பட்டுள்ளனர். இவர்கள், ஸ்கிப்பர், டுட்டி (டாட்ஸின் இரட்டைச் சகோதரி), டாட் (டுட்டி மற்றும் ஸ்டேஸியின் இரட்டைச் சகோதரன்), ஸ்டேஸி (டாட்ஸின் இரட்டைச் சகோதரி), கெல்லி, க்ரிஸ்ஸி, ஃப்ராங்கி மற்றும் ஜேஸி ஆகியோர் ஆவர்.

பார்பியின் நண்பர்கள் மற்றும் குடும்பப் பட்டியலைப் பார்க்கவும்.

சர்ச்சைகள்[தொகு]

பார்பி அடைந்திருக்கும் புகழ், குழந்தைகளின் விளையாட்டில் அது ஏற்படுத்தும் விளைவு மிகவும் கூர்ந்து சோதிக்கப்படுவதை உறுதி செய்வதாக உள்ளது. பார்பியின் மீது வைக்கப்படும் பெரும்பான்மையான விமர்சனங்கள், குழந்தைகள் பார்பியை தங்களுக்கான ஒரு ரோல் மாடலாகக் கருதுகிறார்கள் மற்றும் பார்பியை அவர்கள் பின்பற்ற விரும்புகிறார்கள் என்ற அனுமானத்தின் அடிப்படையிலேயே உள்ளன.

பார்பியின் மீது மிகவும் அடிக்கடி தொடுக்கப்படும் ஒரு விமர்சனம், அது அடைய முடியாத உடல் பிம்பத்தை இளம் பெண்களின் மனத்தில் புகுத்துகிறது என்பதாகும். இதன் காரணமாக, பார்பியைப் பின்பற்றி அதைப் போல உடல் பெற விரும்பும் பெண்கள் அனோரெக்ஸிக் என்னும் நோய்க்கு ஆளாகும் ஆபத்தை உண்டாக்குவதாகக் கூறப்படுகிறது. சராசரியான ஒரு பார்பி பொம்மை 1/6 அளவுகோல்படி 11.5 அங்குலம், அதாவது ஐந்தடி ஒன்பதங்குல உயரம் கொண்டுள்ளது. பார்பியின் முக்கியமான அளவுக் குறிப்புக்கள் 36 அங்குலம் (மார்பகம்), 18 அங்குலம் (இடை) மற்றும் 33 அங்குலம் (பின்புறம்) என்பதாகக் கணிக்கப்பட்டுள்ளது. ஃபின்லாந்து நாட்டின் ஹெல்ஸிங்கியின் யூனிவர்சிடி சென்ட்ரல் ஹாஸ்பிடல் நடத்திய ஆராய்ச்சியின்படி, பார்பி, ஒரு பெண்ணின் மாதவிடாய்க்குத் தேவையான கொழுப்புச் சக்தியில் 17 முதல் 22 சதம் வரை குறைவாகப் பெற்றிருப்பாள்.^[11] 1965வது வருடம் ஸ்லம்பர் பார்ட்டி பார்பி "சாப்பிடாதீர்கள்" என்னும் அறிவுரையுடன் "எடை குறைப்பது எப்படி(ஹௌ டு லூஸ் வைட்) " என்னும் புத்தகத்துடன் வெளியானது. மேலும், அந்த பொம்மை ஊதாவண்ணக் குளியலறை அளவுகோல்களின்படி 110 பவுண்டு, அதாவது 35 பவுண்டுகள் கொண்டிருந்தது. இது ஐந்தடி ஒன்பதங்குலம் உயரப் பெண்ணுக்கு மிகவும் குறைவான எடை^[12] 1997வது வருடம் பார்பியின் உடல் மீண்டும் வடிவமைக்கப்பட்டு அதன் இடையளவு அதிகரிக்கப்பட்டது. இது தற்போதைய நவ நாகரிகப் போக்குகளுக்கு மிகவும் உகந்து வரும் என்று மேட்டல் கூறியது.^[13]^[14].
1992வது வருடம் ஜூலையில் மேட்டல் டீன் டாக் பார்பி யை வெளியிட்டது. இது பல சொற்றொடர்களைப் பேசியது: "நமக்கு எப்போதாவது போதுமான உடைகள் கிடைக்குமா", "எனக்கு ஷாப்பிங் செய்யப் பிடிக்கும்!", மற்றும் "பிஸ்ஸா பார்ட்டி வேணுமா?". மொத்தம் சாத்தியமாகக் கூடிய ஒரு 270 சொற்றொடர்களில் ஒவ்வொரு பொம்மையும் ஒரு நாலு வார்த்தைகள் பேசுவதைப் போல நிரலமைக்கப்பட்டது. இதனால் எந்த இரண்டு பொம்மைகளும் ஒரே மாதிரி இல்லாததாக அமைந்தது. இந்த 270 சொற்றொடர்களின் ஒன்று "கணக்கு வகுப்பு ரொம்பக் கஷ்டம்!" (அடிக்கடி "கணக்கு கஷ்டமானது" என்பதாகத் தவறுதலாகக் குறிப்பிடப்படுகிறது. மொத்த பார்பி பொம்மைகளில் சுமார் 1.5 சதவீதம்தான் இந்த சொற்றொடரைப் பேசின. இருப்பினும் அமெரிக்கன் அசோசியேஷன் ஆஃப் யூனிவர்சிடி விமன் இதைப் பலமாக விமர்சித்தது. 1992 அக்டோபரில், இனியும் இந்த சொற்றொடரை டீன் டாக் பார்பி பேசாது என்று மேட்டல் அறிவித்தது. மேலும், இந்த பொம்மையை வாங்கியிருந்த எவருக்கும் ஒரு மாற்று பொம்மையையும் அளிக்க முன் வந்தது.^[15]

1967வது வருடம் "கலர்டு ஃப்ராங்கி" வெளியானது. சிலமுறை இதுவே முதல் ஆப்பிரிக்க அமெரிக்கன் பார்பி பொம்மை என்று வர்ணிக்கப்படுகிறது. இருப்பினும் அதன் தலைப் பாகங்கள் வெள்ளை ஃப்ராங்கி போல அமைக்கப்பட்டு தயாரிக்கப்பட்டது. அதனால், கருத்த தோலைத் தவிர வேறு ஒரு ஆப்பிரிக்க அம்சமும் இதற்கு இல்லாமல் போனது. பொதுவாக பார்பியின் வரிசையில் முதல் ஆப்பிரிக்க அமெரிக்கன் பொம்மையாக க்ரிஸ்டி கருதப்படுகிறது. இது 1968வது ஆண்டு வெளி வந்தது.^[16]^[17] கருப்பு பார்பி 1980ம் வருடம் வெளியிடப்பட்டது, ஆனால் அதில் வெள்ளையர்களின் அம்சங்களே நிறைந்திருந்தன. 2009 செப்டம்பரில் "ஸோ இன் ஸ்டைல்" என்னும் வரிசையை மேட்டல் அறிமுகப்படுத்தியது. இது முன்பு வந்த பொம்மைகளைப் போல் அல்லாது கருப்பினத்தவரின் உண்மையான வடிவமைப்பாக இருக்கும் நோக்குடன் அமைக்கப்பட்டது.^[18]
1997வது வருடம் மேட்டல் நபிஸ்கோவுடன் இணைந்து பார்பியை ஒரியோ மற்றும் குக்கீ ஆகியவற்றுடன் சேர்த்து விற்கும் திட்டங்களைத் தீட்டியது. ஒரியோ ஃபன் பார்பி என்பது பள்ளி முடிந்த பிறகு சிறு பெண்கள் விளையாடி "அமெரிக்காவின் விருப்பமான குக்கீ"யை அதனுடன் பகிர்ந்து கொள்ளலாம் என்பதான விளம்பரத்துடன் விற்பனை செய்யப்பட்டது. அப்போதைய வழக்கப்படி வெள்ளை மற்றும் கருப்பு ஆகிய இரண்டு இனங்களிலும் மேட்டல் பார்பியைத் தயாரித்தது. ஆப்பிரிக்க அமெரிக்க சமூகத்தில் ஒரியோ என்பது ஒரு அவமானகரமானச் சொல் என்றும் இதன் பொருள், சாக்லேட் சாண்ட்விச் குக்கியைப் போலவே, "வெளியில் கருப்பு உள்ளே வெளுப்பு" என்பதாகவும் உள்ளதாக விமர்சகர்கள் வாதிட்டனர். இந்த பொம்மை வெற்றியடையவில்லை; விற்காத பொம்மைகளை மேட்டல் திரும்பப் பெற்றது. இதனால், சேகரிப்பாளர்கள் இதைத் தேடிச் செல்லும்படியானது.^[19]
மே 1997ல், ஒரு ஊதாவண்ண நிற சக்கர நாற்காலியில் அமர்ந்த பொம்மையாக, ஷேர் அ ஸ்மைல் பெக்கி யை மேட்டல் அறிமுகம் செய்தது. இது பார்பியின் $100 கனவு இல்லத்தின் உயர்த்தியுடன் பொருந்தாது என்று வாஷிங்டன் டகோமாவைச் சேர்ந்த ஜெர்ஸ்டி ஜான்சன் என்னும், செரிப்ரல் பால்ஸியால் பாதிக்கப்பட்ட 17 வயது பள்ளி மாணவி கூறினாள். எதிர்காலத்தில் அந்த பொம்மைக்குப் பொருந்தும் விதத்தில் அந்த வீட்டை மறு வடிவமைத்து விடுவதாக மேட்டல் கூறியது.^[20]^[21]
2000வது வருடம் பார்பி பொம்மைத் தயாரிப்பில் பயன்படுத்தப்படும் கடினமான வினைல், நஞ்சு சார்ந்த ரசாயனங்களை வெளியிட்டு அவற்றுடன் விளையாடும் குழந்தைகளுக்கு ஆபத்தை உண்டாக்கும் என்பதாகப் பல கதைகள் ஊடகங்களில் வெளியாகின. இது தவறென்று தொழில் நுட்ப வல்லுனர்கள் மறுத்தனர். ஒரு நவீன பார்பி பொம்மையின் உடற்பகுதி ஏபிஎஸ் பிளாஸ்டிக்கினால் செய்யப்படுகிறது; அதன் தலைப் பகுதி மென்மையான பிவிசியினால் செய்யப்படுகிறது.^[22]^[23]
2003வது வருடம் செப்டம்பரில் மத்திய கிழக்கு நாடான சௌதி அரேபியா, பார்பி பொம்மை இஸ்லாம் மதக் கோட்பாடுகளுக்குப் பொருந்துவதாக இல்லை என்று அறிவித்து அதன் விற்பனையைத் தடை செய்தது. தி கமிட்டி ஃபார் தி ப்ராபகேஷன் ஆஃப் வர்ச்சு அண்ட் ப்ரிவன்ஷன் ஆஃப் வைசஸ், "யூத பார்பி பொம்மைகளும், அவற்றின் உடலை வெளிக் காட்டும் உடைகள், வெட்கமற்ற அமைப்புக்கள், உடன் வரும் பொருட்கள் மற்றும் கருவிகள் ஆகியவையும் மேற்கத்திய அழிவின் வக்கிரம் பிடித்த ஒரு சின்னம்தான். நாம் அவள் மூலம் வரக் கூடிய ஆபத்திலிருந்து ஜாக்கிரதையாக இருந்துக் கொள்வோம்" என்று கூறியது.^[24] பார்பிக்கு மாற்றாக மத்திய கிழக்கு நாடுகளில் "ஃபுல்லா" என்று ஒரு பொம்மை இருக்கிறது. இது பார்பியைப் போன்றது. ஆனால் இஸ்லாமியச் சந்தைகளில் ஒப்புக்கொள்ளப்படும் வண்ணம் வடிவமைக்கப்பட்டுள்ளது. ஃபுல்லா மேட்டல் கார்ப்பொரேஷன் தயாரிப்பல்ல. மேலும், எகிப்து^[25] உள்ளிட்ட மத்திய கிழக்கு நாடுகளில் பார்பி இன்னும் கிடைக்கப்பெறுகிறது. இரான் நாட்டில் பார்பிக்கு மாற்றாக சாரா மற்றும் டாரா பொம்மைகள் கிடைக்கப்பெறுகின்றன.^[26]

ஏப்ரல் 2009வது வருடம் "டோட்டலி டாட்டூஸ்" பொம்மை வரிசை என்ற பல வகையான டாட்டூக்களுடன் வெளியானது. இதில் இருந்த "கீழ்ப் பின்புற டாட்டு" பலத்த சர்ச்சைக்குள்ளானது. இதற்கான மேட்டலின் விளம்பர வாசகம் இவ்வாறு கூறியது: "நாகரிகங்களை வடிவமைத்துக் கொண்டு ஜாலியான தாற்காலிக பச்சைகளை உங்களுக்கும் குத்திக் கொள்ளுங்கள்". ஆனால், கன்ஸ்யூமர் ஃபோகஸ் நிறுவனத்தின் முதன்மை இயக்குநரான எட் மேயோ இதன் மூலம் குழந்தைகள் தங்கள் மேலும் பச்சை குத்திக்கொள்ள விரும்பக்கூடும் என்று வாதிட்டார்.^[27]
2005ஆம் ஆண்டு டிசம்பர் மாதம் இங்கிலாந்து நாட்டின் யூனிவர்சிடி ஆஃப் பாத்தைச் சேர்ந்த டாக்டர் அக்னெஸ் நாய்ரன் ஒரு ஆராய்ச்சியை வெளியிட்டார். அதன்படி, சிறு பெண்கள் தமது பார்பி பொம்மையை வெறுக்கும் ஒரு கால கட்டத்தை தமது வாழ்க்கையில் கடக்கிறார்கள் என்றும், அந்தக் கால கட்டத்தில் அவர்கள் அந்த பார்பி பொம்மைக்கு, அதன் தலையைத் துண்டிப்பது, ஒரு மைக்ரோ அவன் உள்ளே அதை வைப்பது போன்ற பல விதமான தண்டனைகளையும் அளிக்கிறார்கள் என்று குறிப்பிட்டார். டாக்டர் நாய்ர்ன் கூறினார்: பார்பியை ஏற்க மறுப்பது என்பது ஒரு காலச்சடங்கு மற்றும் தம் பழங்காலத்தை மறப்பது போன்றதாகும்."^[28]^[29]

பரிகாசங்களும் வழக்குகளும்[தொகு]

பார்பி பல முறை பிரபல கலாசாரம் என்பதில் குறிப்பிடப்பட்டுள்ளது. பரிகாசம் செய்யப்படுவதற்கும் அடிக்கடி இலக்காகியுள்ளது. இவற்றில் சில சம்பவங்கள்:

1997வது வருடம் அக்வா என்னும் டேனிஷ்-நார்வேஜியன் பாப்-நடனக் குழு, பார்பி கேர்ள் என்னும் பாடல் ஒன்றை வெளியிட்டது. இதில் "யூ கேன் ப்ரஷ் மை ஹேர்/ அன்ட்ரெஸ் மீ எனிவேர்" என்பதைப் போன்ற பாடல்கள் இடம் பெற்றன. இந்தப் பாடலின் விடியோ காட்சி பிங்க் பார்பியின் லோகோ]] போன்ற சின்னத்தை ஒத்த வரைவில்களைப் பயன்படுத்தியது. இது ஒரு வர்த்தகக் குறியீட்டு மீறல் என்று வாதமிட்ட மேட்டல், எம்சிஏ ரெகார்ட்ஸ் நிறுவனத்திற்கு எதிராக 1997வது வருடம் செப்டம்பர் 11 அன்று ஒரு மான நஷ்ட வழக்கு தொடுத்தது. 2002ஆம் ஆண்டு ஜுலைத் திங்கள் வழங்கிய தீர்ப்பில் நீதிபதி அலெக்ஸ் கோஜின்ஸ்கி, ஐக்கிய நாட்டு அரசியலமைப்பின் முதல் சட்டத் திருத்தத்தின்படி இந்தப் பாடல் பரிகாசம் என்பதன் கீழ் பாதுகாக்கப்படுவதாகத் தீர்ப்பளித்தார்.^[30]^[31]
நிஸான் என்னும் ஒரு ஊர்தித் தயாரிப்பு நிறுவனத்தின் விளம்பரத்தில் பார்பி மற்றும் கென்னை ஒத்த பொம்மைகள் தோன்றியது 1997வது வருடம் மற்றொரு வழக்குக்கு அடிப்படையானது. அந்த விளம்பரத்தில், கென்-போன்ற பொம்மைக்கு மிகுந்த திகைப்பூட்டும் விதத்தில் ஒரு பெண் பொம்மை ஜிஐ ஜோவை ஒத்த ஒரு பொம்மையால், ஒரு மகிழுந்திற்குள் ஆசை காட்டி அழைக்கப்படுகிறது. அப்போது ஒலிப்பது, வான் ஹெலன் பதிப்பான "யூ ரியலி காட் மீ " என்ற பாடல். அந்த விளம்பரத்தைத் தயாரித்தவர்களைப் பொறுத்தவரை அந்தப் பொம்மைகளின் பெயர், ரோக்ஸென், நிக் மற்றும் டேட். அந்த விளம்பரம் தமது பொருட்களுக்கு "சரி செய்ய இயலாத அளவு சேதம்" உண்டாக்கி விட்டதாக மேட்டல் கோரியது,^[32]^[33] ஆனால், சமரசம் செய்து கொண்டது.^[34]
பார்பி விளம்பரங்களைப் பரிகாசம் செய்யும் வண்ணம், சாட்டர்டே நைட் லைவ் புனைவான ஒரு "கேங்க்ஸ்டா பிச் பார்பி" பொம்மை மற்றும் ஒரு "டுபாக் கென்" பொம்மை ஆகியவற்றை ஒளிபரப்பியது.^[35]
தி டுனைட் ஷோ வித் ஜே லெனோ , புனைவான ஒரு பார்பி க்ரிஸ்டல் மெத்லேப் என்பதை ஒளிபரப்பியது. இதில் பார்பி எப்படி எப்போதும் "அப்போதைய கால நிலைமை அல்லது இந்தக் குறிப்பிட்ட நிகழ்வில், சமுதாயத்தின் தற்போதைய பிரச்சினைகளை" அடுத்து தன் தொழிலை அமைத்துக் கொள்கிறது என்று பரிகசிக்கப்பட்டது.
மலிபு ஸ்டேஸி தி சிம்சன்ஸ் என்னும் கேலிச்சித்திரத் தொடரில் பார்பியைப் பரிகசிப்பதாகும். 1994 வருடத்து லிசா வர்சஸ் மலிபு ஸ்டேஸி நிகழ்வுக்கு ஊக்கமாக அமைந்தது டீன் டாக் பார்பி சர்ச்சையாகும். பேசும் பார்பி அறிமுகப்படுத்தப்பட்டதும், "நாம் ஒப்பனை சாமான்கள் வாங்கலாம்; பசங்களுக்குப் பிடிக்கும்" என்பதைப் போன்ற வசனங்களைப் பேசுவதாக அமைந்திருந்தது. மலிபு ஸ்டேஸியின் மிகவும் பாலியல் ரீதியான உளறல்களால் வெறுப்படைந்த லிசா, அதற்கு மாற்றாக "லிசா லயன் ஹார்ட்" என்பதை வணிகப்படுத்தத் தொடங்கினார்.
1993வது வருடம் அமெரிக்க ஐக்கிய நாட்டில் தம்மை "பார்பி லிபரேஷன் ஆர்கனைசேஷன்" என்று அழைத்துக் கொண்ட ஒரு கூட்டம் பார்பி பொம்மைகளுக்கு பேசும் பொம்மையான ஜி.ஐ.ஜோவின் குரல் பெட்டியை அளித்து, அவற்றை ரகசியமாக பொம்மைக் கடை அலமாரிகளில் திரும்பவும் வைத்து விட்டது. பார்பி பொம்மைகளை வாங்கிய குழந்தைகளும், பெற்றோரும் அது, "ஈயத்தைச் சாப்பிடு, கோப்ரா!" மற்றும் "பழி வாங்குவேன்"^[36]^[37] என்றெல்லாம் அது பேசியதும் வியப்படைந்தார்கள்.
1999வது வருடம் டாம் ஃபோர்சைத் என்னும் உடாவைச் சேர்ந்த ஒரு ஓவியர் ஃபுட் செயின் பார்பி என்னும் பெயரில் பார்பி பொம்மையின் ஒரு புகைப்படத்தை ஒரு பிளெண்டர் தொகுப்பில் வெளியிட்டமைக்காக மேட்டல் அவர் மீது வழக்குத் தொடுத்தது. மேட்டல் அந்த வழக்கில் தோல்வியுற்றது. திரு.ஃபோர்சைத்துக்கு வழக்குக்கான செலவுத் தொகையாக $1.8 மில்லியன் அளிக்கும்படி உத்திரவிடப்பட்டது.^[38]^[39]^[40]
2002வது வருடம் நவம்பரில், டஞ்சன் பார்பி என்ற பெயரில் பாண்டேஜ் உடுத்தப்பட்ட ஒரு பொம்மையை உருவாக்கியதற்காக பிரித்தானிய நாட்டைச் சார்ந்த சுசேன் பிட் என்னும் கலைஞருக்கு எதிராக இடைக் காலத் தடை விதிக்க நியூயார்க் நீதிபதி மறுத்தார். நீதிபதி லாரா டெய்லர் ஸ்வைன் கூறினார்: "நீதி மன்றம் அறிந்த வரையில், எஸ்&எம் பார்பியில் மேட்டல் தொடர்பான ஒன்றும் இல்லை."^[41]
2004வது வருடம் கனடா நாட்டு கால்கரியைச் சார்ந்த பார்பரா ஆண்டர்ஸன் வேலி என்பவரின் மீது ஃபெட்டிஷ் உடைகளை விற்கும் அவரது டபிள்யூடபிள்யூடபிள்யூ.பார்பிஸ்ஷாப்.காம் என்னும் வலைத்தளத்திற்காக மேட்டல் வழக்குத் தொடுத்தது. மிஸ்.ஆண்டர்ஸன்-வேலி, தாம் குழந்தைப் பருவத்தில் இருந்தே "பார்பி" என்ற பெயரால் அறியப்பட்டதாகவும், பொம்மையின் வர்த்தக உரிமத்தை மீறுவது தமது நோக்கம் அல்லவென்றும் கூறினார். அந்த வழக்கு தள்ளுபடி செய்யப்பட்டது. காரணம் அது ஒரு நியூயார்க் நீதி மன்றத்தில் தொடுக்கப்பட்டது தான். கனடாவில் நடக்கும் விஷயங்கள் தனது எல்லைக்குள் வராதென்று அந்த நீதி மன்றம் தீர்ப்பளித்துவிட்டது.^[42]^[43]

சேகரித்தல்[தொகு]

100,000க்கும் மேற்பட்டோர் ஆர்வத்துடன் பார்பி பொம்மைகளைச் சேகரிப்பதாக மேட்டல் கணித்துள்ளது. இவர்களில் 90 சத விகிதத்தினர் சராசரியாக 40 வயது கொண்ட பெண்கள். இவர்கள் ஒவ்வொரு வருடமும் இருபதுக்கும் மேற்பட்ட பார்பி பொம்மைகளை வாங்குகிறார்கள். இவர்களில் 45 சதவீதத்திற்கும் மேலானவர்கள் ஒரு வருடத்தில் இதற்காக $1000 செலவழிக்கிறார்கள்.

ஏலம் நடக்கும்போது, ஒரிஜினல் வைண்டேஜ் பார்பி பொம்மைகள்தாம் மிகுந்த மதிப்புப் பெறுகின்றன. 1959ம் வருடத்தில் ஒரிஜினல் பார்பி பொம்மை $3.00க்கு விற்றது. 1959வருடத்திய பார்பியின் ஒரு மிண்ட் பெட்டி அக்டோபர் 2004ல் ஈ பே யில் $3552.50க்கு விற்றது.^[44] 2006வது வருடம் செப்டம்பர் 26 அன்று லண்டன், க்ரிஸ்டீஸில் நிகழ்ந்த ஒரு ஏலத்தில் ஒரு பார்பி பொம்மை £9,000 ஸ்டெர்லிங்குக்கு (யூஎஸ் $17,000) விற்கப்பட்டு உலக சாதனை படைத்தது. அது 1965வது வருடத்திய நள்ளிரவுச் சிவப்பு பார்பி பொம்மை. அதை விற்ற இரண்டு டச்சுப் பெண்களான இயட்ஜெ ரேபெல் மற்றும் அவரது மகள் மரினா ஆகியோரின் சொந்த சேகரிப்பான 4000 பார்பி பொம்மைகளில் ஒன்றாக இருந்தது.^[45]

அண்மைக் காலத்தில் இத்தகைய சேகரிப்பாளர்களைக் குறி வைத்து அநேக பார்பி பொம்மைகளை மேட்டல் விற்றுள்ளது. போர்சிலைன் பதிப்புக்கள், வைண்டேஜ் மறுபதிப்புக்கள் மற்றும் தி ம்ன்ஸ்டர்ஸ் மற்றும் Star Trek: The Original Series|ஸ்டார் ட்ரெக் போன்ற பல தொலைக் காட்சி தொடர்களின் கதாபாத்திரங்களின் வடிவில் அமைக்கப்பட்ட பார்பி பொம்மைகள் ஆகியவை இதில் அடங்கும்.^[46]^[47] பார்பிக்கு பல்வேறு இனப் பெண்களின் அடையாளம் அளித்து சேகரிப்பாளர்களுக்கென்றே பிரத்யேகமாக வெளியிடப்பட்ட பொம்மைகளும் உண்டு.^[48] 2004வது வருடம் மேட்டல், சேகரிப்பாளர்களின் பார்பி பொம்மைப் பதிப்பாக, கலர் டியர் சிஸ்டம் என்பதை அறிமுகப்படுத்தியது. இந்தப் பொம்மைகள், அவை உற்பத்தி செய்யப்படும் எண்ணிக்கையைப் பொறுத்து பிங்க், சில்வர், தங்கம், மற்றும் ப்ளாட்டினம் ஆகிய பல வண்ணங்களில் அமைந்தன.^[49]

2009 வருடம் மார்ச் பார்பி, பொம்மைகளின் சந்தையில் தனது ஐம்பதாவது ஆண்டு விழாவைக் கொண்டாடினாள். இந்த நிகழ்வைக் குறிப்பதற்காக, 1959வது வருடத்திய ஒரிஜினல் பார்பி பொம்மையின் புதிய மறுபதிப்பை மேட்டல் வெளியிட்டது.

ப்ராட்ஜ் பொம்மைகள் தரும் போட்டி[தொகு]

2001வது வருடம் ஜூன் மாதம் எம்ஜிஏ எண்டர்டெயின்மென்ட் ப்ராட்ஜ் வரிசைப் பொம்மைகளை அறிமுகப்படுத்தியது. நாகரிக பொம்மைகளின் சந்தையில் இதுதான் பார்பிக்கு முதன் முதலாக விளைந்த கடுமையான போட்டி. விற்பனையான பொம்மைகள், அவற்றில் ஆடைகள் மற்றும் உடனான பொருட்கள் ஆகியவற்றின் எண்ணிக்கையின் அடிப்படையில் பார்பிதான் முன்னணியில் உள்ள வர்த்தகக் குறியீடு என்று மேட்டல் நிலை நிறுத்த முயன்றாலும், 2004வது ஆண்டு விற்பனைக் கணக்குகள், ஐக்கிய இராச்சியத்தில் ப்ராட்ஜ் பொம்மைகளின் விற்பனை பார்பி பொம்மைகளின் விற்பனையை மிஞ்சி விட்டது என்பதைச் சுட்டிக் காட்டின.^[50] 2005வது வருடக் கணக்குகளின்படி பார்பி பொம்மைகளின் விற்பனை அமெரிக்க ஐக்கிய நாட்டில் 30 சதமும் மற்றும் உலகெங்கிலும் 18 சதமும் குறைந்து காணப்பட்டது. ப்ராட்ஜ் பொம்மைகள் பிரபலமாகி வருவதே இந்த விற்பனைக் குறைவிற்குக் காரணமாக கூறப்படுகிறது.^[51]

2006வது வருடம் டிசம்பர் மாதம் மேட்டல் எம்ஜிஏ எண்டர்டெயிண்ட்மென்ட் மீது வழக்குத் தொடுத்தது. இதில் ப்ராட்ஜை உருவாக்கியவரான கார்டர் ப்ரையாண்ட் ஃப்ராட்ஜருக்கான யோசனையை உருவாக்கும்பொழுது மேட்டலில் பணி புரிந்து கொண்டிருந்ததாகக் கூறியது.^[52] மேட்டலில் பணிபுரியும் போதுதான் கார்டர் ப்ரையாண்ட் ஃப்ராட்ஜ் வரிசையை உருவாக்கியதாக 2008வது வருடம் ஜூலை 17ம் தேதி ஒரு ஐக்கிய ஜூரிக் குழு ஒப்புக் கொண்டது. மேலும், எம்ஜிஏ அதன் முதன்மை இயக்குனர் அதிகாரியான ஐசக் லாரியன் ஆகிய இருவரும் மேட்டலின் சொத்தை தங்கள் சொந்த உபயோகத்திற்காக மாற்றிக் கொண்டதாகவும், மேட்டலுடன் ப்ரையான் கொண்டிருந்த ஒப்பந்தக் கடமைகளில் அறிந்தே இடையூறு விளைவித்ததற்குப் பொறுப்பென்றும் தீர்ப்புரைத்தது.^[53] இதற்கான நஷ்ட ஈடாக மேட்டல் நிறுவனத்திற்கு $100 மில்லியன் வழங்க வேண்டும் என்று ஆகஸ்ட் 26ம் தேதி ஜூரிகள் உரைத்தனர். 2008ம் வருடம் டிசம்பர் 3 அன்று, அமெரிக்க ஐக்கிய நாட்டின் மாவட்ட நீதிபதி ஸ்டீஃபன் லார்ஸன், ப்ராட்ஜ் பொம்மைகளை விற்பதற்கு எம்ஜிஏவுக்குத் தடை விதித்தார். குளிர்கால விடுமுறைக் காலம் முடியும்வரை அந்தப் பொம்மைகளை விற்பதைத் தொடரலாம் என்று அவர் அந்த நிறுவனத்தை அனுமதித்தார்.^[54]^[55] அந்த நீதி மன்ற உத்திரவை எதிர்த்து தற்போது எம்ஜிஏ மனுத் தொடுத்துள்ளது.^[56] 2009வது வருடம் ஆகஸ்ட், எம்ஜிஏ ப்ராட்ஜ் பொம்மைகளுக்கு மாற்றாக மாக்ஸி கேர்ல்ஸ் என்றழைக்கப்படும் பொம்மை வரிசைகளை அறிமுகப்படுத்தியது.^[57]

மேலும் பார்க்க[தொகு]

பார்பி திரைப்படத் தொடர்கள்
பார்பி சிற்றரசு
பார்பி சின்ட்ரோம்
பிளே ஸ்கேல் மினியேச்சரிஸம்
ப்ராட்ஜ்
Superstar: The Karen Carpenter Story

குறிப்புகள்[தொகு]

↑ "ஃபாரெவர் பார்பி " என்னும் புத்தக ஆசிரியரான எம்.ஜி.லார்டுடன் ஒரு பேட்டியில், அந்த பொம்மையை ஸ்விட்ஜர்லாந்தின், லுகரென்னில் கண்டதாக ருத் ஹேண்ட்லர் கூறினார். இருப்பினும், அதைத் தாம் ஜூரிச் அல்லது வியன்னாவில் கண்டதாக மற்ற சமயங்களில் ஹேண்ட்லர் கூறியதாக அந்தப் புத்தகம் சுட்டிக் காட்டுகிறது.
↑ பிபிசி நியூஸ் | வணிகம் | வைண்டேஜ் பார்பி தன் உடமைகளை கர்வத்துடன் வெளிக்காட்டுகிறாள்.
↑ "ப்ளேஸ்கேல் பர் அபௌட்.காம்"
↑ ஹெச்டிடிபி://டபிள்யூடபிள்யூடபிள்யூ.குட்பைமேக்.காம்/ஏபியார்02/ஹேண்ட்லர்.ஹெச்டிஎம்எல்^{[தொடர்பிழந்த இணைப்பு]}
↑ ஹூ மேட் அமெரிக்கா? | இன்னொவேட்டர்ஸ் | ருத் ஹேண்ட்லர்
↑ Lawrence, Cynthia; Bette Lou Maybee (1962). Here's Barbie. Random House. இணையக் கணினி நூலக மையம்:15038159.
↑ Biederman, Marcia (September 20, 1999). "Generation Next: A newly youthful Barbie takes Manhattan.". New York. http://nymag.com/nymetro/urban/family/features/2033/. பார்த்த நாள்: 2009-06-04.
↑ பிபிசி நியூஸ் | உலகம் | அமெரிக்காக்கள் | பார்பி மற்றும் கென்னுக்கான அதி உணர்வு
↑ சிஎன்என்.காம் - கண்டறியப்பட்ட கென், பார்பியை மீண்டும் வென்றடைய முயற்சி - ஃபிப் 10, 2006
↑ "பார்பியின் ரகசியம்". Archived from the original on 2008-03-02. பார்க்கப்பட்ட நாள் 2009-12-21.
↑ "பார்பி நிஜமான ஒரு பெண்ணாக இருந்தால் அவளுடைய அளவுகள் என்னவாக இருக்கும்? -யாஹூ! பதில்கள்". Archived from the original on 2008-05-14. பார்க்கப்பட்ட நாள் 2009-12-21.
↑ . எம்.ஜி.லார்ட், ஃபாரெவர் பார்பி , அத்தியாயம் 11 ஐஎஸ்பிஎன் 0802776949
↑ பிபிசி நியூஸ் | வணிகம் | பார்பிக்கு பிளாஸ்டிக் அறுவை சிகிச்சை
↑ நிஜ வாழ்வில் பார்பி எப்படித் தோற்றமளிப்பாள்?
↑ கம்பெனி நியூஸ்: தவறு செய்துவிட்டதாக மேட்டல் கூற்று; பதின்வயது பார்பி கணக்கில் மௌனம் - நியூ யார் டைம்ஸ்
↑ "60களின் ஆப்பிரிக்க அமெரிக்க நவ நாகரிக பொம்மைகள்". Archived from the original on 2011-08-22. பார்க்கப்பட்ட நாள் 2009-12-21.
↑ "க்ரிஸ்டியின் முகங்கள்". Archived from the original on 2011-07-20. பார்க்கப்பட்ட நாள் 2009-12-21.
↑ "Mattel introduces black Barbies, to mixed reviews". Fox News. 2009-10-09. பார்க்கப்பட்ட நாள் 2009-10-18.
↑ ஹெச்டிடிபி:// டபிள்யூடபிள்யூடபிள்யூ.ஆதெண்டிக்ஹிஸ்டரி.காம்/ டைவர்சிடி/ஆஃப்ரிகன்/இமேஜஸ்/2001_ஒரியோ_பார்பி.ஹெச்டிஎம்எல்
↑ பார்பியின் முடமாகிப் போன நண்பனால் பொருந்த முடியாது
↑ ஹெச்டிடிபி://கேலரி.பிசென்ட்ரல்.காம்/ஜியைடி4729088பி1681774-கலெக்டிபிள்ஸ்/பார்பி/ஷேர்-எ-ஸ்மைல்-பெக்கி.ஏஎஸ்பிஎக்ஸ்^{[தொடர்பிழந்த இணைப்பு]}
↑ அந்த பார்பியை முத்தமிடு! ஏன், நச்சுப் பொருள் கொண்ட பார்பி என்று ஒன்றும் இல்லை
↑ மலிபு பார்பி, ஹாலிடே பார்பி ... நச்சுப் பொருள் பார்பியா?
↑ ""யூத" பார்பி பொம்மைகளுக்கு சௌதி அரேபியாவில் கடும் கண்டனம்". Archived from the original on 2011-05-25. பார்க்கப்பட்ட நாள் 2009-12-21.
↑ அல்-அஹ்ரம் வாராந்தரி | வாழ்பவை |மேலே செல், பார்பி
↑ பிபிசி நியூஸ் | மத்திய கிழக்கு | 'வெட்கம்கெட்ட" பார்பியை முஸ்லிம் பொம்மைகள் சமாளிக்கின்றன
↑ அமி ஒயின்ஹவுஸ் போன்ற பெரும் பிரபலங்களைப் போல் நடிக்க பார்பிக்கு அதன் தயாரிப்பாளர்களால் பச்சை குத்தப்பட்டது
↑ பிபிசி நியூஸ் | இங்கிலாந்து | சாமர்செட் | பார்பி பொம்மைகள் "வெறுப்புக்கான" குறியீடாகின்றன.
↑ "செய்தி அறிக்கை - 19 டிசம்பர் 2005 யூனிவர்சிடி ஆஃப் பாத்". Archived from the original on 2011-06-04. பார்க்கப்பட்ட நாள் 2009-12-21.
↑ பிபிசி நியூஸ் | உலகம் | அமெரிக்காஸ் | பிம்போ பிம்பப் போராட்டத்தில் பார்பி தோல்வி
↑ "அக்வா பார்பிப் பெண் பாடல்கள்". Archived from the original on 2011-06-29. பார்க்கப்பட்ட நாள் 2009-12-21.
↑ தொலைக் காட்சி விளம்பர வணிகம் தொடர்பாக நிஸான் மீது மேட்டல் வழக்கு
↑ அக்வாவுக்குப் பிறகு, கார் விளம்பரத்தைத் துரத்தும் மேட்டல் எம்டிவி.காம் செப்டம்பர் 24, 1997
↑ போராட்டக் களத்தில் பார்பி: காப்புரிமைகள் மோதும்போது பரணிடப்பட்டது 2012-10-21 at the வந்தவழி இயந்திரம் பீட்டர் ஹார்ட்லௌப்,, தி லாஸ் ஏஞ்சல்ஸ் டெய்லி நியூஸ், மே 31, 1998. ஜூலை , 2009 அணுகப்பெற்றது.
↑ பார்பி / கேங்கஸ்டா-பார்பி.ஜேபிஜி
↑ பார்பி விடுதலை
↑ பார்பி கடினமாகப் பேசும்போது, ஜி.ஐ.ஜோ ஷாப்பிங் போகிறான் - நியூயார்க் டைமஸ்
↑ பார்பி-இன்-எ-ப்ளென்டர் கலைஞருக்கு $1.8 மில்லியன் வழங்குதல் | அவுட்-லா.காம்
↑ நேஷனல் பார்பி-இன்-எ-ப்ளெண்டர் டே!
↑ ஹெச்டிடிபி://டபிள்யூடபிள்யூடபிள்யூ.ஆல்டர்ட்பார்பி.காம்/பிடிஎஃப்/மேட்டல்ஃபீஸ்கேஸ்.பிடிஎஃப்^{[தொடர்பிழந்த இணைப்பு]}
↑ தி ஸ்காட்ஸ்மேன்
↑ "பார்பிகளோ செய்தியில் ஷாப்பிங் செய்கின்றன". Archived from the original on 2009-06-11. பார்க்கப்பட்ட நாள் 2009-12-21.
↑ "'பார்பி'க்கான வர்த்தகக் குறியீட்டுப் போரில் மேட்டல் தோல்வி". Archived from the original on 2012-02-19. பார்க்கப்பட்ட நாள் 2021-08-11.
↑ புத்தம் புதுச் செய்தி - சேகரிப்பது என்னும் மாயம் உயிருடன் வரும்போது! - 1959 ப்ளாண்ட் போனிடெயில் பார்பிக்கு $3,000க்கு மேல் வசூல்!
↑ ஹெச்டிடிபி://ஏயு.நியூஸ்.யாஹு.காம்./060926/15/10ஓஎஸ்வி.ஹெச்டிஎம்எல்^{[தொடர்பிழந்த இணைப்பு]}
↑ பார்பிகலெக்டர்.காம்- பார்பி சேகரிப்பாளர்களுக்கான அதிகாரப்பூர்வமான மேட்டல் வலைத்தளத்திற்கு நல்வரவு
↑ பார்பிகலெக்டர்.காம்- பார்பி சேகரிப்பாளர்களுக்கான அதிகாரப்பூர்வமான மேட்டல் வலைத்தளத்திற்கு நல்வரவு
↑ பார்பிகலெக்டர்.காம்- பார்பி சேகரிப்பாளர்களுக்கான அதிகாரப்பூர்வமான மேட்டல் வலைத்தளத்திற்கு நல்வரவு
↑ [1] பார்பிகலெக்டர்.காம்- பார்பி சேகரிப்பாளர்களுக்கான அதிகாரப்பூர்வமான மேட்டல் வலைத்தளத்திற்கு நல்வரவு /1}
↑ பிபிசி நியூஸ் | வணிகம் | ப்ராட்ஜ், முதல் இடத்திலிருந்து பார்பியைக் குப்புறத் தள்ளியது
↑ பிபிசி நியூஸ் | வணிகம் | பொம்மை-உற்பத்தியாளர் மேட்டலுக்கு பார்பி ப்ளுஸ்
↑ Goddard, Jacqui (December 11, 2006). "Barbie takes on the Bratz for $500m". த டெயிலி டெலிகிராப் இம் மூலத்தில் இருந்து 2008-02-24 அன்று. பரணிடப்பட்டது.. https://web.archive.org/web/20080224012657/http://www.telegraph.co.uk/news/main.jhtml?xml=%2Fnews%2F2006%2F12%2F10%2Fwdoll10.xml. பார்த்த நாள்: 2008-12-07.
↑ "Jury rules for Mattel in Bratz doll case". த நியூயார்க் டைம்ஸ். July 18, 2008. http://www.nytimes.com/2008/07/18/business/18toy.html?_r=1&ref=business&oref=slogin. பார்த்த நாள்: 2008-12-07.
↑ "Barbie beats back Bratz". CNN Money. December 4, 2008. http://money.cnn.com/2008/12/04/news/companies/bratz_dolls.ap/index.htm?postversion=2008120406. பார்த்த நாள்: 2008-12-07.
↑ Colker, David (December 4, 2008). "Bad day for the Bratz in L.A. court". Los Angeles Times. http://latimesblogs.latimes.com/lanow/2008/12/bad-day-for-the.html. பார்த்த நாள்: 2008-12-07.
↑ Smith, Joyce (December 4, 2008). "Buy your Bratz dolls while you still can". The Kansas City Star. http://economy.kansascity.com/?q=node/422. பார்த்த நாள்: 2008-12-07.
↑ Anderson, Mae (August 3, 2009). "Bratz maker introduces new doll line". அசோசியேட்டட் பிரெசு இம் மூலத்தில் இருந்து 2009-08-04 அன்று. பரணிடப்பட்டது.. https://web.archive.org/web/20090804205321/http://www.newsday.com/bratz-maker-introduces-new-doll-line-1.1343720. பார்த்த நாள்: 2009-10-29.

மேலும் படிப்பதற்கு[தொகு]

Gerber, Robin (2009). Barbie and Ruth: The Story of the World's Most Famous Doll and the Woman Who Created Her. Collins Business. பன்னாட்டுத் தரப்புத்தக எண்:978-0-06-134131-1. https://archive.org/details/barbieruthstoryo0000gerb.
நாக், சைல்க், "50&60களின் ஜெர்மன் நவ நாகரிக பொம்மைகள்". பேப்பர்பேக்.டபிள்யூடபிள்யூடபிள்யூ.பார்பீஸ்.டெ.
Lord, M. G. (2004). Forever Barbie: the unauthorized biography of a real doll. New York: Walker & Co.. பன்னாட்டுத் தரப்புத்தக எண்:978-0-8027-7694-5.
Plumb, Suzie, தொகுப்பாசிரியர் (2005). Guys 'n' Dolls: Art, Science, Fashion and Relationships. Royal Pavilion, Art Gallery & Museums. பன்னாட்டுத் தரப்புத்தக எண்:0-948723-57-2.
Rogers, Mary Ann (1999). Barbie culture. London: SAGE Publications. பன்னாட்டுத் தரப்புத்தக எண்:0-7619-5888-6. https://archive.org/details/barbieculture00roge.
Singleton, Bridget (2000). The art of Barbie. London: Vision On. பன்னாட்டுத் தரப்புத்தக எண்:0-9537479-2-1.

வெளி இணைப்புகள்[தொகு]

மேட்டலு க்குச் சொந்தமான அதிகாரபூர்வமான பார்பி வலைத்தளம்
மேட்டலு க்குச் சொந்தமான அதிகாரபூர்வமான பார்பி சேகரிப்பாளர் வலைத்தளம்
செயிண்ட் பீட்டர்ஸ்பர்க் டைம்ஸ் ஃப்ளோரிடான்: "ஏறத்தாழ - எல்லாமே கொண்டுள்ள ஒரு பொம்மை", சுசான் டெய்லர் மார்டின் எழுதிய "முஸ்லிம் பார்பி" பற்றிய ஒரு கட்டுரை.
யூஎஸ்ஏ டுடே: "எப்போதுமே வாழ்ந்திருக்காத, செல்வாக்கு மிகுந்த 101 நபர்களின் பட்டியலில் பார்பிக்கு 43வது இடம்
தி டெலிகிராஃப்: பொம்மையின் சக்தி: தன் ஐம்பதாவது ஆண்டு நிறைவையும் மற்றும் பொம்மை உலகின் அதிகாரத்தையும் பார்பி கொண்டாடுகிறது.
என்பிஆர் ஆடியோ ரிபோர்ட்: மிக அழகான பிளாஸ்டிக் பார்பி: நாம் எப்போதுமே அவளாக நினைப்பது
மே.வ.வில் சட்ட ஆணையாளர்கள் பார்பியைத் தடை செய்ய விருப்பம்; உள்ளுர் மக்களின் உடனடி பதில் பரணிடப்பட்டது 2014-02-27 at the வந்தவழி இயந்திரம், மார்ச் 3,2009

வார்ப்புரு:Barbie movies

[1] "ஃபாரெவர் பார்பி " என்னும் புத்தக ஆசிரியரான எம்.ஜி.லார்டுடன் ஒரு பேட்டியில், அந்த பொம்மையை ஸ்விட்ஜர்லாந்தின், லுகரென்னில் கண்டதாக ருத் ஹேண்ட்லர் கூறினார். இருப்பினும், அதைத் தாம் ஜூரிச் அல்லது வியன்னாவில் கண்டதாக மற்ற சமயங்களில் ஹேண்ட்லர் கூறியதாக அந்தப் புத்தகம் சுட்டிக் காட்டுகிறது.

[2] பிபிசி நியூஸ் | வணிகம் | வைண்டேஜ் பார்பி தன் உடமைகளை கர்வத்துடன் வெளிக்காட்டுகிறாள்.

[3] "ப்ளேஸ்கேல் பர் அபௌட்.காம்"

[4] ஹெச்டிடிபி://டபிள்யூடபிள்யூடபிள்யூ.குட்பைமேக்.காம்/ஏபியார்02/ஹேண்ட்லர்.ஹெச்டிஎம்எல்^{[தொடர்பிழந்த இணைப்பு]}

[5] ஹூ மேட் அமெரிக்கா? | இன்னொவேட்டர்ஸ் | ருத் ஹேண்ட்லர்

[6] Lawrence, Cynthia; Bette Lou Maybee (1962). Here's Barbie. Random House. இணையக் கணினி நூலக மையம்:15038159.

[7] Biederman, Marcia (September 20, 1999). "Generation Next: A newly youthful Barbie takes Manhattan.". New York. http://nymag.com/nymetro/urban/family/features/2033/. பார்த்த நாள்: 2009-06-04.

[8] பிபிசி நியூஸ் | உலகம் | அமெரிக்காக்கள் | பார்பி மற்றும் கென்னுக்கான அதி உணர்வு

[9] சிஎன்என்.காம் - கண்டறியப்பட்ட கென், பார்பியை மீண்டும் வென்றடைய முயற்சி - ஃபிப் 10, 2006

[10] "பார்பியின் ரகசியம்". Archived from the original on 2008-03-02. பார்க்கப்பட்ட நாள் 2009-12-21.

[11] "பார்பி நிஜமான ஒரு பெண்ணாக இருந்தால் அவளுடைய அளவுகள் என்னவாக இருக்கும்? -யாஹூ! பதில்கள்". Archived from the original on 2008-05-14. பார்க்கப்பட்ட நாள் 2009-12-21.

[12] . எம்.ஜி.லார்ட், ஃபாரெவர் பார்பி , அத்தியாயம் 11 ஐஎஸ்பிஎன் 0802776949

[13] பிபிசி நியூஸ் | வணிகம் | பார்பிக்கு பிளாஸ்டிக் அறுவை சிகிச்சை

[14] நிஜ வாழ்வில் பார்பி எப்படித் தோற்றமளிப்பாள்?

[15] கம்பெனி நியூஸ்: தவறு செய்துவிட்டதாக மேட்டல் கூற்று; பதின்வயது பார்பி கணக்கில் மௌனம் - நியூ யார் டைம்ஸ்

[16] "60களின் ஆப்பிரிக்க அமெரிக்க நவ நாகரிக பொம்மைகள்". Archived from the original on 2011-08-22. பார்க்கப்பட்ட நாள் 2009-12-21.

[17] "க்ரிஸ்டியின் முகங்கள்". Archived from the original on 2011-07-20. பார்க்கப்பட்ட நாள் 2009-12-21.

[18] "Mattel introduces black Barbies, to mixed reviews". Fox News. 2009-10-09. பார்க்கப்பட்ட நாள் 2009-10-18.

[19] ஹெச்டிடிபி:// டபிள்யூடபிள்யூடபிள்யூ.ஆதெண்டிக்ஹிஸ்டரி.காம்/ டைவர்சிடி/ஆஃப்ரிகன்/இமேஜஸ்/2001_ஒரியோ_பார்பி.ஹெச்டிஎம்எல்

[20] பார்பியின் முடமாகிப் போன நண்பனால் பொருந்த முடியாது

[21] ஹெச்டிடிபி://கேலரி.பிசென்ட்ரல்.காம்/ஜியைடி4729088பி1681774-கலெக்டிபிள்ஸ்/பார்பி/ஷேர்-எ-ஸ்மைல்-பெக்கி.ஏஎஸ்பிஎக்ஸ்^{[தொடர்பிழந்த இணைப்பு]}

[22] அந்த பார்பியை முத்தமிடு! ஏன், நச்சுப் பொருள் கொண்ட பார்பி என்று ஒன்றும் இல்லை

[23] மலிபு பார்பி, ஹாலிடே பார்பி ... நச்சுப் பொருள் பார்பியா?

[24] ""யூத" பார்பி பொம்மைகளுக்கு சௌதி அரேபியாவில் கடும் கண்டனம்". Archived from the original on 2011-05-25. பார்க்கப்பட்ட நாள் 2009-12-21.

[25] அல்-அஹ்ரம் வாராந்தரி | வாழ்பவை |மேலே செல், பார்பி

[26] பிபிசி நியூஸ் | மத்திய கிழக்கு | 'வெட்கம்கெட்ட" பார்பியை முஸ்லிம் பொம்மைகள் சமாளிக்கின்றன

[27] அமி ஒயின்ஹவுஸ் போன்ற பெரும் பிரபலங்களைப் போல் நடிக்க பார்பிக்கு அதன் தயாரிப்பாளர்களால் பச்சை குத்தப்பட்டது

[28] பிபிசி நியூஸ் | இங்கிலாந்து | சாமர்செட் | பார்பி பொம்மைகள் "வெறுப்புக்கான" குறியீடாகின்றன.

[29] "செய்தி அறிக்கை - 19 டிசம்பர் 2005 யூனிவர்சிடி ஆஃப் பாத்". Archived from the original on 2011-06-04. பார்க்கப்பட்ட நாள் 2009-12-21.

[30] பிபிசி நியூஸ் | உலகம் | அமெரிக்காஸ் | பிம்போ பிம்பப் போராட்டத்தில் பார்பி தோல்வி

[31] "அக்வா பார்பிப் பெண் பாடல்கள்". Archived from the original on 2011-06-29. பார்க்கப்பட்ட நாள் 2009-12-21.

[32] தொலைக் காட்சி விளம்பர வணிகம் தொடர்பாக நிஸான் மீது மேட்டல் வழக்கு

[33] அக்வாவுக்குப் பிறகு, கார் விளம்பரத்தைத் துரத்தும் மேட்டல் எம்டிவி.காம் செப்டம்பர் 24, 1997

[34] போராட்டக் களத்தில் பார்பி: காப்புரிமைகள் மோதும்போது பரணிடப்பட்டது 2012-10-21 at the வந்தவழி இயந்திரம் பீட்டர் ஹார்ட்லௌப்,, தி லாஸ் ஏஞ்சல்ஸ் டெய்லி நியூஸ், மே 31, 1998. ஜூலை , 2009 அணுகப்பெற்றது.

[35] பார்பி / கேங்கஸ்டா-பார்பி.ஜேபிஜி

[36] பார்பி விடுதலை

[37] பார்பி கடினமாகப் பேசும்போது, ஜி.ஐ.ஜோ ஷாப்பிங் போகிறான் - நியூயார்க் டைமஸ்

[38] பார்பி-இன்-எ-ப்ளென்டர் கலைஞருக்கு $1.8 மில்லியன் வழங்குதல் | அவுட்-லா.காம்

[39] நேஷனல் பார்பி-இன்-எ-ப்ளெண்டர் டே!

[40] ஹெச்டிடிபி://டபிள்யூடபிள்யூடபிள்யூ.ஆல்டர்ட்பார்பி.காம்/பிடிஎஃப்/மேட்டல்ஃபீஸ்கேஸ்.பிடிஎஃப்^{[தொடர்பிழந்த இணைப்பு]}

[41] தி ஸ்காட்ஸ்மேன்

[42] "பார்பிகளோ செய்தியில் ஷாப்பிங் செய்கின்றன". Archived from the original on 2009-06-11. பார்க்கப்பட்ட நாள் 2009-12-21.

[43] "'பார்பி'க்கான வர்த்தகக் குறியீட்டுப் போரில் மேட்டல் தோல்வி". Archived from the original on 2012-02-19. பார்க்கப்பட்ட நாள் 2021-08-11.

[44] புத்தம் புதுச் செய்தி - சேகரிப்பது என்னும் மாயம் உயிருடன் வரும்போது! - 1959 ப்ளாண்ட் போனிடெயில் பார்பிக்கு $3,000க்கு மேல் வசூல்!

[45] ஹெச்டிடிபி://ஏயு.நியூஸ்.யாஹு.காம்./060926/15/10ஓஎஸ்வி.ஹெச்டிஎம்எல்^{[தொடர்பிழந்த இணைப்பு]}

[46] பார்பிகலெக்டர்.காம்- பார்பி சேகரிப்பாளர்களுக்கான அதிகாரப்பூர்வமான மேட்டல் வலைத்தளத்திற்கு நல்வரவு

[47] பார்பிகலெக்டர்.காம்- பார்பி சேகரிப்பாளர்களுக்கான அதிகாரப்பூர்வமான மேட்டல் வலைத்தளத்திற்கு நல்வரவு

[48] பார்பிகலெக்டர்.காம்- பார்பி சேகரிப்பாளர்களுக்கான அதிகாரப்பூர்வமான மேட்டல் வலைத்தளத்திற்கு நல்வரவு

[49] [1] பார்பிகலெக்டர்.காம்- பார்பி சேகரிப்பாளர்களுக்கான அதிகாரப்பூர்வமான மேட்டல் வலைத்தளத்திற்கு நல்வரவு /1}

[50] பிபிசி நியூஸ் | வணிகம் | ப்ராட்ஜ், முதல் இடத்திலிருந்து பார்பியைக் குப்புறத் தள்ளியது

[51] பிபிசி நியூஸ் | வணிகம் | பொம்மை-உற்பத்தியாளர் மேட்டலுக்கு பார்பி ப்ளுஸ்

[52] Goddard, Jacqui (December 11, 2006). "Barbie takes on the Bratz for $500m". த டெயிலி டெலிகிராப் இம் மூலத்தில் இருந்து 2008-02-24 அன்று. பரணிடப்பட்டது.. https://web.archive.org/web/20080224012657/http://www.telegraph.co.uk/news/main.jhtml?xml=%2Fnews%2F2006%2F12%2F10%2Fwdoll10.xml. பார்த்த நாள்: 2008-12-07.

[53] "Jury rules for Mattel in Bratz doll case". த நியூயார்க் டைம்ஸ். July 18, 2008. http://www.nytimes.com/2008/07/18/business/18toy.html?_r=1&ref=business&oref=slogin. பார்த்த நாள்: 2008-12-07.

[54] "Barbie beats back Bratz". CNN Money. December 4, 2008. http://money.cnn.com/2008/12/04/news/companies/bratz_dolls.ap/index.htm?postversion=2008120406. பார்த்த நாள்: 2008-12-07.

[55] Colker, David (December 4, 2008). "Bad day for the Bratz in L.A. court". Los Angeles Times. http://latimesblogs.latimes.com/lanow/2008/12/bad-day-for-the.html. பார்த்த நாள்: 2008-12-07.

[56] Smith, Joyce (December 4, 2008). "Buy your Bratz dolls while you still can". The Kansas City Star. http://economy.kansascity.com/?q=node/422. பார்த்த நாள்: 2008-12-07.

[57] Anderson, Mae (August 3, 2009). "Bratz maker introduces new doll line". அசோசியேட்டட் பிரெசு இம் மூலத்தில் இருந்து 2009-08-04 அன்று. பரணிடப்பட்டது.. https://web.archive.org/web/20090804205321/http://www.newsday.com/bratz-maker-introduces-new-doll-line-1.1343720. பார்த்த நாள்: 2009-10-29.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

[40]

[41]

[42]

[43]

[44]

[45]

[46]

[47]

[48]

[49]

[50]

[51]

[52]

[53]

[54]

[55]

[56]

[57]