தர்மவதி

தர்மவதி கருநாடக இசையின் 59வது மேளகர்த்தா இராகமாகும். எப்பொழுதும் பாடக்கூடிய இராகம். அசம்பூர்ண மேளபத்ததியில் இந்த இராகத்திற்கு தாமவதி என்று பெயர்.

இலக்கணம்

தர்மவதி சுரங்கள் C யிலிருந்து தொடக்கம்

ஆரோகணம்:	ஸ ரி2 க2 ம2 ப த2 நி3 ஸ்
அவரோகணம்:	ஸ் நி3 த2 ப ம2 க2 ரி2 ஸ

• "திசி" என்றழைக்கப் படும் 10வது சக்கரத்தில் 5 வது மேளம்.
• இந்த இராகத்தில் ஷட்ஜம், சதுஸ்ருதி ரிஷபம் (ரி₂), சாதாரண காந்தாரம் (க₂), பிரதி மத்திமம் (ம₂), பஞ்சமம், சதுஸ்ருதி தைவதம் (த₂), காகலி நிஷாதம் (நி₃) ஆகிய சுரங்கள் வருகின்றன.

சிறப்பு அம்சங்கள்

• பிரத்தியாகத கமக சஞ்சாரங்களும், தாட்டு சுரப்பிரயோகங்களும் இந்த இராகத்திற்கு அழகைக் கொடுக்கின்றன.
• நிஷாதம் நன்கு தீர்க்கமாகவும், கமகமாகவும் பிடிக்கப்படுகின்றது.
• 23வது மேளமாகிய கௌரிமனோகரியின் நேர் பிரதி மத்திம மேளம் ஆகும்.
• மூர்ச்சனாகாரக மேளம். இதன் ரிஷப, பஞ்சம மூர்ச்சனைகள் முறையே சக்ரவாகம் (16), சரசாங்கி (27) ஆகிய மேளங்களைத் தோற்றுவிக்கும்.

உருப்படிகள்

• கிருதி : ஓடோடி வந்தேன் : ஆதி : அம்புஜம் கிருஷ்ணா.
• கிருதி : பரந்தாமவதீ : ரூபகம் : முத்துசாமி தீட்சிதர்.
• கிருதி : ஒரு நாள் வாழ்வே : மிஸ்ர ஜம்பை : பெரியசாமி தூரன்.
• கிருதி : கந்தா பக்த : மிஸ்ரசாபு : கோடீஸ்வர ஐயர்.
• கிருதி : பஜனசேயராதா : ரூபகம் : மைசூர் வாசுதேவச்சாரியார்.

ஜன்ய இராகங்கள்

தர்மவதியின் ஜன்ய இராகங்கள் கீழ் வருமாறு.

• ரஞ்சனி
• ஹம்சநாதம்
• சாரங்கதரங்கிணி
• கைகவசி
• தௌம்யராகம்
• தீரகுந்தலி
• சுத்தநவநீதம்
• விஜயநாகரி
• லலிதசிம்ஹாரவமு
• சுவர்ணாம்பரி
• மதுவந்தி

திரையிசைப் பாடல்கள்

தர்மவதி இராகத்தில் அமைந்த சில திரையிசைப் பாடல்கள்:

• உனை தினம் எதிர்பார்த்தேன் :- காதலுடன்