பிழை

பிழை
இயக்கம்	இராஜவேல் கிருஷ்ணா
தயாரிப்பு	ஆர். தாமோதரன்
இசை	எப். எஸ். பைசல்
நடிப்பு	ரமேஷ் அப்பா நசாத் கோகுல்
ஒளிப்பதிவு	பாக்கி
படத்தொகுப்பு	இராம் கோபால்
கலையகம்	டர்னிங் பாயின்ட் புரொக்டன்ஷன்ஸ்
வெளியீடு	3 சனவரி 2020 (2020-01-03)
ஓட்டம்	115 நிமிடங்கள்
நாடு	இந்தியா
மொழி	தமிழ்

பிழை (Pizhai) என்பது ராஜவேல் கிருஷ்ணாவின் அறிமுக இயக்கத்தில் 2020ஆம் ஆண்டு வெளியான தமிழ் மொழி திரைப்படமாகும். இந்த படத்தில் ரமேஷ், அப்பா நசாத், புதுமுகம் கோகுல் ஆகியோர் முக்கிய கதாபாத்திரங்களில் நடித்துள்ளனர்.

கதைச் சுருக்கம்

பாடம் படிக்க விரும்பாத மூன்று சிறுவர்கள் தங்கள் வீடுகளை விட்டு ஓடிவிடுவது பற்றிய படம். வெளி உலகில் அவர்களின் அனுபவங்கள் அவர்களின் தவறுகளை உணர்த்துகின்றன. ஒரு மனிதன் அவர்களை அணுகி வேலை செய்யச் சொல்கிறான். அவர்கள் தவறாக நடத்தப்படுவதாக கருதுகிறார்கள். தப்பிக்க முயற்சிக்கும்போது, அவர்கள் பிரிந்து விடுகின்றனர். அவர்கள் செல்லும் இடங்களில் எல்லாம் இதே போன்ற துன்பங்களை அனுபவிக்கிறார்கள். இரண்டு சிறுவர்களை காவலர்கள் கண்டுபிடிக்கும் போது மூன்றாவது சிறுவனின் வாழ்க்கை முடிவுற்றதை அறிகிறார்கள்.

நடிப்பு

• வெடியாக ரமேஷ்
• கொடியாக அப்பா நசாத்
• மயிலுவாக கோகுல்
• மயிலுவின் தந்தை சாய்லிங்கமாக சார்லி,
• வெடியின் தந்தை வெள்ளையாக மைம் கோபி
• கொடியின் தந்தையாக ஜார்ஜ் மரியன்
• சரவணனாக கல்லூரி வினோத்
• இளையா
• மனீஷாஜித்
• அபிராமி
• தாராஷினி

தயாரிப்பு

இந்த படத்தில் ரமேஷ், நசாத், கோகுல் ஆகியோர் முக்கிய கதாபாத்திரங்களில் நடித்துள்ளனர். சார்லி, மைம் கோபி, ஜார்ஜ் மரியன் ஆகியோர் தங்கள் குழந்தைகளுக்கு கல்வி கொடுக்க முடியாத பெற்றோர்களாக படத்தில் துணை வேடங்களில் நடித்துள்ளனர். இந்தப் படத்தின் படப்பிடிப்பு சென்னை, கிருஷ்ணகிரி, தர்மபுரி, சித்தூர், திருத்தணியில் நடந்தது. படத்துக்கு எஃப் எஸ் பைசல் இசையமைத்திருந்தார்.

வெளியீடு

தி டைம்ஸ் ஆஃப் இந்தியா ஐந்து நட்சத்திரங்களில் ஒரு நட்சத்திரைத்தை மட்டுமே கொடுத்தது. மேலும், "புதிய காட்சிகளின் பற்றாக்குறையும், தேவையற்ற துணைக் கதைகளின் எண்ணிக்கையும் பார்வையாளர்களிடம் எந்த ஆர்வத்தையும் ஏற்படுத்தாது" என்று கூறியது. தி டெக்கன் குரோனிக்கள் படத்துக்கு ஐந்து நட்சத்திரங்களில் இரண்டரையை கொடுத்து.

வெளி இணைப்புகள்

• இணையதள திரைப்பட தரவுத்தளத்தில் பிழை